وصايا تشرينية ♡~

[ام يحيى]

باذن الله اذا جبنا مدافع جنب البهداري ولاعب مهاجم جنب شلبايه راح نوخذ الاسيويه باذن الله

[khaled salameh]

كلام جميل .. أسأل الله ان تقر عينك بيحيى وتنالين ما تتمنين ..

[ام يحيى]

كلام جميل .. أسأل الله ان تقر عينك بيحيى وتنالين ما تتمنين ..

امين يارب
مشكور لمرورك من هنا
________
للعلم يحيى لم يأت بعد الى هذه الدنيا بعد...هذه الحروف ما كانت الا لفرط شوقي لرؤيته

[ام يحيى]

[B
💚♡تشرينية (1)♡
دخل ولم يخرج بعد!!!
بني كثيرآ ما نسمع عبارة خرج ولم يعد لكن الحال هنا مختلف دخل ذاك الفرح الى قلبي كيوم لم أرى بجمال هيئته الى الان احد.
في يوم لم أكن قد ولدت فيه سبقتني شطر روحي لتأتي في أيار .. زاد جماله أصبح عالم جديد فيه كثير من البهجة .. عذرآ بني لم انسى ان في هذا الشهر نكبة وطننا .. هو عليك بني
لا تبتئس ثمة شخص يغزل لك من كومة حزنه قميص فرح
ثمة عين تشرق بابتسامة ثغرك
ثمة قلب يتقد بك
ثمة دعاء لا تصوغه الكلمات
يصعد كل ليلة الى السماء بإسمك
ثمة أشياء تحدث
لا تخطر على بالك ، ولكنها لك

#يحيى ~[/B]

[khaled salameh]

امين يارب
مشكور لمرورك من هنا
________
للعلم يحيى لم يأت بعد الى هذه الدنيا بعد...هذه الحروف ما كانت الا لفرط شوقي لرؤيته

اعلم ذلك أخيتي .. اسأل الله السعادة للجميع ..

[ام يحيى]

اعلم ذلك أخيتي .. اسأل الله السعادة للجميع ..

يارب

[ام يحيى]

♡تشرينية (2) ♡








شو يعني يكون عندك صديق بنكهة اخ ..؟؟
يعني بيعيش وجعك بكل تفاصيله
يعني بيكون الميت عندك جزء من اهله
يعني بتكون دمعتك نازلة على خده
يعني بيكون الوجع قبل ما ينزل بقلبك بحسها بقلبه
يعني بتكون ضحكتك منبع سعادته
يعني بيكون عندك كتف لا يحمل همك فقط بل هم الاكتاف حقآ
يعني بيكون عندك قلب تقتات على امله وصبره حينما ينفذ صبرك
يعني بيكون بعز وجعك فرحة عيونك واذا ما قدر بيكون عين ثالثة بتبكي معك
يعني بيكون خايف على ابنك كانه اول ابنائه
يعني بيكون عندك حدا بيضحي بقلبه وعمره ووقته وصعوبات بيئته بس ليكون معك بوقت محنتك
يعني بيكون قطعة من الجنة معك ~
#يا_أمي_اختار_صح ^^~

[ابو محمد عماد]

مررت هنا وقرأت وأعجبت وتعجبت في نفس الوقت , أهنئك أم يحيى على ما خط قلمك وأتذكر قبل عدة سنوات انك ذكرت لي انك تحبين الكتابة ولكن ليس لديك الجرأة الكافية , حقا أرى الان كلمات معبرة بعمق واضحة وصافية ونقية ,ما أجمل الكلمة عندما تكون بدون تكلف , بارك الله فيك أخت عزيزة

[ام يحيى]

مررت هنا وقرأت وأعجبت وتعجبت في نفس الوقت , أهنئك أم يحيى على ما خط قلمك وأتذكر قبل عدة سنوات انك ذكرت لي انك تحبين الكتابة ولكن ليس لديك الجرأة الكافية , حقا أرى الان كلمات معبرة بعمق واضحة وصافية ونقية ,ما أجمل الكلمة عندما تكون بدون تكلف , بارك الله فيك أخت عزيزة

اهلا بمرورك عمي ابو محمد
اكتب انا منذ طفولتي .. الكثير مما يخرج الى دفتري يبقى هناك
لكن هنا الحال مختلف وكانني غيمة ثقل حملها فامطرت ما بجعبتها لطفل هو أغلى ما سأملكه يومآ
أتشرف بمتابعتك لتشرينياتي البسيطة

[ام يحيى]

