تعالوا جاي : خلينا نغني تراث فلسطيني

[شهد نابلس]

..

[حنان عبد الرحمن عز]

هي يييييي بِـبيـتنا رمّـانـة أوها حـامضـة و لفّـانـة
هي يييييي حَـلَفْنا ما نقطعـها أوها ليدخل عريسنا بالسلامة
لي لي لي لي ليش

[حنان عبد الرحمن عز]

هي ييييييي ديـارنا كـبـيـرة
هي ييييييي ودَرَج الحـمام فيـها
هي ييييييي وأم العريس فرحانة
هي ييييييي إن شاء الله ربي يهنّيها
لي لي لي لي ليش

[حنان عبد الرحمن عز]

هي يييييي شـو هالنهار اللايـق
هي يييييي وفرحتلنا الخـلايق
هي يييييي وطقت قلوب الأعادي
هي يييييي ولَمّن حقت الحقايق
لي لي لي لي ليش

[حنان عبد الرحمن عز]

هي ييييي يا ما قعـدوا جنبـي
هي ييييي ويا ما حرقـوا قلبي
هي ييييي وقالوا فلان ما بيتجوز
هي ييييي تجوّز و نصرني ربي
لي لي لي لي ليش

[حنان عبد الرحمن عز]

هي ييييي يا صحـن حليـب
هي ييييي وكل ما برد بيطيب
هي ييييي نحـنـا أهـليـة
هي ييييي وما في حدا غريب
لي لي لي لي ليش

[شهد نابلس]

ا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو

ايويها... بحنة مكة جيت احنيكي
ايويها... يا بدر ضاوي وألحلى كلو ليكي
ايويها... ما بتلبق الحنة إلا لايديكي
ايويها... يا فاطمة زينة العرايس لمحمد اوديكي

ايويها... يا شعرك شعر السلسبيلي
ايويها... ويسلمي هالكم الطويلي
اويها... ريتو يحرصك الله
ايويها... من عين الحاسد والعزولي

أغاني الزفة في العرس الفلسطيني
بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود
ايويها... ريتو هالفرح مبارك
ايويها... سبعة ثمان بركات
ايويها... كما بارك محمد
ايويها... على جبل عرفات

ايويها... يا قاعدة على المراتب قعدة البنا
أيويها... والكحل بعيونك زقفتلوا غنا
أيويها... حط القدم على القدم ما اسمعتلو رنا
ايويها... ويجعل البطن يلي حملك مسكنو الجنة

ايويها... صبر قلبي وما قصر
ايويها... وانقطع حبل الجفا بعد ما تغير
ايويها ... افرحولي يا جيراني وخلاني
ايويها... وانا عها اليوم بتحصر.

ايويها... جيت اغني وقبلي ما حدا غنا
ايويها... بقاع وادي فيه الطير يستنا
ايويها... وريتك با محمد بهل العروس تتهنا
ايويها... وتضل سالم ويضل الفرح عنا

[شهد نابلس]

الاغاني التي كانت تغنى للعريس حين يأتي الحلاق ويقوم بحلاقة شعره وذقنه

إحلق يا حلاق بالموس الفضية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق بالموس الذهبية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق ومسح بشاشاتو احلق يا حلاق
تمهل يا حلاق لا ييجو عماتو تمهل يا حلاق
إحلق يا حلاق ومسحلو بكمو إحلق يا حلاق
تمهل يا حلاق لا تتيجو امو تمهل يا حلاق
احلق يا حلاق احلقلوا لحالو احلق يا حلاق
تمهل يا حلاق تييجوا خوالو تمهل يا حلاق
احلق يا حلاق ونعملو على خدو إحلق يا حلاق
تمهل يا حلاق لييجو ولاد عمو إحلق يا حلاق
إحلق يا حلاق ونعملو شعراتو إحلق يا حلاق
تمهل يا حلاق لييجو رفقاتو تمهل يا حلاق
أحلق يا حلاق تنشوف حالاتو احلق يا حلاق
تمهل يا حلاق تييجو خياتو تمهل يا حلاق

ايويها ... بمقص الذهب قصلوا يا بشارة
ايويها... لزينة الشباب وزينة الحارة
ايويها ... ان وصفت بالوصف ما وفيت
ايويها ... أمير صغير وتلبقلوا الامارة.

