تعالوا جاي : خلينا نغني تراث فلسطيني

[الطيار]

ايويها... بحنة مكة جيت احنيكي

ايويها... يا بدر ضاوي وألحلى كلو ليكي

ايويها... ما بتلبق الحنة إلا لايديكي

ايويها... يا فاطمة زينة العرايس لمحمد اوديكي

ايويها... يا شعرك شعر السلسبيلي

ايويها... ويسلمي هالكم الطويلي

اويها... ريتو يحرصك الله

ايويها... من عين الحاسد والعزولي

[حنان عبد الرحمن عز]

قرر هالشعب
طريقة الصعب
في كرم التين
بننصب كمين
وارجم يا مسخمط
بحجرك لمسخمط
يا وطن مجروح
عالكف الروح
وبالملتوف
دسنا عالخوف
حررنا شوارع
وعنها بندافع
واذا قلعوا شجرة
بنزرع عشرة
يللا يا ابطال
ما في محال
شوفو الختيار
صامد بالدار
قامة محنية
لكنها ابية

[حنان عبد الرحمن عز]

منه بنتعلم
نمشي ونتقدم
وام الجدايل
حرة وبتقاتل
ومن الزغاريد
عرس الشهيد
راح نستمر
لنطول النصر
وراح نستمر
لو طول العمر
شعبنا قرر
لازم يتحرر
ويبني للمجد
دولة الوعد
فلسطينية
حرة ... عربية



ابو نسرين

[حنان عبد الرحمن عز]

ايويها... بحنة مكة جيت احنيكي

ايويها... يا بدر ضاوي وألحلى كلو ليكي

ايويها... ما بتلبق الحنة إلا لايديكي

ايويها... يا فاطمة زينة العرايس لمحمد اوديكي

ايويها... يا شعرك شعر السلسبيلي

ايويها... ويسلمي هالكم الطويلي

اويها... ريتو يحرصك الله

ايويها... من عين الحاسد والعزولي

محمد شكلها ماما آعده جنبك؟؟؟؟

[أبو جمعه]

إمو يا إمو يخليلو إمو ........ سبع كناين تعبر على إمو

جابتلي البصل ... و ما باكل بصل
و بشهر العسل ... لحقتني إمو

إمو يا إمو يخليلو إمو ........ سبع كناين تعبر على إمو

جابتلي فقوس...وما باكل فقوس
حية بسبع روس ... تقرصلي إمو

ما شاء الله عليكي وين كاينه متخبيه
بالله عليكي مانص هالحكي من امك وابوكي
وبعدين ام مين اللي تنقرص

[حنان عبد الرحمن عز]

في أحد أعراسنا الفلسطينيه الحماة ماكانت راضية عن كنتها عروسة أبنها
فحبت تزفهم على طريقتها الخاصه
شوفو شو عملت
وقفت قبال العروس وبلشت تهاهي
أويها اللي قاعده بحد أبني
أويها مافيكي شي عجبني
أويها هلا بتحكي حبني
أويها بكره بتحكي كبني
أويها وان مامشيتي دغري
أويها لتلاقي بيت الضره مبني
لولولولولويييييييييييش
طبعا العروس ماسكتت
شوفو شو ردت عليها
أويها وحياة شالك وشنشالك
أويها بعد اسبوع لأفضالك
وأن شاالله فال الله ولا فالك
أويها وداء الفالج اجالك
أويها لشغل بالك وانهب مالك
أويها وبعدها لفرجيكي حالك
لولولولولويييييييييييش
العريس ياحرام احتار بين أمو ومرتو
فشو رد
أويها وصارت براسي
أويها وقطعت نفاسي
أويها ومهرها غالي
أويها وأمي رافضاها
أويها بدها بنت خالي
أويها وعجلولي بجوازي
أويها أحسن من الجازي
لولولولولوييييييييش
عجبتني كتير فحبيت أنقلكم أياها

[حنان عبد الرحمن عز]

ما شاء الله عليكي وين كاينه متخبيه
بالله عليكي مانص هالحكي من امك وابوكي
وبعدين ام مين اللي تنقرص

الله يمسيك بالخير يا والدي
والله عمو انا حكيت لدياب اني مو كتير بعرف وئعدت بابا جنبي وصار يغششني
خليك محضر خير عمو محمد هووووون
موئصدي شي هيك الغنيه

[مالك]

اذكر الله مالك بدنا انام اليلة

لااله الا الله
ولك اسال ابني قيس مين بنيمه
يلا قيس ينااااااااام يلا يجيه النوم

[حنان عبد الرحمن عز]

ارجع للصفحتين ئبل عمو ابو جمعه بابا نئلني وحده حلوة كتير

[حنان عبد الرحمن عز]

لااله الا الله
ولك اسال ابني قيس مين بنيمه
يلا قيس ينااااااااام يلا يجيه النوم

حزين يا قيس
رح تتحاسب على ظلمك لاولادك يا مالك
شوف شو عامل بالولد ملحمه الله يسامحك
مسخمطين ولادك الله يعينهم

[حنان عبد الرحمن عز]

أويها ديـارنا كـبـيـرة أويها ودَرَج الحـمام فيـها
أويها وأم العريس فرحانة أويها إن شاء الله ربي يهنّيها
لي لي لي لي ليش

[حنان عبد الرحمن عز]

أويها "محمد" يـا واحـد أويها "وحنان" يـا اتنيـن
أويها اللي ما يصلّي عالنبي أويها لـيعـدم العـينتيـن
لي لي لي لي ليش

[حنان عبد الرحمن عز]

أويها حَصَّنتك بياسـيـن أويها ويا زهـر البسـاتين
أويها يا مصحف صـغير أويها على روس السلاطين
لي لي لي لي ليش

[حنان عبد الرحمن عز]

أويها شـو هالنهار اللايـق أويها وفرحتلنا الخـلايق
أويها وطقت قلوب الأعادي أويها ولَمّن حقت الحقايق
لي لي لي لي ليش

[حنان عبد الرحمن عز]

أويها يا ما قعـدوا جنبـي أويها ويا ما حرقـوا قلبي
أويها وقالوا فلان ما بيتجوز أويها تجوّز و نصرني ربي
لي لي لي لي ليش