~~ أكبر خطأ الواحد يطلع بسيارته !. ~~

[عبدالله الكعكة]

مبارج يوم سيء جدا جدا
طلعت من الدار الساعه 7:15
خرب باص مادبا عند ام العمد
جابو باص مكانه
وصلنا طريق المطار قبل المدارس الامريكية بإتجاه السابع
الطريق هناك مسكرة وزحلايق والشارع قزاز !!
نزلنا على السابع مشان نطلع مع واحد بسيارته للجاردنز
بطلوع الروح وصلنا الجاردنز والمكتب الساعه 12 الظهر !!!

انسى باقي النهار .. بديش احكي

[jamal nashwan]

لازم الحذر من الوضع احنا ناس مش متكيفيين مع هذه
الاجواء.
زهقنا القعده ...... ودنا حل

أبو ابراهيم ،، سلّي حالك .. إشوي كستنة ، إعمل سحلب .. بطاطا حلوه ، إذا عندك صوبة علاء الدين أو فوجيكا Gــحمش عليها خبز مع زعتر وزيت ،، بتمشّي حالك مع هالقعده .

[jamal nashwan]

جماعتنا بعثولنا الشغل بالبريد الألكتروني،، وهيني قاعد بشتغل من منازلهم،، والعطلة شكلها رح تسحب للسبت والله اعلم

داومت اليوم في منابعهم ومش من منازلهم ،،

عنجد ، نكد وقرف لما يتراكم عليك الشغل !.

[مارد85]

عمي ابو العبد جليييييييد اسمه مش صقييييع..
احنا باربد الحمد لله شفنا الثلج والعبنا فيييه ..وذاب من زمان ..اما الحسرة على الزرقا وعمان ..
الاولى نفسها تشوفه والثانية تخلص منه ..
.....
اما هظوووووول اللي بدهمش يشتغلوا ..!!!!!
بقوللهم الحمد لله على السلامة يا gي من السفر ..كصدي يا gي من الدوار السابع..

[jamal nashwan]

مبارج يوم سيء جدا جدا
طلعت من الدار الساعه 7:15
خرب باص مادبا عند ام العمد
جابو باص مكانه
وصلنا طريق المطار قبل المدارس الامريكية بإتجاه السابع
الطريق هناك مسكرة وزحلايق والشارع قزاز !!
نزلنا على السابع مشان نطلع مع واحد بسيارته للجاردنز
بطلوع الروح وصلنا الجاردنز والمكتب الساعه 12 الظهر !!!

انسى باقي النهار .. بديش احكي

عبد الله يا عيني .. بعد اللي صار فيّي اليوم :

~~ أكبر خطأ الواحد ما يطلع بسيارته !. ~~


بعد انتهاء دوام اليوم ومن الساعة 4:30 بعد العصر لغاية الساعة 5:30 وأنا أمشي وأأشّر لتكسيّات ، مشيت من عند جبري في نص الجاردنز لغاية الدوّار الرابع إنُّو تكسي يرظى يوقّفلي حرّومِه !.

قبل نفق الرابع وبعد مستشفى الأردن ، الله بعثلي باص كوستر نقل موظفين خاص بشركة .. الأخ سائق الباص ربنا يجزيه الخير صفّ على أقصى اليمين جنبي بالضبط وفتح الباب ..

- أنا بلّمِت !.
- إطلع شو بتستنّى ؟.
- وأنا مندهش ومحرج !!..
- الزلمه طِلِع جارنا - وأنا ما بعرفُه - بسألني وين رايح ؟.
- قلتلُّه : نزّلني بطريقك بلاش أغلبك ..
- يعني مش مروّح ع الدار ؟.
- وِلّا وين بدّي أروح ؟.
- عرّفني بحالو ، وطِلِع ساكن في الشارع اللي ورانا ..

أخذنا الحكي وحكيتلو شو اللي وصّلني لمطرح ما طلّعني ،، فقال لي بسيطة .. منيح اللي ولا تكسي وقّفلك !. قاعدين بوخذو 10 دنانير عن أي مشوار بين مناطق عمان لعند أذان المغرب ،، وبعد المغرب 20 دينار ع النقله !!!...
إلا من رحم ربك وكان ابن حلال ..

لا حول ولا قوة إلا بالله
اللي عندُه سيارة ،
أكبر خطأ إنُّو ما يطلع بسيّارته !.

والله يكون بعون العباد ..

[مارد85]

هههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههههه هههه
هههههههههههههههههههههههههههههههه
ههههههههههههههههههههههههه
مش قادر استطيع ..حيرت البي معاك ..بسيارة والا بلا سيارة..
بس عنجد قصة حلوة ..لايك

[مارد85]

اول مرة ببين اللي تحت الثلج قبل ما يذوب

[jamal nashwan]

هههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههههه هههه
هههههههههههههههههههههههههههههههه
ههههههههههههههههههههههههه
مش قادر استطيع ..حيرت البي معاك ..بسيارة والا بلا سيارة..
بس عنجد قصة حلوة ..لايك

اول مرة ببين اللي تحت الثلج قبل ما يذوب

مبسوط كثييييييييييير إنتا !.

