رسالة من قمة الألم بلال قويدر اتدمر

[سوبر مان]

يا اخي هي زعترة والصالحني جابوهم اربعة اشهر بس صدقني بلال ما بستغل النادي انو يطلع على ضهرو بلال نفسو يمتع الجمهور ويفرحهم ويترك بصمة الو قبل ما يرحل

قبل ما يرحل ؟؟ يعني نيه الرحيل موجودة والوحدات جسر عبور مثل ما اتفضلوا الأخوان ، هيك فهمت من مشاركتك صحيح ؟

[jousefaloridi]

يا عمي يوقع لسنتين لسه قديش عمره مستعجل اصبر ان الله مع الصابرين
لو وقع من اول بظمنلك انو ما كان غاب عن الكشف
بس عناده الرأس
يا عمي يوقع ويحط شرط انو يتم فسخ العقد اذا لم يشارك بشكل مقبول في المباريات وهيك الاداره بتضمن بلال ما يترك النادي في نهايه الموسم
وبلال بضمن يشارك بالحد الادنى
وبكون وقتها الميدان يا حميدان

[ابو عدي]

يا خوفي هذا الموضوع الهدف منه فقط تمهيد لمغادرة بلال .... توقيع بلال للوحدات هي نفسها قضية البيضة والجاجة ومين اجا للدنيا قبل الثاني ... المفروض الحصان يكون قدام العربة دايما... وبلال هو الحصان.

[ابو عدي]

والله على نفسية بلال مش يوقع المرسم الجاي ان شاء الله يقدر يكمل فطبل

اخي العزيز تكلمنا كثير عن الاسباب في عدة تعليقات ولكن قريبا سوف يتم عقد مؤتمر صحفي والتحدث عن الاسباب جميعها عن مسيرة بلال مع الوحدات والظلم الذي تعرض له عبر اكبر وسائل الإعلام

اول اشي انا ما بحمد الله اني انقذتو من الوحدات نحن اكثر عشقا للوحدات ونعشق تراب الوحدات ولكن في فترة التوقيع طارق خوري حكالي اياها بالحرف عادي بنخليه يوقع صنك ونص ومنخليه على المدرجات اقسم بالله اقسم بالله وكانت في بداية المفاوضات وحكيت هلض الحكي لا اكتر من شخص في وقتها ومنهم الصحفي في الغد محمد عمار والكابتن ناصر حسان والمرحوم صلاح غنام وحكولي ما تهتم لا هالحكي وبالفعل وقع بلال من اجل عيون الجماهير وعشقو الهم وما قالوه الي الخوري صار بالحرف وفعلا تم حرقه كيف بدك اياني اتمنى انو وقع خمس سنين وفي حقائق كثير مش وقتها وعندك العيبة الي وقعو خمس سنين وهم 8 لعيبة لم يتم اشراك سوا لاعبين اثنين منهم وهم فراس شلباية ورجائي عايد طبعا رجائي بعد ما قام حسام حسن باكتشافوه والبقية الدكة زهقت منهم اما بالنسبة للمؤتمر الصحفي فمن حق الجماهير ان تعرف الحقيقة كاملة وفي العلن

يا اخي هي زعترة والصالحني جابوهم اربعة اشهر بس صدقني بلال ما بستغل النادي انو يطلع على ضهرو بلال نفسو يمتع الجمهور ويفرحهم ويترك بصمة الو قبل ما يرحل

بقراءة متأنية لردودك ازددت قناعة انك تُحاول استعطاف الجماهير وايجاد عذر لخطوة بلال القادمة ... معلش احنا الوحدات وهم البقية ... ربنا يسهل درب بلال والله معه ... بس نصيحة مني ... كلنا عندنا بالبيت غسيل وسخ وعمرنا ما نشرناه برة الا بعد الغسيل ونصيحتي خلي غسيلاتنا بعيدة عن الحبل ... بكرر كل بيت عنده غسيله.... وعلى فكرة انا متابع بلال من قبل منح الجنسية وتشرفت بالحديث لوالدك على ملعب جرش قبل عامين ومستغرب كثير من الي بيصير ومن كلامك انت تحديدا.

مفيش حد أكبر من الوحدات ... مين ما كان.

[CaT]

الله معا بعيدا عن الوحدات

ما دام احتياط خليه ما يوقع ومتوقعين ما يوقع

[م.زياد الشرقاوي]

اين العقلاء في النادي والجماهير

يا جماعة الخير اين العقلاء منكم
عقلاء الكورة ومصلحة النادي
عقلاء التصلح وتقارب وجهات النظر
يا جماعة الخير
الكل خايف على مصلحة النادي
والكل خايف على مصلحة بلال
طيب في النهاية اكل متفق على مصلحة الجميع للجميع
اتمنى من الجميع ايجاد حل دون حصول خسائر معنوية ومادية للجميع
ودمتم للخير مفتاحا
وللشر مغلاقا