ايويها... ضليت أركض ورا الجواد لناسبهم
ايويها... هب الهوى ورماني على مصاطبهم
ايويها... دعيت رب السما ينصرهم
ايويها... نصره عزيزة تجبر بخاطرهم

ايويها ... اسم الله عليك
ايويها ... عين الله عليك
ايويها ... عين الحاسدة تعمى
ايوها ... والي ما تسمي عليك

[صمت البشر]

ماشيين

ماشيين من الكرامة ماشيين
في العرقوب والغور الصافي ماشيين
على طول الطريق
ثوارنا وكل الشعب
من اول المسافة لاخر المسافة
ماشيين ماشيين ماشيين
كل البنادق للعدو مسددة
والالف ميل تبدا بخطوة واحدة
وثورتنا ثورة مستمرة وصاعدة
على طول الطريق
ثوارنا وكل الشعب
من اول المسافة لاخر المسافة
ماشيين ماشيين ماشيين
ما يهمنا فانتوم ولا دبابة
ثورتنا اقوى ووحدها الغلابة
بصدورنا نخوض الردى وما نهابه
على طول الطريق
ثوارنا وكل الشعب
من اول المسافة لاخر المسافة
ماشيين ماشيين ماشيين

[صمت البشر]

ميجنا

ميجنا يا ميجنا يا ميجَنا

يا ويلٍ حَالي هَبّطو لَدْيارِنا

أوف يلِّي حَرَمتني أسْكُنْ بداري

وترَكْتني لنَذل أسمع واداري

وجَعَلْت البُومْ يزعَقْ بداري

إن شاالله بدارْهِمْ يِزْعَق غرابْ

يا شيب راس دشَّرونا احبابنا

أوفْ جُرْحْ لُبنان في يَدْكُو وضَعْتوهْ

تركتوا الطِّفلْ عمْ يبْكي واضَاعْتوه

الميتم الِّي عَ حدودْكو وَضَعْتوهْ

امْسَاعَدة لَلْذَبح ، في لبنان، الشباب

الله يخونك يا زمان الْ خَنْتِنا

يابا الدَّهِرْ دولابُه دارْ بِي

وبصَيحْ وفِشْ عادلْ دارِ بِي

يابا الحرامي صار ساكن دارْ بَيِّي

وعَمْ بِسَمِّيني مْخَرِّب ابْوابْ

الله يديمك يا أهالي بلادِنا

إخوة ليشْ عَمْ نِذْبَحْ بَعَضْنا

وذَنَبْ صَهْيونْ لاحِقْنا وبعُضّنا

علينا واجب نْنْظِّفْ بَعَضْنَا

وما يبْقى بيننا غيرِ الطيّابْ

.... أغاني ثورة

[صمت البشر]

