تعالوا جاي : خلينا نغني تراث فلسطيني

[mard x]

هبت النار والبارودِ غنى

أطلب شباب يا وطن وتمنى

وهبت النار من عكا للطيرة

كمشة صغار ربيوا عالحصيرة

وهاي صاروا كبار وما نسيوش الديرة

ومين اللي ينسى فلسطين الجنة


وهبت النار كرامة كرامة

الفلسطينية ومع كل النشامى

طلوا فدائية وويله اللي يتعامى

فجر الحرية بالدما يتحنى


وهبت النار بشاير بشاير

وهالشعب واحد مش عيل وعشاير

بدمه جاهد وتحمل خساير

وع الثورة عاهد تنحرر موطنا

هبت النار



وهبت النار يا أهل العروبة

الفدائي محاصر والأرض مسلوبة

كل اللي هاجر دربه من دروبي

والشعب جاهد وبالفدا يتغنى

[سااارة]

لي الشرف ان أشارك في موضوعك أخي
لأنه وبكل صدق ابدااع واكثر من ابداع....
إبداع تعلى فوق هامات السحب
سلمت أناملك الذهبية وأنامل كل من شارك
كلمه حق يجب ان تقال ابدعتم
واخرجتم لنا تحفة من الثرات الفلسطيني اقل مايقال عنها راااااائعه
موضوع كبير وجميل وهادف
رااائع بكل ما تحمله الكلمة من معنى
اشكرك ... على هذا الموضوع
والى الامام دااااائما...

واسمحو لي أن أشارككم بهذه الأغنية التي تترد في الأعراس الفلسطينة
بحبها و بسمعها كتيــــر
هههههه

إمو يا إمو يخليلو إمو ........ سبع كناين تدخل على إمو

جابتلي البصل ... و ما باكل بصل
و بشهر العسل ... لحقتني إمو

إمو يا إمو يخليلو إمو ........ سبع كناين تدخل على إمو

جابتلي فقوس...وما باكل فقوس
حية بسبع روس ... تقرصلي إمو

إمو يا إمو يخليلو إمو ........ سبع كناين تدخل على إمو

جابتلي شمام ...و ما باكل شمام
حتى عالحمام ...لحقتني إمو

إمو يا إمو يخليلو إمو ........ سبع كناين تدخل على إمو

جابتلي بطيخ ...و ما باكل بطيخ
حتى عالمريخ...طلعتلي إمو

إمو يا إمو يخليلو إمو ........ سبع كناين تدخل على إمو

جابتلي هالشاي...و ما بشربو الشاي
الأبريق و الكباي...كسرتهم إمو

إمو يا إمو يخليلو إمو ........ سبع كناين تدخل على إمو

جبلي السجادة...وما لو بالعادة
انهرت السجادة...من دعسة إمو

إمو يا إمو يخليلو إمو ........ سبع كناين تدخل على إمو

ل

[سااارة]

مع فائق التقدير والاحترام للأم الفلسطينية

[العرابي]

يا جماهير الأرض المحتلة
يا جماهير يا جماهير
ثوري ثوري يا جماهير الأرض المحتلة
ثورتنا انطلقت قيدي من دمك الشعلة
يا جماهير الأرض المحتلة
لا إرهاب ولا معتقلات بتضعف عزيمتنا
بدمنا وكفاحنا بتزيد وتقوى ثورتنا
يا الله يا جماهير الثورة عالعدو يا الله
ثوري ثوري يا جماهير الأرض المحتلة
ثورتنا انطلقت قيدي من دمك الشعلة
يا جماهير الأرض المحتلة
يا ام الشهدا وقدمتي للثورة اولادكي
احنا ولادك يا يما واحنا رجالك
بالدم الغالي نحررها وحياكي الله
ثوري ثوري يا جماهير الأرض المحتلة
ثورتنا انطلقت قيدي من دمك الشعلة
يا جماهير الأرض المحتلة
حرب التحرير يا جماهيرنا طويلة ومرة
باسم فلسطين ثورتنا ثورة مستمرة
لا بنسالم لا لا ولا بنساوم لا لا
لا بنسالم ولا بنساوم على حبة رملة
ثوري ثوري يا جماهير الأرض المحتلة
ثورتنا انطلقت قيدي من دمك الشعلة
يا جماهير الأرض المحتلة

[صمت البشر]

ايه والله ما في احلى من هالحـchـي روووعه
والله انو بتمنى يغنو فلاحي بالعراس زمان كنا نترجاهم يخلونا نشغل الراديو دقيقتين هلأ يا حسرة ما بنسمع غير الدي جي
وينك يا ام حسن هي اللي كانت تضلها تغني بس اعتزلت الله يسامحها

ههه طب عملتلوها مباراة اعتزال لأم حسن
على كل حال ..
من القدس الأبية هلت ...أم حذيفة علينا بتحيّة
قالت يا ربعي ويا خويّة ... ا م حسن راحت مين يرجع الهيهية ..

