بدي أخرفكم عن المخيم .. بتسمعوني ؟؟!!...(متجدد)

[IiI_anas_IiI]

ما اجمل زقاق المخيم

ما أجمل مرورك .. وما أجمل مشاعرنا التي تتغنى بكل حجر في المخيم كهوية ..

[IiI_anas_IiI]

ياااابااااي ما أزchى كلامك ... ذchرتني يأيام الدchاchين ..
ااايه بتذكر دكانة ابو رسمي الله يرحمه ...كانت جنب المؤن ..ااايه يا رجل كنا واحنا صغار نشتري من عنده صبغة عشان نعمل حلاوة في ايا م العطل ...وهاظ أبو رسمي دchانته صغيرة كوي ...وغراضه مخربطات ...وكانت أم رسمي الله يرحمها ..تقلنا ..اسمعوا عاد لا تقروطوني ...الحج راح يتوظا ... وخليل كال بدوا يشتري كلول ..حفرنا الحارة الله يgطع شره الحارة اتخزوقت ..واتخزوgت كمااان ايدينا من chثر الحفر خخخخخخخ، كال ابو رسمي دبت بعgله وبطل بيع كلوول ..ومنين بدنا نجيب كلووول ..وبعدين مع هالقصة ..روح عالعنابي ..بكلك غالي الكلوول عنده بكرش ببيع القل هههههههههه
اااااااااااااااااااخ نفسي ترجع هالايام ...بلا هموووووووم ..
أنوس ...موضوعك أكثر من مميز ...

أشكرك بعميق الشكر والامتنان لتثبيت الموضوع صديكي .. ما كصرت اطلاكن ( زي ما بحب أكتبها ) وبتاتن .. وانا مصر الحاحا أنه أكمل هالمشاركة وراح أعمل كل جهدي لنقل صورة ( لايف ) عن كل أحداث المخيم الي رافقت طفولتنا .. مرة أخرى أشكرك أخي دياب .... هههه بسيطة حفرة الكلول كلها حفرة وحدة ما بين كل متر ومتر ... هههههه اما المصيبة لما كنا نلعب سبع جور ( حفر ) ازا بتتزكرها .. هاي المصيبة هاي هيي الي خزكت كل المخيم

[IiI_anas_IiI]

تعبت وانا بدور على الموضوع بين صفحات المنتدى الادبي وفكرت دياب نقله لمكان تاني ...عصبت ونرفزت وكنت بصدد ارسال رساله خاصه فيها من العتاب مالا تتخيله يا دياب...بعد شوي شافوني معصبه بالبيت وطبعاً كلمتين مرتبات من الحج...فتّحي يابا سلامة الشوف ...ثبتوه الموضوع ....طبعاً الله بيعلم شو انبسطت لانه فعلا موضوع في غاية الروعه وبكلب المخ كد ما هو حلو...على سيرة الحHي الحلو
دياب او انس بتعرفوا شو يعني
بحّري تكلّH

اشكر كل من كان له دور في تثبيت هذا الموضوع واتمنى تثبيته بالمنتدى الفلسطيني ايضاً

الله لا يضيع لك تعب يا بنت خالتي .. هو موضوع استحق أنه يكون مميز شنو لقي الصدى في قلوبكم .. وبدوري بشكر الاخ دياب كمان على تثبيته للموضوع ... سلامي للوالد الغالي .. احترمته وربي يشهد من غير ما اشوفه ..

كلمة بحري تكلـــH زي ما تفضلوا الاخوان .. يعني شوفي لاحكي لك ... هههه وهالكلمة الها من الموضوع نصيب راح اتطرق الها فيما بعد ... لنا لقاء في تكملة قادمة ... أشكر فيكي وفي كل الاخوة في صرحنا الغالي هذا التفاعل

[IiI_anas_IiI]

