فطور يوم الجمعة،،،

[ابو عمار الجنيدي]

وكنا نكيف لما يكون عنا ضيوف جايين من الضفه تطلع ألسفره غير شكل
جبنه بيضه وجبنه كرفت وبيض عجه وبيض عيون ومقدوس ومخلل
بس أزكى اشي اذا الحجه عملت قراس بيض وهيب تخبز على فرن ابو دان وابو حجر
طبعا خبز زمان اله نكهه وطعم والرغيف بكفي خمسه مش مثل خبز اليوم الخمس ترغفه ما بكفوا طفل
ايام العز ما إحلاها

[قاسم ابو فاره]

وانا كمان بما اني حرة.طليقة
فطور الجمعة مميز
اما مناقيش اذا اخوي وولاد واختي وبنتها هون فبيكون مناقيش الزعتر حاضرة بقوة
اذا كنا بس عزابين بيكون فطورنا بالعادة حمص ،فلافل،فول،قلاية بندورة"انا بموت عليها"،عجة
وطبعآ بريق شاي اصفر ححم عائلي كبير لانه ما شاء الله محششين شاي

هذا اللي بتحكي فيه يا ام يحيى بدو خبز طابون،، خصوصا قلاية البندورة،،
صحتين وعافية ان شاء الله،،،

[ابو عدي]

بتعرفوا اني صارلي زمان عايش !!! لأني ناسي شكل الفطور زمان؟؟؟؟ بس بتذكر اني كنت أروح أجيب الفول والحمص من عند ابو جبريل ... هذا الخراف بالسبعينات طبعاً

حاليا فطور الجمعة (بنحاول) نقعد ع سفرة سوى والسبب التزامات الاولاد ... التوأم حمزة بيكون عنده تمرين بنادي شباب الاردن وابراهيم بمادبا ... محمد حصص توجيهي حتى يوم الجمعة الكبار تزوجو ... انا بصحى بدري وعلى القهوة بتسد نفسي ....... أكذب يعني وأقولكم بنلتم ومش عارف شو؟ لا هيك الواقع

[jamal nashwan]

يا اخوان احنا ناسيين واحد برجوازي ...من اكلي اللحوم ذوي الانياب والمخااااااااااااالب ..
ما بووووووكل الا معاليييييييييق ...يوم الجمعة ..
وقع وما سما على حاله ...وبعدين صاير يبخل علينا بدخوله لهون ..

حكيت معو قبل شوي،، وقع التلفون من جيبتو وهو بيشطف بالدرج،،

والله الأيام هاي كل إشي واقع عندي يا آآآآآسم !.

أما المعاليق يا توفيق ،، فهذي ممارسه وتعويد ، وعادات وتقاليد ..
من أيام اللولو فطور الجمعة كان هالشكل وقت ما كان المعلاق بنص نيرة " ملحفه " ..
وكنّا نعمل جنبُه حُرَّاق أُصبعُه .

[جهاد علي]

يا زلمه انت بتكش مناكيش ما بعرف من وين بتجيبها , بتغيب ,, بتغيب
وبتطلع بموضوع بترجعنا 30 سنه لورى وناس بترجعها 50 سنه حسب السن طبعا
امممممممم خليني اتذكر شو كان فطور الصبح يوم الجمعه >= 33 years

كان كالعادة حمص وفلافل وفول طبعا مغرق بزيت الزيتون ,ما في اشي اسمه بخل
حبة الفلافل بتشبع طفل مش مثل اليوم بدون زيت زيتون وحبة الفلافل قد عين الصوص
كانت الحجة الله يرحمها ويرحم اموات المسلمين بتقوم من الساعه خمسه وبعد ما تصلي
الفجر تقطع بالعجين وتحمي بالفرن على شان تبلش تخبز , ومش مثل نسوان اليوم الصحيان
عندهن الظهر والخبز جاهز من المخبز كان في اشي اسمه طابون زمان وفي اشي اسمه فرن
يمكن هسه انقرضت هذه الشغلات وما ظل منها
كان في اشي اسمه بابور على الرغم من وجود الغاز ابو ثلاث عيون كانت الحجه بتقلي عليه
قلايات البندورة والبطاطا والكوسا والباذنجان اشي ولا اشهى ولا اطيب بتوكل بنفس وبتضحك
بنفس وبتلعب بنفس , هذه مقتطفات بس الحقيقة والواقع كان اجمل من الحكي .



قول للزمان ارجع يا زمان

[قاسم ابو فاره]

بتعرفوا اني صارلي زمان عايش !!! لأني ناسي شكل الفطور زمان؟؟؟؟ بس بتذكر اني كنت أروح أجيب الفول والحمص من عند ابو جبريل ... هذا الخراف بالسبعينات طبعاً

حاليا فطور الجمعة (بنحاول) نقعد ع سفرة سوى والسبب التزامات الاولاد ... التوأم حمزة بيكون عنده تمرين بنادي شباب الاردن وابراهيم بمادبا ... محمد حصص توجيهي حتى يوم الجمعة الكبار تزوجو ... انا بصحى بدري وعلى القهوة بتسد نفسي ....... أكذب يعني وأقولكم بنلتم ومش عارف شو؟ لا هيك الواقع

طيب إرجعلي يا قبطان بالذاكرة لسنة 1981 أيام مدرسة معاوية،، ما كنتو تطلعو تفطروا عند أبو أكرم مثلا؟؟

[قاسم ابو فاره]

والله الأيام هاي كل إشي واقع عندي يا آآآآآسم !.

