ضيــــــف فــــي الإســـلامــــــــــي 3 .. " Palestine Angel " ....

[ابوعمارة]

السلام عليكم يا بنتي

كم تحفظين من القرءان الكريم؟


من المقرء المفضل لديك ؟


هل لك نشاط ديني داخل الحرم الجامعي؟


ما هى نظرتك للبنت الغير ملتزمه؟


ما هو ضرر الاختلاط الجامعي وتأثيره على البنت؟


هل يمكن ان تتأثر البنت الملتزمة في الجامعة ولو بالتفكير مما تشاهده من امور غير اخلاقية؟

سأتابع

[ابوعمارة]

السلام عليكم يا بنتي

ما هو اجمل اسم تحبينه؟


البلد الذي تحبينه بعد فلسطين؟


ما اروع ما شاهدتيه في فلسطين؟


ما يعني لكي والديكي؟


من الاقرب اليك الاخ ام الاخت في الفضفضه؟


هل برأيك سنعود يوما الى الارض الحبيبه؟

سأتابع

[ابوعمارة]

في الحقيقة نسعد بكل من يمر من على صفحات الاسلامي .. فهو بحق

من افضل المنتديات وابقاها في الدارين ..

اهلا بالعم ابو عمارة ..
اهلا بأم يحيى ..
اهلا بشروق ..

مساؤكم سعيد ...

أسعد الله أيامك يا أحلى أخ في المنتدى الرائع ولو هذا المنتدى لما تعرفنا على تلك الشموع النيرة الخيرة من الاخوة والاخوات وبارك الله لك في عمرك

[نور الهدى]

اهلا وسهلا بضيفتنا العزيزة Palestine angle
وكل عام وانت بخير بمناسبة عيد ميلادك
وشكرا للأخ احمد الصادق لهذة الاستضافة الرقيقة لملاك فلسطين
حبيت رحب فيك وبرجع ان شاء الله في وقت لاحق

[ام يحيى]

في الحقيقة نسعد بكل من يمر من على صفحات الاسلامي .. فهو بحق

من افضل المنتديات وابقاها في الدارين ..

اهلا بالعم ابو عمارة ..
اهلا بأم يحيى ..
اهلا بشروق ..

مساؤكم سعيد ...

شكرا ايها الصادق
وان شاء الله تكون ايامك سعيدة يا رب مثل هل مساء الحلو

[palestine angel]

- هل أنتي مع تعيين فتيات في لجنة الاشراف والمراقبة ؟

أكيد نعم ، لإنه بصراحة أسهل وأفضل ومن ناحية شرعية مشان الحلال والحرام إني أتعامل مع صبية بظل مرتاحة أكتر ....

- رأيك بلجنة الاشراف ومشرفي الوحدات نت عموما ؟؟

كلهم ما شاء الله عليهم ، بقدمزا كل شي بقدروا عليه،بميزان حسناتهم إن شاء الله....

- من غير ذكر أسماء ، هل تعتقدين أن هناك من هم في قسم الاشراف

مقصرون في عملهم ؟؟

نعم....

- من غير ذكر أسماء ، هل تعتقدين بأن هناك من يستحق أن يكون في هذه اللجنة ؟؟

كمان نعم....

[palestine angel]

احمد ما خليت مجال للواحد
يسال خف عليها يا زلمة الله يرضى عليك

بعدين بدي جائزة حزرت مين الضيف لحالي

وهذا بعده ما دخل بالاسئلة النارية....
هههههههه....

[palestine angel]

اهلا وسهلا باحلى اخت فلسطين انجل

أهلين فيكي خيتي....

انتي ملاك متل اسمك

تسلميلي ،والله خجلتيني....

نبلش دردشة على الخفيف

بلشي بلشي ....

من وين اجتك فكرت المسابقة القرانية؟؟

خطرت ببالي لما حكى الشيخ محمد العريفي إنه الي مشارك بمنتدى يعمل شي يخدم الدين ويستفيد الناس منه فخطرت ببالي وحكيت مع "رنين" شجعتني كتير وبعديها حكينا مع الشيخ وقدملنا كل المساعدة ربنا يجزيه الخير...

هل انتي راضية عنها تمام الرضا؟؟

بصراحة مش كتير لإنه في ناس ما بيجوا يعني مرة عصبت لدرجة مش طبيعية وإسألي بـــابـــا عمر بس الحمد لله على كل شي وإن شاء الله الجزء الجاي بكون أفضل...

ليش دايما بحسك متشائمة؟؟؟

مش متشائمة بس ما بحس بفرح حقيقي يعني حتى لو إنبسطت بداخلي مش كتير لأسباب أهمها إني دايماً مشتاقة لفلسطين وللرجعة هناك....

ليش انا ما بعرف اسمك...صحيح...؟؟
بنحكي على الخاص ..

وأنا شو عرفني ما سألتيني وصحيح أنا كمان ما بعرف إسمك خلص لما نحكي المرة الجاي بحكيلك إن شاء الله...

[palestine angel]

[IMG][/IMG]

يا أهلا بالعزيزة Palestine Angel .. صديقتي كل التحية لكِ ..
فعلا اختيار موفق أخي أحمد .. الله يجزيك كل خير ..
لي عودة ان شاء الله صديقتي ..