نعم صحيح 100%
طبعا الدكتور اول مره حكالي ياها وقفت متل المسطوله ومش عارفه شو اعمل او شو طلب مني فكرت حالي مش سامعه او في شي غلط بالموضوع
بس سألته شو حكيت حج ؟..حكالي بحري تكلH حكيتله ولله مو فاهمه ...ضحك وحكالي اسمعي تأحكيلك او شوفي...طبعاً غيبت قد ما ضحكت بس بصراحه حسيت بحب شديد لهالكلمه وهلا كل ما بده شي بيحكيلي ...حنان بحري...
ما أجمل لغتنا الفلسطينيه وما اروعها ...احاول التعمق فيها كلما سمحت لي الفرصه بذلك ..اعشق الجلوس مع والدي وأعمامي فهم يتفننون بالالفاظ الفلسطينيه ...كم اعشقك يا وطني

فرصة أنه تكعدي مع أم سعيد وأم مازن وأم أكرم وأم محمد العكرماوية وأم نصيف ... وكتها بتصيري موسوعة لهجة فلسطينية متنقلة وبكل اللكنات

[IiI_anas_IiI]

ههههه...
الأخ أنس بستحg يا بنت الحلال سواليفه بتجنن..
رجعني لايام الطفولة ..ع فchرة بحري تا gلك ..هذا الموضوع بحثت عنه كثيراً و كثيراً ..كنت أنتظر هذا الابداع ..ليتوافق مع رسالة المنتدى بما أنه منتدى نادي الوحدات وهو نادي المخيم ..وبالتحديد أنس يسولف عن مخيم الوحدات ...
موضوع أتمنى من الجميع أن يشارك به

وأنا حبيتك من أول بحـــ(نظرة)ـــــــــرة

[IiI_anas_IiI]

بالمناسبة أصدكائي ... بما أنه تثبت الموضوع .. أتمنى من الأخوة الأحبة .. وأي عضو بقرأ الموضوع يساهم في هالموضوع بأي مبادرة منه أو كصة من كصص المخيم .. أو يذكر النا من أي مخيم إن كان من أبناءها .. ويعطينا نبذة صغيرة عن هالمخيم ... أشكر فيكم تفاعلكم .. وطبعا هاللفتة هاي من بعد اذن صديكنا ومراقبنا الغالي صمت البشر

[حنان عبد الرحمن عز]

فرصة أنه تكعدي مع أم سعيد وأم مازن وأم أكرم وأم محمد العكرماوية وأم نصيف ... وكتها بتصيري موسوعة لهجة فلسطينية متنقلة وبكل اللكنات

وليش ما اكعد النا الشرف اكيد
ولله يا خوي الله وكيلك الاب فلاح مأصل والام نابلسيه مدنيه وانا بينهم ضايعه
طبعا الحج أبسترجيش يحكي مع امي بالفلاحي بكلب ئال و ؤلنا بالبيت وما بيسدك انه يطلع مشان يحكي على راحتو طبعا كبل كم يوم كنت انا داخله عالبيت وهو طالع ...وين ياحج ...كلي يابا حناHي تربطوا وانا احHي مع امH بدي اطلع افك شوي وارجع...لو يقرأ هالمشاركه مارح يخليني اكعد ورا الكيبورد بعد هيك..

[IiI_anas_IiI]

وليش ما اكعد النا الشرف اكيد
ولله يا خوي الله وكيلك الاب فلاح مأصل والام نابلسيه مدنيه وانا بينهم ضايعه
طبعا الحج أبسترجيش يحكي مع امي بالفلاحي بكلب ئال و ؤلنا بالبيت وما بيسدك انه يطلع مشان يحكي على راحتو طبعا كبل كم يوم كنت انا داخله عالبيت وهو طالع ...وين ياحج ...كلي يابا حناHي تربطوا وانا احHي مع امH بدي اطلع افك شوي وارجع...لو يقرأ هالمشاركه مارح يخليني اكعد ورا الكيبورد بعد هيك..

هههه وهون سيدي وستي كصصهم ما بتوكف .. سيدي الفلاح المأصل حاله حال الحج ... بروح من شغله مشتاك لمعشوكته الي كانت ستي تغار منها كثير .. معشوكة سيدي كانت غير عن كل المعشوكات .. كسم حلو وصوت بجنن بس مالنا ومال الحـHـــي والله ستي على عيونها الزرك أنه لما بكيت أصفن فيها وأتذHــر Hــيف بكت وهي صبية زي الغزال ... ايه ما علينا ... المهم ستي بكت تغار من شبابة سيدي لأنه دايم دوم مهتم فيها .. ويعزف عليها أحلى أنغام الميجنا ... وستي تعزف له على أنغام الغيرة .. وشعلل نار الغيرة ...

