::: تخبط فني كاد يكلفنا الكثير ،، ماذا جرى لك يا برنس ،، رأفت علي ،، مسجات من مباراة الوحدات :::

[anees55]

جننونا وهم بيقولوا ابو زمع تفوق تكتيكيا
ابوزمع لا يفقه تكتيكيا ولا يعي معنى كلمة تكتيك

كون واقعي يا اخي كيف كان بنظرك ابو زمع لما فاز على الفيصلي 4 2 كان مدرب عالمي صح هاي مشكلتنا احنا في الاردن اي تعثر او واحد الجماهير بتقلب عليه هو المدرب وهذا لا يعني انو ابو زمع مدب تكتيكي لكن اللاعبين هم من ضيعو المباراة

[مارد85]

اسمح لي ان اخالفك اخي توفيق
فمعادلة 1+1 يساوي2 لن ننساها ما حيينا حتى ولو اننا في احلك الظروف ،، الوحدات اليوم افتقد لابجديات اللعب والتكتيك الفني ،، فما دخل ما حدث مع لجمهور بتبديل حسن الذي كلفنا الكثير وكذلك انانية بعض اللاعبين وكذلك عدم اشراك عامر ذيب او الحرب على رأفت !

انا لا انفي بعض الاخطاء التكتيكية وسوء الاداء ..
ولكن اذا لاحظت معي وتقريبا عند مرور نصف ساعة على الشوط الاول ومع ازدياد التوتر لدى الجماهير (بعد ادارة الظهر للملعب) ..كيف ظهر التخبط جليا على اداء الوحدات وكيف استفاد الجزيرة من ذلك بفرد سيطرته بعدما كان اداء الوحدات نوعا ما متوازنا ..قبل ذلك..


على كل حال نحمد الله على هذه النقطة ..وتوسيع الفارق الى اربع نقاط ..وان شاء الله القادم افضل

[باسم محمود]

مع ابو زمع لن نحلم لا بدوري ولا بكاس

نخسر نتعادل مش مشكلة بس نفسي اشوف الوحدات وين هو الوحدات يا اخوان شو اللعب لا خطة ولا جملة تكتيكة واحدة تجعلنا نشعر بفريق الوحدات انه موجود شو التخبط بالتبديلات هو كل مرة يا ابو زمع بدها تزبط معاك بتنزل زعترة وبيجي جول بالصدفة يا عمي بدنا نشوف فريق الوحدات يلعب طابة حلوة زي زمان حرم عليك يا ابو زمع تبهدل سمعة فريق الوحدات بهذا الاداء الهابط والذي لا يناسب فريق بحجم الوحدات

[أحمد الصادق]

الحقيقة ابدعت فكل ما قلته كان يدور بفكر كل من تابع المباراة
توقعت ادخال عامر بدل الصالحاني او الياس

لا ادري ما اقول فابو زمع وحده من يتحمل ما حدث اليوم

[الوحدات.]

فرطوا في أكرم سلمان رغم وجوده بعمان لما قبل بداية مرحلة الاياب

والآن أقول لهم بأن خانكان يتمنى إشارة لتدريب الوحدات أتمنى أن يتداركوا الامر وأن يسابقوا الزمن في التعاقد معه كي نستطيع أن نبيض وجوهنا كفانا مجاملات وكلام معسوووول عاطفي لا يرتقي الى أنصاف الحقائق
دوري ضعيف جدا لهذا الموسم فريقنا يمتلئ نجوم ومدربنا أذن من طين وأذن لطارق خوري تستعين
أبوزمع أرحل رجاءً فليس لديك جديد وفاقد الشيئ لا يعطيه

[anees55]

وجهة نظرك وباحترمها ...

فنيا ابوزمع لايصلح للوحدات .... اعطيني مباراة وحده حضرتها للوحدات شفته بلعب كفريق منظم

انا حكيتلك ابو زمع لا يجيد التدريب وانا متفق معك لكن ليس هو المسؤول الاول عن التعثر المسؤول الاول اللاعبين اعطيك مثال لو جاب الوحدات محترفين اروبيين انا اضمنلك انو الدوري الو من قبل ما يبلش الدوري امما اذا عكسناها وجبتو مدرب عالمي مع لعيبة محلية ليست بالمسوى شو بصير ؟؟؟؟؟؟؟؟

[canada]

باختصار شديد بعد خروج رأفت علي الوحدات عليه السلام

[جيفارا الوحدات]

