عـذرا بس انتوا شو شفتوا ؟؟

[أبو الوليد]

على الأقل عاشوا فترة فيها أكل نظيف خالي من الكيماويات

وشرب نقي وليس مفلتر ولا مقنن وحتى الهواء كان نقي وكنسمة عبير

وليس ملوث والله عاشوا أفضل منا بكثير

[ابو عمار الجنيدي]

صحيح عمي... لكن بدي احكي شغلة
على افتراض انه احنا جيل عايشين بنعمة كبيرة والحمدلله
اهل النرويج والدنمارك وهولندا هم أكثر شعوب العالم انتحارا لإنه كل شيء متوفر لديهم ولا هدف لحياتهم
بالنسبة للتعريفة مصروف للمدرسة.. والدي كان يوخد تعريفة بس كان يحكي انها كانت تجيب كيسين قضامة وبسكوت وما بعرف شو شغلات
بالنسبة للمدرسة مش جميعنا انحط بمدارس خاصة والباص أجاه لباب البيت.. درست 8 سنوات بمدارس الوكالة لإن المدارس الحكومية ما قبلتني فقط لإنه أصلي فلسطيني. وكنت امشي 5 كيلو يوميا 6 أيام بالأسبوع
يمكن شغلة المأكل معك حق فيها.. أجدادنا اللي همة آبائكم,, اضطروا يطلعوا من بلادهم وبلادنا وتركوا كل شيء وعاشوا في ظروف صعبة.. لكن الفلسطيني وين ما ينحط بطلع من الأرض وبعيش عيشة كريمة والحمدلله انتوا (آباءنا) ما قصرتوا معنا ونحمد الله دائما على النعمة
صحيح انه جدتي الله يرحمها كان عندها 13 ابن وابنة. وتغسل على ايدها وتزرع وتقلع بايدها وتخبز بايدها
مقارنة مع والدتي الله يخليلي ياها.. عندها 6 والغسالة فل أوبشن ومعظم الأشياء بتيجي جاهزة
لكن عندي أخت معها مرض توحد... بدها 3 خادمات يكونوا معها 24 ساعة ليقوموا فيها.. ووالدتي بتعمل الشغل كله
ما بعرف شو هي الشغلة المنطقية اللي ممكن تفسر هالشي.. لكن مثل جدتي... إمي من ال 7 الصبح لل 12 بالليل بتشتغل بالبيت
انا حطيت مثال على والدتي... وأكيد كل واحد وكل بيت عنده ظروف خاصة بتختلف

انا بحكيلك عمي انه الزمن هاد اصعب من زمان

دمت بود

اخي رافت اولا الف سلامه لاختك واللي هي اختنا ايضا
ثانيا اتفق معك بان الفلسطيني والحمد لله دائما متفوق واينما حل وارتحل يصنع مجد
ثالثا يا اخي وابني الان التكنولوجيا اصبحت في كل بيت وبتسهل العمل تقريبا والاكل الجاهز والثلاجات بتعرف كيف كنا نخزن اللحمه اللي بتزيد هنا كنا نملحها ونحطها بالنمليه على فكره اسم نمليه بطلنا نسمعه من مره كما اسم اللجن وفرش العجين والمخبز
وبالرغم من معاناتنا الا ان الحياه كانت اجمل من الان بكثير من الان كان هناك متعه بالحياه بتعرف يا رافت لما بحط اولادي جنبي واحدثهم عن الذكريات بقوللي طيب يا انت بتحكيلنا ذكرياتك وفيها الكثير طيب احنا بكره شو بدنا نحكي ذكريات لاولادنا بدنا نحكيلهم كنا نلعب بليستيشن ونلعب المزرعه السعيده ونقعد 4 ساعات على الكمبيوتر ذكريات ما الها معنا بصراحه وانا اتفق معهم بهذا
صدقا اخي رافت اننا عانينا وابائنا عانوا اكثر منا واجدادنا اكثر واكثر اما انتم فلديكم معاناه ولكمها من نوع اخر غير ما كنا نحن نعاني

