إللّي ما بدير بالو على الشسمو ,, بضيع منه الهظاك

[أبووسام]

هاي اسمها الاعرااااااظ الجانبية لساروخ الدون اللي دك شرق اسبانيا على حين غره

سيبنا من خرافك الفستك فاظي أبوأمجد .. شكلك من جولين الليو صرت ترقص تانجو يا أبوالجدايل أو بتستعمل - شامبو هيد&شولدرز - كثير !! كم أنت كبير يا ابن الجبل (غوّار) كصدي المغوار هاهاهاهاها خذها كــ رأسية ميسي "مع حبي" .

[أبووسام]

هههههههههههههههههههههههههههههههههههههه
لعاد العجل الي مبنشر من صاروخ السنفور تبعكم شو اسمو ابو امجد؟؟؟؟؟؟؟

نرجو التوظيح من مختار البراشنة " أبوالعبد" أو سكان منطقة كاتلونيا الأكابر - جمال نشوان وأبوعدي - حلوة منك أبواليزيد هاهاهاها

[ايمنوني]

سيبنا من خرافك الفستك فاظي أبوأمجد .. شكلك من جولين الليو صرت ترقص تانجو يا أبوالجدايل أو بتستعمل - شامبو هيد&شولدرز - كثير !! كم أنت كبير يا ابن الجبل (غوّار) كصدي المغوار هاهاهاهاها خذها كــ رأسية ميسي "مع حبي" .

وله روح اقعد هناك والبد .... ساروووخ الدون طلع من معاليق ابو العبد اما بالنسبة الك لما اشوفك بحكي لك

[أبووسام]

مين جاب سيرته المدريدي هاظ ؟؟؟؟؟؟؟؟
مالك انا بقصد المصاري مش مالك المدريدي
ومنيح انك بينت يا لفربولي

أحسنت أخي جهاد هي بالفتحة للحرف ل وليست بالكسرة .. انخرب بيتو مالكون الحزين شكلو مش فاظي مسافر لشواطىء الكوكو واوا هاهاهاها

[أبووسام]

بعدين شو هالورطة اللي ورطتني اياها يا أبو عدي ؟؟!!..

خبير حرسات ( حرشات ) أنا كاين ؟؟

بصراحة يا أبوأحمد حاسس حالي كاعد مع ستي الله يرحمها .. انت قاموس (غريب فظيع عجيب مهيب ) هاهاهاهاها

[أبووسام]

ما لقيت مترجم افضل منك وشكلها (شنصت) معك وانا اصبع رجلي (مشيص) ومش قادر استطيع بصراحة.

ابو العبد شو مالك؟ (الخطرة) هاي بالاجازة باذن الله جاي ازورك أكيد على الزرقاء .... يمكن اشتري كم (زبدية) من عندك.

هلا أبوعدي الغالي بتنور الزرقا .. اسمع جيب معاك أكم سمكة قرش معاك يا قبطان ،،، وبالنسبة لــ "الزبدية" يقال في روايةٍ أخرى كـ التالي > (زبدية ولا علاء ناصر) هاهاهاها التفسير عندك يا مختار الزرقا .. !!

[جهاد علي]

أحسنت أخي جهاد هي بالفتحة للحرف ل وليست بالكسرة .. انخرب بيتو مالكون الحزين شكلو مش فاظي مسافر لشواطىء الكوكو واوا هاهاهاها

بجوز راح يدرب في غمدان على ............





الزحلقه

[jamal nashwan]

يا سلام عليك......والله تحليل شافي وافي
شو رأيك أبو أحمد نعملك زاوية في المنتدى لتحليل هالعبارات المتوارثة بلكن توظحتلنا الصورة

الله يفتح عليك أخي الخطيب ويبارك فيك ..

وإن شاء الله تتوظحلك طريق الجنة وتنال رضى رب العالمين ..

[jamal nashwan]

بصراحة يا أبوأحمد حاسس حالي كاعد مع ستي الله يرحمها .. انت قاموس (غريب فظيع عجيب مهيب ) هاهاهاهاها

ستك؟؟!! بسييييييطة يا أبو وسام .. بشوفك في الملعب ..
وحراج عاللي يسبق ..

[باسل بدير]

(يحرق حريشك) يا ابو العبد ومن وين بتجيب هالخراريف؟ الله لا (يحقلك حظر)وانا (مني وما علي) ما بعرف شو يعني (لعين هالحرسي) مع اني بستعملها كثير.

أُحيل السؤال بدوري الى المزدوج الجنسية (الدو - غزاوي) ابو أحمد جمال نشوان على اعتبار انه عايش (قومتين) ... الدوايمة وغزة ... هه لعل وعسى يكون عنده جواب (شافي) وبكرر شفي مش (تشافي).

بأنتظار الخبير ابو أحمد

لا يحرق حريشي ولا يحرق حريشك لأنه ابو أحمد حرق حرايشنا الجوز بالرد إللّي كتبه ,,, والله ما انا عارف كيف إنفتحت ( القريحه ) معه تا يحكي هاللّي حكاه

بما إنا جبنا سيرة ( القريحه ) يا إما بتقولي شو معناها يا إما بتحول السؤال للخبير الإستراتيجي ابو احمد خليه يفسرها

[باسل بدير]

هيك كثرت المصطلحات ..

يحرق حريشك .. حريش بالعامية تصغير حُرش وجمعها أحراش وفي الفصحى ( أحراج ) مثل أحراج يعبد !! وهي المنطقة التي يكثر فيها الزرع والشجر .. ، فمعنى ( يحرق حريشك ) أظن إنها وِظحَت .. ( وظحت ) الواو تحتها كسرة والتاء تبعتها مفتوحة ومش مربوطة يعني مش حدا يفكرها ( وظحة ) !!

