للمتزوجين فقط

[ابو عدي]

اول شي نحمد ربنا على الفوز

وثاني شي يا صديقي في معظم المباريات المهم تكون النتية وليس الاداء

وبعدين ما شاء الله عنهم كلهم يلعبوا معنا دفاع يعني بطول فك الشيفرة عند لاعبينا شوي

[عمرو الاخضر]

والله يا حج ابو عدي البنات حنونات اكثر وصدق يا كبير البنت بس تزوج وتطلع على بيت زوجها البيت بخسر بركه كبيره

[أبو عدي داوود]

عادة الام من تبكي على خروج ابنتها من البيت وتجد الترابط بين البنت وامها
مميز على باقي افراد العائلة
انا عندي ولدين وبعدهم صغار وزوجتي حامل بالشهر الخامس
واعتقد ان زواج الولد او البنت مصدر سعادة للاهل
وقد تبكي بعض الامهات ليس حزنا لكن
هاذه طبيعة النساء
وكما تفضل اخي عمرو الاخضر البنات حنونات اكثر من الشباب
فيكون وداع البنت مثير لمشاعر الامومه والابوه
اما الشب يمكن اقله روح اتجزوج وحل عني

[باسل بدير]

الله يطول عمرك يا ابو عدي وإن شاء الله بتفرح بأولادك وبأولاد أولادك

إرادة الله أن تكون خلفتي كلها ذكور ( الحمد لله )

العاطفه دائمآ ما تضعني بمواقف محرجه وأتذكر أخي ابو عدي أن عند خروج أختي من المنزل بيوم زفافها لم أتمالك نفسي ولم أستطيع أن أمنع نفسي من البكاء وجلست أبكي كالأطفال وتكرّرت هذه الحاله 3 مرات أثناء خروج بنات أختي

والطامه الكبرى أنهم لا يختارون غيري ( تعال يا ابو العبد طلّع بنت أختك لعريسها ) شوووووو هاظ ,,, المهم الله وكيلك بصير فرجه للرايح والجاي ( شو مالو هاظ بعيّط )

وتعال تفرّج علّي يا ابو عدي لما سافر إبني عبد الستار للعمل بالكويت بعد ما رجعت من المطار ,,, الله وكيلك تشغنّفت إتشغنف من العياط والمشكله إني طول الوقت من المطار للبيت وأنا ماسك حالي ولما دخلت عالبيت فرطّت معي

الخلاصه ... الضنا غالي يا ابو عدي إن كان ذكر أو أنثى والمهم إنك تعزمنا عالعرس عشان أصورّك والدمعه بعينك لأني حاسس إنك أمّر مني عاطفيآ

الله يديم الأفراح بديارك العامره يا ابو عدي

[جهاد علي]

اول شي بتصور انك روحت على مادبا كما اخبرتنا في احد
مشاركاتك فاذا روحت فالحمدلله على السلامه واذا لم تكن بتمنى
وصولك بالسلامه

اما لموضوع البنات والاولاد انا اولادي لسى صغار كثير
فا مش عارف على مين رح ازعل على الاولاد ولا البنات
انا بتمنى انه ما ازعل وتمشي امورهم على خير هذا اهم
شي ويكونوا مبسوطين في حياتهم والزواج شبهوه للبطيخة
يا اما حمرة يا اما قرعه وهذا بنطبق على كلى الطرفين
فاذا زوجت ابنك لوحده وما ارتاح معها واطلعت روحه
رايح تندب حظك كأب واذا زوجت بنتك لواحد واكتشفت
بعدها انهم عايشيين في مشاكل اكيد كمان رح تندب حظك
فسر الزعل والرضا يكمن في السعادة التي قد يحصل
عليها الزوجين

الله يجعله الف مبروك وان شاء الله بتفرح بباقي اولادك

تقبل مروري عم ابو عدي

[م.مراد فسفوس]

السلام عليكم
والله يا اخوي الابن غالي كان بنت او ولد
الولد بس يجوز عادي ما بأثر بس البنت إلها تأثير على الام والاب والاخ والاخت

يعني انا بس اخواني اتزوجوا كان الامر عادي بس لما اخواتي تزوجن حسينا البيت فاضي من بعدهم
والبنات حنونات اكثر من الشباب

والف مبروك وعقبال ما تشوف اولادهم

والله بالنسبه اللي لسى بنتي صغيره هههههههه

[صهيب أبو صافيه]

أولاً ألف مبروك عمي أبو عدي وزي ما جهزتهم همه وعمامهم تجهز ولادهم إن شاء الله

ثانياً عقبال عندي هههههههههه

ثالثاً انا بشوف طلعة البنت أصعب من طلعة الشب بصراحة ما بعرف ليش

بالنسبة للخلفة بتمنى يكون أول مولود إلي (بنت) لأنو ما عندي اخوات ، عشان هيك بتحس الدار مرات مشحونة لأنو احنا أربع شباب وكلها روس ما شاء الله هههه

[MKMHYH]

هذه هي سنة الحياة
الله يفرحك فيهم..