[Mjaradat]

همه شافو الفيصلي بياخد الدوري
احنا ما شفناه

[مالك]

اخي رافت اولا الف سلامه لاختك واللي هي اختنا ايضا
ثانيا اتفق معك بان الفلسطيني والحمد لله دائما متفوق واينما حل وارتحل يصنع مجد
ثالثا يا اخي وابني الان التكنولوجيا اصبحت في كل بيت وبتسهل العمل تقريبا والاكل الجاهز والثلاجات بتعرف كيف كنا نخزن اللحمه اللي بتزيد هنا كنا نملحها ونحطها بالنمليه على فكره اسم نمليه بطلنا نسمعه من مره كما اسم اللجن وفرش العجين والمخبز
وبالرغم من معاناتنا الا ان الحياه كانت اجمل من الان بكثير من الان كان هناك متعه بالحياه بتعرف يا رافت لما بحط اولادي جنبي واحدثهم عن الذكريات بقوللي طيب يا انت بتحكيلنا ذكرياتك وفيها الكثير طيب احنا بكره شو بدنا نحكي ذكريات لاولادنا بدنا نحكيلهم كنا نلعب بليستيشن ونلعب المزرعه السعيده ونقعد 4 ساعات على الكمبيوتر ذكريات ما الها معنا بصراحه وانا اتفق معهم بهذا
صدقا اخي رافت اننا عانينا وابائنا عانوا اكثر منا واجدادنا اكثر واكثر اما انتم فلديكم معاناه ولكمها من نوع اخر غير ما كنا نحن نعاني

دائما اخي ابو عمار الحياة التي تعتمد على البساطة اجمل بكثير من التي نعيش
حاليا الجار لا يعرف جاره زمان الطبخة كانت تتوزع علجيران
زمان كنت تشعر بوقار ببيوت العزاء اليوم هي عبارة عن ديوانيات لتبادل الحديث والمزح احيانا
زمان كنت تشعر شو يعني قيمة الاب وكان اله وضع خاص بالبيت الاىن بتحس انه مفش فرق اقصد في احترام لكن مش مثل ايام زمان
كثير امور اختلفت لو بدنا نحكيهن بدنا مجلدات
طبعا انا ماعاشرت هذيك الايام لكني بسمع من اهالينا شو كان

[ام حذيفة]

نيااااااالهم

يا ريتني ما شوفت شي

[مالك]

نيااااااالهم

يا ريتني ما شوفت شي

ليش انتي شو شفتي؟؟

[ام حذيفة]

ليش انتي شو شفتي؟؟

والله كتيير بتمنى اعيش زي ايام زماان او بصحرا
لا في كهربا ولا في شي زي اليوم

[مالك]

والله كتيير بتمنى اعيش زي ايام زماان او بصحرا
لا في كهربا ولا في شي زي اليوم

ام حذيفة عبعال الي ورجت الناس لنجوم بعز الظهر حابة تعيش بالصحرة بدون عداد كهربة!!

طب ولا حتى لمبة كاز او كولر ميّة؟؟

المشكلة بالصحرا مفش عندهم طناجر ضغط ولا حتى شبس بطاطا
مش عارف كيف رح تعيشي وسط لظباع وريحة الغنم

[ام حذيفة]

ام حذيفة عبعال الي ورجت الناس لنجوم بعز الظهر حابة تعيش بالصحرة بدون عداد كهربة!!

طب ولا حتى لمبة كاز او كولر ميّة؟؟

المشكلة بالصحرا مفش عندهم طناجر ضغط ولا حتى شبس بطاطا
مش عارف كيف رح تعيشي وسط لظباع وريحة الغنم

بالنسبة للضو بالنهار الشمس موجودة وبالليل في لمبة كاز زي ما حكيت او شمعة مش مفرقة ولو ما في اريح
وبالنسبة للطناجر مستغنية عنهن بخترع طنجرة لحالي والشبس كمان مستغنية عنو
والظباع بدهن يوكلني اهلا وسهلا ما بدهن بوفرن
وبالنسبة لريحة الغنم افضل من شوفة بعض الناس ...
اذا صحتلي هالفرصة ما بوفر رح ادبر حالي منيح وبتأقلم بسرعه الحمدلله