كون واقعي يا اخي كيف كان بنظرك ابو زمع لما فاز على الفيصلي 4 2 كان مدرب عالمي صح هاي مشكلتنا احنا في الاردن اي تعثر او واحد الجماهير بتقلب عليه هو المدرب وهذا لا يعني انو ابو زمع مدب تكتيكي لكن اللاعبين هم من ضيعو المباراة

هههههه لا يا زلمة بتمزح اكيد ؟ يا رجل انو تكتيك وانو اداء بتحكي عنه والمدرب ما بتحكم عليه من فوز بمبارة لو كانت النتيجة 10-0 الاداء والفكر الكروي بتقيم بمجمل اداء الفريق خلال مرحلة معينة مش معنا انو فاز عالفيصلي بتعني انو مدرب قدير وصدقني مباراة الفيصلي الحظ ابتسم لابو زمع مش اكثر وهاد اللي مخوزقنا المدرب بضيع مسيرة نادي وفوزه بمباراة بيشفع كل اخطاءه السابقة

[ابوعبدالله احمد]

باختصار شديد بعد خروج رأفت علي الوحدات عليه السلام

اسمحلي انا ارى العكس تماما حروج رافت اريح اله وللفريق

[أحمد الصادق]

لا نستحق حتى التعادل

حج اياس ابعثلي رقمك ع الخاص

[anees55]

هههههه لا يا زلمة بتمزح اكيد ؟ يا رجل انو تكتيك وانو اداء بتحكي عنه والمدرب ما بتحكم عليه من فوز بمبارة لو كانت النتيجة 10-0 الاداء والفكر الكروي بتقيم بمجمل اداء الفريق خلال مرحلة معينة مش معنا انو فاز عالفيصلي بتعني انو مدرب قدير وصدقني مباراة الفيصلي الحظ ابتسم لابو زمع مش اكثر وهاد اللي مخوزقنا المدرب بضيع مسيرة نادي وفوزه بمباراة بيشفع كل اخطاءه السابقة

انا ما بدافع عن ابو زمع ابو زمع بنظري لا يفقه شيء في كرة القدم حاله كحال راتب بس والله اللعيبة الها الدور الاول وليس المدرب بس احنا العرب دايما عاكسينها هههههههه

[FAHED]

اسمحلي انا ارى العكس تماما حروج رافت اريح اله وللفريق

ابو احمد لا تعلق فقط على الكابتن رأفت

بصراحة استغرب من تصريحاتك وكأن الكابتن رأفت من عالم آخر

بكل أمانه رأفت علي حاجة ملحة دائما ولم يملأ ولن يملأ مكانه أحد

آخ يا زمن العجايب اذا هيك بنحكي عن أصحاب الفن والقدرات ومن حمل الفريق عقدين من الزمن

بعدين ارجع لتصريحات أبو زمع لما حكى رأفت علي خط أحمر
وحكى انا من طلب من رأفت علي تأجيل الاعتزال لاني بحاجة اليه

انا بحكيلك أبو زمع حكى واستعلم في النت عشان تتأكد

شو رأيك

بالله عليك خلي ... على جنب

[هادي]

حرام ما يحدث للوحدات ان كنت صاجق مثل اسمك نا رايك ببهاء وفراس واحمد هشام

[جيفارا الوحدات]

انا ما بدافع عن ابو زمع ابو زمع بنظري لا يفقه شيء في كرة القدم حاله كحال راتب بس والله اللعيبة الها الدور الاول وليس المدرب بس احنا العرب دايما عاكسينها هههههههه

نعم للاعبين الدور الاول وانا معك بهالنقطة بس اختيار اللاعبين مين اختارهم ستي ؟
بهاء فيصل مش عارف شو بلعب فوتبول ولة كرة قدم امريكية
فراس شلباية ؟؟؟؟؟؟ شو صار اللعب بالوحدات بالواسطة
بعدين بدك تحكيلي لاعبين شباب ولازم يكتسبوا الخبرة ؟ اوك انا معك بس مش بلاعبهم اساسسيين وبمباريات حساسة وبترك عامل الخبرة على مقاعد البدلاء فيهم يكتسبوا الخبرة بالمباريات مش ذات الاهمية او باشراكهم باخر ربع ساعة من كل لقاء

[حسن الغريب]

كلام رائع ومنطقي 100% وان الاوان لعودة البيكاسو

ابو عمارة كان انانيا بشكل غريب اليوم سنحت له اكثر من فرصة للتمرير لزعترة وهو بمواجهة المرمى ولكن للاسف