[صمت البشر]

هبت النار والبارودِ غنى

أطلب شباب يا وطن وتمنى

وهبت النار من عكا للطيرة

كمشة صغار ربيوا عالحصيرة

وهاي صاروا كبار وما نسيوش الديرة

ومين اللي ينسى فلسطين الجنة


وهبت النار كرامة كرامة

الفلسطينية ومع كل النشامى

طلوا فدائية وويله اللي يتعامى

فجر الحرية بالدما يتحنى


وهبت النار بشاير بشاير

وهالشعب واحد مش عيل وعشاير

بدمه جاهد وتحمل خساير

وع الثورة عاهد تنحرر موطنا

هبت النار



وهبت النار يا أهل العروبة

الفدائي محاصر والأرض مسلوبة

كل اللي هاجر دربه من دروبي

والشعب جاهد وبالفدا يتغنى

الله يبارك فيك أخي ... وألف تحية لك ولمشاركتك الرائعة ..وننتظر المزيد

يا معلمتي

يا معلمتي ... يا معلمتي ...
اجا الديب ..اجا الديب .. اجا تياكلنا .. اجا تياكلنا.. بنعمل شو ؟؟
يا اولادي ...يا اولادي ... يا حلوين ..يا حلوين ..
خليكون مطرحكون .. خليكون مطرحكون.. سمعين شو ؟؟
يا معلمتي ... يا معلمتي ...
هيدا الديب .. هيدا الديب .. الخبرتينا عنوا.. لخبرتينا عنو... بياكل لحم وما في عندو
يا ولادي ...يا ولادي ...
ما تخافوا .. ما تخافوا ...
هيدا الديب بياكل الولاد الي بتفزع خفتوا شي ؟؟؟
يا معلمتي ... يا معلمتي ...
نحنا صغار .. نحنا صغار .. ما بنعرف ندافع .. ما بنعرف ندافع .. عن الدار
يا اولادي ...يا اولادي ...
شوفوا كيف ... شوفوا كيف ...
بحمل البرودة و بعبي البارودة وينوا الديب ...
يا معلمتي ...
يا اولادي ...
وينوا الديب ..
وينوا الديب ..
يلا سوى نقاتل نحمي الدار و ين الديب القاتل يا غدار
يلا سوى نقاتل نحمي الدار و ين الديب القاتل يا غدار
يلا سوى نقاتل نحمي الدار و ين الديب القاتل يا غدار

(غنائي قديم ..منقول)

[صمت البشر]

لي الشرف ان أشارك في موضوعك أخي

لأنه وبكل صدق ابدااع واكثر من ابداع....
إبداع تعلى فوق هامات السحب
سلمت أناملك الذهبية وأنامل كل من شارك
كلمه حق يجب ان تقال ابدعتم
واخرجتم لنا تحفة من الثرات الفلسطيني اقل مايقال عنها راااااائعه
موضوع كبير وجميل وهادف
رااائع بكل ما تحمله الكلمة من معنى
اشكرك ... على هذا الموضوع
والى الامام دااااائما...

أشكرك على ذوقك الرفيع ومرورك الأروع ..بصراحة هذا الموضوع للجميع فلولا مشاركة الأخوة الأعضاء لم ينجح ولن ينجح أبداً ... هذا عمل جماعي للجميع ولمن أحب مشاركتنا

[صمت البشر]

واسمحو لي أن أشارككم بهذه الأغنية التي تترد في الأعراس الفلسطينة
بحبها و بسمعها كتيــــر
هههههه