[رنين]

شايفين الحياة بساطة وكانو عايشين على ايراد ه الارض اما احنا الله يكون في عونا
بكفيش ان العمر ضاع تفكير

رغم الحروب الي شافوها بس
والله حياتهم كانت احلى ع الاقل كانوا
عارفين شو بدهم من الدنيا
الله يريح بالك خيي ^^

نبيل

على هذه الارض ما يستحق الحياة

لو غير هيك لما خلقنا ^^

كمبيوتر الوحدات

لكل زمان دوله ورجال وعيال
واي باد اكسبوكس
وايفون وبلاكبيري

شفت حتى الاقوال تغيرت
هههه
نورت صديقي ^^

sara2

اتغيرت الحياة كلها لو ترجع ايام زماان

هلا ترجع مارح ترجع
بدك تعيشبها متل ما هي صديقتي
لازم تتعودي عليها ~~

ام يحيى
احسن انهم ما شافوا

فكرك احسن انه احنا شفنا ؟؟؟

[رنين]

رنين يا بنتي فعلا انتوا شو شفتوا

احنا شفنا المزحه والحرب
احنا شفنا البابور ندفى عليه والكانون الحطب
احنا شفنا تعريفه مصروف على المدرسه واذا عليت قرش
احنا شفنا نمشي على المدرسه بعز البرد اكثر من 2 كيلو يوميا
احنا شفنا البوط الصيني والبدله الفوتيك للمدرسه
احنا شفنا اللحمه مره بالشهر والطبيخ يوم الجمعه بس جاج وباقي الاسبوع بيض وسلطه
احنا شفنا نحمل فرش الخبز للمخبز ونصف على الدور علشان نخبز الخبز
احنا شفنا امهاتنا بغسلوا على ايديهم باللجن وتشطف الدار والحوش

طبعا انا حكيت الشغلات الخفيفه والبسيطه ما دخلت بالاشياء الصعبه كتير

فعلا انتوا شو شفتوا

ليه كنت تروح ع المخبز ؟؟!!
الحجه ما كانت تعجن ؟
عاد هاد احلى شي كان بأيام زمان انه كل شي من البيت
مو متلنا هلاء دوالي ما بنعمل إلا جاهز

بعدين خيي هلاء احنا بعصر الآلات
يعني صار مطلوب منا نكون متل الكمبيوتر وآله الحاسبه بالرياضيات
وذاكره قويه متل الميموري
و لازم يكون عنا زوق ودقه تنسيق متل الفوتوشوب
لازم نكون مستقيمين وسريعين متل الرجل آلي

خيي بكل المقاييس حياتكم ارقى

IiI_anas_IiI

فرق ما بين ( شفنا ) و ( عشنا )
هم ( عاشوا ) ونحن ( شفنا )

خيي مصيبه إز مو عايش كل هدول
كيف شايفهم بس
إز ع الوضع السياسي فهو كمان مأثر ع وضعنا هون

SAMBA الله يستر

من الايام الجايه

يارب تكون خير ع الاقل
بنفوس الناس

شهد نابلس

رنين نسيتي جلاكسي سامسونج هههههههههههههههههه

سقط سهواً
هههههه
ابهجني مرورك ^^

أبو ينال

والله انا دايما بحكي لابني " الله يكون بعونكم على الي رح يجييكم ، ابصر شو رح تشوفوا "

وشهد شاهد من اهله ~~

مالك
الجيل القديم دايما معصبين وشايفين الديك ارنب

من الي شافوه ^^

أحمد الصادق
الجواب الرائع ما تفضل به رمزي الياموني ..