[مالك]

الف الف مبروك اخي ابو عدي
بس شفت موضوع "للمتزوجين فقط" جيت ركاظ حكيت ابصر شو ابو عدي محظرلنا او بده ينصحنا


بالنسبة لزواج الابناء اكيد خروج البنت من بيتها زي طلوع الروع بالنسبة للاهل كون البنت بتضل ضلع لين وابصر كيف نصيبها يطلع مش مثل الشب الي بكون هو السيد بحياته مهما طلع نصيبه من البنت الي اختارها فهو الي بيقدر يغيرها ويغير طبيعتها مثل ما بده وان ما عجبها فراس مالها تكسي وابعث وراها الشنطة تاعتها مع ولاد الحارة عند دار ابوها

لكن بالنسبة للبنت الامر مختلف لازم تتحمل شو ما طلع زوجها منيح او عاطل فهي الي لازم تصبر

وكما تفضل الاخوة البنات احن من الشباب لهيك دائما ما بنلاقي الناس بتبكي على بنتها بس تطلع من البيت وبعمري ما شفت حد
حد ببكي على ابنه بس طلع من البيت بالعكس اهلي كسروا 15 جرة وراي وبالصالة كانوا يغنولي "جوزناه وارتحنا منه"
الف الف مبروك اخي ابو عدي لكن الاهم في مناسف على عرس عدي ولا مفش؟؟
بالنسبة شو اكثر بتحب تكون ذريتك ولاد ولا بنات انا عندي ولدين وبنت الله يخليلك الي صدقا مافي فرق بين البنات والاولاد بالتعامل بالعكس بنتي بدللها اكثر لكن لا اخفيك ممكن عند كل شب بحب يكون البكر عنده ولد عأساس يعتمد عليه ويكون عون لامه واخوانه وراه بعد عمر طويل ان شالله والاهم من هيك انه يلاقي حد يبعته يجيب خبز وصحن فول بدل ما يروح هو

[ام يحيى]

مبارك عم ابو عدي
وان شاء الله تفرح باحفادك كمان

بالنسبة لالي لما اختي اتزوجت طول اليوم وانا اعيط
وما كان اشي سهل ابدا حتى بساعتين العرس
عكس اخواني بكون مبسوطة لانه(بنرتاح منهم)

[ابو عمار الجنيدي]

اخي ابو عدي الف مليون مبارك ان شاء الله
واحنا اخوانك وحياك الله مال ورجال عند عينيك يا غالي واتمنى من الله ان اكون بجانبك بهذه الفرحه وهذه الظروف يا غالي

بالنسبه للموضوع اعتقد ان البنت احن سبحان الله وبالتالي خروجها يؤثر بالاب كثيرا ولكن اي واحد بخرج من البيت بيكون اله اثر سلبي على البيت فالان انا افتقد ابني عمار كثيرا وهو بالجامعه بمصر وسوف افتقد الاخر ضرار كثيرا ايضا واحيانا ارى الدمعه بعين ام عمار عندما نكون على السفره وطابخه طبخه بحبها عمار سبحان
قلبي على ولدي وقلب ولدي على الحجر
سنة الحياه يا غالي وبالنهايه

بارك الله بالبيت اللي خرج منه بيت

[ابو عدي]

والله يا حج ابو عدي البنات حنونات اكثر وصدق يا كبير البنت بس تزوج وتطلع على بيت زوجها البيت بخسر بركه كبيره

عادة الام من تبكي على خروج ابنتها من البيت وتجد الترابط بين البنت وامها
مميز على باقي افراد العائلة
انا عندي ولدين وبعدهم صغار وزوجتي حامل بالشهر الخامس
واعتقد ان زواج الولد او البنت مصدر سعادة للاهل
وقد تبكي بعض الامهات ليس حزنا لكن
هاذه طبيعة النساء
وكما تفضل اخي عمرو الاخضر البنات حنونات اكثر من الشباب
فيكون وداع البنت مثير لمشاعر الامومه والابوه
اما الشب يمكن اقله روح اتجزوج وحل عني

لكن بجد بتحب أكثر خلفة البنات والا خلفة الأولاد؟

[ابو عدي]

الله يطول عمرك يا ابو عدي وإن شاء الله بتفرح بأولادك وبأولاد أولادك

إرادة الله أن تكون خلفتي كلها ذكور ( الحمد لله )

العاطفه دائمآ ما تضعني بمواقف محرجه وأتذكر أخي ابو عدي أن عند خروج أختي من المنزل بيوم زفافها لم أتمالك نفسي ولم أستطيع أن أمنع نفسي من البكاء وجلست أبكي كالأطفال وتكرّرت هذه الحاله 3 مرات أثناء خروج بنات أختي

والطامه الكبرى أنهم لا يختارون غيري ( تعال يا ابو العبد طلّع بنت أختك لعريسها ) شوووووو هاظ ,,, المهم الله وكيلك بصير فرجه للرايح والجاي ( شو مالو هاظ بعيّط )