إمو يا إمو يخليلو إمو ........ سبع كناين تدخل على إمو

جابتلي البصل ... و ما باكل بصل
و بشهر العسل ... لحقتني إمو

إمو يا إمو يخليلو إمو ........ سبع كناين تدخل على إمو

جابتلي فقوس...وما باكل فقوس
حية بسبع روس ... تقرصلي إمو

إمو يا إمو يخليلو إمو ........ سبع كناين تدخل على إمو

جابتلي شمام ...و ما باكل شمام
حتى عالحمام ...لحقتني إمو

إمو يا إمو يخليلو إمو ........ سبع كناين تدخل على إمو

جابتلي بطيخ ...و ما باكل بطيخ
حتى عالمريخ...طلعتلي إمو

إمو يا إمو يخليلو إمو ........ سبع كناين تدخل على إمو

جابتلي هالشاي...و ما بشربو الشاي
الأبريق و الكباي...كسرتهم إمو

إمو يا إمو يخليلو إمو ........ سبع كناين تدخل على إمو

جبلي السجادة...وما لو بالعادة
انهرت السجادة...من دعسة إمو

إمو يا إمو يخليلو إمو ........ سبع كناين تدخل على إمو

مع فائق التقدير والاحترام للأم الفلسطينية

الأم الفلسطينية المجاهدة والمربية الصالحة وسام شرف على صدري وعلى صدر كل عربي ومسلم

الأمُّ تلثُمُ طفلَها، وتضـمُّه
الأمُّ تلثُمُ طفلَها، وتضـمُّه... حرَمٌ، سماويُّ الجمالِ، مقدَّسُ
تت*** الأفكارُ،وهْي جوارَه ... وتعودُ طاهرة ً هناكَ الأنفُسُ
حَرَمُ الحياة ِبِطُهْرِها وَحَنَانِها... هل فوقَهُ حرَمٌ أجلُّ وأقدسُ؟ بوركتَ ياحرَمَ الأمومة ِوالصِّبا... كم فيك تكتمل الحياة ُ وتقدُسُ
( للشاعر الفلسطيني الراحل ..محمود درويش)

[ضياء ابو نجم]

والله روعه يا ديابو...الحجه نايمه هسا بكره الك كم ههيهاوية من الاخر

[Ammar Wahdan]

أويهـــا
زرعنـــا بيتنجــــان
أويهـــا
يـــا كنـــايـــن هـــالــزمـــان
أويهـــا
يــا قليـــلات لمــــروّه
أويهـــا
يـــا طـــويـــلات اللســــــان

[حنان عبد الرحمن عز]

يا ميجنا و يا ميجنا ويااااميجنا
حيو الزمان اللي جمعنا و لمنا
و حيو الزمان اللي جمعنا و لمنا
و حيو الزمان اللي جمعنا و لمنا
ألو يا ولفي يا ولفي بلادنا تسوى بلادين
آل بيكفي عيشى بلادين
يا ولفي يا ولفي بلادنا تسوى بلادين
بيكفي عيشي بأرضا بلادين
ترضى عيش ترضى عيش مكرسح و عميا
و بلادين

تراث فلسطيني..منقول

[حنان عبد الرحمن عز]

حبابي على السفر حلو رحلهم
مجال بعيد ما بقدر روح الهم
و كل ما بقول عن قلبي راح الهم
بيجيني الهم عا تلك الطباع

[حنان عبد الرحمن عز]

عباب الدار لزرعلك لموني
و كل الناس في حبك لموني
وكرمال عيونك لظل بلا موني
عبد مرهون لحين الطلب

[حنان عبد الرحمن عز]

