في جوا بطني ..اشي بحكي : مااااااع

[مارد85]

مبارك ما اجاك
ان شاء الله تعيش وتشوفها عروس

[مارد85]

بما انه الاستراحة ميتة ..
والمنتدى الله وكيلكم قالب اتجاه معاكس ..
حبينا نطري الجو شوي ..
مع اني عتبان كثير عالشباب اللي سامحين بالمنتدى اتجاه معاكس وعلى راس اللي عتبان عليهم
ابومحمد عماد وابوعمار الجنيدي وعلاء ناصر
مع حفظ الالقاب

[ام يحيى]

صحتين

احنا ذبحنا كمان
احلى ما في العيد صلاة العيد بتكبيراته واجتماع الناس وفرحهم

[jamal nashwan]

أنا اللي في بطني بِكَاكِي !.
أعطيتها فطور جوز عيون مقليّات بزيت الزيتون ،
وختمناها قبل شويّه من عند أبو زغله ع الفحم ..

يا عمّي مش فاضيين ، أو بالأحرى طفرانين !!..

[jamal nashwan]

توفيق ،، أم يحيى .. هنيئًا لكم عيدكم ، وتقبّل الله طاعاتكم وأضحياتكم وجعلها في موازين حسناتكم ورفع درجاتكم في الجنات ..

كل عام والجميع بخير .

[أبو عدي داوود]

صحتين وعافية

احنا كمان افطرنا لحمه

بس ما ذبحنا في عنا لحمه مجمدة في الثلاجة

وصلنا حصة لحمة من بس بعدنا ما طبخناها

[عبدالله الكعكة]

انا شفت فلم رعب عند دار نشوان تقريبا ولد شمطتو سيارة ودعستو ورحنا نركض ودوه لمستشفى الحمايدة ( بس ما كان في دم كثير والولد كان بعيط )

[ام يحيى]

توفيق ،، أم يحيى .. هنيئًا لكم عيدكم ، وتقبّل الله طاعاتكم وأضحياتكم وجعلها في موازين حسناتكم ورفع درجاتكم في الجنات ..

كل عام والجميع بخير .

الله يسمع منك يا عم


وانت بالف خير يارب

[jamal nashwan]

ّ

طيّب ميّل يا غزيّل ،،
ميّلك ميّولِه
أيّلك أيّــولِه
نسقيك فنجان قهوه
بنطعميك معمولِه ..
كعكه بعجوه .. بسمسم .. سادة ، وحسب الرغبه ..
وِلّا بتحبّش حدا ييجي فيك ؟!.

بعدين في عنّا كعك دايت أصلي ..

قال فيلم رعب قال !.
شو هالخبر على وجه هالعيد هاظ ؟!.
العالم بتهنّي وبتبارك وهاظا بولول وبفاول !!..

[AbuLamar]

اخ ما احلى المعاليق
وكمان يومين كرشات اشي روعه

[ابو محمد عماد]

كل عام وانتم بخير وان شاء الله الأضحى القادم تكون فلسطين محررة وفش مخيمات وتكون الناس راجعة عبلادها ونصلي العيد في ساحات المسجد الأقصى ومايكون حوليها ولا يهودي ونروح ونتنقل بين نابلس والخليل وجنين ورم الله وما نشوف ولاحاجز وتكون الاردن بألف خير بأهلها وناسها ونظل نغلب الفيصلي ,,,بس كيف بدنا نغلب الفيصلي وهو مابكون فيه مخيم الوحدات لأنو بنكون راجعين عبلادنا ,,,,,هاي مشكلة كيف بدنا نغلب الفيصلي في حدا بقدر يحللي اياها.

نروح لموضوع العتب ياتوفيق احكي وفضفض خلينا نشوف ادا فيه اشي غلط نحاول نصلحو اذا بنقدر موضوع الاتجاه المعاكس هاي سنة الحياة أما انو يكون فيها اتجاه واحد فالصح انو يكون هناك عدة اتجاهات ولكن المفروض حتى بوجود عدة اتجاهات انها تصب نحو هدف واحد .هذه وجهة نظري وان شاء الله ما اكون غلطان يا توتو ......حلوة توتو ,,,,,هاي بس في العيد بعد العيد برجعك توفيق.

