ابو عدي كل عام وانت بخير

[أبو عدي داوود]

[ابو عدي]

بداية كل الشكر ابو ابراهيم ... بصريح العبارة كنت ناسي الموضوع لولا حجتي الله يباركلي فيها صبحت مذكريتني باني ختيرت وانها مبسوطة انو عيني مش رح تطلع برة بعد هالعمر ... تقولش طول نهاري داير في البحر على حل شعري وانا حالق زيرو ... اكون صادق أكثر انا سعيد جدا بالمناسبة مش علشان المناسبة لكن بكمية الناس الي تواصلو معي وتحديدا على الفيس بوك ... بجد شكرا للجميع لاني حسيت انو في ناس واخوان حوالي.

أطلعكم من جو الدراما هاظ وأقولكم من وانا قد هيك




لحد ما صرت قبل يومين هيك



وانا أحاول اتذكر حالي كيف شكلي وانا بعمر ليوث حفيدي (أصغر وحداتي) بالعيلة




حد منكم متذكر كيف كان شكلي؟ ابو العبد انت وابو احمد نشوان حكو روسكم شوي؟

.
.


أُحبكم في الله حتى لو انشغلت عنكم ... أنتم في سُؤدد الفؤاد

[محمد زهدي]

بعرف قبلكم إنتو الجوز ،، بس ما ارظيتش أسبقكم لإني بحب أعطي فرص للناشئين ..

وانا وين يا حلوين

[محمد زهدي]

كل عام وانت بخير

[Alkhatib]

كل عام وانت الى الله اقرب
كل عام وانت بصحة وعافيه
عقبال مئة عام وانت بخير

[jamal nashwan]

وانا وين يا حلوين

أنت ع الراس وجوّا العين ..

[ابو محمد عماد]

كل عام وانت بخير ابو عدي

[AbuLamar]

كل عام وانت بصحة وعافيه يا ابو عدي

[علاء ناصر]

كل عام وانت بالف الف خير جدو ابوعدي

[jamal nashwan]

هون إنتا يا ابو عدي كنت ع الحِجِر، وولي العهد و ( عماد ) آل الطوس وأول فرحتهم ، وبِكِر خليل ( الله يطوّل عمره ) واللي كان ماخذك على ستوديو الشمال عشان يصورك بعد ما روّحتوا من عند ( المْزيّن ) اللي إسمه الشلبي " خخخخ " ..








وهون ،، بسم الله ما شاء الله ، اللياقة والرشاقة والقد القويم .. ولا شب إبِن عشرين ،، يعني لو لحّقت قبل هيك ونزّلت هاي الصورة قبل ما يوقع ( قويدر ) كان على طول شفناك مع الأنصار ..







أما هون ،، فتستمر الحياة .. ويزيد النسل الطيّب والأصل الكريم ليثًا من شبل لأسد آتٍ من أصل الطِّيِب ، أبو الأسود والليوث ختيارنا البركه ..





حد منكم متذكر كيف كان شكلي؟ ابو العبد انت وابو احمد نشوان حكو روسكم شوي؟

.
.


* * *

هذا اللي أنا متذكّره ..

[جهاد علي]

كل عام وانت بخير ابو عدي

بشوفك جَلّست هون ؟؟؟

[أبووسام]

كل عام وقبطان القباطين بألف خير وصحة وسلامة وسعادة ، عقبال 1000 سنة وتفرح بالليث ويتربى بعزكم يا رب .. أبو عدي علامة فارقة بالمنتدى والوحدات بشكل عام وله معزة خاصة

[باسل بدير]

بدهاش حكة راس

أكيد إنتا وليث نفس النسخه

[jamal nashwan]

بدهاش حكة راس

أكيد إنتا وليث نفس النسخه

بس في فرق واحد .. إنّو أبو عدي شلبي ، وليث نديم ..

[قاسم ابو فاره]

ما شاء الله لا قوة الا بالله
إثنان وخمسون عاما،، وتزداد شبابا،، برادات الحافظ،، قصدي أبو عدي الطوس
كل عام وانت بخير يا بابا جدو