تعالوا جاي : خلينا نغني تراث فلسطيني

[حنان عبد الرحمن عز]

ليّا و ليّا يا بنيه

ضاق السجن عليّ

سدوا دروب بلادي

من الميه للميه

***

وسعوا الحد الغربي

بدي اسري لأرضي

و شيلوا اللغم من دربي

ودبابة الأمريكية

***

وسعوا ها الزنزانة

يافا بصدري سهرانه

و زيتونتنا العطشانه

بدها تشرب حريه

***

وسعوا لي ها المنفى

بدها تتنفس حيفا

و حتى ها الليلة تصفى

برصاص الفدائية

***

وسعوا الحوطه و غنوا

ها العرس احنا منه

كيف بنستغني عنه

و هو الروح الشعبية

***

ها الجرح الو حروفه

إم الشهيد تشوفه

و نزغرد يا الله طوفوا

بكعبتنا الساحليه

[حنان عبد الرحمن عز]

تلوى يا شعر الحية على أيديه

حبك يا وطن سيفي اللي بأيديه

تلوى يا سجن و اغزل للدم قيود

و ارفع قضبانك ملِّي هالدنيا جنود

من قلّك انه ما في لاشجاري زنود

زيتونه قتلت خاين بالشبريه

***

تلوى يا مذيع و غني لحالك

موال الأرض ما هو موالك

لبلاد بتصرخ و لا على بالك

كأن القدس في الهند الصينية

***

تلوى يا مهيوب و اسهر في باريس

ما الشعب وراك كله محابيس

و نام ليلك كأنك عريس

يحرسك بيغن يا بقبق عينييِّ

***

تلوى يا مزيون و البس ع كيفك

و ارمي الباروده و اكسر نصل سيفك

ما احنا تحررنا بهمة جيوشك

و الليلة السهره مونتو كارولية

***

تلوى يا درب و اطلع و انزل عاطول

دمي في الصدر يصهل و الدم خيول

بعرف في يومين ما اقطع هالسهول

و ان تعبت لقدام روحي قوية

[حنان عبد الرحمن عز]

عكا فرس من موج ع َ شط البحر

موال ازرق .. ميجنا

نغنيه يخضر ِّ الشجر

عكا رمح للبر بيرد الخطر

عن ورده .. عن شباك .. عن ذكرى و صور

عكا اسم للطير و الأفراح و عيون الصقر

و أمواج بريه و مطر

عكا عرس .. مركب يشق المي

ما يخشى الخطر

عكا اغاني وداليه

تطرح عنب

تطرح شعر

و نسور بترفرف على مد البصر

***

بقول يا عكا و بفرش ها العمر

ع عتاب شطِّك "ميجانا"

إنت أنا

و انت مرايه لما نوقف صوبها

بنشوف لون العز

ريحة ها الزهر

و بنشوف صوت الناي

و ما خبّا الصدر

و نقرا سوى سيرة وطن

سيرة شعب

سيرة حصار و عسكر

إبنقرا سطر يتلو سطر

كيف اللي عمره ما انكسر

عا أبوابك الخضرة انكسر

كيف اللي حاصر أو دخل

لبيوتك البيضة رحل

و إنت بقيتي زي ها الموج و مثل نور الفجر

عكا كأنك للعدى من قبل ما يكون المدى كنت

قَدَر

و من يومها

صرتي كلام الناس .. و كتاب البشر

[حنان عبد الرحمن عز]

خايف يا معود

و الخوف بيجري ابدمك

خايف خيالك من ايدك

و لسانك من ضحكة سنك

خايف حتى صار الشارع

لما تمر

يحَّد عنك

خايف من ابنك .. من امك

من نسمه بتدق الباب ..

