للمـــتــزوجــيــن فـقـط...يلا بـصـرخة قـويـة ..بــدنا اجـازة زوجــيــة

[مالك]

حسبي الله ونعم الوكيل على هيك حكام ..
هي هيك حاله بدها 2 يحكو فيها !!!

[مالك]

تضجرنا من البيت تضجرنا..تجوزنا وتعترنا
كنا بنتأمر علناس...صارت حُرمة تأمرنا



http://www.youtube.com/watch?v=koX9S0TTQwA

[عمرو الاخضر]

مالك طب امنت حالك اليوم وين بدك تنام قبل ما تنزل الموضوع ؟؟؟؟

[مالك]

مالك طب امنت حالك اليوم وين بدك تنام قبل ما تنزل الموضوع ؟؟؟؟

إولييييي..ياويلي اليوم هاي راحت عن بالي

[ŁỉøṈêl Ã. SẵẃälḨâ]

وسمعني كنت اعزب داير مبسوط لمالك
هيهي

[عبد الحكيم]

نداء الى نِسوانّا ببيوتهم الله يحفظهن يارب





زهقنا كل يوم طالعين من البيت حاملين كياس زبالة وراجعين حاملين كياس خظرة



هذا عدا عن 15 تلفون واحنا بالشغل متنساش تجيب وانت مروح بندورة وخيار وبتنجان وبطاطا وخبز واهم شي اهم شي متنساش كيس الفوط تعون الولد...."طالع عتال نازل زبال"





هذا عدا من تفتيش التلفونات وجيوب الجاكيت والبنطلون علطالعة والنازلة



هذا عدا عن التحقيقات على الرايحة والجاية
مع مين حكيت ومع مين طلعت وليش تأخرت
وشو تغديت من وراي ومن وين اجتك هاي البقعة على القميص




خلص بكفي...خلص بكفي



بدنا اجازة لو شهر ..المساجين بعطوهم شهر يشموا شوية هوا






يلا بصرخة قويّة
بدنا اجازة زوجيّة
حتى نعيش بحريّة
ونيال العزابيّة
مافي اي مسؤوليّة
ماعنده فواتير نت.. ولا كهربا ولا ميّة
ما عنده اي تحقيق على الرايحة والجايّة






وزي ما قالوا
أولها راحة ودلع


وبعديها بهدلة ووجع

والعبرة من الموضوع
رجعوني عزابي ولو اسبوع

مالك تعال عندي بالامارات ورايح تنسي حتى نفسك ههههههههههههههههههههههه

[رمزي الياموني]

انا اخف بلى شوي
كل صيف بطير مع الولاد برى البلد عند اهلها وبوخذ اجازة شهر ونصف من كل عام

::

[palestine angel]

يعني على أساس إنته بس إلي تعبانين مهي ليل نهار طبخ وغسيل وهاظ مرض وهظاك بعرفش شو صارلوا ....

وهي كمان بدها إجازة منك ومن ولادك....

[Abu_Besan_Alw7daty]

حرام عليكي يا مالك انا عرسي بعد 4 شهور ان شالله

شو رح يصير بنفسيتي بعد مااشوف كلامك

[انــــــس]

معك حق اخي مالك وهذا الدليل

[مالك]

وسمعني كنت اعزب داير مبسوط لمالك
هيهي

http://www.youtube.com/watch?v=n-Tp5...eature=related

[مالك]

مالك تعال عندي بالامارات ورايح تنسي حتى نفسك ههههههههههههههههههههههه

ياريييييت ..نيااااالك عمي ابو جميل الي قدرت تطفش ..ياريت اقد اطفش عندك اكمن يوم وادور عحل شعري

[مالك]

انا اخف بلى شوي
كل صيف بطير مع الولاد برى البلد عند اهلها وبوخذ اجازة شهر ونصف من كل عام

::

اللهم لاحسد..طب منيح يعني اكثر من الاجازات الرسمية بالشركات 14 يوم
غلطنا يا ابو شريك الي ما اخذنا بنت من برات البلد وهاي نصيحة لكل الشباب يتزوجوا من برا البلد مش من جوات البلد عشان تجيهم اجازات سنوية زي حلاتك

[مالك]

يعني على أساس إنته بس إلي تعبانين مهي ليل نهار طبخ وغسيل وهاظ مرض وهظاك بعرفش شو صارلوا ....

وهي كمان بدها إجازة منك ومن ولادك....

اسم الله.. اسم الله عليكن يختي

حملينا جميلة مش كل طلباتهن مجابة وما عليهن الاّ يرفعن التلفون الصبح الواحد فينا بفكر اتصلت عشان تتطمن عليه مش عشان "ليش انسيت توخذ كيس لزبالة وانت طالع"
وبعدها يبلش الزخ تنساش وتنساش وبس نرجع علبيت كون الواحد بده كلمة حلوة عشان ينفتح نفسه علغدا ببلش النق "اجتك فاتورة كهربا وفاتورة ميّة وابنك وبنتك بدهم رسوم للرحلة الفلانية وبدهم دفاتر واواعيهم قربت تنهرى وبدهم اشي جديد
وصحيح قبل ما انسى دريت انه فلان مات وفلانة اتطلقت"

[أبو عدي داوود]