تعالوا جاي : خلينا نغني تراث فلسطيني

[صمت البشر]

في أحد أعراسنا الفلسطينيه الحماة ماكانت راضية عن كنتها عروسة أبنها
فحبت تزفهم على طريقتها الخاصه
شوفو شو عملت
وقفت قبال العروس وبلشت تهاهي
أويها اللي قاعده بحد أبني
أويها مافيكي شي عجبني
أويها هلا بتحكي حبني
أويها بكره بتحكي كبني
أويها وان مامشيتي دغري
أويها لتلاقي بيت الضره مبني
لولولولولويييييييييييش
طبعا العروس ماسكتت
شوفو شو ردت عليها
أويها وحياة شالك وشنشالك
أويها بعد اسبوع لأفضالك
وأن شاالله فال الله ولا فالك
أويها وداء الفالج اجالك
أويها لشغل بالك وانهب مالك
أويها وبعدها لفرجيكي حالك
لولولولولويييييييييييش
العريس ياحرام احتار بين أمو ومرتو
فشو رد
أويها وصارت براسي
أويها وقطعت نفاسي
أويها ومهرها غالي
أويها وأمي رافضاها
أويها بدها بنت خالي
أويها وعجلولي بجوازي
أويها أحسن من الجازي
لولولولولوييييييييش
عجبتني كتير فحبيت أنقلكم أياها

كل الشكر لما خطته يداك هنا ..وفعلاً الهيهيات جزء لا يتجزأ من موروثنا الغنائي الشعبي في الأفراح ..ومن قبل السيدات بالذات ..
صدقاُ استمتعت والحجة عندي بتنبسط على المهاهاة هههههههه.

المهاهاة

هي هوي صلاة النبي على عروستنا
هي هوي زي القمر ضاوي حارتنا
هي هوي صلاة النبي على عروستنا
هي هوي احنا المزيونات والزين عادتن

هي هوي السمر و البيض لاقِنّا على المية
هي هوي السمر حواجبي و البيض عينية
هي هوي و السمر ترياق للي تقرصوا الحية
هي هوي و البيض فناجين لشرابين القهوة

هي هوي الطول طول الناقة و الشعر مثل الليل
هي هوي يا نايمين الضحا انتبهو بالليل
هي هوي العريس صاد الغزالة
هي هوي اللي عليها العين

( المهاهاة الشعبية الفلاحية ...منقول )

[صمت البشر]

انا لله وانا اليه راجعون

رحمة الله على شهدائنا وأمواتنا وأموات المسلمين ... اللهم امين
شكراً لمرورك الذي دوماً يجعل لسانا معطراً بذكر الله عندما نقول لا حول ولا قوة الا بالله ..ههه

هيهي يا نبيل يا عزّ الرجالِ... هيهي لما تطل يتغير حالي
هيهي يا ابوقيس يا غالي ... وليك أتغنّى بموالي

[صمت البشر]

بنغني للوطن وبنرفع الموال
بنغني لفلسطين امنا الحبيبه
بنغني لشعب حر مكسر الاغلال
روحه على الكفوف مرهونه
فلسطــــــــــــــــين يا ست حروف للموال

كتبوها بدمهم شهداء المسيره

الفاء :::::: فرسان عروس الجبال

اللام ::::::: لاحت بيارقنا المجيده

السين :::::: سيف اله حدين للنازال

والطاء ::::: طلاب المجد يا نبذ محمد الدره عل الارض سيدي

والياء:::: يمين الله بنفجر الزلال

والنون ::::: جبرنا على الله نحقق دولتنا الحبيبه

شهر وسنه وبتمرق الايام
والليل باقي فوق خيمتنا
اطفال تحت البرد عم بتنام
وخيي ريح الظلم عصفتنا
امي امي امي حزينه دموعها ارقام
ارقام بتحكي بعد نبذتنا
تحكي اختي عن المعراج يا اسلام
عن مهد عيسى وعن كنيستنا
حاجاااات حاجاات يا عربنا