إن شاء الله بتثلج عندكو في إربد وبوصل الثلج متر ونُص غَلَـG..
" بعدين بحكيلك ليش متر ونُص غَلَـG !!.. " .

وشرط : يا رب تكون مْداوِم وتظلّك محبوس في الدوام ،،
وبدَل خمسة دكيكة تنحبس خمسة شهر !!..

[ام يحيى]

مبسوط كثييييييييييير إنتا !.

إن شاء الله بتثلج عندكو في إربد وبوصل الثلج متر ونُص غَلَـG..
" بعدين بحكيلك ليش متر ونُص غَلَـG !!.. " .

وشرط : يا رب تكون مْداوِم وتظلّك محبوس في الدوام ،،
وبدَل خمسة دكيكة تنحبس خمسة شهر !!..

ههههههههههه
والله يإآ عم خمس دكايك عمللنا موضوع فيه نشعط راسه منه
كيف لو 5 أشهر بعمل منتدى لحاله
ههههههههه

[**بلال**]

يا جماعة الخير اسمعت إنه البحر الميت بطلعوا منه ملح!! صحيح ولا أنا مخربط
ما يطلعولهم كمن قلاب يرشو ملح في شوارع عمان عند الصبح بس هاليومين!!!

الجليد هذا أو الصقيع أو على قولة الأمريكان ال black ice (الثلج الأسود)
لانه ما ببين!!
سببه الرئيسي وجود ماء (الثلج الذائب) مع إنخفاض في درجات الحرارة و هذا غالباً ما يكون في الصباح..
الله يستر الجميع...

[عبدالله الكعكة]

والله هاي الثلجة شعتلتنا
يزلمة هظاك اليوم اخذت تكسي طلب على مادبا من الدوار السابع !!!
اقسم بالله التكاسي انهم بقهرو .. بتترجى فيه مليون ترجاية يطلع وما برضى بوتخوثو وبتشرط بالمبلغ إلي بدو إياه وين ما بدو ينزلك اذا بدوش يدخل بشارع هو حر
اقسم بالله يا ابو احمد هداك اليوم ايدي نشفت من البرد وانا بستنى تكسي تقريبا ساعه وانا رافعها لكل السيارات سواء تكسي او باص او سيارة خاصة يطلع طلب بالجاردنز .. واخر شي بطلوع الروح توقف تكسي والشيخ بحكيلي بفوتش شارع الرينبو .. بنزلك على الاول .. نزلني واخذتها مشي

[الذيب©]

كلام سليم .. والدليل
النشوان وصل للصالة على طريق الزركا إمبارح آآآآآآآآآآآآآآآآآآآآآآآآآآآخر الحفلة

بسبب تراكم الثلوج على جسر ماركا.. وتحت نفق أبو صياح
وكان لابس جزمة كاوشوك ... من يلي ابتعمل بالمي واك واك

العاب بنات

[الذيب©]

مبسوط كثييييييييييير إنتا !.

إن شاء الله بتثلج عندكو في إربد وبوصل الثلج متر ونُص غَلَـG..
" بعدين بحكيلك ليش متر ونُص غَلَـG !!.. " .

وشرط : يا رب تكون مْداوِم وتظلّك محبوس في الدوام ،،
وبدَل خمسة دكيكة تنحبس خمسة شهر !!..

اللهم آمين ... مجرد شماته فقط

[الذيب©]

حمدلله على سلامتك يا طيب القلب

فعلا جمال ولا أطيب من قلبه.

[باسل بدير]

عمي ابو العبد جليييييييد اسمه مش صقييييع..
احنا باربد الحمد لله شفنا الثلج والعبنا فيييه ..وذاب من زمان ..اما الحسرة على الزرقا وعمان ..
الاولى نفسها تشوفه والثانية تخلص منه ..
.....
اما هظوووووول اللي بدهمش يشتغلوا ..!!!!!
بقوللهم الحمد لله على السلامة يا gي من السفر ..كصدي يا gي من الدوار السابع..

مبسوط على حالك !! شفنا الثلج والعبنا فيه

العب يابه العب ومثل ما قال جمال النشوان ان شاء الله بتجيبكم ثلجه متر ونص وتنحشر بالشغل 3 ايام وتوخذ اجازه 10 ايام ولما ترجع عالبيت تقطع الكهربا 3 ايام ولما ترجع الكهربا ينقطع النت 3 ايام ولما يرجع النت يخرب الكمبيوتر 3 ايام وتروح بآخر يوم بالإجازه تجيب الكميوتر من التصليح تلاقي المحل مسكر وصاحب المحل نازل عالعقبه ومش راجع الا بعد اسبوع وتروح عالشغل بعد هالاجازه اللي مش اجازه ترجع تثلج وتنحشر بالشغل اسبوعين وهي مسكره