هيك كثير بصراحة !!!! ( حدث معي شخصياً )

[عمر اللحام]

بدأت المباراة
بالتوفيق للوحدات

[مالك]

المرة الجاي بنلبس بلوزة سادة
لكن الله اعلم لازم تكون "بقَبة" ولا بدون لانه ممكن تكون مخالفة ولازم تنتبه اخي عمر على لشريطة لصغيرة الي بتكون جوة انها "MADE IN وين" بلاش تكون صنعت ببلد مخالف وهيك بتكون عنصري!!

[أسعد قنيبي (أبو علاء)]

لاحول ولاقوة إلا بالله
يعني اللي بده يروح يحضر مباراة يشيك على ملابسه
خوف من وجود شعار ما أو كلمة فالأحسن نلبس تي شيرت سادة
أو أحكيلكم من دون تي شيرت بيكون أحسن

[علاء ناصر]

المرة الجاي بنلبس بلوزة سادة
لكن الله اعلم لازم تكون "بقَبة" ولا بدون لانه ممكن تكون مخالفة ولازم تنتبه اخي عمر على لشريطة لصغيرة الي بتكون جوة انها "MADE IN وين" بلاش تكون صنعت ببلد مخالف وهيك بتكون عنصري!!

حتى البلوزة السادة ممنوعة يا سادة لانها لا تمثل السادة

[علاء ناصر]

" أعيدوا لنا كرامتنا أو اذهبو إلى الجحيم " ... !

باختصار , أصبحنا بلا كرامة , وبلا هيبة , أصبحنا بلا وزن ولا قيمة !
نقول دائماً " حيطنا مش واطي " , على أساس أن هناكَ حيطاَ بالأصل ّ!
إلى هذا الحدّ وصل بنا الجٌبن والتقاعس والتخاذل والصمت !
إلى هذا الحد بتنا ننام على الضيم , ونمضغ الظلم ونستلذ به !!!

دخلتُ المدرج , وعلى صدري " تيشيرت لجنة الفتيان " ولفحة " المارد الأخضر " التي اعتُرض على إدخالها بشدة كبيرة جداً ... وإذا برجل الدّرك يطلب مني خلع التيشيرت لوجود كلمة " لجنة الفتيان " !!!! باعتبارها شعاراً مخالفاً , بل وحتى منعوني من إدخل لفحة الوحدات , وبعد جدال طويل , والقال والقيل , اقتنع بأنْ لا شيء مخالف في حوزتي ! ...



وهذا ما حصل مع نصف الجماهير التي بقيت " مرمية " في الخارج ولم تجد أيّ اهتمام ...
ومضيْت ...

دخلت المدرج , ولم أجد أي شخص من رابطة الجماهير , وبدأ التشجيع الفردي
وبدأ بعض المندسين ,, وأقولها بكل صراحة بأنهم فئة مندسة لا تتجاوز الـ 10 ,
بشتم الأعراض واللاعبين والإدارة والمدرب والاتحاد وتشحن في الجماهير ,
وتشتم كل من يخطر في بالكم , ما ساءني حقاً وأشعرني بالندم لحضوري المباراة , حتى تدخل عامر شفيع وأنقذ الموقف في نهاية الشوط الأول !

الأسئلة القوية !

- أبو سعدو , رجله مكسورة ! باقي أعضاء الرابطة وين ؟؟؟؟؟
- إلى متى سنبقى بلا كرامة ولا هيبة ؟؟؟؟؟
- إلى متى سيبقى الوحدات " شبه فريق " ؟؟؟؟؟

إلى متى أرجوكم !!!

" أعيدوا لنا كرامتنا , أو اذهبوا إلى الجحيم " ....

بعين الله اخي عمر وثق اننا على حق والله كبير كبير

[اشرف السعد]

لا تي شيرت ساده ولا شي بدنا نروح على الملعب المره الجاي زي طرزان

[فراس عليان]

رئيس النادي مش فاضي وحتى لو كان فاضي ما بقدر يساوي اشي

[Hasan]

فالج لا تعالج

[Abu Fathi]

لقد اصبحت الرياضة عندنا ما الها علاقة بالرياضة كاننا في حرب بين حزبين
يعني صرنا زي مصر (اخوان وسيسي)

[عمر اللحام]

بعين الله اخي عمر وثق اننا على حق والله كبير كبير

الله بيعين ... بس لمتى بدنا نضل نحكي هيك ؟؟؟

لا تي شيرت ساده ولا شي بدنا نروح على الملعب المره الجاي زي طرزان

هههههههههه ... أفضل شي

رئيس النادي مش فاضي وحتى لو كان فاضي ما بقدر يساوي اشي

انت قلتها ... حتى لو موجود , ما بيطلع بأمره شي ..
لأنه السيد طارق خوري من المغضوب عليهم عند
الاتحاد , والكل ضده وضد نادينا .

لقد اصبحت الرياضة عندنا ما الها علاقة بالرياضة كاننا في حرب بين حزبين
يعني صرنا زي مصر (اخوان وسيسي)

صدقت والله

[عمر اللحام]

فالج لا تعالج

حسبي الله ونعم الوكيل .
الوضع اصبح لا يطاق أبداً

[abu-alrub]

مزبوط كلامك... فعلا انا ما شفت لا ابو سعدو ولا ابو غضب ولا اي حدا من الرابطة.. الوضع كان فالت عالاخر

ردوا الينا كرامتنا

[ماجد جامع]

حسبنا الله ونعم الوكيل

[عمر اللحام]

مزبوط كلامك... فعلا انا ما شفت لا ابو سعدو ولا ابو غضب ولا اي حدا من الرابطة.. الوضع كان فالت عالاخر

ردوا الينا كرامتنا

والله يا كبير الوضع كان خارج عن السيطرة تماماً ...
ابو سعدو عكان يسكت أي الأفواه فوراً , والوضع يكون
منضبط , والتشجيع مثالي وأخلاقي ,,, مش زي هيـــك !!!

حسبنا الله ونعم الوكيل

والنعم بالله يا غالي

[weehdatee_aslee]

لا تي شيرت ساده ولا شي بدنا نروح على الملعب المره الجاي زي طرزان

هاي فكرة رائعة عشان صوتنا يوصل للكل وكل العالم تعرف بقضيتنا