نشكي الظلم للظلام ونبوس ايد اللي ذبحتنا

انا لدق صابر فوق صابر
وصبري فوق صبر البشر صابر
يا رب تصبرني على ما بليتني
وانا مثل ايوب على البلوات صابر
نيالك يا شعبي كيف صابر
صبرت كل الصبر ما صبر صبرك عرب

بدي احكي قصه قصيره للجواده صارت امانه في مستشفى الولاده

اجوا ثلاث نسوان بحالة وضع

الاولى غربية مش معروفلها هويه

سالها دكتور العياده ليش ما بتصرخي ما بتتالمي

قالت عارفه جايني بنت صبية
عيونه كحلويه
خدودها مشمشيه
بعد سن ال 18 قالوا يا بلعاوي انها بيقلب عليه

والثانية
خليجيه سالها دكتور العياده ليش
ما بتصرخي ما بتتالمي
قالت عارفه جايني صبي يحلم بالدنانير والدولارات
ابار النفط عنده مليانات
بنايات عمارات عقارات استثمارات
يلم الايجارات
يغاتزل البنات
يلاحق السكرتيرات
يتباهى بالسيارات

وراحت يا عربنااااااااااااا على اللي عليه راحات

والثالثه

فلاااااااااااااااااااااحه فلسطينه
الثالثه فلاحه فلسطينيه من البوابه مبين عليها عصبيه
سالها دكتور العياده
ليش هالصرخه القويه

قالتله فقيره صحيح لكن صاحبة قضيه
مش قادر لحظه اتصبر دمي بشرايني بتفور
جنيني في بطني يا اهل الله بتحشور
جاي على درب التحرير فدائي اسمر حالف الاقصى ليتحرر

على جبينه فلسطيني حر
وعلى صدره موشوم بعلامة نصر بكلمة الله واكبر
من الضيم لصيح الله واكبر على اللي بلوته من بلوتي واكبر

رائع يا مالك .. ننتظر المزيد منك فكم جميل أن نحيي هذا الموروث الثقافي الجميل ..
فعلاً كل ما يطرح هنا يعتبر كنز ثمين فكل كلمة وكل شعر وكل أهزوجة ومهاهاة وكا ترويدة هي أمانة أدبية تحفظ في تراثنا الفلسطيني

اول اغنيه ... يما مويلي الهوا

يما مويل الهوا يما مويليا

ضرب الخناجر ولا حكم النذل فيا



ومشيت تحت الشتا والشتا رواني

والصيف لما أتى ولع من نيراني

بيضل عمري انفدى ندر للحرية

يما مويل

يا ليل صاح الندى يشهد على جراحي

وانسل جيش العدا من كل النواحي

والليل شاف الردى عم يتعلم بيا

يما مويل الهوا

بارودة الجبل أعلى من العالي

مفتح درب الأمل والأمل برجالي

يا شعبنا يا بطل أفديك بعينيا

يما مويل الهوا

( أغاني ثورة ..منقول )

[صمت البشر]

على دلعونه على دلعونه ... 000 للأقصى حنت نفسي الحنونه ...

حنت لبلادي نفسي وفؤادي 000 ليافا وعكا وحيفا وسلواد
فدوى للوطن روحي وأولادي 000 وللقدس الحرة نقدم العيونا

ما ضني دمك شارون يرويني 000 ولا مال الدنيا الظلم ينسيني
ودمعات عيون الطفل الحزيني 000 أغلى من رجالك يا أبن الملعونا

مش من العدل ولا الإنصاف 000 الحجر يحارب وإحنا اللي نخاف
الذل ستاره أبيض شفاف 000 والعالم كله خلفه شافونا

بيكفينا قهر بيكفينا سكوتي 000 ولكم يا عرب قاعدين نموتي
ليش نلبس فضه وعنا ياقوتي 000 لمين سلاحكم بتكدسونا

رب يهديكم رب يعطيكم 000 ثوب الشهادة الغالي يكسيكم
كيف عز الدنيا الأخ ينسيكم 000 كيف تشوفونا وما تساعدونا

أسعدتني عودتك وكلي ثقة بأن لديك المزيد ..وأتمنى حتى لو قمت باعادة مشاركاتك المميزة السابقة لأنها تبقى ارث مميز ..

