لن اشجع الوحدات بعد اليوم حتى يغادر ابو زمع

[نـشأت العنابي]

هذه مشاركتي الاولى في هذا المنتدى، فتحياتي للجميع.....

مستحيل ان أتخلى عن تشجيع الوحدات بسبب أشخاص او احداث معينة، فالوحدات لي و لجيلي من المشجعين هوية وطن و رمز. وما الأشخاص من ادارة و جهاز فني الا أشخاص يحملون الراية، اما ان يصيبون او يخطؤون. حبي للنادي ليس مشروطا بشخص او ببطولة او بترتيب بالدوري او باتحاد كرة بائس يؤمن بسياسة تكسير الرأس لإثبات الذات.
عشرون سنة من الان، ان شاء الله، ستعودون لهذه الأيام و ستكون ذكريات جميلة بحلوها و مرها.

صلو عالنبي، و تذكروا الوحدات ليس مجرد فريق قدم. نعم أزعل اذا خسر و افرح لفوزه، ولكن ما يرمز له الفريق و يمثله يجعل من الفوز و الخسارة و حتى البطولات شيئا ثانويا و سكر زيادة.

هذا هو الوحدات بالنسبة لي و لمئات الآلاف من المشجعين، فنعم لأبو زمع ولترتيب الصف الداخلي،،، ولا الف لا التخلي عن النادي مهما كانت الأسباب.

ودمتم....

أهلا وسهلا بك في بيتك وبين اهلك
وشكرا لردك الراقي

[الشنطي]

مع الوحدات في السراء والضراء

[ماهر أبو الذيب]

بتفكر الوحدات بظظظمر إذا وقفت عن تشجيعه

[سامر إقنيبي]

مع سلامة لن توثر علينا
الى ادارة الموقع العنوان لا يليق بالمنتدى

[ameenonline]

انت حر
مع الوحدات حتى الممات

[أبو جبر]

مع احترامي انظغطنا من هيك موسم لا روح لا لعب لا فائدة اهانات ع البوابات و حتى الادارة تبقى ساكتة ع حقنا
بس مع كل هاد الوحدات يا خوي اكبر من هيك الوحدات رمز للانتماء و ليس ملك لاشخاص معينين

[abumusamh]

وانا معك بصراحة مش جاييني من وحدات طارق خوري وشلباية وابو زمع الا البهدلة ووجع الراس
ويلعن ابو الدوري اذا بدو يجي مع هيك اداء مسخرة
بركااااااااتك ابو زمع ضلك مكانك لحتى ما يهبط الوحدات
وداااااااعااااااا وحدات
وداعا مدرجات
وداعا تلفزيون
هيك بريح راسي

[ماجد جامع]

اذا بدنا نبطل نشجع الوحدات عشان اسم أو اسمين فنحن لانستحق أن نكون موالين لاسم الوحدات الكبير لان الوحدات اكبر من الجميع

[عصام الحوراني]

لن اشجع الوحدات بعد اليوم الا بكل اخلاص وامانه

[عنان زيتاوي]

من المعيب ان نقرأ عنوان كهذا في منارة المواقع الوحداتية

مع الوحدات في الضراء قبل السراء

[الزيتاوي]

برأيي اللي ما رح يشجع الوحدات عشان شخص ما مين ما كان يكون
سواء ابو زمع او طارق خوري او اياً كان
فالنادي في غنى عنه وعن تشجيعه

لأنه يشجع اشخاص ولا يشجع النادي !!!!! الاشخاص يذهبون ويبقى النادي

[الزيتاوي]

من المعيب ان نقرأ عنوان كهذا في منارة المواقع الوحداتية

مع الوحدات في الضراء قبل السراء

يسلم تمك اخي عنان

[الوحدات في القلب]

مديع قناه رؤيا حكي انه جمهور الفيصلي سعيد وبمدح القرار وعضو مجلس الاداره بضحك !!!!

بكفي انو الوحدات فاز على الفيصلي في عهد ابو زمع وحرق روسهم

[ibrahim7881]

رايك وانت حر فيه اخي الكريم
ولكن الحمد لله الي رجع ابو زمع زحتى لو ما اخذ دوري و كاس نرفع له القبعة

[أبو الليث]

أخي الكريم احنا بنشجع الوحدات وما بنشجع اسم مدرب او لاعب بالوحدات يعني حاليا انا مع الوحدات بغض النظر شو كانت قرارات الادارة وما ببطل اشجع الوحدات لو شو ما صار ولازم كلنا نكون مع الوحدات ونشجع الوحدات عشان الوحدات وبس