شاركونا صور الثلوج ،،، ممنوع دخول الزرقاوية

[ابو عمار الجنيدي]

ابو عمار شو حر و كر و فر ، اليوم الصبح و من اكثر من اسبوعين بفتح الشباك و برجع اسكره من السقعه ، و حتى الشله متردده اليوم المساء تطلع عالكورنيش و لا ...لا ، من البرد و الهوا ، معروفة لما تبرد في عمان بتبرد بشكل نسبي بالدمام لكن الظاهر انه هوى و دخان الصناعية الثانية بوصلكوا قبل الجبهه الهوائيه و المنخفض ؟؟؟؟؟؟؟

والله اليوم بالنهار حر يا رمضان وكنت مشغل المكيف
الفجر لحتى الثامنه صباحا كانت شويه برد بالليل هلا ماشي حاله الجو وهيني طالع علئ الارجيله
خخخخخخ

[ابو عمار الوحداتي]

على اي حال الثلج ما نزل بالزرقاء
لأنه يخجل ان ينزل على ناس قلوبها ابيض منه
(معلش بنواسي بحالنا اهل الزرقاء)

[فارس همام]

انا الآن اعمل على تهريبة ثلوج لأخواننا الوحداتية في الزرقاء ادعولنا تزبط!

[أبو جمعه]

اهل الزرقاء فقط مسموح لهم يعملوا تمثال طين

[مخيم سوف]

مرحبا شباب... كيفكو؟
بدأ الآن تساقط الثلوج في مخيم سوف/جرش والحمد لله
ادعو الله أن يستمر بالتكاثف

[فارس همام]

في خبر عاجل | الثلوج الان تتساقط على مدينة رام الله والقدس بغزارة

[علاء ناصر]

في خبر عاجل جدا
الثلوج ترفض التساقط على الزرقاء

[Mudo]

تساقط كثيف الان للثلوج دون توقف في حلحول - الخليل ,, قد يصل ارتفاع الثلج حتى صباح الغد الى متر

[فايز محمد الخطيب]

تساقط كثيف جدا في حي نزال

[أبو وليد اللورد]

عنا الطرق سكرت من المغرب بحي العلكوميه

[معتصم الشوابكه]

يا اخي سبحان الله
زمان في السبعينات كانت كل سنه تثلج وما شاء الله ثلج كثيف بعمان وكل مناطق المملكه اجمالا
من بعد التسعينات بطل في ثلج علشان هيك انتوا فرحانين بالثلج كتير

على العموم خليني احكي عن الوضع عنا بالمنطقه الشرقيه بالسعوديه
الجو بالنهار حار جدا ومشغلين المكيفات وبالليل بارد مش كتير
اليوم كان في عنا تساقط حبات الغبار على ارتفاع منخفض جدا بعد الظهر مما اثر على مدى الرويه
ميزو على راي الختيار نخل يبطحك

سمعت من الكبار بالعمر انو ثلجة 78 كانت عنيفة جدا
مزبوط هالحكي؟

[ابو عمار الجنيدي]

سمعت من الكبار بالعمر انو ثلجة 78 كانت عنيفة جدا
مزبوط هالحكي؟

بذكر الثلجه في عام 75 كانت كبيره جدا واستمر الثلج اكتر من اسبوعين حتى ذاب من التجلد

[ابن رام الله - وحداتي]

ثلوج غزيرة في رام الله ووصل الثلج حتى الان اكثر من 30 سم وبصراحة مش عارف ارفق الصورة مش زابطة معي ههههههههه

[jamal nashwan]

بذكر الثلجه في عام 75 كانت كبيره جدا واستمر الثلج اكتر من اسبوعين حتى ذاب من التجلد

هاي الثلجه كانت في عيد الأضحى اللي وافق شهر كانون أول ( ديسمبر 12 ) من ذلك العام زي هذي الأيام وتحديدًا بعد أسبوع من الآن ..

أذكرها جيدًا ، وأذكر أنني لم أستمتع - أجلّكم الله - بكندرة ( Bata ) ولا بملابس سوق الحميدية اللي كنا نشتريهم من العام للعام وحسب المْضاينه وإذا قعدوا أكثر من هيك لإنّا كنا نظبّهم بعد العيد لمناسبات أخرى !.

[مضر الجرارعة]

الزرقاوية و العقباوية