وهيك مر يومي

[رنين]

بدنا نسمع مالك اليوم ^^

[سمير يونس]

ان شالله كل ايامك خير يارب

ان شالله ينعاد عليك

على الجميع باذن الله

دمت بحمى الرحمن

[مالك]

بدنا نسمع مالك اليوم ^^

بالامس كانت طلعة جميلة مع الاحباب
ركبنا 7 اشخاص بسيارة انس الاوبل الي طولها شبرين ونص
والي زاد الطين بلة اجا دياااب بحجمه الاكس اكس اكس لارج وركب معنا
طبعا كنا محشورين زي علب السردين كل شوي اتطاوش مع ثلاثة عشان يقوموا عشان ارفع ايدي لاحك راسي واحنا بالسيارة
رحنا هناك بغمدان وافطرنا باجواء جميلة قدرة ومندي وعصيير تمر هندي مع اني بشك انه باكستاني مش هندي
المهم انخنقنا من كثر الاكل واللحمة حبطرش
وحكينا فرصة قبل ما دياب يخلص صلاة لانه بس خلص صلاة لا ضل لحمة ولا ضل حبطرش

المهم ضلينا سهرانين نضحك ونمزح اكثر شي حرق راسي الدخان لانه الكل كان يدخن ويأرجِل ما عداي

صرت اسحب بالارجيلة لاني متحملتش المنظر ومسكت سيجارة عشان ادخن صرت مثل الي هدم الكعبة الكل هجم علي واخذوها مني

بعدها مسكني اللورد وبلش معي يعطيني دروس خصوصية

ضلينا نضحك ونمزح لوجه الصبح رجعنا على البيت ونمت عوجهي gفي من التعب
بس كان يوم من الاخر

[رنين]

لانه الكل كان يدخن ويأرجِل ما عداي

صرت اسحب بالارجيلة لاني متحملتش المنظر ومسكت سيجارة عشان ادخن صرت مثل الي هدم الكعبة الكل هجم علي واخذوها مني

عشان تعرف كيف صحابك خايفين عليك


ان شالله دائما ايامك خير