على هامش الخسارة امام استراليا .. متى ستنضج كرة القدم في الاردن ؟

[wehdat80]

موضوع رائع , كفيت و وفيت اخي ابو فارس

الله يعطيك الف عافية

اهم ملاحظة لاحظتها اليوم بوضوح انه و لاتمريرة صح كانت في المباراة!!!

ولسة في ناس بتدعي انه في اشي اسمه مدرب

الله يخلف عليك يا شفيع اللي عملت لهالفاشل اسم

[ramahi]

اخي فارس
كل شي بالواسطه .. تعيينات بالواسطه .. لاعبين بالواسطه ... مدربين بالواسطه .. حكام بالواسطه

كيف رح ينصلح الحال ومدراء واعضاء الاتحاد ينقصهم الكفاءة .

فاقد الشيئ لا يعطيه .


مدرب الاردن حمد صار له اكثر من سنتين بيسلخ راتب شهري 30 الف دولار
راتب رئيس وزراء الاردن ما بيوصل للرقم الفلكي الاردني
الله يلعن ابو الواسطه اللي خلت عدنان حمد من مدرب الفيصلي حتي يدرب المنتخب الاردني .


.. وكمل دكتوراه علي حساب وقت المنتخب .. وفي ناس فرحانه فيه .

هيك تياسه من الناسه بدها هيك مدرب .
الله لا يردهم علي تياستهم واللي من ايده الله يزيده

[ابو صلاح عرار]

خليني أبدا من عند التلفزيون الأردني اللي حرام يطلق عليه تلفزيون
بس بكل صراحة الحق مش عليهم الحق على الإتحاد الفاسد
اللي باع الحقوق بطريقة حصرية للجزيرة الرياضية ..!!

نرجع لحمد والمنتخب الأردني
بصراحة حمد قدم إللي ما عملو غيرو ويشكر عليه
نعم أكل 6 من اليابان بس بمباراة الرد إستطاع رد الدين "بالنقاط"
بالإضافة الى تأهله التاريخي للدور الحاسم
أخي العزيز هل بهذه الإمكانيات منتخب كـ"الأردن" بنافس لآخر مرحلة
وكان قاب قوسين أو أدني من التأهل ..!!
السعودية والإمارات والكويت والصين تايلند منتخبات كبيرة وبدنا مليون سنة لنصل لربع إللي عملوه
إستطعنا أن نقدم أفضل منهم بهذه المنافسات .

النادوية والمنتخب
هاي قصة قديمة ومش حاب أحكي فيها بلاش أضيع ههه
بس صدقا" إللي لعبو اليوم ما في أفضل منهم
يعني من أيام الجوهري كان يلم 22 لاعب من الوحدات والزرق ويروح يشارك بالتصفيات
اليوم صرنا نشوف جزيرة عربي بقعة يرموك رمثا ضباع
يعني شكل لون

خلاصة الكلام حمد عمل المستحيل مع الأردن .. فبلاش كثرة الإنتقاد الله يعطيه العافية
وهاردلك لمشجعي الأردن بشكل عام .

اخوي معك بجزئية اختيار اللاعبين مع بعض التحفظ على اسماء
لكن اسلوب اللعب هو الي عليه الف استفهام

[الدواس]

والله يا ابو فارس كلام بفش الغل
نفوس حاقدة دمرت المنتخب وضيعت اماله