تعالوا جاي : خلينا نغني تراث فلسطيني

[صمت البشر]

نزلنا ع الشوارع

نزلنا عالشوارع
رفعنا الرايات

غنينا لبلادي
احلى الاغنيات

اغاني للحرية
للوحدة الوطنية

للحرب الشعبية
طريق الانتصارات

افرحي يا بلادي
طلوا ولاد صغار

لعيون القضية
بيديهم حجار

نتحدى المحتل
كاوتشوك وحجار

منكتب التاريخ
دروس في النضال

نزلنا عالشوارع....
للأرض منغني
ومنكتب اشعار

نرويها بدمانا
ومنشعلها نار

تشرق منها الشمس
ويطلع الف نهار

منكتب التاريخ
تاريخك بالنار

[بلال دراغمه]

شدي حيلك يا بلدنا شدي حيلك يا بلد

شدي حيلك يا بلدنا من شيخك حتى الولد

الليل إشتد وجد الجد وما في عتمة للأبد

شدي حيلك ياللي ترابك مجبول بدم الثوار

خلٌي خيلك تسبق ليلك تحرس بوابات الدار

صوووت ولادك جوا ترابك مات الطفل اللي ما إنولد

شـــــــــدي حــيـــــلـــــــــك يــــــا بــــلـــــــد


شدي حيلك يا جماهير حريتنا ع الأبوواب

شدي حيلك مجروح الشعب وأسير مستني عوده لحباب

شـــــــــدي حــيـــــلـــــــــك يــــــا بــــلـــــــد

[بلال دراغمه]

ذياب سنحك

الي ساعة ملطوع على باب المضافة...ابيش كلمة مرحبا

على كل حال انا كدمت استقالتي من عند ابو شكرة

[أبو جمعه]

على نغمة يا حلالي يا مالي
غنى الحادي وقال بيوتا غناها الحادي
سدو الدرب منين افوت
افوت بدمي واولادي
فوق التل وتحت التل وبين الوادي والوادي
مين تسال عنا تندل
وتلقاني وتلقى ولادي
تلقى فينا فدائي كبير وقد الحمل وبزيادة
وتلقى فينا الشبل صغير
يجود بدمه ويفادي
تلقانا داير من دار باسم فلسطين ننادي
عهد الله وعهد الثوار
نحرر ارضك يا بلادي

[ام حذيفة]

يعطيكم العافية
بتغنو عشوائي والا شو؟
لأنو اجينا متأخرين

[صمت البشر]

علّي نارك علّيها يابن كنعان
حمّصلي العدانيـة باب الديوان
حمصها بالمحماصي يعبي الراسي
واسمعني من مهباشك أحلى الألحان
بهّر هالهال الأشقر مع جوز الطيب
تسكب سادة وتحيّي جموع الضيفـان ..

كبير يا بلال ...
الطفل والطيارة

كان في مرة طفل صغير...

عم يلعب بالحارة... عم بيفتش على خيطان تيطير طيارة

إتطلع بالجو وقال... مدري شو عم يلمع

شوفوا شوفوا الطيارة...

جاي لعندي طيارة.

هاي طيارة كبيرة ما بدى خيطان...

وجوانحها أكبر من بيت الجيران...

فرفح قلبو وطار... على جناح الطيارة

والسما كلها أسرار... حكيتله أسراره

وقف بالساحة ينده رفقاته...

كان هدير الطيارة أقوى من كل الأصوات

تجمعوا الولاد... وفاتوا باللعبي...

وهزت البلاد... قصة متل الكذبة.

والهدير تحول لدخان كبير... ومدري شو صار...

دق النفير.

الطيارة الحاملي قصص وأشعار...

شعلت الأرض وهدمت الدار...

وهدمت الدار... وهدمت الدار

طارت الحدود...

حدود الولدني... برق ورعود تقصف على الدني

طارت اللعبي... وطارت معها القصة...

وصاروا الولاد شقفة من القصة.

القصة مكتوبي على سطيحات الضيعة...

والضيعة الهيوبي ولعت مثل الشمعة

والشمعة بتضوي... والصرخة بتدوي

[صمت البشر]

يعطيكم العافية
بتغنو عشوائي والا شو؟
لأنو اجينا متأخرين

أهلاّ وسهلاً بك يا أم حذيفة ..
لا بشكل عام وغير محدد ..يعني اللي دارج هلّا وطني قديم ..البارحة واليوم العصر أغلب المشاركات كانت عن الأفراح والأعراس ..وخاصة من المبدعة حنان ..