وتمام كما ردت ع رمزي
دمت بحفظ الرحمن صديقي ^^

[رنين]

صحيح عمي... لكن بدي احكي شغلة
على افتراض انه احنا جيل عايشين بنعمة كبيرة والحمدلله
اهل النرويج والدنمارك وهولندا هم أكثر شعوب العالم انتحارا لإنه كل شيء متوفر لديهم ولا هدف لحياتهم
بالنسبة للتعريفة مصروف للمدرسة.. والدي كان يوخد تعريفة بس كان يحكي انها كانت تجيب كيسين قضامة وبسكوت وما بعرف شو شغلات
بالنسبة للمدرسة مش جميعنا انحط بمدارس خاصة والباص أجاه لباب البيت.. درست 8 سنوات بمدارس الوكالة لإن المدارس الحكومية ما قبلتني فقط لإنه أصلي فلسطيني. وكنت امشي 5 كيلو يوميا 6 أيام بالأسبوع
يمكن شغلة المأكل معك حق فيها.. أجدادنا اللي همة آبائكم,, اضطروا يطلعوا من بلادهم وبلادنا وتركوا كل شيء وعاشوا في ظروف صعبة.. لكن الفلسطيني وين ما ينحط بطلع من الأرض وبعيش عيشة كريمة والحمدلله انتوا (آباءنا) ما قصرتوا معنا ونحمد الله دائما على النعمة
صحيح انه جدتي الله يرحمها كان عندها 13 ابن وابنة. وتغسل على ايدها وتزرع وتقلع بايدها وتخبز بايدها
مقارنة مع والدتي الله يخليلي ياها.. عندها 6 والغسالة فل أوبشن ومعظم الأشياء بتيجي جاهزة
لكن عندي أخت معها مرض توحد... بدها 3 خادمات يكونوا معها 24 ساعة ليقوموا فيها.. ووالدتي بتعمل الشغل كله
ما بعرف شو هي الشغلة المنطقية اللي ممكن تفسر هالشي.. لكن مثل جدتي... إمي من ال 7 الصبح لل 12 بالليل بتشتغل بالبيت
انا حطيت مثال على والدتي... وأكيد كل واحد وكل بيت عنده ظروف خاصة بتختلف

انا بحكيلك عمي انه الزمن هاد اصعب من زمان

دمت بود

الف سلامه ع اختك صديقي
وبدك الصح لا تعليق ع كلامك ابدعت ^^

عاشقة فلسطين 91

يـــــــــــــا ريــــــــــت ضلت ع هيــــــــــــــــــك

شفنا اكتـــــــــــــــــر ولسة احنا منيحــــــــــين ....

احكيلهم ولسه بيحكولنا شو وشفتوا

أبو الوليد

على الأقل عاشوا فترة فيها أكل نظيف خالي من الكيماويات

وشرب نقي وليس مفلتر ولا مقنن وحتى الهواء كان نقي وكنسمة عبير

وليس ملوث والله عاشوا أفضل منا بكثير

ع ئولت اهل زمان كان الواحد يصحى يشوف وجه ربه الصبح ويسمع صوت خلئه
مو بيصحى ع عمارات وسيارات دخانها عامل ضباب

الحمد لله ع كل شي عصر التكنولجي

[رنين]

اخي رافت اولا الف سلامه لاختك واللي هي اختنا ايضا
ثانيا اتفق معك بان الفلسطيني والحمد لله دائما متفوق واينما حل وارتحل يصنع مجد
ثالثا يا اخي وابني الان التكنولوجيا اصبحت في كل بيت وبتسهل العمل تقريبا والاكل الجاهز والثلاجات بتعرف كيف كنا نخزن اللحمه اللي بتزيد هنا كنا نملحها ونحطها بالنمليه على فكره اسم نمليه بطلنا نسمعه من مره كما اسم اللجن وفرش العجين والمخبز
وبالرغم من معاناتنا الا ان الحياه كانت اجمل من الان بكثير من الان كان هناك متعه بالحياه بتعرف يا رافت لما بحط اولادي جنبي واحدثهم عن الذكريات بقوللي طيب يا انت بتحكيلنا ذكرياتك وفيها الكثير طيب احنا بكره شو بدنا نحكي ذكريات لاولادنا بدنا نحكيلهم كنا نلعب بليستيشن ونلعب المزرعه السعيده ونقعد 4 ساعات على الكمبيوتر ذكريات ما الها معنا بصراحه وانا اتفق معهم بهذا
صدقا اخي رافت اننا عانينا وابائنا عانوا اكثر منا واجدادنا اكثر واكثر اما انتم فلديكم معاناه ولكنها من نوع اخر غير ما كنا نحن نعاني