معميه قماره أو معميه قماري أو معميه قمارنا أو معميه قمارهم ..
أو الله يعمي قمارهم اليهود البُعَدا ..

" والقمر قدرناه منازل حتى عاد كالعرجون القديم " ..

" وعلامات وبالنجم هم يهتدون "
صدق الله العظيم

آخر منازل القمر وهي المحاق وفيها يختفي القمر كليًا ، ثم إذا تزامنت هذه المنزلة مع اختفاء النجوم والتي جعل الله سبحانه وتعالى منها علامات لنهتدي بها في تحديد الاتجاهات والمسارات إضافة لما تبعثه من نور في ظلمة الليالي .. فإذا اختفت النجوم وتزامن ذلك بأن أصبح القمر محاقًا عندها :

بتنعمي القمار ..

لعين الحرسه .. لما كان ولد صغير كان يحكي :

لعين حرسه .. حريق حرسه .. يحرق حريسك ..

لما خَتيَر وتكوا اسنانه صار يحكي :

يحرق حريشك !!..

الخلاصة : الحرس والحرسه هي نفسها الحرش والحرشه .. مع اختلاف مراحل العمر ..

شو هاظ يا ابو احمد شو هاظ ههههههههههههه

وين اروح بحالي يا ناس وبقول آخر ( جاي يا اهل البلد جاي )

[Alkhatib]

لا يحرق حريشي ولا يحرق حريشك لأنه ابو أحمد حرق حرايشنا الجوز بالرد إللّي كتبه ,,, والله ما انا عارف كيف إنفتحت ( القريحه ) معه تا يحكي هاللّي حكاه

بما إنا جبنا سيرة ( القريحه ) يا إما بتقولي شو معناها يا إما بتحول السؤال للخبير الإستراتيجي ابو احمد خليه يفسرها

ننتظر الإجابة من أصحاب الإختصاص.....
وهل بعد ما تنفتح القريحة ممكن تنسد؟ وما هي الطريقة لسدها؟

[ابو عدي]

لا يحرق حريشي ولا يحرق حريشك لأنه ابو أحمد حرق حرايشنا الجوز بالرد إللّي كتبه ,,, والله ما انا عارف كيف إنفتحت ( القريحه ) معه تا يحكي هاللّي حكاه

بما إنا جبنا سيرة ( القريحه ) يا إما بتقولي شو معناها يا إما بتحول السؤال للخبير الإستراتيجي ابو احمد خليه يفسرها

(شنصك) واقف لأني قدرت أدخل الأستراحة بعد ما قريت كل الردود بالجماهير (اشي بيجلط) .... المشكلة الشباب بتكون تحكي وبتفكر ان الجماهير بكرة طالة وراها بالآف مؤيدة وحاشدة لهم.

اسكت امبارح نمت من الساعة 8 مسا (وتحلل) علي الوجع وصحيتلك (مطبش) ومع ذلك (قريحتي) كانت (فايعة) .... بالنسبة الي القريحة من القرحة والقرحة بتعني انثقاب بجدار المعدة وبتسبب الآم بتخلي الأخرس يحكي من الألم ....... هيك كنت مفكر بعدين شوف شو طلع الجواب؟ ......

http://www.almaany.com/home.php?lang...8A%D8%AD%D8%A9

[ابو عدي]

ننتظر الإجابة من أصحاب الإختصاص.....
وهل بعد ما تنفتح القريحة ممكن تنسد؟ وما هي الطريقة لسدها؟

هاي سهلة وحلولها كثيرة .... تعال تلانا ومن أول ما تدخل المطار بتعرف الجواب.

اذا بدك حل (ريموت) بنصحك تقرأ و (بتأثر) مناكفات الأعضاء بموضوعات الجماهير ... كل واحد بيحسسني انو راكب الفرس وحامل هالسيف وبيخاطب بعشرين ألف جندي تحت أمره جاهزين للأنقضاض على العدو (المفترض) ... ناسي او متناسي ان جمهور الوحدات الغالبية العظمى منه كادحة وغالبا لا تمتلك جهاز كمبيوتر.

[باسل بدير]

(شنصك) واقف لأني قدرت أدخل الأستراحة بعد ما قريت كل الردود بالجماهير (اشي بيجلط) .... المشكلة الشباب بتكون تحكي وبتفكر ان الجماهير بكرة طالة وراها بالآف مؤيدة وحاشدة لهم.

اسكت امبارح نمت من الساعة 8 مسا (وتحلل) علي الوجع وصحيتلك (مطبش) ومع ذلك (قريحتي) كانت (فايعة) .... بالنسبة الي القريحة من القرحة والقرحة بتعني انثقاب بجدار المعدة وبتسبب الآم بتخلي الأخرس يحكي من الألم ....... هيك كنت مفكر بعدين شوف شو طلع الجواب؟ ......

http://www.almaany.com/home.php?lang...8A%D8%AD%D8%A9

خليها على الله يا ابو عدي .. امبارح روّحت من الشغل وحاسس راسي بدّو ينفجر واخذت حبتين وجع راس وحبة مميع وحبة ضغط ونمت بعد صلاة العشا وصحيت الساعه 12 بالليل وضليت قاعد للساعه 4 الفجر وشاركت بالموضوع اللّي بالي بالك ويا ريتني ما شاركت لأنه رجعلي وجع الراس بسبب هالموضوع

بس يا ريت مشرفينا يغيروا سياستهم ويقوموا بتغيير عنوان اي موضوع مشابه لموضوع الأمس ويضعوا عناوين مثل ( تطبيل تزمير تسحيج )