ايييه ... الله يحفظ لك الحج ويديمه فوق راسك يا وردة .. ويرحم حجاجنا يا رب

[IiI_anas_IiI]

اليوم الأربعا .. ويوم الاربعا اله نكهته الخاصة .. نكهة غير شكل يم .. خاصة عند صبايا الحارة وعجايزها ... كرت عرس دار أبو علي .. علي ابن أبو علي .. على كريمة أبو أسعد منار .. الكرت توزع على Hــل الحارة ... ومطبكانيات الحلو والملبس .. غلفوها بـHـــياس الهدايا المكشكشة .. ويا عيني ع الكشكش شو بنحبه .. وأبو علي رافع راسه وHــله فخر .. يابا وصلت الكروت للجميع ومنسيتش حدا ؟؟!! يابا هو في حدا بكدر ينسى حدا من أهله و احبابه ؟؟!! .. وهيـH احنا يا ولاد فلسطين ..

والساعة ستة سبعة .. حسب التوكيت إن كان صيفي والا شتوي .. هالصبايا تروح على دار أم علي .. خالات العريس وعماته وبنات خاله وبنات عمه وهالسحجات والغناوي تركع في الدار ركع ..

يا حنة يا اخضر يا لايك ع ايديي
وحنوا لي العريس الغالي عليي
يا حنة يا اخضر يا لايم ع ايديي
وحنوا لي العريس الغالي عليي
يا حنة يا اخضر يا لايك ع كمه
وحنوا لي العريس الغالي على امه
يا حنة يا اخضر يا لايك ع ايديي
وحنوا لي العريس الغالي عليي
ويا حنة يا اخضر لايك ع محرمته
وحنوا لي العريس الغالي على أخته
يا حنة يا اخضر يا لايم ع ايديي
وحنوا لي العريس الغالي عليي
مد ايدك حنيها يا عريس
مد ايدك حنيها يا لالا
أمك لا تجافيها يا عريس
أمك لا تجافيها يا لالا
مد ايدك حنيها يا عريس
مد ايدك حنيها يا لالا
مد ايدك نتفة نتفة يا عريس
مد ايدك نتفة نتفة يا لالا
شمعة ولا تنطفي يا عريس
شمعة ولا بتنطفي يا لالا
مد ايدك حنيها يا عريس
مد ايدك حنيها يا لالا
ازبط لكش الحنة يا محني
ازبط لكش الحنة يا لالا
انشا الله بتتهنى يا عريس
انشا الله بتتهنى يا لالا

Hــيف الهمة يا علي ؟؟! ... الهمة عالية يخوي ... وبـHــرة السهرة يخوي وبدنا همتـHــم .. ابشر وانا اخوك يا علي وسهرة الشباب علي ولا يهمك ..
وهيك بسهرة بترجعنا لأيام البلاد في مخيمنا الغالي .. وهيك سهرات بنبكى ندور عليها دوارة .. ولو نخلكها من تحت طكاطيك الأرض ..

ولنا لقاء أخر أصدقائي

[صمت البشر]

اليوم الأربعاء .. ويوم الاربعا اله نكهته الخاصة .. نكهة غير شكل يم .. خاصة عند صبايا الحارة وعجايزها ... كرت عرس دار أبو علي .. علي ابن أبو علي .. على كريمة أبو أسعد منار .. الكرت توزع على Hــل الحارة ... ومطبكانيات الحلو والملبس .. غلفوها بـHـــياس الهدايا المكشكشة .. ويا عيني ع الكشكش شو بنحبه .. وأبو علي رافع راسه وHــله فخر .. يابا وصلت الكروت للجميع ومنسيتش حدا ؟؟!! يابا هو في حدا بكدر ينسى حدا من أهله و احبابه ؟؟!! .. وهيـH احنا يا ولاد فلسطين ..

والساعة ستة سبعة .. حسب التوكيت إن كان صيفي والا شتوي .. هالصبايا تروح على دار أم علي .. خالات العريس وعماته وبنات خاله وبنات عمه وهالسحجات والغناوي تركع في الدار ركع ..