أوووف أوووف أوووف
اسمعت الدقّة على بابي ... طلعت أشوف من هم أحبابي
لقيتك يا وردي على بابي .. واسمك مزيّن حياتي الروابي

[صمت البشر]

في أحداث ثورة عام (1937)، وفي أعقاب الإضراب الشعبيّ العام، والذي يُعدّ أطول إضراب زمنياً- في التاريخ، استمرّ الثوار في نضالهم، وخاصة في المناطق الجبلية؛ حيث شارك الشاعر الشعبي أخاه الثائر بالكلمة الحرّة المناضلة:

فلسطين المنكوبِة... أشرف بقعة محبوبة
في جهاد الاستعمار... رفعت راس العروبة
*
أمّ الدنيا القديمة... بلادي الرُسُل بَنَتْها
إِلْها في العالم قيمِةْ... كُتْبِ السّما بْتِثْبِتها
بريطانيا الملعونِة... للصهيوني باعتها
بيت الربّْ صار غْنيمِة... شوهالدنيا المقلوبِة!
*
هذا الوطن الصابر... مهدِ المحبّة والسلام
مهد المسيح الناصر... وأول قِبلِة للإسلام
مهد المسيح الطاهر... مهد الأنبيا الكرام
صارت دار المخاطر... مع هالدولة المندوبِة
*
يا ما احلى جيش الثوار... لما يقوم بهجماتُو
ذبّح جيش الاستعمار... وْأَخَذِ سْلاحو وْآلاتو
الثائر يِهجِمْ عالنار... وما بسأل عن حياتو
يحيا الشبابِ الأحرار... والبواردْ ملهوبِة

( غناء شعبي ..منقول)

[صمت البشر]

طفل ولكن يقاتل

يمشي على الجمر شبل
وحين يتعب يعلو

ولدت في أي مخبا

تربة جدي بحيفا

جاء العدو يحارب

ما ضاع حق المطالب

بوارج في البحار

والموت عبر القرار

لكنني لست وحدي

تجمع الكون عندي
طفل ولكن يقاتل
حب الفدا سيواصل

يا أيها الطفل قل لي

والقدس تسكن أصلي

من كل صوب وحدب

ما دامت النار دربي

والقصف عبر الفضاء

فما يقول الفدائي
فالشعب ناري وداري

( أغاني ثورة... منقول )

وقوتي في قراري

[صمت البشر]

(طَلْعة) من وزن (المربّع)

صهيوني إرحل عنّا... هذا الوطن وطنّا

ما ظنّي رح تتهنّا... في أراضي فلسطين
*
يا صهيوني يا غشّاش... في بْلادنا مالَك معاش
قصْدك تِتْملّك بلاشْ... في وَطنَا يا لعين
*
فلسطين لا تذِلّي... ورْجالِك ما بِتْولّي
والأقصى عم بِيهَلّي... في شبابك يا فلسطين
*
وْعِنْدَك سعيد العاص... راعي الهمّة والحماسْ
إرجالو تُضرُبِ رْصاص... في جيوش الكافرين
*
سعيد القائد المغوار... ما يْهابِ إطلاق النار
نادوا إخواني الثوارْ... يالله هجمة عالكافرين

(شعر شعبي ...منقول)

[حياتي الروابي]

أسعدتني عودتك وكلي ثقة بأن لديك المزيد ..وأتمنى حتى لو قمت باعادة مشاركاتك المميزة السابقة لأنها تبقى ارث مميز ..