و تضحك حتى تفرج همك

خايف من دبابه خرسه

و خايف حتى .. برضه .. منك

خلينا نحكي بالعربي

لا اسبانيولي و لا تركيه

دبابتهم امريكية

و دبابتنا امريكية

و القائد نشَّن و اتعلم

قتل الفقرا و الحرية

و الله ابنفس الكليه

***

يا عيبك هذي لحجاره

في القدس او في المناره

زي حجاره ارض المنفى

لكن ها الكف اللي يحارب

في الرمله و في " كرمل حيفا "

ظَلُّه اغلى و ظله اوفى

و خلينا نحكي بالعربي

***

خايف من جندي طب هي جيوش الصهيونية

بتركع

و هي اللي هزمت جيوشك

بالطيارة و نار المدفع

و لا يغرك ها اللي ابيتأمَّر

هو سخام .. لكنه بيلمع

و خلينا نحكي بالعربي ...

***

يا عيبك " صبحه " اللي تحارب

في غزة و تحمل شبريه

ان ما كانت اختك .. هي امك

و محمد في مخيم " عسكر "

مر ابمقلاعه الرشاش

ووصاني ان هو استشهد

اسِّم مقلاعه لأبنك

و خلينا نحكي بالعربي ...

***

يا عيبك امواج البحر الهادر

شو ابتسألني عنك

مرَّت عا شباكي امبارح

و اعطتني عنوانك و اسمك

و قالتلي طفله شهيده

ان سكنك مرَّه الخوف اتقدم

و إذبح روحك زي النعجه

و اطردها بَّره جسمك

و خلينا نحكي عربي

[حنان عبد الرحمن عز]

غني يا حلوه عن بلادي غني

عن نبعه و جره و صبيه بتملِّي

***

وفي ليله شُفتك في الحلم قصيده

تنادي ع الفرحة و ع الناس البعيدة

نار نار اجو الغُرُب

مُوت مُوت ملُّو الدرب

يا حبيبي

هي هي .. سامع صوتك

هي هي .. بدري بموتك

يا حبيبي

يا ويلي ويلي و البلاد بعيده

ظلَّت فرحتها ع التله وحيده

[حنان عبد الرحمن عز]

يا محملين هموم تعب الحكي منا

هاجم علينا النوم يا مين يسهرنا



***

عمي يا ابو الفانوس نور لي هالعتمه

خوفي الطريق يطول و يطول معك همي



***

يا راجع من بعيد شو رجعك إلنا

شاب السهر في العين يابا و العين تستنا



***

جيتك وراي سنين و بلاد مضويه

حامل إلك حلمين حلوه قلبي و عينيه



***

قالوا القمر عالي قلت القمر عالي

حطيت عيني في السما شو جابك ببالي



يا مَروَّحه بدري شو روحك بدري

و بخاطري تنظل سوى و خلي العمر يجري

[حنان عبد الرحمن عز]

يا اللي قادر تهزم ليل

تشتي حتى يفيض السيل

أُحفر قبر متر بمتر

و افن بُه زلات الدّهر

إطحن صَخِر لما الصخر

صوت صراخه يُهدر هدر

و اصنع فجر لما الفجر

يملا سهول العالم زهر

و افقر لكن أُوعى توطي

توطي عيب

مُش عيب الفقر

[حنان عبد الرحمن عز]

يا مروح ع بلادي يا غريب

يا مروح ع بلادي دخيل الله

و عيوني حزينة يا غريب

غدرها الزمان دخيل الله

و الطريق طويلة يا غريب

في الموت عمران يسترها الله

حَمّلتك أمانه يا غريب

ميل لي عليها دخيل الله

و الراسه موجوعة يا غريب

يبسانه و شقيانه دخيل الله

و الارض عطشانه يا غريب

تستنا نُحرثها في عون الله

و الغربة طويلة يا غريب

و الرجعه قريبة في عون الله

[حنان عبد الرحمن عز]

دخل المسا ع الدار

اتجمَّعوا

سألت صبية صغيرة

شو الاخبار

رحل ... ؟

إتفتحت لجروح

دار الحكي في عيون سبعه صغار

دخل الحكي جروح الصبايا

عروق السناسل و انتشر

غاب القمر

عن هالبلد

ظلّت صبيه وحدها

تغني ع الوطن و الجرح

عن خيال عن خيال

- راجع أنا

ظُمة فرح في الايد

و خيوط شمس جديده

تنسج لطفله صغيره

ثوب العيد

تدفى الصبيه بالفرح و الشمس

و تكتب ع حيط الدار

قصة شعب

و شب مثل الورد

لما غاب

طلع نهار

[ام حذيفة]

http://www.youtube.com/watch?v=7q8DNEzwdnM&playnext=1&list=PL53E2A1A091C64267

[توليب]

