~ :: يا فتحي ، يا ابو مْحَمّـــــاد ، يا عمــــاد :: ~

[jamal nashwan]

بدنا هجووووووووووووووم بدنا ااجانب

[khaled salameh]

والله يجير ابو محمد ،، ذبّاح الجاجه العتكيا ..

[jamal nashwan]

والله يجير ابو محمد ،، ذبّاح الجاجه العتكيا ..

كركع بابــور الديــرا الله يجيــرا
وسمعت كراكيعا من كاع الـــواد
طلّ الكمر من شَرْكا لابس خِرْكا
يخلف عليكوا وتْشثّر الله خيركو
يااهل الفالوجه ويا أهالي بُـركا
جاجاتنا وجاجاتكو رِبْيِن ســـــوا *
وتْشثّر الله خيركو يا اهل الهوى
دِتْشّـان مْكابل دِتْشّـان
والبطيخ تْشوام تْشوام
والله يجير ابو مْحيمّاد
ذبّاح الجاجة العُتكيّــــا

* * *



همسة * : رِبْين سوا وليس سوا ربينا





* * *


اليوتيوب هذا صرعة !.

[أبو صلاح القصراوي]

فضحتنا يا أبو محمد .. مخلّي الجاجات بالجوع ...!!
حصار للجاج يا رجل ...!!!!
الله يكون بعون الحمامات اللي على البلكونة ...!!!

[jamal nashwan]

ئي !.
هُـو لسّــة في حمامات عـ البلكونه بتحكي ، وبتشكي من أبو محمّـــــاد ؟!.

[ابو عمار الجنيدي]

اسقي الزريعه

[ابو محمد عماد]

سنحكو شكلكو فاظيين
اه
عندي زريعة وعندي حمام دايما بيجي عالبلكونة وحاطلو صحن للمي
ببيض وبفقس وبيطير

هسة في زغلولين بلديات نفسي فيهم
بس الولاد بقولولي حرام عليك توكلهم
هم امنو واجوك عالبلكونة وانت تغدر فيهم

فمش عارف نفسي تراودني
خصوصا انو هاي المرة بلديات مش بريات لانو البري صغير لقمة وحدة بس البلدي غير
انا في صراع مع نفسي

اغدر فيهم واهجم عليهم
والا اعطيهم الامان

[jamal nashwan]

أمان مين واولاد مين يا ابو محمد ؟!.

تردّش عليهم ، هذول مش عارفين مصلحتك .. أو عارفينها بـسّ بغاروا !.

زغاليل بلدي بتفوّتوووووووووش ، Gـِـيِتْ حالك وْرُمّْ عظمــك .

[khaled salameh]

تردش ع أبو أحمد .. قال رُم عظمك قال .. بس تبطل "التتن" اول .. بعدين زغلول بعظامه بطلعش لقمتين .. لا اللي "عبيت راسك" ولا اللي عتقت خلق الله ..

[jamal nashwan]

يا رجل شو دخل التِّـتِن في العظـــــام واللزي منّـو ؟!.

ئي ، خلّـيك مَحضر شرطة يا ابو عبد الله ،، بعدين الزلمه بحكيلك الحمام رايح جاي ، بِبِـيظ وبفقّـس وبيطير ، يعني الدورة 24 على 24 ساعة في الشهر ..
يعني الزغلول لُـGــمِه وِلّا عشرة ، الخيــر وَجَـــــاد !.

[jamal nashwan]

على سيرة الحمــــــــام :









يا حمام القدس نوَّح نوَّح فوق القُبب جيعان
مالَك على ايش مروَّح برجك عمــــا الدخان

بعد السنابل والطعام الْـ طابا
ارمي بقنابل دمعتك سكـــابا

خلّيك صامد على القُبب
خلّيك واثـق بالعـــــرب

خلّيك على الإسـلام خليك واثــق بِيــــه
يحميك يا حمـــــام كيف ما حَمِيت نبيه

ياحمام القدس كبَّر كبَّر عامر بيوت الله
للّي طـــغى واتجبَّــــر قولُّه الـــدوام لله

خلّي الكرامة والشهامة زادك
خلّي الأمـل في ولادنا وولادك

خلّيك صامد على القُبب
جايينلك جْيَـــال الغضب


يا حمــام القدس ، في رحـــاب القدس ..

[ابو محمد عماد]

مش قبلانين الولاد الكل بيقوللي حرام
المشكلة الزغاليل صارت بدها تطير وكل شوي بقزدرو حولي وبعملو لفة وبرجعو عالعش تبعهم يعني اغراء مابعدو اغراء