يا حنة يا اخضر يا لايك ع ايديي
وحنوا لي العريس الغالي عليي
يا حنة يا اخضر يا لايم ع ايديي
وحنوا لي العريس الغالي عليي
يا حنة يا اخضر يا لايك ع كمه
وحنوا لي العريس الغالي على امه
يا حنة يا اخضر يا لايك ع ايديي
وحنوا لي العريس الغالي عليي
ويا حنة يا اخضر لايك ع محرمته
وحنوا لي العريس الغالي على أخته
يا حنة يا اخضر يا لايم ع ايديي
وحنوا لي العريس الغالي عليي
مد ايدك حنيها يا عريس
مد ايدك حنيها يا لالا
أمك لا تجافيها يا عريس
أمك لا تجافيها يا لالا
مد ايدك حنيها يا عريس
مد ايدك حنيها يا لالا
مد ايدك نتفة نتفة يا عريس
مد ايدك نتفة نتفة يا لالا
شمعة ولا تنطفي يا عريس
شمعة ولا بتنطفي يا لالا
مد ايدك حنيها يا عريس
مد ايدك حنيها يا لالا
ازبط لكش الحنة يا محني
ازبط لكش الحنة يا لالا
انشا الله بتتهنى يا عريس
انشا الله بتتهنى يا لالا

Hــيف الهمة يا علي ؟؟! ... الهمة عالية يخوي ... وبـHــرة السهرة يخوي وبدنا همتـHــم .. ابشر وانا اخوك يا علي وسهرة الشباب علي ولا يهمك ..
وهيك بسهرة بترجعنا لأيام البلاد في مخيمنا الغالي .. وهيك سهرات بنبكى ندور عليها دوارة .. ولو نخلكها من تحت طكاطيك الأرض ..

ولنا لقاء أخر أصدقائي

واحنا صغار ...كنا نتchيف على العراس ويوم التلبيسة ..ويوم الحنة ..ويوم السهرة "تبعت الزلام"..بتذchر كنا نchيف عالتلبيسة فيها بوزعه مطبقنيات ..وهي عبارة عن chاسة وفيها حبة ملبس ... غير هيك الزفة برموا هالملبس من على السطوح أم أمجد وأم وليد ..بزتوا الحلو والملبس ..واحنا بين رجلين الزلم ...احنا بنلكط الحلو ..وهمه بغنوا:
وهون واربط عالدوار... لتطلع بنت المختار
..ودرج يا غزالة ...يا ولاد الحلالة ..
ويا عريس يا ابو حطّة ... منين صايد هالبطّة

[د.احمد الفسفوس]

بالمناسبة أصدكائي ... بما أنه تثبت الموضوع .. أتمنى من الأخوة الأحبة .. وأي عضو بقرأ الموضوع يساهم في هالموضوع بأي مبادرة منه أو كصة من كصص المخيم .. أو يذكر النا من أي مخيم إن كان من أبناءها .. ويعطينا نبذة صغيرة عن هالمخيم ... أشكر فيكم تفاعلكم .. وطبعا هاللفتة هاي من بعد اذن صديكنا ومراقبنا الغالي صمت البشر

و انت بتفـHـــر اي حدا بكدر يتخرف مثل هيـH .. هيـــH خراريف بدها واحد مثلك مبددددددددددددددددددددع بسرد الكصص.

بانتظار جديدك خيي..

[وحداتيه وراسي مرفوع]

سبحان الله عمري ما شفت حد اسمه انس وما حبيته
رائع اخي رائع انا من زمان زمان حاب اعرف هيك اشياء عن المخيم يالله شو حلوه الحياه فيه
بتحس كل بساطة الدنيا فيه
وانا بقراء بكلماتك حسيت حالي بفيلم وبحضر فيه كلمات روعه
اشكرك اخي وبتمنى انك تستمر ما توقف

[غريب الدار]