وتعال تفرّج علّي يا ابو عدي لما سافر إبني عبد الستار للعمل بالكويت بعد ما رجعت من المطار ,,, الله وكيلك تشغنّفت إتشغنف من العياط والمشكله إني طول الوقت من المطار للبيت وأنا ماسك حالي ولما دخلت عالبيت فرطّت معي

الخلاصه ... الضنا غالي يا ابو عدي إن كان ذكر أو أنثى والمهم إنك تعزمنا عالعرس عشان أصورّك والدمعه بعينك لأني حاسس إنك أمّر مني عاطفيآ

الله يديم الأفراح بديارك العامره يا ابو عدي

والله يا ابو العبد انت لخصت الكثير وأبشرك أخوك ابو عدي (أطقع) منك بحيك مواقف ونفس السالفة تعال يا ابو عدي البنت بدها خالها الكبير يطلعها ....هههههههه يا أخي بيرحموش؟

هو صح الضنا غالي لكن الأصل انك تفرح لفرح ابنك او بنتك لكن ليش بنبكي؟ بتعرف ابو العبد ان معظم افراح اخواني حاولت اني اشغل حالي لكن لحظة حنا العريس ....... الصحيح (ابقدرش) ببعد عن الناس شوي حتى ما حد يصورني زي ما بدك تسوي يا مختار.

اما عن دعوتك يا ابو العبد صدر البيت الك يا مختار دايما

[ابو عدي]

اول شي بتصور انك روحت على مادبا كما اخبرتنا في احد
مشاركاتك فاذا روحت فالحمدلله على السلامه واذا لم تكن بتمنى
وصولك بالسلامه

اما لموضوع البنات والاولاد انا اولادي لسى صغار كثير
فا مش عارف على مين رح ازعل على الاولاد ولا البنات
انا بتمنى انه ما ازعل وتمشي امورهم على خير هذا اهم
شي ويكونوا مبسوطين في حياتهم والزواج شبهوه للبطيخة
يا اما حمرة يا اما قرعه وهذا بنطبق على كلى الطرفين
فاذا زوجت ابنك لوحده وما ارتاح معها واطلعت روحه
رايح تندب حظك كأب واذا زوجت بنتك لواحد واكتشفت
بعدها انهم عايشيين في مشاكل اكيد كمان رح تندب حظك
فسر الزعل والرضا يكمن في السعادة التي قد يحصل
عليها الزوجين

الله يجعله الف مبروك وان شاء الله بتفرح بباقي اولادك

تقبل مروري عم ابو عدي

بداية انا (روحت) وما (روحت) يعني نص نص او كده وكده ههههههههههههه لغز صح؟

روحت الاربعاء بالليل لكن نفسي اقعد بالبيت ما بين مناسبة فرح وما بين رتيب بعض الامور الخاصة اجد نفسي برة البيت على طول وحتى (خطيبتي) ام عدي ما تزعل حاطها بجنبي بالسيارة وين ما أروح.

بحاول اناقش حاجتين احنا كرجال مين بنحب اكثر خلفة البنات والا الاولاد؟

ثم مي أكثر بنتأثر لخروجه من بيت العيلة لبيت الزوجية؟

اما عن (البطيخة) ففي اختراع هاليومين بيسموه (ع السكين يا بطيخ) اذا مش حمرة ارميها بزقم صاحبها هههههههههه

[ابو عدي]

أولاً ألف مبروك عمي أبو عدي وزي ما جهزتهم همه وعمامهم تجهز ولادهم إن شاء الله

ثانياً عقبال عندي هههههههههه

ثالثاً انا بشوف طلعة البنت أصعب من طلعة الشب بصراحة ما بعرف ليش

بالنسبة للخلفة بتمنى يكون أول مولود إلي (بنت) لأنو ما عندي اخوات ، عشان هيك بتحس الدار مرات مشحونة لأنو احنا أربع شباب وكلها روس ما شاء الله هههه

يا زلمة اذا الدار مشحونة ركبوا (ايرث ارضي) وهيك بتتفرغ الشحنات الكهربائية اسأل اي كهربجي بيدلك شو تسوي ، بتعرف ابو الياس وزوجتي حامل لأول مرة برغم اني كنت عايش ايامها بالامارات وكل وسائل الطب متاحة لمعرفة نوع الجنين كنت أرفض أعرف وكنت مُصر على انو جايني بنت ومن المصادفة انو موعد الولادة كان قريب من ذكرى وفاة والدتي (17-4-1964) لدرجة اني كنت مجهز (قماطات) وكل شيء شاري للبيبي مذيل بالحرف (M) على الحرف الاول من اسم المرحومة والدتي مريم وللأمانة لمى عرفت انو اجاني ولد مش عايزاقول انصدمت لكن وقفت شوي وصفنت ولكن بالنهاية كنت سعيد بسلامة زوجتي وباللي رزقني فيه ربي.