توليب نقدر جهودك في كتابة نص الأغنية الفلسطينية ..فعلاً جهد يحتاج الى وقت وتركيز ...
بوركت جهودك

احنا عنّا غير هالوطن تنغنيله؟
همي شوي صعبين وبدهم الوحد يشنّك دنيه لإنو التسجيل ما بكون واضح والكلمات مخفيّه باللحن

http://www.youtube.com/watch?v=6V_NZB5kw-s

ولهُ انحناءاتُ الخريفِ
لهُ وصايا البرتقالْ
لهُ القصائدُ في النزيفِ
لهُ تجاعيدَ الجبال
لهُ الهتافُ
لهُ الزفافُ
لهُ المجلّات الملوّنةُ
المراثي المطمئنةُ
ملصقاتُ الحائط
العَلَمُ
التقدّمُ
فرقةُ الإنشادْ
مرسوم الحِداد
وكُلُّ شيء كُلُّ شيء كُلُّ شيء
حين يعلن وجهه للذاهبين إلى ملامحِ وجهه
يا أحمد المجهول!
كيف سكنتنا عشرين عاماً واختفيت
و ظلَّ وجهكَ غامضاً مثلَ الظهيرة
يا أحمد السِّريّ مثل النارِ والغابات
أشهِر وجهك الشعبيّ فينا
واقرأ وصيّتك الأخيرة ؟ يا أيّها المتفرّجون! تناثروا في الصمت
وابتعدوا قليلاً عنه كي تجدوه فيكم
حنطةً ويدين عاريتين
وابتعدوا قليلاً عنه كي يتلو وصيّتهُ
على الموتى إذا ماتوا
و كي يرمي ملامحهُ
على الأحياءِ إن عاشوا!

[صمت البشر]

اتمنى ان يكون هذا الموضوع فيه التوثيق لجميع اغانينا التراثيه الرائعه واخص بالذكر اغاني هذه الفرقه
قرقة بلدنا




هذا الوطن للناس وإحنا عزوته

ما يرفع الراس إلا مجده و عزته

الله يجزيك الخير أيتها الرائعة حنان على جهودك في هذا الموضوع الهادف ..وكلنا لاحياء وحفظ تراثنا

احنا عنّا غير هالوطن تنغنيله؟
همي شوي صعبين وبدهم الوحد يشنّك دنيه لإنو التسجيل ما بكون واضح والكلمات مخفيّه باللحن

الله يجزيك الخير ...أكيد أنا جربتها كثير ومعظم المربع والترويدات أصعب من هيك بكتير ..لكن ان شاء الله جهودك ما تضيع سدى يا توليب ..

[بدر فقها]

بما انها متجليه معكم

حد يكتب اشي عن النكد والغم والهم

وتلولحي يا دااااالية

[IiI_anas_IiI]