أما المعاليق يا توفيق ،، فهذي ممارسه وتعويد ، وعادات وتقاليد ..
من أيام اللولو فطور الجمعة كان هالشكل وقت ما كان المعلاق بنص نيرة " ملحفه " ..
وكنّا نعمل جنبُه حُرَّاق أُصبعُه .

ويبقى الأسد أسدا في كل شيء،، حتى في محافظته على عاداته القديمة،،
معلش سامحني عشان أفشيت سر التلفون،،

[قاسم ابو فاره]

يا زلمه انت بتكش مناكيش ما بعرف من وين بتجيبها , بتغيب ,, بتغيب
وبتطلع بموضوع بترجعنا 30 سنه لورى وناس بترجعها 50 سنه حسب السن طبعا
امممممممم خليني اتذكر شو كان فطور الصبح يوم الجمعه >= 33 years

كان كالعادة حمص وفلافل وفول طبعا مغرق بزيت الزيتون ,ما في اشي اسمه بخل
حبة الفلافل بتشبع طفل مش مثل اليوم بدون زيت زيتون وحبة الفلافل قد عين الصوص
كانت الحجة الله يرحمها ويرحم اموات المسلمين بتقوم من الساعه خمسه وبعد ما تصلي
الفجر تقطع بالعجين وتحمي بالفرن على شان تبلش تخبز , ومش مثل نسوان اليوم الصحيان
عندهن الظهر والخبز جاهز من المخبز كان في اشي اسمه طابون زمان وفي اشي اسمه فرن
يمكن هسه انقرضت هذه الشغلات وما ظل منها
كان في اشي اسمه بابور على الرغم من وجود الغاز ابو ثلاث عيون كانت الحجه بتقلي عليه
قلايات البندورة والبطاطا والكوسا والباذنجان اشي ولا اشهى ولا اطيب بتوكل بنفس وبتضحك
بنفس وبتلعب بنفس , هذه مقتطفات بس الحقيقة والواقع كان اجمل من الحكي .



قول للزمان ارجع يا زمان

حبيبي أبو ابراهيم،،،،
أنا بدي أسيب كل اشي وأعلق بس على بابور الكاز،، الو معنا ذكريات جميلة والله،،
بداية هاي السنة التمينا جميعا - إخوتي وأنا - في غرفة وكانت الدنيا برد وشتوية،، والكهربا قاطعة،، وسهرنا مع الطرب الأصيل على أنغام المطرب الشعبي،،، بابور أبو عين وحدة،،،

وقبل ما أنسى،، الله يرحم الحجة ويرحم أموات المسلمين،،،

[جهاد علي]

حبيبي أبو ابراهيم،،،،
أنا بدي أسيب كل اشي وأعلق بس على بابور الكاز،، الو معنا ذكريات جميلة والله،،
بداية هاي السنة التمينا جميعا - إخوتي وأنا - في غرفة وكانت الدنيا برد وشتوية،، والكهربا قاطعة،، وسهرنا مع الطرب الأصيل على أنغام المطرب الشعبي،،، بابور أبو عين وحدة،،،

وقبل ما أنسى،، الله يرحم الحجة ويرحم أموات المسلمين،،،

تعيش يا غالي

البابور له ذكريات رائعه بحياتي وايام الشتا بالذات

[abu ahmmed]

فول وحمص

مناقيش زيت وزعتر من تحت ديات الحجة

[jamal nashwan]

ويبقى الأسد أسدا في كل شيء،، حتى في محافظته على عاداته القديمة،،
معلش سامحني عشان أفشيت سر التلفون،،

ييي يا عليّي أنا ،، كلك زووووء والله .... أسامحك ؟!!!.

بس ليش ما حكيت عنُّو السليلوز باللهجه اللبنانيه زي دايمًا ؟.
بتطلع معك أحلى ..




بَفضالك ،، وبفرجها الله يا ابو الجزر !..

[قاسم ابو فاره]

ييي يا عليّي أنا ،، كلك زووووء والله .... أسامحك ؟!!!.

بس ليش ما حكيت عنُّو السليلوز باللهجه اللبنانيه زي دايمًا ؟.
بتطلع معك أحلى ..




بَفضالك ،، وبفرجها الله يا ابو الجزر !..

نسيت والله يا خيي،، لا تواخزني،، أصدي وئع السيولير من جيبتو هو وعم يشطف بالدرج،،،

[ابو عمار الجنيدي]

ازكى فطور كان بالشتاء حوالين الصوبا البواري
شعريه وسكر

[jamal nashwan]

نسيت والله يا خيي،، لا تواخزني،، أصدي وئع السيولير من جيبتو هو وعم يشطف بالدرج،،،

في حدا بشطف الدرج وهوّه لابس إشي إلو جيبتو ؟.

والله لاGــزّزك .. بورجيك !.

[قاسم ابو فاره]

في حدا بشطف الدرج وهوّه لابس إشي إلو جيبتو ؟.

والله لاGــزّزك .. بورجيك !.

من قلة خبرتي بالموضوع والله،، طيب علمنا شو نلبس لو حبينا نشطف الدرج؟؟؟