يا شباب تعالو نسمع ما هي اكبر كذبة سمعتها بحياتك

[al nubany]

ان شاء الله الأول جاي

[al nubany]

يا اخوان

الكذب موجود عند الكثير و انا واحد زمان كنت بعرط بشكل مش طبيعي

مرة تعرفت على بنت و قال شو الشب مدني و بحكي زي الناس الراقية هههههه

كال شو بسئل فيها بقولها بدك افتح الشباء هههههه بدل الشباك تاع السيارة

و الله يا اخوان صار وجيهي يضوي و يطفي

[al nubany]

مرة كذبت على الاستاذ سميح الله يساهل عليه و قلتة سيدي مات عشان اروح

ما شفتة الا و هو جاي يعزي على باب الدار ههههههههههههههه

بس عرف طلع سيدي و جاب معة عرق زيتون و صار يلحق فيا ههههههههههه

ثاني يوم في المدرسة اكلت قتل قدام كل الطلاب ههههه

[أبو فارس]

ولك نهفة يا نوباني ههههه

[أبووسام]

أهلين بالنوباني المتألق ..

بصراحة أكثر كذبة بحياتي أكلتها هي ::-

* لما توهب حياتك لصديق مدة 10 سنوات معنويا وماديا ويبيعك بسرعة ، وللأسف يطلع مريض نفسي معاك أولا ومع الآخرين ثانيا ،،، ومنافق وهو يقلك انت صديقي الصدوق وعند أتفه موقف - لأنه بحب كلمة أنا - ما ببين ولا بواجه ويركض هاربا ويوسخ فيك ، هاهاهاهاهاهاهاهاها ..

مع حبي :: محمد أبووسام

[al nubany]

أهلين بالنوباني المتألق ..

بصراحة أكثر كذبة بحياتي أكلتها هي ::-

* لما توهب حياتك لصديق مدة 10 سنوات معنويا وماديا ويبيعك بسرعة ، وللأسف يطلع مريض نفسي معاك أولا ومع الآخرين ثانيا ،،، ومنافق وهو يقلك انت صديقي الصدوق وعند أتفه موقف - لأنه بحب كلمة أنا - ما ببين ولا بواجه ويركض هاربا ويوسخ فيك ، هاهاهاهاهاهاهاهاها ..

مع حبي :: محمد أبووسام

معلش يا صديقي عشان هيك ربنا اعطك نعمة انك تنسى

بعدين وين رحت انا يا كبير

[لحن الجراح]

مرة كذبت على الاستاذ سميح الله يساهل عليه و قلتة سيدي مات عشان اروح

ما شفتة الا و هو جاي يعزي على باب الدار ههههههههههههههه

بس عرف طلع سيدي و جاب معة عرق زيتون و صار يلحق فيا ههههههههههه

ثاني يوم في المدرسة اكلت قتل قدام كل الطلاب ههههه

قوية

[أبووسام]

معلش يا صديقي عشان هيك ربنا اعطك نعمة انك تنسى

بعدين وين رحت انا يا كبير

والحمد لله على أعظم نعمه .. النسيان

انت بالقلب يا النوباني أصيل والله وخلينا نشوفك يا كبير .

وخذها هاي وحدة مني الك >>> مع حبي

[مروان]

مرة كذبت على الاستاذ سميح الله يساهل عليه و قلتة سيدي مات عشان اروح

ما شفتة الا و هو جاي يعزي على باب الدار ههههههههههههههه

بس عرف طلع سيدي و جاب معة عرق زيتون و صار يلحق فيا ههههههههههه

ثاني يوم في المدرسة اكلت قتل قدام كل الطلاب ههههه

بالله عليك ما بتستاهل توكل كتلة من سيدك ؟؟

[أبو أحمد زبدية]

