من وحي الخسارة

[نبيل]

تم

[أبو وليد اللورد]

بتسمع بمحترف بشيلك ومحترف بشلك

[نبيل]

بتسمع بمحترف بشيلك ومحترف بشلك

ياااااااا لورد طلع على لساني شعر قد ما حكيت عن موضوع المحترفين
ومنها ع سبيل الحصر صفقات المحترفين في الميزان و محترفين الوحدات للمرة الثانية
ولكن لا حياة لمن تنادي

[AbuLamar]

الله لا يوفقك يا دانيال

[ليث العصيري]

دانيال جلطنا
هل المحارمة ممنوع من اللعب ؟
يا ريت لو استمر الاداء بنفس الشوط الاول و خروج دانييل

[أبو وليد اللورد]

ياااااااا لورد طلع على لساني شعر قد ما حكيت عن موضوع المحترفين
ومنها ع سبيل الحصر صفقات المحترفين في الميزان و محترفين الوحدات للمرة الثانية
ولكن لا حياة لمن تنادي

اخ نبيل راح يكون هناك تقيم لجميع الاعبين من محترفين الى محلي فى مرحلة الاياب

[نبيل]

الله لا يوفقك يا دانيال

عزيزي لا تنجلط ولا على بالك

في مثل بيقول اللي بيجرب المجرب عقله مخرب
وسلامتك
كم مرة جربنا دانيال وفلح
وكم جووول جاب!!!!!!!!!!!!!!!!!!!!!!!!!!!!!!!!!!!

[نبيل]

اخ نبيل راح يكون هناك تقيم لجميع الاعبين من محترفين الى محلي فى مرحلة الاياب

ههههههههههههه
سمعناها من قبل من صاحب الطلة البهية ومسؤول النشاط في النادي
وشكلوا رايحين يجددو الو زي ما جددو لحسام حسن

[عصام الحوراني]

بتسمع بمحترف بشيلك ومحترف بشلك

قصة أوجاعنا سوف تطول مع محترفينا العاهاة

[alibakkar]

اعتقد ان قضية المحترفين فيها لغط كبير وخاصة فيما يتعلق بالتعاقدات معهم فلاياتي الى الوحدات مع احترامنا للجميع الا من انتهت صلاحيته هل من المعقول مافي محترفين على سوية عاليه يااخي بلا من كم الف زيادة وخلينا نجيب محترف كويس عنجد كل سنة نفس القصة يعني فيها سمسرة هالشغلة مش قادرين نفهم حاولنا وكتبنا واتهمنا ولكن للاسف كل موسم نفس القصة

[Abu Hisham]

السنه الماضيه فزنا عليهم بالذهاب وضيعنا الدوري بالاياب . باعتقادي ان الخساره قد تكون مفيده في هذا الوقت اذا تم تدارك العيوب اللي ادت الى الخساره.

[وحداتي للحظة مماتي]

اولا
لا تحلم بأي ردة فعل في ظل ادارات لا تهمها سوى الكرسي و فقط لا تحكيلي ردة فعل ولا حتى فعل ف الشللية و المحاصصة خورافية بالنادي !!

ثانيا
ببساطة هاي الوحدات و هاي امكانياته
لو بلش موسم و ما في عنا محترفين "بنهب" في وجه الادارة بدنا مهاجم او مدافع او او و بس تجيب الادارة بتجيبلنا جلطة معها !
ثالثا
بنرجع على موضوع المجاملات و الخاوات و فرض التشكيلة عليه
فراس بالاصل مش ظهير ولا ابدع ولا اقنع بهالمركز ف ليش الفلسفة و العك!
رأفت بدأت في الكأس تحطه احتياط ليش "خوفت" و صار اساسي

ببساطة ابو زمع مش قد الوحدات ولا حد يحكيلي بس خسر صرت هيك تحكي ولو فاز ما قلت هالحكي
و نادينا بأنتظار اليوم اللي بتم فيه الغربلة من السقف للارضية كاملة
من اعلى راس لادنى راس

[اياد الشملتي]

الادارة لازم تخاطب الاتحاد هذا حقوق لنا برمجة مباريات الفيصلي المساوى والعدل

ابو زمع بستثاء مبارة الفيصلي في الكأس لايوجد تكتيك فقط العب وزي ماتيجي تيجي وربك يسترها

[Green Titan]

يا اخي مشكله هالمحترفين متى بدنا نخلص منها ؟!؟!؟
اثبت الوحدات بالوجه القاطع بانه اسوء الانديه الاردنيه في اختيار المحترفين !!!
جميع الانديه تستقطب محترفين باسعار اقل من الوحدات ويكونو افضل ؟!؟!
للمره الالف . اذا ما بتجيبو محترف بمعنى الكلمه ؟!؟ نزلو الشباب وكتر الله خيركم
وفروا على خزينه النادي مثل هاي الصفقات المشبوهه .

[ابو سند 77]

اذا فكرنا في الاستقطابات علينا ان نستقطب محليا

عدوس , احمد سمير, مرجان,
اسماء يجب ان نضعها في الحسبان و حميعهم يلعبون في مراكز شاغرة في الوحدات