وين شطارتك يا سعادة النائب

[KHALED SHABAN]

ما عاد ينفع الكلام لانهم بلدووو بشد اللام...المطلوب هبة جماهيرية لاقتلاع الادارة واولهم خوري وزياد..وفتح باب العضوية واختيار اشخاص غير ال 20 اللي بتبادلوا الكراسي كل سنتين...

[الاخضر عشقي]

للأسف نادينا ماشي بس بتوفيق من الله و من ثم بحسنة الايتام و غير هيك بنكون بنضحك على حالنا.

[مالك]

المشكلة مشاركته بالفيس بوك عليها 19 لايك عشو مش عارف
الدوري بالجيبة !! طب ممكن الجيبة تطلع مخزوقة

والله يا ابو محمد لو حد عنده خوف على الوحدات اكثر من خوفه على المنصب لكان الحال غير الحال

[أبو أحمد زبدية]

يا ريت الموقف اللي ذكّرتكم فيه كان مغايرًا ، ويا ريت لو أن الأشخاص اللي أنا بحكي عنهم كانوا معكوسين !.

بوضوح وشفافية .. لما رئيس النادي يطخّ ع لجان الاتحاد أو ع الحكام وحتى لو كان هذا الفشك فاضي فبالنسبة إلي هذا العيار إن ما صابش بدوش وبفشّ غلنا شويه خاصة لما يكون الكل بطالب برفع الصوت والاعتراض والتعرض للإدارة واتهامها بأنها خانعة وساكتة وذليلة وبستجروش ، لكن لما يكون هذا الصوت طالع من طارق خوري بصير فشك فاضي وإذا من واحد ثاني في الإدارة بصير زلمه وقدّ حالو ..

هذا موقف ، والكل في الإدارة لازم يكون مع طارق خوري في موقفه هذا ويدعم تصريحاته من خلال موقف متضامن منهم ، وحتى لو غير طارق صرّح أو طخّ باللي طخُّه آخرتها رح يكون فشك فاضي ، لأنهم كلّهم بلا استثناء أسلحتهم فرودة ميّه .. وصلت يا ابو أحمد ؟.

أما اللي بحكي عنّو أنا ( ع الفاضي ) في الدورة السابقة ، و ( ع الفاضي ) كمان حاليًّا فهو موقف السيد عزت حمزة والسيد غصاب خليل في الدورة السابقة عندما أقدما على الاستقالة من المجلس والتلويح بفضح ممارسات وتجاوزات مجموعة من أعضاء الإدارة في تلك الدورة ، وحاليًّا انضم إليهما في قائمة المهمّشين السيد زيد أبو حميد ولا أعتقد أن يطلع من أمرهم أي شيء ، وإذا كان بدّو يطلع كان طلع أثناء حضور وتداول جلسات القضية الأخيرة المرفوعة ..

هذا يا أخي أبو أحمد الفرق بين الفاضي تبعك والفاضي تبعي ..

ابو احمد لم نختلف على سلبية عزت وغصاب ولكن اختلف معك بموضوع زيد ،، زيد ظل ساكت ولكن لما حاولوا يتنططوا عليه أعطاهم مقدمة ادبية مهينة ،،ولأنهم يخافوا وما بستحوا قد لا يعقدوا اجتماعا اليوم .
عودة للفشك الفاضي هم تقدموا باستقالات وهددوا عالفاضي وطارق فقع تصريح واتبعه باخر قال فيه اننا لن نعترض على الجدول ،، اذاً كلامه فشك فاضي ايضا ،، هاي 1-0 لا تحاول تبرر خلص بطحتك.

[احمد ابوديه]

ولا الوحدات مختطف ولاشي
زي ماقال ابوسامي الدوري والكاس في اصغر جيبه بوجود الكابتن والميسترو ابوعلي

[وليد السعودي]

ممكن قصده الدوري ع الجبنه والفريق ------ مش قادر اكتبها ،،،،

[صمت البشر]

فعلا الوحدات مختطف

لا كلام بعد هذه العبارة !!