بالمناسبة أصدكائي ... بما أنه تثبت الموضوع .. أتمنى من الأخوة الأحبة .. وأي عضو بقرأ الموضوع يساهم في هالموضوع بأي مبادرة منه أو كصة من كصص المخيم .. أو يذكر النا من أي مخيم إن كان من أبناءها .. ويعطينا نبذة صغيرة عن هالمخيم ... أشكر فيكم تفاعلكم .. وطبعا هاللفتة هاي من بعد اذن صديكنا ومراقبنا الغالي صمت البشر

ومازال "أبو طلال" يخفي سر مهنته...ذاك السر في تقسيم رغيف الحمص والفول "رباع...رباع"
"رباع" تضاهي بلذتها "الرباع الذهبية" في سوق الذهب في شارع النادي
لم أتذوّق أرغفة محشية بالفول إلا في الوحدات (قبلها في مصر الحبيبة)...ولا أعتقد أن هناك مطعماً آخر في الأردن يعدّ هذه الوجبة الشهية سواه
وحدة الشعبين ...الفلسطيني والمصري "صاندويتش فول"

هل تعلم:- أن هناك جناح خاص في مطيعم أبو طلال يقدم لك الخدمة في أجواء خاصة
"السدّة"
شعب إذا ضاقت به الأرض...افترش السماء وسادا

[IiI_anas_IiI]

واحنا صغار ...كنا نتchيف على العراس ويوم التلبيسة ..ويوم الحنة ..ويوم السهرة "تبعت الزلام"..بتذchر كنا نchيف عالتلبيسة فيها بوزعه مطبقنيات ..وهي عبارة عن chاسة وفيها حبة ملبس ... غير هيك الزفة برموا هالملبس من على السطوح أم أمجد وأم وليد ..بزتوا الحلو والملبس ..واحنا بين رجلين الزلم ...احنا بنلكط الحلو ..وهمه بغنوا:
وهون واربط عالدوار... لتطلع بنت المختار
..ودرج يا غزالة ...يا ولاد الحلالة ..
ويا عريس يا ابو حطّة ... منين صايد هالبطّة

ويا ليلتنا يا الله .. يا ليلتنا ... ويا ليلتنا يا الله .. يا ليلتنا
حبيبي وكع في البير ناوشني صبعه
لولا حــHـــايا الناس لنزل واربفع يا الله
لنزل وارفعه
****
واطلع يا كمرنا وطل .. وظوي الضفة الغربية
ما خلكنا لنعيش بذل .. خلكنا نعيش بحرية
واطلع يا كمرنا وطل .. وظوي ع المخيمات
ما خلكنا لنعيش بذل
خلكنا نحمل رشاشات
****
واستكلونا وكالوا كلال
وكديش تكولوا كديش
ونط البسة ع ظهر الــHيـس
ونط البسة ع ظهر الــHيـس
وصرخت ستي الحنونة
وصرخت ستي الحنونة
ووقع البس في الطاحونة
وبعد شوي بجيت الياس
وبعد شوي بجيت الياس
قالها يما شو الي صار
وجهك زي اللمونة
قالت يما جانا بس
أحمر زي الدحنونة
حلف الياس برب الياس
حلف الياس برب الياس
ليطخ البسة المجنونة
ليطخ البسه المجنونة
عبى الياس الفرد وطخ
عبى الياس الفرد وطخ
وما فكعتش الــHــبسولة
وما فكعتش الــHــبسولة
و الــHــبسولة ما بتفكع
و الــHــبسولة ما بتفكع
الا بشوـHــة وسـHـــينة
الا بشوـHــة وسـHـــينة

ويا عيني على زفتنا الفلسطينية .. والله محييك يالشعب الفلسطيني .. وهاي اضافة لزيزة زيك صديكي دياب من بعض زفات المخيم

[IiI_anas_IiI]

و انت بتفـHـــر اي حدا بكدر يتخرف مثل هيـH .. هيـــH خراريف بدها واحد مثلك مبددددددددددددددددددددع بسرد الكصص.

بانتظار جديدك خيي..

من بعض ما عندكم يبن خالتي .. أنا بردودكم الي بشوف فيها الاشي العظيم ويلي بتعني لي الكثير .. أستوحي ما أكتب .. أشكر مرورك يا غالي .. وردك دافع أكبر للاستمرار .. يسعدني مرورك