يا هلا والله بغاليتي شروق الله يسعدك يا رب....

بإنتظارك....
حلوة 10 ....

[palestine angel]

السلام عليكم ياايتها الابنة الغالية

وعليكم السلام يا بـــابــــا....

بماذا تفكر البنت الجامعية ؟

بالنسبة الي أخلص دراسة أهم شي وبعديها أشتغل وكل شي غير هيك مش مهم بالنسبة الي بس ممكن عند غيري يكون في أولويات مختلفة.....

ماهى نسبة الالتزام البنت الجامعية بدينها؟

بصراحة في هيك وهيك يعني في بنات بضلوا مثل قبل وفي بنات لما تدخل ع الجامعة إنه تحرر وحكي مع شباب ومش عارف ايش....

بماذا تفكرين ان تعملى بعد التخرج؟

إن شاء الله بشركة لقريبنا....
إذا عندك شغلة إحكيلي يمكن تكون أحسن
ههههههههههه......

الاحظ واشعر ان هناك شيئ ما يضايقك؟

بعدي عن فلسطين هو ما يضايقني ولا أشعر بالسعادة الحقيقية لإني عشت فيها مش قادرة أتحمل حياتي بعيد عنها وكل ما بكبر هالشعور بزيد أكتر....

هل الافضل للبنت الدراسة ام الزواج ؟

الدراسة لإنها ممكن بعد الزواج تمر عليها حياة صعبة فبتستفيد من شهادتها.....

ما هو اجمل شيئ تفرحين لاجله؟

إذا طبقت ما يجب عليّ تجاه ربي ، وإذا حققت الشي المطلوب مني بدراستي، وإذا كان بـــابـــا راضي عني "إنت وكمان بـــابـــا".....
سأتابع

معك.....

[palestine angel]

السلام عليكم يا بنتي

وعليكم السلام بــابـــا....

كم تحفظين من القرءان الكريم؟

12 جزء...

من المقرء المفضل لديك ؟

أكتير من شيخ منهم "السديس ، الشريم ، العجمي ، البراك"....

هل لك نشاط ديني داخل الحرم الجامعي؟

لأ ، لإنه ما عندي وقت كله محاضرات...

ما هى نظرتك للبنت الغير ملتزمه؟

ربنا يهديها ، بس بصراحة بتنزل من عيني ....

ما هو ضرر الاختلاط الجامعي وتأثيره على البنت؟

بسبب مشاكل كتيرة خاصةً بين البنات ، بأثر ع البنت من ناحية نفسية ودراسية على ما أعتقد لإني والحمد لله ما جربت هالشي...

هل يمكن ان تتأثر البنت الملتزمة في الجامعة ولو بالتفكير مما تشاهده من امور غير اخلاقية؟

ممكن تتأثر لمرحلة قصيرة لكن أكيد بترجع خاصةً إذا حست إنه صحبتها هي السبب بهالشي....

سأتابع

معك يا بـــابـــا....

[palestine angel]

السلام عليكم يا بنتي

وعليكم السلام ورحمة الله وبركاته بــابـــا.....

ما هو اجمل اسم تحبينه؟


إسم صبي"يوسف، محمد، أحمد،عبد الله"
إسم بنت"شمس ،غفران،تحرير"...

البلد الذي تحبينه بعد فلسطين؟

سوريــــــــــــــــــا......

ما اروع ما شاهدتيه في فلسطين؟

القدس بكل ما فيها من المسجد الأقصى ،اسواقها وع فكرة مش متذكرة كتير لإنه أخر مرة رحت ع القدس كان عمري 9 سنين.....
وكل شي بفلسطين رائـــع...


ما يعني لكي والديكي؟

أغلى شي بحياتي وما بتصور حياتي بدونهم....

من الاقرب اليك الاخ ام الاخت في الفضفضه؟

الأخت لإنه أخوي صغير ووحيد يمكن لو كان إلي أخ كبير كان الموقف مختلف....

هل برأيك سنعود يوما الى الارض الحبيبه؟

بإذن الله سنعود....

سأتابع

معك...
أسئلتك راعة جداً.....

[palestine angel]

اهلا وسهلا بضيفتنا العزيزة Palestine angle
وكل عام وانت بخير بمناسبة عيد ميلادك
وشكرا للأخ احمد الصادق لهذة الاستضافة الرقيقة لملاك فلسطين
حبيت رحب فيك وبرجع ان شاء الله في وقت لاحق

أهلين فيك نور الهدى.....

وإنت بألف خير....

بإنتظارك....

[يحيى العلي]

بنيتي الكريمة ثبتك الله أيدك الله نصرك الله

أهديك هذه الانشودة للاستاذ يوسف العظم رحمه الله

http://www.youtube.com/watch?v=K5HHj0lP9r4

[أحمد الصادق]

أسئلة رياضية ...

- رأيك بفريق الوحدات لهذا العام ؟؟

- رأيك بإدارة الفريق ؟ هل هي اسوأ ادارة كما يردد البعض ؟

- هل سبب دمار الفريق هو محمد قويض المدير السابق ؟؟

- من تتمني أن يدرب الوحدات في المرحلة القادمة ؟