الى كل وحداتي اصيل تعال جاى نحكى بصراحة !!

[حسن نوفل]

منتدى جماهير الوحدات لجماهير وعشاق نادي الوحدات بجميع نشاطاته



الى كل وحداتي اصيل تعال جاى نحكى بصراحة !!

منتدى جماهير الوحدات

* * *



أخي حسن ..

لا أملك إلا نفس ردّي على موضوع الأخ هيثم أحمد ..




اختلفنا مين يحب الوحدات أكثر !.
واتفقنا إنك أكثر وآنا أكثر ..


الخلاصة : ما فيش مشاكل أو بالأحرى ما فيش خلق مشاكل معناتو في استقرار .. في مستوى .. في أداء .. في نتائج .


أمّا ييجي أحد المحبين والعاشقين والأصيلين أو الكثيرين منهم ويحكوا الوحدات مستواه بالنازل .. ومستوى الفرق الثانيه أحسن منّا ، هذا حكي مش صحيح ..
الوحدات من أول ما طلع ع الأولى وقبل هيك وطول عمرو كبير ،،

وبرضو أتمنى ما حدا من المحبين والعاشقين والأصيلين يحكيلي هذا كلام عواطف ، لإنو أول دوري أخذناه كان بالكلام هذا وبالعواطف هاي وبالرجوله هاي وبالحب الصادق والعلاقات المتميزة بين الجميع .. أيامها لا كان في مستوى ولا أداء ولا ما يحزنون ..



طول ما في هناك مشاكل عمرنا ما رح نشمّ ريحة بطوله وشواهد الأعوام القليلة الماضيه كثيرة .


ونحمد الله المشاكل انحلّت والأمور تسير للخير والتوفيق ،

فـ ليش نظلنا نلتّ ونعجن ؟!.

وانا هيك اقصد ما زال انتهت المشاكل ليش نفتح ملفات ونلت ونعجن مش ملاحظ في هدوء بجميع المواقع والصحف الله يستر بس

[حسن نوفل]

اكيد كلنا مع معشوقنا الوحدات ونحن خلفه مع امنياتنا بالحصول على الالقاب

ان شاء الله بنحصد الدوري والكاس

[حسن نوفل]

مصلحة الوحدات أولاً ... انكار الذات مهم جداً في هذه المرحلة ... مصلحة المجموع دائما تقدم على مصلحة الفرد ... في المراحل الحرجة يجب ان تتوحد الجهود للوصول الى الهدف المنشود ... مشكور يا حسن على التذكير المهم

نعم مصلحة الوحدات اول بس في اخر الايام اتضح لي مصلحة اشخاص اعلى من مصلحة للوحدات

[حسن نوفل]

اللهم احفظ الوحدات من الفتن والخونه واختر له الافضل

مع المارد الاخضر قلباً وقالباً

كلنا خلف الوحدات وهذه أقل واجب على كل فرد فينا بحكي عن حالو انا وحداني

الوحدات عشق ولاء انتماء الوحدات قصة وطن

نعم كلنا مع الوحدات

[حسن نوفل]

خلف الوحدات بالضراء قبل السراء

شكرا اخي حسون موضوع جميل الوحدات مزروع في قلوبنا للابد وكلنا خلف الفريق في الخسارة قبل الفوز
يارب احمي نادينا الغالي

وحداتي حتى لو بلعبو في دوري مراكز الشباب

مجرد زوبعه في فنجان

او غين وصابتنا

ولكن ولله الحمد رجعت المياه الى مجاريها

الوحدات يجمع لا يفرق

الخميس موعدونا ان شاء الله

ان شاء الله موعدنا الخميس وكلنا وحداتي من الصغير حتى الكبير ومع الكيان بجميع انشطاته

[حسن نوفل]

طول عمرنا مع الفريق بكل الظروف وبكل الاحوال . وسنبقى أوفياء للقلعه الخضراء ما حيينا . مع حفظ حقنا بالنقد البناء الذي من شأنه تقديم آراء صحيحة ووجيهة حول عمل الآخرين، والتي تنطوي عادة على تعليقات إيجابية وسلبية ولكن بطريقة ودية وليس بطريقة فيها عناد.

نعم بطريقة وديه يسلم ثمك ومش عناد وبس عشان نبقى خلف الوحدات بالطريق الصحيح

[حسن نوفل]

مع الوحدات قلبا و قالبا، غالبا ام مغلوبا، بمشاكل او بدون مشاكل داخلية ...

سبب عدم تواجد الغالبية العظمى من الجمهور، زي ايام زمان، هو الحضور الأمني الكثيف و اللي بخلي الواحد مش عارف متى راح تصحله بهدلة ولا دفشة ولا تلطيش حكي. طبعا هذا في أحسن الحالات لما تكون رايقة بدون مشاكل.

يعني دخلة الملعب سمة بدن .... شراء التذاكر سمة بدن ... آلاف مؤلفة بدها تدخل من نفس الباب، و من طريق معين و تطلع من باب واحد ... ممنوع من هون، روح من هناك ... تقعدش هون، اقعد هناك ... و اذا علقت بين الجمهور و الدرك، فما الك الا دعوات الوالدة. فلا تنام بين القبور ولا تحلم احلام مزعجة، و خلي الملعب للاتحاد و طريقته البدائية بالتنظيم. ... ولسه الاتحاد بيسال عن سبب تدني الحضور، و بعد دراسة بيطلعوا ان السبب هو تدني مستوى الفرق!!!!!

في ظل كل هذا، ما إلنا الا التلفزيون، فيجب اعادة النظر بقضية مقاطعة التلفزيون و التخلي عن وقتنا لصالح اي طرف اخر. اللقاءات و الاستوديو التحليلي هو فرصة للمتحدث باسم الوحدات لتمرير ما يريد تمريره عبر الشاشة. و اذا كان هناك واحد منغص علينا، فلا نعطيه هدية مجانية و نبتعد، بل نظل و ننغص عليه و نخليه يمشي عالعجين ما يلخبطوش. هذا وقت الوحدات مع جماهيره عبر قناة وجدت لنا جميعا و دافعين حقها سلفا من جيوبنا عبر الضرائب. فلا ارى سببا لترك الساحة للآخرين ونختفي ...

هذا رأيي المتواضع ....

بتعرف ليش هيك صار يصير ايام زمان كان الريع مع الاتحاد وكان عامل جميع التسهيلات اما االان كل نادي بياخذ الريع تاعوا مش مهتم الاتحاد كثيرا وبصراحة ايام زمان كان كل المدرجات ناس كبار اما الان معدل الاعمار 16-26