شخصية هذا الاسبوع ... ادارة الموقع ( ابو محمد عماد )

[ابو محمد عماد]

اهلاً وسهلاً بأبو محمد عماد

النكد عند ابو محمد وراثة ولا مرض ولا مشت فوقك سحلية وانتا نايم صحيت لقيت حالك نكد

هلا بالاخت ام يزن سيبينا من السحلية وما سحلية
وين مواضيعك الفلسطينية النارية؟؟؟؟
بدي انكد عليكي

[ابو محمد عماد]

ابو محمد بما انو معلوماتك الفنية ضحلة قصدي معدومة, هل برأيك الفن قادر على خدمة القضية؟

هي فعلا معلوماتي الفنية صفر
عن اي فن بتحكي اختي
هالايام صار الرقص فن
قلة الحيا صارت فن
الخيانة فن
العمالة فنون

فاشي بحير ,,,,خلينا على معلوماتي الفنية الضحلة اريحلي في هذا الزمن الرديء

تحياتي

[ابو محمد عماد]

خير الكلام ما قل ودل
ابو محمد نجمة تضيئ سماء الوحدات نت

اشكرك سفيان خجلتني يارجل ما انا الا نجمة من نجوم هم احبابنا اعضاء النت ماشاء الله عليهم
عنا الطبيب عنا الكهربائي عنا الدكتور عنا النجار عنا المهندس عنا الفني عنا العامل عنا الاستاذ والمعلم ماشاء الله كل شرائح المجتمع وكلهم اروع من بعضهم مش مجاملة

[ابو محمد عماد]

كل عام وانتم بالف خير
نعم الضيف
حياك الله ابو محمد
ماذا تتمنى للوحدات بقادم الاوقات

وانت بألف خير اخي جامع وينعاد عليك بالخير واليمن والبركات

اتمنى للوحدات كل خير ونوخذ بطولة اسيوية ,,,حقنا

[ابو محمد عماد]

من يوم ما استقال ابو عمار من ادارة الموقع وهو نكد خحخخخخخخخ

بعد ما مشيت عليه سحليه ثاني يوم ابو عمار استقال خخخخخخ ولليوم نكد ابو محمد

بالك حسون عاد ابو عمار دمو خفيف كثيييييييييير
شكلو السحالي نازلة على جماعة ادارة الموقع
خلينا نفل عالبدري

ابو محمد عماد ،، رجل جريء وصريح ولا يجامل تحياتي لك .

شهادة اعتز فيها اخي ابو احمد اشكرك

[ابو محمد عماد]

اخي ابو محمد هل تلاحظ قبل ما تبدا انتخابات النادي يبدأ تلميع بعض الاسماء ما هو السر ولماذا لايكون التلميع وقت الهدوء علما ان الاعمال التي يقوم بها اعضاء الادارة كانت في الايام الطبيعية وليست وقت الانتخابات ؟
وما هو رأيك بالتالية اسماؤهم وجميعهم عزيزين على قلبي الجنيدي والزبدية وعلاء ناصر وابوشهاب واللورد

اخي سفيان اشكرك على مشاركاتك في هذه الاستضافة

موضوع التلميع والانتخابات
هون سفيان الوحدات نت مش الرأي او الدستور او الغد
حتى نكون محايدين فأعضاء النت هم جماهير الوحدات وتختلف أرائهم منهم من يرى فلان جيد ومنهم من يرى فلان سيء أو أسوأ وهذه طبيعةورأي العضو وبالتالي لا نستطيع منع اي عضو من قول رأيه ربما كان بوجهة نظري خطأ أو صح وزبدة الكلام اننا لا نستطيع ان نسلخ انفسنا عما يجري في نادي الوحدات او نكون محايدين ومتفرجين فهذا همنا
نختلف نعم ولكن هدفنا واحد

الشق الثاني
رأيي في
الجنيدي,,,, مختارنا وكلمتو مسموعة
الزبدية ,,,,, للي مابعرفو ,,,قلبو طيب
علاء ناصر,,,, بوصلة
ابو شهاب ,,,,, نشيط وبارد وجه

[المعارضه]

اخي ابو محمد اول اشي سؤال على الماشي هل يترتب على الموقع تكاليف ماليه واذا كان جوابك نعم فمن يتكفل بذلك
الان جينا للجد السؤال الاول ما رأيك بالاعضاء الذين لا يعرفون الوحدات الا من خلال شاشات التلفزيون وطريق الملعب ما بعرفوه من وين
السؤال الثاني هل يحق للمشرفين والاعضاء الذين يتقاعصو عن الذهاب للمباريات ان ينظرو في المنتدى واخص إنا المشرفين
السؤال الثالث اجاباتك عن دكتاتورية المشرفين في تعديل وحذف المشاراكات والذي طرحه الاخ نشوان ما عبت نفوخي يعني زي ما بقولوها اجابه دبلوماسيه