♡تشرينية (3)♡


في ذكرى النكبة
#نكبتنا_الجديدة_وجعها_غزاوي

غزة مش مجرد مدينة محاصرة
غزة مش مجرد مدينة بتتعرض للعدوان
غزة مش مجرد مدينة بيوتها بتتعمر 3 و4 مرات وبترجع تنبنى من جديد
غزة مش مجرد مدينة اهلها بتجيهم الكهرباء 3 ساعات باليوم
غزة مش مجرد مدينة اهلها بيوصلهم كل أسبوع مي بالقطارة
عزة مش مجرد مدينة أطفالها رجال ورجالها أشداء على الكفار رحماء بينهم

غزة وطن فيه اهلنا...وطن فيه تراب بلدنا....وطن فيه الهوا اللي بنتمنى نتنفسه...وطن فيه رجال مش اشباه ذكور...وطن فيه الدين هو الحاكم ورئيس الوزراء مثله مثل الشعب بقعد على الرصيف مش راكب طيارة خاصة..وطن قدوة شبابه محمد الضيف وابو عبيدة مش مطرب فلان ولا علان...وطن فيه الكوفية بتلثم فيها المقاوم مش بلولح فيها...غزة وطن بجمعنا كلنا...عايش فينا قبل ما نعيش فيه

[ام يحيى]

تشرينية (4)



ما حدا بيعرف تفاصيل #قلبك غير ربنا
شو يعني #موجوع
شو يعني #متذايق
شو يعني #تعبان
شو يعني #الفقد
شو يعني #وحيد
شو يعني انك عايش #بس_كانك_ميت

لما تضيق عليك حتى نفسك
واتضيق عليك الأرض بوسعها


وتحتويك #سجدة_تبث_فيها_احتياج_روحك_لله
��لك_الله_يا_قلب��

[ام يحيى]

♡تشرينية(5) ♡





في ذكرى النكبة يا بني جلسنا على رصيف الذكريات لنستمع شذرات حديث من هنا وهناك
كان يا مكان في قديم الزمان كان في وطن بيشبه الجنة كثير في كل الفصول بتلاقي في كل أشي بتحبه وبتشتهي نفسك فيها الهواء بيرد الروح الغايب عنه وفيها مي بطفي لهيب الشوق اليها فيها بترقان فلسطيني بتشبع من ريحته قبل ما تاكل منه فيه عنب بتسكر من شكله قبل ما اتذوقه ... فيها الكدس يا يما ... ويا ويل قلبي على الكدس ... النكبة الحقيقية ما أروح وأصلي فيها كل يوم .. ما نجتمع ونتغدا تحت شجرة من شجرات الأقصى
طلعنا على أساس يوم او يومين بالكثير طلعت عمر يا فلسطين واحنا غايبين .. صار اسمنا لاجئيين . بناخذ كروت مؤن.. بنعيش بمخيمات كلها خيم بتسرب الهوا اللي بياكل عظام الجسم على اقل من مهله... الشتا اللي بيتشرب من بين نسمات الخيمة بتغرقنا وبتغرق اغراضنا
وبتغرق روحنا بين كل هل وجع يا أمي لأنه احنا ولاد عز عنا بيوت وبيارات
حرمونا ارضنا .. بلادنا..بحرنا..قمرنا..اقصانا .. وكلشي غالي سرقوه منا
بس صحيح يا يحيى انت لاجئ بس خاوة راجع
#الحق_بيرجع لصحابه
رح يجي يوم يا امي والبسك مثل هل بدلة العسكرية وتكون من جند #تحرير_الاقصى وعد يا #امي ~

[ام يحيى]

♡تشرينية (6) ♡





#الوجع
انه تكون الاردن مش بعيد عن فلسطين ويمنعونا نفوت الا #بجواز_سفر و #تصريح_صهيوني

#الوجع
انه #الكلاب بتفوت على الأقصى وبتمشي على ترابه وهما لابسين #بسطارهم واحنا #العاشقين له بسألونا عن #هوياتنا عشان #نفوت

#آخ_يا_بلادي

[ام يحيى]

♡تشرينية (7)♡


- تراث فلسطيني_قصة زريف الطول

http://youtu.be/ismtLCPFBoA

استني يا جميلة
في حكي كثير بدي اكلك اياه
هذا مش مزبوط مش منيح شو تكول عني..؟؟
مش منيح..؟؟
كولي للشمس مش منيح تطلع من الشرق
كولي للحنون مش منيح يكون لونو احمر
كولي للعشب مش منيح تطلع من الارض والحيطان
كولي للزنبق مش منيح تكون ريحتو حلوه
كولي لوجهك مش منيح يكون حلو......!!!
لا تكولي هيك
لا تكولي اهلي واهلك
لا تكولي الناس كلهم
كولي انا وانت

#التغربة الفلسطينية

[ام يحيى]

♡تشرينية (8)♡

جميعهم يدعو لي بالسعادة

أولا يعلمون أنك #سعادتي


#يحيى ~