في ختيار عربي في امريكا عريط وجذوب نمرة واحد مرض فقمنا بزيارته وكان احد الزوار من جياله وسبحان الله الثاني اعرط واكذب من الاول ,,هذا يقص والثاني يحكيله هاي اللي صارت معك ولا اشي انا صار معي كذا وكذا ,,,في شب اسمه منصور غلبان انصرع من كذبهم ومش مخليين حدا يحكي حكالهم مرة كنت في البرازيل وقع مني قلم في المحيط الاطلسي بعد ثلاث سنين اخذت الاولاد عالشط في ميامي يا سبحان الله لقيت القلم قدامي ,,انا طبعا فرطت من الضحك وتوقعت العريطة الاثنين يكذبوه نط واحد منهم بحكي اي هاي ولا اشي انا كنت في قارب بعيد عن الشط 20 ميل وقفت المروحة تبعت القارب نزلت وحاولت اصلحها وقع احد البراغي في المي
نزلت للقاع وطلته وركبته وشغلت القارب حينها طار ظبان مخي قلتله ما عليك شر اسمحولي علي شغل.بتمر الايام بنلقى قريبه حكيتله يا رجل هذا قريبك بسرح فينا وبحكي طايل البرغي من قاع البحر ومثبت المروحة حكالي ولك يا محترم هذا ما بعرف يسبح .

[أبو الوليد]

والله يا نوباني الكذب كثير هالأيام شو بدنا نذكر لنذكر

[ابو صلاح 82]

والله يا نوباني عنا مدير الفرع اكذب منه على وجه الارض ما في

بحكيلك مره كان شغال بشركه ومعاه سيارة مرسيدس وطلع من الشركه بالسيارة وطلع وراه المدير بدو يعرف وين يروح وهو شافه بحكيلك سكر عداد السيارة على 220 واتفاجأ ببرميلين حديد بوجه وما قدر يهدي او يبعد عنهم شو بدو يعمل بحكيلك دخل فيهم والبرميلين طارو بالسما وهو كمل طريقه وما صار اشي بالسيارة ولا خدش

وبحكيلك مره كمان كان واقف على اشارة بدبي وكان جنبة الشيخ راشد بموكب بحكيلك سكروه عى الطريق عشان يمر موكب اشيخ راح الشيخ راشد وقف وحكاله مر يا ابني القانون فوق الجميع والطريق الك
طبعاً هدول الي متزكره ولا هو عنده شغلات اكبر من هيك

[مروان]

والله يا نوباني عنا مدير الفرع اكذب منه على وجه الارض ما في

بحكيلك مره كان شغال بشركه ومعاه سيارة مرسيدس وطلع من الشركه بالسيارة وطلع وراه المدير بدو يعرف وين يروح وهو شافه بحكيلك سكر عداد السيارة على 220 واتفاجأ ببرميلين حديد بوجه وما قدر يهدي او يبعد عنهم شو بدو يعمل بحكيلك دخل فيهم والبرميلين طارو بالسما وهو كمل طريقه وما صار اشي بالسيارة ولا خدش

وبحكيلك مره كمان كان واقف على اشارة بدبي وكان جنبة الشيخ راشد بموكب بحكيلك سكروه عى الطريق عشان يمر موكب اشيخ راح الشيخ راشد وقف وحكاله مر يا ابني القانون فوق الجميع والطريق الك طبعاً هدول الي متزكره ولا هو عنده شغلات اكبر من هيك

يخرب بيته على هالكذبة يا ابو صلاح

[ابو صلاح 82]

يخرب بيته على هالكذبة يا ابو صلاح

والله يا مروان لو تقعد معه الا يخف عقلك والمشكله انو عمره 70 سنه يعني ما ضل بالعمر اكتر من الي راح ومع هيك عريط مع مرتبت الشرف

[أبو فارس]

في واحد خريط كان معي بدبي زمان ... قال وهو مروح من دبي لسوريا بالسيارة ميل على جزر المالديف كم يوم وبعدها واصل مسيرة للشام !!!