يا أمي الحنونة يا أمي
لا تبكي علينا
لازم نتحمل يا امي
والله بالعونا
يا امي الحنونة يا امي
لا تبكي علينا
لازم نتحمل يا امي
والله بالعونا
هي هي هي
هي هي هي
هي هي هي
اااه ه اااه هه
يا أمي الحنونة يا أمي
لا تبكي علينا
لازم نتحمل يا امي
والله بالعونا
يا أمي الحنونة يا أمي
لا تبكي علينا
لازم نتحمل يا امي
والله بالعونا
هي هي هي
هي هي هي
هي هي هي
اااه ه اااه هه
مهما طال الزمن وجار
وعني قالوا غريب الدار
شدة ولازم بكرة تزول
وبعده بيطلع الف نهار
مهما طال الزمن وجار
وعني قالوا غريب الدار
شدة ولازم بكرة تزول
وبعده بيطلع الف نهار
لا بد الغايب ما يعود
والارض تزهر نوار
لا بد الغايب ما يعود
والارض تزهر نوار
بالدم نضحي وبنجود
وما نفرط بترابا يا امي
وما نفرط بترابا يا امي
يا أمي الحنونة يا أمي
لا تبكي علينا
لازم نتحمل اي أمي
والله بالعونا
يا أمي الحنونة يا أمي
لا تبكي علينا
لازم نتحمل يا امي
والله بالعونا
هي هي هي
هي هي هي
هي هي هي
اااه هه هه اااه هه
هي هي هي
ااه ااا هه ااه هه
هي هي هي
هي هي هي
مع الريح الطاير نمشي
نمشي ونتسابق ع الموت
وبالشهادة نضل نغني
وبالبارود ندب الصوت
مع الريح الطاير نمشي
نمشي ونتسابق ع الموت
وبالشهادة نضل نغني
وبالبارود ندب الصوت
يا وطن فيك تولعنا
وتشهد الحجارة والبيوت
يا وطن فيك تولعنا
وتشهد الحجارة والبيوت
وبترابك والله انزرعنا
ومين الي يفرقنا يا امي
ومين الي يفرقنا يا امي
يا أمي الحنونة يا امي
لا تبكي علينا
لازم نتحمل يا امي
والله بالعونا
يا امي الحنونة اي أمي
لا تبكي علينا
لازم نتحمل يا أمي
والله بالعونا
هي هي هي
هي هي هي
هي هي هي
اااه هه اااه هه اااه هه
هي هي هي
ااه هه اااه هه
هي هي هي هي
هي هي هي
يا أمي اشتدي ولا تهوني
هذا هو قدر الاحرار
من لحمي ومن دم اولادي
ومن عظمي بتشب النار
يا أمي اشتدي ولا تهوني
هذا هو قدر الاحرار
من لحمي ومن دم اولادي
ومن عظمي بتشب النار
لا بد تذوب الزنزانة
ويكبر فينا شجر الغار
لا بد تذوب الزنزانة
ويكبر فينا شجر الغار
والارض تزغرد فرحانة
وتتلاقى بعشاقا يا امي
وتتلاقى بعشاقا يا امي
يا أمي الحنونة يا أمي
لا تبكي علينا
لازم نتحمل يا امي
والله بالعونا
يا امي الحنونة يا امي
لا تبكي علينا
لازم نتحمل يا امي
والله بالعونا
هي هي هي
هي هي هي
هي هي هي
اااه هه هه ه ااااه هه
هي هي هي

[صمت البشر]

http://www.youtube.com/watch?v=7q8DN...E2A1A091C64267

الله يعطيك العافية يا أم حذيفة ...أتمنى أن تشاركينا بكتابة الكلمات هههههه
وهذه كلمات الهزوجة هدية مني لالك بس لا تعيديها :

يا زارعين الشمشم

يا زارعين السمسم ...يا زارعين السمسم
خلي السمسم على امه ..خلي السمسم على امه
واللي يهوا ما يوخذ ...لخلّي القرد يزمّه
يا زارعين السمسم ...يا زارعين السمسم
خلي السمشم ع جراسو ..خلي السمسم ع جراسو
واللي يهوا وما يوخذ ...كبُّو السchن ع راسو
بتلاقيني يا حراث ... بتلاقيني يا حراث
ماني حراث أبوchي ...ماني حراث أبوchي
قاعد بنثر بالزرعات ..قاعد بنثر بالزرعات
تــعمِّر دار أبوchي ...تــعمِّر دار أبوchي
يا طول جيلch يا عمَّة ..يا طول جيلch يا عمَّة
ان جيتch لا تقنينا ...ان جيتch لا تقنينا
نقعــــد حبيبي سروة ... نقعـــد حبيبي سروة
والنووم مفارق عينه ... والنووم مفارق عينه
يا زارعين السمسم ...يا زارعين السمسم
خلي السمسم على امه ..خلي السمسم على امه
واللي يهوا ما يوخذ ...لخلّي القرد يزمّه
يا زارعين السمسم ...يا زارعين السمسم
خلي السمشم ع جراسو ..خلي السمسم ع جراسو