زيت وزعتر..وخبز محمر ومكمر ..وليلة مطر

[مارد85]

ولا يهمك ابو سامي
ستبقى في قلوبنا

[سماح عاطف]

بالوقت الحالي كل واحد بحمل الموبايل وبقعد يفسبك ,,,

[ام يحيى]

كلنا بنتقاتل مين يقعد جنب الصوبا بالزبط
مثل ما حكت سماح كل واحد ماسك تلفونه وبيلعب
غالباا ما بنتفرج على الاقصى او برنامج معلومات طبية
مع كاسة شاي وبزر او بوشار او ترمس او اشي حلو

[مارد85]

بالوقت الحالي كل واحد بحمل الموبايل وبقعد يفسبك ,,,

صدقا التكنولوجيا بشكل عام ..واستخدام الفيس بوك علو وجه الخصوص قتل هذه الالفة واغتال اللمات الرائعة..

[مارد85]

كلنا بنتقاتل مين يقعد جنب الصوبا بالزبط
مثل ما حكت سماح كل واحد ماسك تلفونه وبيلعب
غالباا ما بنتفرج على الاقصى او برنامج معلومات طبية
مع كاسة شاي وبزر او بوشار او ترمس او اشي حلو

مافي اجمل منها من لحظات ..
ذكرتيني بالبوشار والبزر ..

[jamal nashwan]

من لما غِليَت جرة الغاز طلّعِت الفرن ( أبو درفتين - فرن الخبيز ) ، طلّعته من البلكونه وحطيته في قرنه من قُرن صالة القعده ووجهته ناحية الصالون ( الموزع ) على كل الدار وصار هالفرن أحسن مصدر للتدفئه ، والحَمّ بيعبي كل الدار والله ، صوبة الغاز إم الثلاث شعلات لا بتفت ولا بتغمس مع هالفرن ، وصرنا بس نشغلها بغرفة الصغار قبل ما يناموا عشان تدفيلهم الغرفه !.

النهفه مش هون ، النهفه بالقراص اللي بالسبانخ وباللحمه وسمبوسك الجبنه التي دعت الحاجة واستغلال الظروف والاستفادة من هذه الطاقة ( ما هو شغّال شغّال ) إلى التفنّن في إعدادها خلال نهار الأمس ، واستغلال ( ما هو شغّال شغّال ) نهار هذا اليوم في إعداد 4 سدورة حلبه مقاس ال 60 !.

يعني لو ظلّت على زيت وزعتر وخبز مكحمش وكستنة وبطاطا حلوه على الصوبة كان أهون ،،
الله وكيلكم بيجي ربع تنكة زيت زيتون إذا مش أكثر !!..

[مارد85]

من لما غِليَت جرة الغاز طلّعِت الفرن ( أبو درفتين - فرن الخبيز ) ، طلّعته من البلكونه وحطيته في قرنه من قُرن صالة القعده ووجهته ناحية الصالون ( الموزع ) على كل الدار وصار هالفرن أحسن مصدر للتدفئه ، والحَمّ بيعبي كل الدار والله ، صوبة الغاز إم الثلاث شعلات لا بتفت ولا بتغمس مع هالفرن ، وصرنا بس نشغلها بغرفة الصغار قبل ما يناموا عشان تدفيلهم الغرفه !.

النهفه مش هون ، النهفه بالقراص اللي بالسبانخ وباللحمه وسمبوسك الجبنه التي دعت الحاجة واستغلال الظروف والاستفادة من هذه الطاقة ( ما هو شغّال شغّال ) إلى التفنّن في إعدادها خلال نهار الأمس ، واستغلال ( ما هو شغّال شغّال ) نهار هذا اليوم في إعداد 4 سدورة حلبه مقاس ال 60 !.

يعني لو ظلّت على زيت وزعتر وخبز مكحمش وكستنة وبطاطا حلوه على الصوبة كان أهون ،،
الله وكيلكم بيجي ربع تنكة زيت زيتون إذا مش أكثر !!..

يعني اجرب الفرن ,على عاتكك هه..
طيب ابعثلك شوية حلبة عالخاص ..
زيت الزيتون وماشي الحال ......شو بالنسبة للطحين ,والذي منه ....
اسمعنا الحكومة بدها ترفع ايدها عن دعم الطحين ...شوووووووو بتعمل وقتها ...؟؟؟؟

[jamal nashwan]

يعني اجرب الفرن ,على عاتكك هه..
طيب ابعثلك شوية حلبة عالخاص ..
زيت الزيتون وماشي الحال ......شو بالنسبة للطحين ,والذي منه ....
اسمعنا الحكومة بدها ترفع ايدها عن دعم الطحين ...شوووووووو بتعمل وقتها ...؟؟؟؟

بالنسبه للفرن والله آخر تمام وتقريبًا نفس الاستهلاك بالغاز ..