[ابو محمد عماد]

اخي ابو محمد
ما هو رايك ب حسن نوفل
وما هو تعليقك على نشاطه في الامور الاجتماعية
و رايك به شخصيا هل يصلح للتواجد بالاشراف كونه كثير غلبة ( بالعامية )

الأخ حسن شهادتي فيه مجروحه
نشاط حسن وخصوصا في الاجتماعية هو ما أحببني فيه
وان شاء الله يستمر نشاطه ويزيد
ونصيحة للأخ حسن من يعمل في المجال التطوعي دائما معرض للنقد والانتقاد فما يهمك وماتطلع وراك
مش تعليق صغير من فلان او علان يحبطك ,,,دير بالك

موضوع انو يصلح للاشراف او لا يصلح ,,,,لو مابصلح ما اعملناه مشرف

بعدين كعكة ليش داير ورى الزلمة سيبو فحالو!

[ابو محمد عماد]

تصبحون على خير بكرة عنا شغل المسا بنتابع كل الشكر لكم اخواني

[بنت فلسطين ام يزن]

اين ابو محمد عماد من المنتدى الفلسطيني ؟

برأيك ماذا ينقص الادبي والفلسطيني حتى يعود اليهما النشاط ؟

[الزعيم]

منور ابومحمد

[رمزي الياموني]

كإداري في منتدى الوحدات نت

الاخوات
1- حنان عبد الرحمن عز .

2- سماح عاطف .

اين نشاطهم المميز في الموقع .

[رمزي الياموني]

شخص محترم و على راسي

اختاراتك مرات غير موفقه يا حج رمزي
يعني هيك قصص بدنا اعضاء غير معروفين عشان نعرفهم و نعرف افكارهم

سؤالي للحج اخو بلال قويدر غلط عليا و انت كنت في الموضوع
دخيلك ليش ما تعاقب

على راسي عم اسماعيل
ان شاء الله لن تتوقف هذه الحلقات وسيتم استضافة الكثير من الاخوة وابو محمد مطلب جماهيري كبير
كيف عندك سبع نجوم مش فاهم ؟

[al nubany]

على راسي عم اسماعيل
ان شاء الله لن تتوقف هذه الحلقات وسيتم استضافة الكثير من الاخوة وابو محمد مطلب جماهيري كبير
كيف عندك سبع نجوم مش فاهم ؟

ههههههههه ولك رمزي ليش بتنق فيها
بتعرف انه هاي القصص اخر شي بفكر فيه

[ابو محمد عماد]

السلام عليكم
قد ما مر علي مواضيع بمنتديات مع احترامي الشديد هاي اسخف موضوع بقراءة على الاطلاق لاسباب كثيرة منها ان الضيف بيكون تحت مشاركات بتحمل استهزاء بالضيف واسئلة سطحيه ما الها طعمه الكل بيخفف دمه طبعا ما حد هون بينتقد لانها رح تنشطب كلامه مثل ما رح ينشطب موضوعي هاد . هاد بيدل على انه ادارة الموقع فشلت في طرح مواضيع رياضيه لانه الدوري متوقف وحبت تعمل تلميع لحالها .
يعني بدل ما تقيدوا حريات الناس ونسيتوا ان هاد منتدى مو مجله او جريدة هون الواحد الو كامل الحريه يحكي اللي بدو اياه انتوا كادارة موقع بتحطوا المواضيع اللي بتناسبكم وبتعدلوا وبتحذفوا المواضيع بما يناسبكم واذا في عضو نزل موضوع بتحذفوة للتكرار وما بعرف شو كل هاي الاشياء محبطه يا عمي التزموا بالمهنيه واحكولنا هاي منتدى والا تلفزيون والا جريدة والا لناس وناس؟؟؟؟؟

كل الشكر أخي الكريم علي مشاركتك البناءة هذا كلو من ذوقك ومشاركتك ما انحذفت زي مااتوقعت وبانتظار اسالتك القيمة التي تثري الموضوع لانو شكلك عندك شغلات كثير قيمة فما تحرمني والأخوة هنا من نصائحك
في انتظارك عزيزي لاجيب علي تساؤلاتك