... تكملة الميجانا

تِشوفْ الْغَرب لْلحَرِبْ بِحَرّكو

الشّرق ما يْخافْ لَوْ رَجّتْ بِحاركو

إذا السوفيتْ يا كارْتَرْ بَحَرْكو

السِّلِمْ بِسود وِتْوَلِّوا هَرَبْ

على دلعونا على دلعونا

إلكو تحيّة من عَيْلَبونا

ونِحنا مِنْغَنِّي عن جُرْح بْلادي

يللِّي بفْديها بْروحي وفُؤادي

جيراني صحابي أهْلي ووْلادي

كُرّْمال بْلادي عمْ يضَحوِّنا

على دلعونا على دلعونا

إلكو تحيِّة من عَيْلَبونا

من يوم خُلقْنا بِنْخْدِمْ شَعبْنا

إذا مْنِتْراجع ويلي شُوعيبنا

يا ربي تبارك وحدة شعبنا

تنظل نجابِه حُكُمْ صَهْيونا

على دلعونا على دلعونا

إلكو تحيّة من عَيْلبونا

نِحْنا بشَعْبِ بْلادي بنتْغَنَّى

لْبيوم الأرِض لَصيتُه رَنّا

تحْيا عرَّابة ساخنين دير حنّا

كانوا فوارِس كانوا يموتُونا

على دلعونا على دلعونا

إلكو تحيّة من عَيْلبونا

فُرْقِتنا كلّها فُرقَة وطنية

ما عنده فارقْ ولا عُنْصريّة

وكلّنا بنَّاظِلْ لاجْلِ القَضية

تنعيش سَوِيِّة بِفَلسْطينا

على دلعونا على دلعونا

إلكو تحيّة من عيلبونا

يا شعبي اصْمُد ظحِّي بشبابَكْ

لازمْ تتحَمّل تِجْني أتْعابَك

أوعَى تتنازَلْ ويفوتُوا اعْتابك

اذْنابِ الحكومِة والـْ يحْكمُونا

على دلعونا على دلعونا

إلكو تحيّة من عَيْلَبُونا

...منقول أغاني ثورة

[صمت البشر]

من اغانى الزفة

لمين هالدار الكبيرة اللي محوطها كرم التين
هاذي دار ابو محمد والعطشان يشرب بلتين

لمين هالدار الكبيرة اللي محوطها كرم اللوز

هاذي دار ابو محمد والعطشان يشرب كازوز


يا عز الطنب غالي علينا هيه يابو محمد يا جار لينا
يا عز الطنب غالي عليّة هيه يا بومحمد يا جار ليّه
ونشوف فلسطين مين تولاها هاتوا جريدة تنا نقراها
تنشوف فلسطين مين استلمها هاتوا الجريدة وهاتوا قلمها

.... تراث فلسطيني

[صمت البشر]

العروس صارت لينا

صارت لينا صارت لينة المليحة

صار السعد يدرج على التسريحة

صارت لينا صارت لينا المزيونة

صار السعد يدرج على اللمونة

صارت لينا صارت لينا النشمية

صار السعد يدرج على العلية

صارت لينا صارت لينا الغزالة

صار السعد يدرج على الخزانة

صارت لينا صارت لينا الغندورة

صار السعد يدرج على الحاكورة

لمين هالخيول المربوطة في الخوخ

هذي خيول ابو محمد ومجللة بالجوخ

لمين هالخيول المربوطة في التين

هذي خيول ابو محمد ومجللة بحريرين

الزينة مليحة ولا نسخى نغربها

من بيت ابوها لحرجات العمام

الزينة مليحة على ايديها نقش حنّة

يا محمد لو لحق الطلب غنّى

راحو المجاريح يشكو من فعايلنا

لا احنا من طرف ولا هزايل

بنات الأمارة خاص الحمايل

لا احنا من طرف ولا من دون

بنات الامارة خاص الحمولة

والبدلة البيضة من طبريا

جابوها السمّاكة مع البحرية

والبدلة البيضا من حيفا وغاد

جابوها السماكة مع الصيَّادِ

لا تقولو بغني من رواق راسي

بسلي في همومي قدام الناسِ

لا تقولو بغني من رواق قلبي

بسلّي في همومي اللي كتبها ربي

.... تراث فلسطيني ..منقول

[صمت البشر]

يا طير ...

يا طيرٍ طاير بيدي عليتو

سلم ع محمد وين ما لاقيتو

يا طير يا طاير بيدي رفعتو

سلم ع محمد وين ما لمحتو

حملت الجرة جديدة ترشح

ياكحلة عينك في القلب تجرح

من دمع عيني لاملي ابريقي

وارش الشارع مع الطريق

صلن ع النبي لتحسدنو

امو الحزينة تتقلدنو

صلن ع النبي لتحسدونا

أمو الحزينة تتقلّدونا

.... تراث فلسطيني

[شهد نابلس]

اغنية للعروس ليلة الحنة عند انتقالها الى بلد غريب
عبيلي الجرة
عبيلي الجرة
يما يا حنونه عبيلي الجرة
بعطش من مره
بعطش من مره
وانا بلادي بعيده
بعطش من مره
عبيلي البريق
عبيلي البريق
يما يا حنونه عبيلي البريق
بعطش ع طريق
بعطش ع الطريق
وانا بلادي بعيده بعطش ع طريق