[سفيان أبوشنب]

اخي ابو محمد كلمة الدوري بالجيبة بفكرها سهلة بالوضع هاظ ,يعني اذا جاء الدوري باذن الله فيكون ذلك بتوفيق من الله اولا ومن ثم جهد ابو زمع واللعيبة (مش منه )

[ابو صلاح عرار]

ابو محمد انا بحذرك انت هيك بتلعب بالنار لانك بتفضح الجميع و هسا بنصير احنا الفئه المندسه من الجمهور
فيجب ان يكون شعارنا للمرحله المقبله عاش الرئيس و جوز امي هو عمي
........................................ ...................
يارجل لو غمدان بحكي الا يقلك قرفت قد ما جبتو سيرتي طنيب على ولاياكم اعتقوني
........................................ .........................
يارجل لو المحلات بتحكي كان حكت عن الفساد و المحسوبيه و الي بمر من تحت الطوايل لبعض الناس
........................................ ......................
يارجل جماعتنا حالفين يمين عظيم يسلمو الدماغ مجلتن خوف ميدفعو بدل استعمال او تنزل قيمته
........................................ .....................
فكونا الواحد قرف و صار نفسه بناس تخاف على مصالح باقي العباد و الله لو فكرو بغيرهم من الجماهير التي تحرم نفسها من كل شئ ربع تفكيرهم بانفسهم لكنا من ابطال اسيا
........................................ ........................................ ..............
سامحونا اذا هزينا العرش العاجي بس الواحد عاف حاله من سماع نفس المواضيع

مرحلة؟

عن اي مرحلة بحكو يابو صلاح
المراحل كلها سوداء وفساد ومحسوبية واستهتار
يتبعه اهمال
والله واخذنا كاس الدوري ....وبعدين؟
تقول كاس الاتحاد الاوروبي

احنا بدنا الوحدات ...الوحدات البناء ..الاستثمار ..المقر ...الملعب والصالات والمنشئات
التي تبني اللاعبين
والتي تحافظ على كيان الوحدات
اين اللجان
وماهو دورها

والابس صف حكي وشعارات رنانة
الوحدات الكيان اكبر من كاس واكبر من دوري واكبر منا جميعا
ولكن للاسف لايعلمون

انت ركزت بكلمة مرحله و نسيت الباقي احنا دخلنا دوامه كراسي موسيقيه و صار التنافس على عضوية ادارة او رئاسة الوحدات كانك داخل البرلمان او الكنجرس اخو احنا دخلنا عهد السرقه العني عينك عينك مو شرط السرقه تكون مصاري بلاش حد يبلش علي طخ و يقول هات دليل بس انك تكون مؤتمن و ضيع الامانه هاي سرقه انك تكون على راس هرم و تهدم الهرم على من فيه فانت لص ان تكون ان تسرق احلام اكثر من ثلاثة ملاين انسان فانت لص وانهي الكلام بقول المصطفى "كفا بالمرء اثما ان يضيع من يعول " بس لايزال السؤال عالقا ليش غيرت العنوان

[صفوان عليان]

لا أعلم ما دور زياد شلباية و لا أعلم لِمَ لَم يأتي على ذكره أحد
أليس هو و أخيه أصحاب الأغلبية في القوات المحمولة ؟؟؟
أليس لهما و بناءً على ذلك كلمة الفصل في كل نزاع ؟؟
ألم يكونا يوماً رمانة الميزان في أية تكتلات إنتخابية و أية تشكيلات بعد الإنتخابات ؟؟

ما الجديد الذي حدث ؟؟ و كيف لنا أن نحمل الخوري وحده هذه السفالة في الإنهيار الذي يحدث؟؟
لِمَ لا زلنا نهاجم الرئيس وحده و من معه في تكتله و ننسى دور البقية الذين يرتضون لأنفسهم أن يكونوا مجرد كراسي أو دمى يتم اللعب بها وقت الحاجة أو تركها على الرف وقت عدم حاجتها ؟؟

كلكم مسؤولين عما يحدث و كلكم بنظر جمهوركم أو على الأقل في نظر البعض منهم مجرد "مسلوبي الإرادة" لا يعنيكم من الوحدات إلا حجم مقعدة الكرسي التي ستقعدون عليها

[jamal nashwan]

ابو احمد لم نختلف على سلبية عزت وغصاب ولكن اختلف معك بموضوع زيد ،، زيد ظل ساكت ولكن لما حاولوا يتنططوا عليه أعطاهم مقدمة ادبية مهينة ،،ولأنهم يخافوا وما بستحوا قد لا يعقدوا اجتماعا اليوم .
عودة للفشك الفاضي هم تقدموا باستقالات وهددوا عالفاضي وطارق فقع تصريح واتبعه باخر قال فيه اننا لن نعترض على الجدول ،، اذاً كلامه فشك فاضي ايضا ،، هاي 1-0 لا تحاول تبرر خلص بطحتك.

خايف أوضّح ( مش أبرّر ) يكبر راس اللي بوضّح عشانهم ، ولإنّي مش حابب يكبر ولا يتفرعن أكثر من هيك فأنا راضي يا سيدي 1 - صفر .. 1 - صفر ، وها نيّال مَنْ بات مغلوب ولا باتشي غالب ..