[مارد85]

تحياتي للجميع..
ام يحيى ..النشوان ..عبدالله ..ابوعدي ..ابو شهاب وابو محمد عماد ..

[مارد85]

كل عام وانتم بخير وان شاء الله الأضحى القادم تكون فلسطين محررة وفش مخيمات وتكون الناس راجعة عبلادها ونصلي العيد في ساحات المسجد الأقصى ومايكون حوليها ولا يهودي ونروح ونتنقل بين نابلس والخليل وجنين ورم الله وما نشوف ولاحاجز وتكون الاردن بألف خير بأهلها وناسها ونظل نغلب الفيصلي ,,,بس كيف بدنا نغلب الفيصلي وهو مابكون فيه مخيم الوحدات لأنو بنكون راجعين عبلادنا ,,,,,هاي مشكلة كيف بدنا نغلب الفيصلي في حدا بقدر يحللي اياها.

نروح لموضوع العتب ياتوفيق احكي وفضفض خلينا نشوف ادا فيه اشي غلط نحاول نصلحو اذا بنقدر موضوع الاتجاه المعاكس هاي سنة الحياة أما انو يكون فيها اتجاه واحد فالصح انو يكون هناك عدة اتجاهات ولكن المفروض حتى بوجود عدة اتجاهات انها تصب نحو هدف واحد .هذه وجهة نظري وان شاء الله ما اكون غلطان يا توتو ......حلوة توتو ,,,,,هاي بس في العيد بعد العيد برجعك توفيق.

هههههههههههههه ..على راسي يا شب ..
بالنسبة للفقرة الاولى ..
يعني لهذا نحن نتنفس ونعارك الحياة من اجل لحظة ينجلي بها الليل ونعود ..
وبالنسبة للفيصلي فهاي معضلة ..ههههههه
************
*******
***
*
اما الفقرة الثانية ..
فهون بيت القصيد...
اللي تفضلت فيه صح ..
ولكن الامور بلغت حد الاستياء..من قبل عمالقة بالمنتدى ..وصلت احيانا الى حد التجريح,, احيانا علني واحيانا مبطن ..
رح احكي بالعموميات شوي ..
حتى لا اعتبر "سحيج "..والله يشهد اني لست بسحيج ..
يعني مش ملاحظ انه الامور زادت شوي بين حبايبنا اللزم ..
وصاروا واكفين لبعض عالنكرة والدكرة ..مع انه كلهم حبايبي اللزم بس في واحد ازيد بشوي ..وحاس انه مش ملحك من حبايبي اللزم "الاثنين"
وانت وابوعمار والختيار ..مش فاشين غلي ..مع انه كل الرك لازم يكون عليكم ..بالصلحة

[ابو محمد عماد]

المصارين في البطن بتتخابط عادي ولكن موضوع التجريح ما بنقبل فيه نهائيا لانو احنا اهل واخوة مش مجازا او مبالغة بل فعليا

بس ماقلتلي كيف بدنا نغلب الفيصلي؟

[ابو محمد عماد]

طيّب ميّل يا غزيّل ،،
ميّلك ميّولِه
أيّلك أيّــولِه
نسقيك فنجان قهوه
بنطعميك معمولِه ..
كعكه بعجوه .. بسمسم .. سادة ، وحسب الرغبه ..
وِلّا بتحبّش حدا ييجي فيك ؟!.

بعدين في عنّا كعك دايت أصلي ..

قال فيلم رعب قال !.
شو هالخبر على وجه هالعيد هاظ ؟!.
العالم بتهنّي وبتبارك وهاظا بولول وبفاول !!..

الكعكة زي الغراب يا بو احمد ما بنعق غير في الخراب
اتطلع صورو في الفيس يا رجل
شكلو بجيب قضية
بكفيناش قضايانا نزيد عليهم قضية