[أبو جمعه]

يعطيكم العافية
بتغنو عشوائي والا شو؟
[COLOR=green]لأنو اجينا متأخرين[/COLOR]

اختي ام حذيفه
اللي حافظ زجل اونشيد ثوره اواغاني افراح من اغاني الوطن ينزلها هنا مشكورا

[ام حذيفة]

أهلاّ وسهلاً بك يا أم حذيفة ..
لا بشكل عام وغير محدد ..يعيني اللي دارج هلّا وطني ..البارح واليوم العصر أغلب المشاركات كانت عن الأفراح والأعراس ..وخاصة من المبدعة حنان ..

اااخ بس لو ترجع ايام زمان
كانت كلها اغاني فلسطينية وين ما نروح وخاصة بالاعراس ما كانو يغنو غير فلسطيني(فلاحي) وما احلاها
اما هلأ ما عندهم غير الدي جي

واكتر اغنية ضلت ببالي من زمان (بالله افتحو الشباch على الهوا الغربي وامو تغني وتـgـول والله انشرح gـلبي )

[صمت البشر]

ذياب سنحك

الي ساعة ملطوع على باب المضافة...ابيش كلمة مرحبا

على كل حال انا كدمت استقالتي من عند ابو شكرة

يا مرحبا بلبل الدار يا مرحبا .. غنى البلبل أشعار للوطن منحّبا
بشوق الوطن ابن الدراغمة مهللا ... لعيونك يا بلبل الدار لترجع لصحابها ..
ان شاء الله ..حبيبي يا بلال

[أبو جمعه]

من مرزعتي ومن تل العاصور العال
ضحك البيدر للغله وغنى موال
ياحيفا عالصناره ثوبك منسوج
دمعك مثل القطارة ينزف عالموج
البحر تغشّم ياخسارة عندي والموج
من كوشان البيارة خوذ العنوان ..

يسلم ثمك يا بلال

[صمت البشر]

اااخ بس لو ترجع ايام زمان
كانت كلها اغاني فلسطينية وين ما نروح وخاصة بالاعراس ما كانو يغنو غير فلسطيني(فلاحي) وما احلاها
اما هلأ ما عندهم غير الدي جي

واكتر اغنية ضلت ببالي من زمان (بالله افتحو الشباch على الهوا الغربي وامو تغني وتـgـول والله انشرح gـلبي )

ههههههه ما أحلى حchيات الفلسطينية ...
على فكرة شوفي هلا كيف الكاسيت والديجي ...مسح العقول مسح !!

[ام حذيفة]

ههههههه ما أحلى حchيات الفلسطينية ...
على فكرة شوفي هلا كيف الكاسيت والديجي ...مسح العقول مسح !!

ايه والله ما في احلى من هالحـchـي روووعه
والله انو بتمنى يغنو فلاحي بالعراس زمان كنا نترجاهم يخلونا نشغل الراديو دقيقتين هلأ يا حسرة ما بنسمع غير الدي جي
وينك يا ام حسن هي اللي كانت تضلها تغني بس اعتزلت الله يسامحها

[بلال دراغمه]

يسلم ثمك يا بلال

أنا كنت أرعى الغنم في البراري ، وأسمع أخباركم من راديو ترنز ستور .. أخباركم شوّشت أفكاري .. قلت أشوف بعيني واستخبر .. وجيت .. تهت .. صرت مش داري مين فيكم السيد ومين فيكم المستر يا خلتي ... أنا كيف أقول يا ناقتي نخّي وانتي طول عمرك جمل المحامل ... سمعت نغمة أزعجت مخي .. سألت قالوا تكتيك يا جاهل ..إن رخوا انشد .. وإن شدّوا نرخي .. هيك انشهرنا في المحافل .. ولازم تكون تكتكجي ابن تكتكجي يامتكتك تكتك بتتكتك كل المسائل .. يا خلّتي كل شي فهمتوا بيك يا معود إلا التكتيك ...
أنا راجع أرعى الغنم ، وأحكي القصة للغنم .. بلكي إن فهم الغنم وفهموني برجع ليك .. ويا معوّد إلا ّ التكتيك .. راجع أرعى غنماتي .. يمكن أستوعب أكتر .. ولأجل أسلم بعقلاتي راح أبيع الترنز ستور ...
يا عالم أريد أخلص ، وأشتري بحقه راديو بالسّلم بيرقص وفي الحرب ابيقرأ قرآن ... ويقولو هذا تكتيك .. خلونا انبطل تكتيك .

[بلال دراغمه]

يا مرحبا بلبل الدار يا مرحبا .. غنى البلبل أشعار للوطن منحّبا
بشوق الوطن ابن الدراغمة مهللا ... لعيونك يا بلبل الدار لترجع لصحابها ..
ان شاء الله ..حبيبي يا بلال

حديثنا

مموسق برنة السلاح

موشح براية الكفاح

حديثنا اليومي

معطر بحلم الانتصار

بروعة الرجوع للديار