ميجنا يا ميجنا يا ميجَنا

يا ويلٍ حَالي هَبّطو لَدْيارِنا

أوف يلِّي حَرَمتني أسْكُنْ بداري

وترَكْتني لنَذل أسمع واداري

وجَعَلْت البُومْ يزعَقْ بداري

إن شاالله بدارْهِمْ يِزْعَق غرابْ

يا شيب راس دشَّرونا احبابنا

أوفْ جُرْحْ لُبنان في يَدْكُو وضَعْتوهْ

تركتوا الطِّفلْ عمْ يبْكي واضَاعْتوه

الميتم الِّي عَ حدودْكو وَضَعْتوهْ

امْسَاعَدة لَلْذَبح ، في لبنان، الشباب

الله يخونك يا زمان الْ خَنْتِنا

يابا الدَّهِرْ دولابُه دارْ بِي

وبصَيحْ وفِشْ عادلْ دارِ بِي

يابا الحرامي صار ساكن دارْ بَيِّي

وعَمْ بِسَمِّيني مْخَرِّب ابْوابْ

الله يديمك يا أهالي بلادِنا

إخوة ليشْ عَمْ نِذْبَحْ بَعَضْنا

وذَنَبْ صَهْيونْ لاحِقْنا وبعُضّنا

علينا واجب نْنْظِّفْ بَعَضْنَا

وما يبْقى بيننا غيرِ الطيّابْ



تِشوفْ الْغَرب لْلحَرِبْ بِحَرّكو

الشّرق ما يْخافْ لَوْ رَجّتْ بِحاركو

إذا السوفيتْ يا كارْتَرْ بَحَرْكو

السِّلِمْ بِسود وِتْوَلِّوا هَرَبْ

على دلعونا على دلعونا

إلكو تحيّة من عَيْلَبونا

ونِحنا مِنْغَنِّي عن جُرْح بْلادي

يللِّي بفْديها بْروحي وفُؤادي

جيراني صحابي أهْلي ووْلادي

كُرّْمال بْلادي عمْ يضَحوِّنا

على دلعونا على دلعونا

إلكو تحيِّة من عَيْلَبونا

من يوم خُلقْنا بِنْخْدِمْ شَعبْنا

إذا مْنِتْراجع ويلي شُوعيبنا

يا ربي تبارك وحدة شعبنا

تنظل نجابِه حُكُمْ صَهْيونا

على دلعونا على دلعونا

إلكو تحيّة من عَيْلبونا

نِحْنا بشَعْبِ بْلادي بنتْغَنَّى

لْبيوم الأرِض لَصيتُه رَنّا

تحْيا عرَّابة ساخنين دير حنّا

كانوا فوارِس كانوا يموتُونا

على دلعونا على دلعونا

إلكو تحيّة من عَيْلبونا

فُرْقِتنا كلّها فُرقَة وطنية

ما عنده فارقْ ولا عُنْصريّة

وكلّنا بنَّاظِلْ لاجْلِ القَضية

تنعيش سَوِيِّة بِفَلسْطينا

على دلعونا على دلعونا

إلكو تحيّة من عيلبونا

يا شعبي اصْمُد ظحِّي بشبابَكْ

لازمْ تتحَمّل تِجْني أتْعابَك

أوعَى تتنازَلْ ويفوتُوا اعْتابك

اذْنابِ الحكومِة والـْ يحْكمُونا

على دلعونا على دلعونا

إلكو تحيّة من عَيْلَبُونا



تراث منقول

[حنان عبد الرحمن عز]

لمين هالدار الكبيرة اللي محوطها كرم التين
والعطشان يشرب عصير هاذي دار ابو محمد

لمين هالدار الكبيرة اللي محوطها كرم اللوز

هاذي دار ابو محمد والعطشان يشرب كازوز


يا عز الطنب غالي علينا هيه يابو محمد يا جار لينا
يا عز الطنب غالي علية هيه يا بومحمد يا جار ليه
ونشوف فلسطين مين تولاها هاتوا جريدة تنا نقراها
تنشوف فلسطين مين استلمها هاتوا الجريدة وهاتوا قلمها

صارت لينا صارت لينة المليحة

صار السعد يدرج على التسريحة

صارت لينا صارت لينا المزيونة

صار السعد يدرج على اللمونة

صارت لينا صارت لينا النشمية

صار السعد يدرج على العلية

صارت لينا صارت لينا الغزالة

صار السعد يدرج على الخزانة

صارت لينا صارت لينا الغندورة

صار السعد يدرج على الحاكورة

لمين هالخيول المربوطة في الخوخ

هذي خيول ابو محمد ومجللة بالجوخ

لمين هالخيول المربوطة في التين

هذي خيول ابو محمد ومجللة بحرير

الزينة مليحة ولا نسخى نغربها

من بيت ابوها لحرجات العمام

الزينة مليحة على ايديها نقش حنة

يا محمد لو لحق الطلب غنى

راحو المجاريح يشكو من فعايلنا

لا احنا من طرف ولا هزايل

بنات الأمارة خاص الحمايل

لا احنا من طرف ولا من دون

بنات الامارة خاص الحمولة

والبدلة البيضة من طبريا

جابوها السمّاكة مع البحرية

والبدلة البيضا من حيفا وغاد

جابوها السماكة مع الصياد

لا تقولو بغني من رواق راسي

بسلي في همومي قدام الناسِ

لا تقولو بغني من رواق قلبي

بسلّي في همومي اللي كتبها ربي

يا طيرٍ طاير بيدي عليتو

سلم ع محمد وين ما لاقيتو

يا طير يا طاير بيدي رفعتو

سلم ع محمد وين ما لمحتو

حملت الجرة جديدة ترشح

ياكحلة عينك في القلب تجرح

من دمع عيني لاملي ابريقي

وارش الشارع مع الطريق

صلن ع النبي لتحسدنو

امو الحزينة تتقلدنو

صلن ع النبي لتحسدونا

أمو الحزينة تتقلّدونا