الحلبه بطلوع المصدار ( قصدي بطلوع الروح ) مخبيينلي صحن ، وهسة والله حطوه قدامي بعد ما اتغديت ( اللي هوه صار عشا ) لإني قبل ساعة روّحت من الشغل .. يعني بدّيش أقعد أجامل وعزايم كذابه .. هههههههه ..

بعدين الطحين والذي منه ، الصحيح إحنا بنعمل الحلبه والمعمول والكعك بالسميد ( سِكّ )..

وسلامتك بخصوص رفع الدعم عن الطحين أو غيره !.
محسوبك ومعي كثيييييييير زيّي ، من أكبر الداعمين لهذه المواد الغذائية والمواد الأساسية الأخرى ..

مش في مثل بحكي " اللي بوفر إشي أكِنُّه جابُه " ؟؟..

واللي بطلعلوش إشي أكِنُّه دعمه !.

[Abu Fathi]

والله من سبع سنوات ما عشت هذه الأجواء بسبب الغربة
فعلا كانت احلى أوقات بنقضيها في مثل هذه الأجواء خصوصا مع الإعلان عن عطلة
ويا الله شو نفسي اكحمش غريف خبز من ايدين الحجة مع شوية زيت وزعتر وابريق شاي
أي والله نسيت كيف شكل الصوبة
نيالكم

[جهاد علي]

والله ايام ما زالت حاضرة واحلى اشي البطاطا الحلوة
بس ما بعرف ليش عنا بتكون مثل ( قرامي الشجر )
والكستنه او الكستناء اكثر اشي بطلع بداخلها حظا اوفر

[رأفت حطيني]

والله الحرارة عنا بأوكرانيا وصلت للآن -20 وعادي كإنه الدنيا صيف

[ابو عدي]

بتعرف يا شب ... اتفق انا وحجتي انو اول ما تشتي انو نوخذ الصوبة لبلكونة المطبخ (مغطاة بواجه زجاجية) ونفطر زيت وزعتر وزيتون وشاي مصنوع ع الصوبة ... دخيل حظي انا شهر بالاردن ما مطرت ع دوري ... فكرت افتح الحنفية واخلي (الخرفان) يطلعوا يرشوا مي على القزاز ... الخرفان هذا لقب بطلقه على اخر العنقود ابنائي التوأم حمزة وابراهيم.

هسة انا قاعد ومشغل التكييف (البارد) ولابس نص كم .... وكل ما سمح الظرف بلعب بيلياردو او سلاح المعرفة عبر الانترنت مع الخرفان .... زي ما بيقول المثل (!!!) والا أقولك .... بلاش.

[مارد85]

بالنسبه للفرن والله آخر تمام وتقريبًا نفس الاستهلاك بالغاز ..

الحلبه بطلوع المصدار ( قصدي بطلوع الروح ) مخبيينلي صحن ، وهسة والله حطوه قدامي بعد ما اتغديت ( اللي هوه صار عشا ) لإني قبل ساعة روّحت من الشغل .. يعني بدّيش أقعد أجامل وعزايم كذابه .. هههههههه ..

بعدين الطحين والذي منه ، الصحيح إحنا بنعمل الحلبه والمعمول والكعك بالسميد ( سِكّ )..

وسلامتك بخصوص رفع الدعم عن الطحين أو غيره !.
محسوبك ومعي كثيييييييير زيّي ، من أكبر الداعمين لهذه المواد الغذائية والمواد الأساسية الأخرى ..

مش في مثل بحكي " اللي بوفر إشي أكِنُّه جابُه " ؟؟..

واللي بطلعلوش إشي أكِنُّه دعمه !.

صحة وعافية ...يا كبييييير ...وبدي اكووووول ليش معطل اول مبارح ...!!!!؟؟؟؟

[مارد85]

والله من سبع سنوات ما عشت هذه الأجواء بسبب الغربة
فعلا كانت احلى أوقات بنقضيها في مثل هذه الأجواء خصوصا مع الإعلان عن عطلة
ويا الله شو نفسي اكحمش غريف خبز من ايدين الحجة مع شوية زيت وزعتر وابريق شاي
أي والله نسيت كيف شكل الصوبة
نيالكم

ربنا يوفقك بغربتك ...وان شاء الله بتشوف الحجة على خير وسلامة ..

[مارد85]

والله ايام ما زالت حاضرة واحلى اشي البطاطا الحلوة
بس ما بعرف ليش عنا بتكون مثل ( قرامي الشجر )
والكستنه او الكستناء اكثر اشي بطلع بداخلها حظا اوفر

طيب جرب مرة اخرى ....
كلامك صحيح ..ابو ابراهيم ..وهنا تكمن المتعة ...