معانتكم إلها معنى يعني إلها سبب
احنا منعاني من شو الكل نفس المعاناه
اولها الفراااااااااااااغ
وبعدين الملل المرض الجلطات الطفر
هاد احنا

الي بيحسدكم عليه انها كنتوا تعانوا
من التعب
يعني المسا لما تناموا تناموا هلكانين
طول اليوم شغل زيارات صحبه سعي في الدنيا
احنا ماعنا هاد الاشي
احنا بنام عشان يخلص اليوم لانه طويل
واحنا ما بنعمل اشي
فعلا متل ما حكوا اولادك الله يحميهم يارب
ماعنا زكريات نحكيها لولادنا
الكمبيوتر آخدنا لدرجه انه جزء اساسي في حياتنااهم من الاكل والشرب

[رنين]

همه شافو الفيصلي بياخد الدوري
احنا ما شفناه

ان شالله ما بنشوفه يارب

[ابو عمار الجنيدي]

حتى الافراح الايام هاي ما الها نكهه وما تشعر انه في عرس بالبيت الا يوم العرس ويمكن ما تشعر لانه اليوم العرس بالصاله او بالفندق وحبة جاتو وكاسة عصير ومبروك والسلام عليكم

ايامنا كانت الاعراس تستمر لايام فقد كان السهرات امام بيت العريس تبد من يوم الثلاثاء الى يوم الجمعه لان الجمعه هو كان يوم الافراح والاعراس وينصب بيت الشعر وليس الصيوان امام البيت ومن ثم تبدأ السهرات وياتي اهل العريس واصحابه من كل المدن والقرى والمخيمات وياتي اهل العريس ايضا من فلسطين لمن له اقارب هناك وتكون ضجه بالبيت وفرحه كبيره والشباب تنصب حلقات الدبكه والسامر لا في فرق موسيقيه ولا مطربين نص كم في شباب بتغني وبتدبك على الطبله واليرغول او الشبابه والقربه
وليلة الجمعه يبدأ اللحام بالدبح وتجهيز الدبايح واللحم والطباخين يبدؤن بتجهيز الطبخ والمناسف وبعد ان يتم الدبح تقوم ام العريس واخواته واقاربهم بطبخ المعاليق للشباب السهرانه والضيوف وتكون ليله ولا اجمل ويوم العرس يكون الغداء وتنزل المناسف والنساء تزغرد والشباب تسحب المسدسات وتبدأ بالطخ والعريس مبسوط واله مبسوطين ومنسف نازل ومنسف فاضي راجع وابو العريس واصحابه وركزوا على كلمة اصحابه هم من يقوم على خدمة الضيوف واحد يصب قهوه وواحد ميه ومجموعه على الغسيل
يااااااااااااااااااااااااااااااااااااااا ااااااااااااااااااااه ما اجمل اعراس زمان
ومن ثم بعد الغداء يتم التجهيز للذهاب الى بيت العروس لاخذها من بيت ابوها الى بيت الزوجيه وهذا ما يسمى بالتراث الفارده والزفه بالسيارات وعد وصولهم الى بيت العريس لان الاعراس كانت بالبيوت مش بالصالات والفنادق تبدأ الاغاني النسائيه الجميله من التراث وليس اغنية بحبك يا حمار ومن على شاكلتها

صدقا يا اخوان لما اشوف شريط عرسي واشوف اعراس اليوم بحزن على العريس والعروس ما في فرحه مثل البشر ما في بهجه والعادات والتقاليد راحت وبطلنا نعملها

لي عوده للحديث عن انتوا شو شفتوا بخصوص الاعراس ايضا ان شاء الله