أوووف أوووف أوووف
اسمعت الدقّة على بابي ... طلعت أشوف من هم أحبابي
لقيتك يا وردي على بابي .. واسمك مزيّن حياتي الروابي

أنا لكتب سلامي وأبعتلهم صدا وهموم قلبي لبعتلهم
يبا لو انو الطير يفهم لبعتلهم أمانة تعودوا يا أعز الحباااااااااااااااااااااااب

[معتصم الشوابكه]

في أحد أعراسنا الفلسطينيه الحماة ماكانت راضية عن كنتها عروسة أبنها
فحبت تزفهم على طريقتها الخاصه
شوفو شو عملت
وقفت قبال العروس وبلشت تهاهي
أويها اللي قاعده بحد أبني
أويها مافيكي شي عجبني
أويها هلا بتحكي حبني
أويها بكره بتحكي كبني
أويها وان مامشيتي دغري
أويها لتلاقي بيت الضره مبني
لولولولولويييييييييييش
طبعا العروس ماسكتت
شوفو شو ردت عليها
أويها وحياة شالك وشنشالك
أويها بعد اسبوع لأفضالك
وأن شاالله فال الله ولا فالك
أويها وداء الفالج اجالك
أويها لشغل بالك وانهب مالك
أويها وبعدها لفرجيكي حالك
لولولولولويييييييييييش
العريس ياحرام احتار بين أمو ومرتو
فشو رد
أويها وصارت براسي
أويها وقطعت نفاسي
أويها ومهرها غالي
أويها وأمي رافضاها
أويها بدها بنت خالي
أويها وعجلولي بجوازي
أويها أحسن من الجازي
لولولولولوييييييييش
عجبتني كتير فحبيت أنقلكم أياها

[معتصم الشوابكه]

(طَلْعة) من وزن (المربّع)

صهيوني إرحل عنّا... هذا الوطن وطنّا

ما ظنّي رح تتهنّا... في أراضي فلسطين
*
يا صهيوني يا غشّاش... في بْلادنا مالَك معاش
قصْدك تِتْملّك بلاشْ... في وَطنَا يا لعين
*
فلسطين لا تذِلّي... ورْجالِك ما بِتْولّي
والأقصى عم بِيهَلّي... في شبابك يا فلسطين
*
وْعِنْدَك سعيد العاص... راعي الهمّة والحماسْ
إرجالو تُضرُبِ رْصاص... في جيوش الكافرين
*
سعيد القائد المغوار... ما يْهابِ إطلاق النار
نادوا إخواني الثوارْ... يالله هجمة عالكافرين

(شعر شعبي ...منقول)

على الحساب
على الساعة سته ونص عندك دوام
وروحناك على 12 وسهران على النت للساعة 2
ماشي يا دياب

[معتصم الشوابكه]

هوى فلسطينْ يا حِبابي برُدِّ الرُّوحْ

من عهدْ آدمْ ومنْ بعدْ نبينَا نوحْ

نِبْكي فِلسْطين ْ بدمِعْنَا وُّنوحْ

ياربْ وحِّدْ باسْم الدين ْ لِجْيوش ِ العَرَبْ

[الذيب©]

شكري أخي دياب على الموضوع الجميل :

على دلعونا على دلعونا طلوا النشامى طلوا وحيونا

عرس انتفاضه والفرح دايرْ بمولوتوف وحجر نضرب أعادينا

عرس فلسطيني والدم مندفعْ والروح منعطي مشينا وما منرجعْ

الأرض بتحكي والعالم يسمعْ شمسك يا وطني عزم بتعطينا

طلع المخيم نادى المنادي انتفاضه وهبت قامت ببلادي

قريه ومدينه التله والوادي إحنا هبينا وللنصر مشينا

نادى المنادي يا نهاري الماشي المولوتوف سلاحي وحجري رشاشي

بغير الحرية والله ما ارضاشي وحبهْ من ترابي والله ماتهونا

نادى المنادي والسيف بيلمعْ التاريخ بيهدر والحق بيسطعْ

الزند بيحكي والشمس بتطلعْ فجرك يا وطني نورو بعينينا

نادى المنادي وسيفك يا شعبي حجارة من بلادي وهبة وراهبة

بتهد الباغي وبتزيل الغربهْ وبتخلي الفرحة تزين أراضينا

نادى المنادي ويا عالم اشهدْ عرس انتفاضهْ ونهاري ورّدْ

خطوه وبفجر الحرية بنسعدْ وزهور النصر بترقص حوالينا

[موسى اللفتاوي]

موال للفنان الفلسطيني إدريس العلاري :

بنغني للوطن وبنرفع الموال

بنغني لفلسطين إمنا الحبيبة ..

بنغني لشعب حر مكسر الأغلال ..

روحو على الكفوف مرهونة ..

فلسطين يا ست حروف في الموال

كتبوهم بدمهم شهداء المسيرة

الفاء : فرسان عروس الجبال .

اللام : لحد بيارقنا المجيدة .

السين : سيف ذو حدين في النزال .

والطاء : طلاب المجد يا دم محمد الدرة على الأرض زينة .

والياء : يمين الله بيفجر الزلزال .

والنون : جبرنا على الله نحقق دولتنا الحبيبة .

إمي إمي معها أرقام .. أرقام تحكي بعد نكبتنا ..

تحكي لأختي عن الإسراء والإسلام ..

وعن مهد عيسى وعن كنيستنا ..

حاجات حاجات يا عربنا نشكي الظلم للظلام

ونبوس إيد اللي ذبحتنا .

-----------------------------------------

وفي موال تاني بحيك :

بدي أحكي قصة قصيرة للجوادة صارت أمامي بمستشفى الولادة :

أجو ثلاث نسوان بحالة وضع ( ولادة يعني )

الأولى غربية مش معروفلها هوية .

سألها دكتور العيادة ليش ما بتصرخي ما بتتألمي ؟؟

قالت : عارفة جايتني بنت صبية عيونها كحلاوية .

خدودها مشمشية بعد سن ال18 يا دكتور قانونها بيقل علية .

والثانية خليجية سألها دكتور العيادة ليش ما بتصرخي ما بتتألمي ؟؟

قالت : عارفة جاييني صبي .

يحلم بالدنانير والدولارات .. آبار النفط عندو مليانات .

عقارات سيارات إستثمارات .

يلم الإيجارات .. يغازل البنات .. يلاحق السكرتيرات ..

وراحت يا عربنا علي عليه راحت ...

والثالثة فلاحة فلسطينية ..

من البوابة مبين عليها عصبية ..

سألها دكتور العيادة ليش هالصرخة القوية ؟؟؟

قالت : مش كادر لحظة أتصبر .. دمي بشراييني بتفجر ..

جنيني يا أهل الله في بطني عم يتفجر ..

جاي عدرب التحرير فدائي أسمر ..

حالف للأقصى يتحرر .. على جبينو فلسطيني حر .

وعلى بصدروا موشوم بعلامة النصر كلمة ( الله أكبر )

من الضيم لأصيح الله وأكبر ..

عاللي بلوتو من بلوتي وأكثر ..

يا خوفي يا دياب يكسي الشيب راسي وأكبر

وأموت كبل ما أتحلى بترابك يا قدس العرب ..

[حنان عبد الرحمن عز]

من اغاني الاعراس الفلسطينيه
قومي اطلعي قومي اطلعي ما يهمك
ع شروط ابوكي وعلى شروط عمك

قومي اطلعي قومي اطلعي من حالك
على شروط ابوكي وعلى شروط خالك

يخلف على ابو العروس يخلف عليه في الاول
طلبنا النسب منو اعطانا غزال مصور

[حنان عبد الرحمن عز]

حيوا ابونا حيو ابونا
خيرين لا ترعبونا

من الشارع الضيق مرقنا
داخلين عليك يا سيد تحمي جملنا

يوم طلعنا ع الزفة رشينا العطر ع الطربوش
تستاهلها يا عريس و التاكسي ع باب الحوش

يوم طلعنا ع الزفة رشينا العطر ع العقال
تستاهلها يا عريس و التاكسي ع باب الدار

صلوا ع النبي يا للي في الشارع
صلوا ع النبي و العريس طالع
صلوا ع النبي يا للي ع البلكون
صلوا ع النبي على زفتنا اليوم