بعيدا عن العاطفة...ابو زمع لا يصلح للوحدات وعلينا البحث عن مدرب كفؤ

[ATA NAKHLEH]

السلام عليكم ... أخي العزيز أنت تناقض نفسك .... قلت بأنه يجب احضار مدرب كفوء وقلت أيضا اننا قمنا بتجربة قويض وطاقمه التدريبي وهو مدرب جيد جدا ومعروف على مستوى اسيا ونجاح هذا المدرب تشهد له جميع الفرق التي دربها ... أعتقد أنه يجب علينا الأبتعاد عن التنظير والاعتراض لمجرد الرغبه في الظهور ....عزيزي فترة الأعداد و الأحلال والتبديل وبناء فريق جديد و شاب قادر على المنافسه لعشر سنوات قادمه بحاجه لوقت أطول بكثير من 60 يوم لنأخذ فريق الرمثا عبره لنا وكيف أعطى أبن النادي الثقه والوقت الكامل وأنظر الى النتائج . رجاء أعطي الخبز لخبازه وكف عن محاولة تكسير المجاديف ... والسلام

[the legend 09]

يا زلمة بالله عليك شو يلي بتكتبه !!

انا مش عارف شو بدكم ,, بدك سحر نروح نعمللكم شعوذة !! بدكم الوحدات ينقلب بدقيقة لفريق ناري !!

لازم تصبرو ,, بدنا فريق لقدام ما بدي الدوري السنة الهاي ولا السنة الجاي ,, بس بدي 100 بطولة السنة يلي بعدها لانه بكون الوضع اتضح
ما تدوري على وحدات بعد اسبوع دورو عليه للمستقبل
ابو زمع رائع وبعرف يدرب وعنده فكر كروي ممتاز
وضع الفريق مكركب وهو لسا عماله يجرب باوراق ويغير مراكز ويحط هون وهون ,, ما تلوموه الان
صدقوني لتشوفو وحداتي ثاني ورائع
ردي للحفظ للدوري السنة الجاي ...

[munirzamat]

انا مش فاهم احنا بدنا عبد الله ابو زمع يجيب الدوري لحالو بخمس مبارايات يا اخوان ابو زمع مدرب مش مشعوذ !! اذا البناية بتنبنى دور دور مش بتطلع كلها مرة وحدة ! ابو زمع اثبت تاريخه كلاعب و ان شاء الله يثبت نفسه كمدرب و رح يشتغل بكل ضمير لانو محبتو للوحدات مش مجال نقاش .. اما بالنسبة انك بتحكي انقارن نتائجو بالنتائج السابقة بتمنى انك بتحضر المبارايات لانو الي بحضر ما بقدر ينكر انو الاداء احسن من ما كان بمراحل هاد اولا و ثانيا الدوري طار من اول الموسم قبل ما يستلم محمد عمر فكيف بتحمل خسارة الدوري على ابو زمع و خلينا نكون واقعيين مرة !! كل مباراتين صرنا بدنا مدرب جديد ,, ابو زمع قدها و نص و ابن النادي احسن من غيرو .

[ALaa AL LORDDD]

ابو زمع شخص محبوب جدا جدا ومدرب كبير ومحترم جدا جدا لكن يا اخوان ابو زمع لا يصلح مدرب للوحدات في لاعبين في الملعب بنفس عمره ولاعبين اصغر منه لعبة معاه سنين في الوحدات افضل حل جلب مدرب مع ابو زمع ويا ريت جمال محمود يرجع يدرب الوحدات احنا شايفين مستوى منتخب فلسطين معاه مستوى مشرف الوحدات الان بحاجه لمدرب صاحب خبره كبيره في الملاعب والسبب انو نادي الوحدات حاليا في اسوء حالاته وشغلت الاحلال والتبديل ضروريه جدا وابو زمع بصراحه مع عنده خبره كبير يطبق موضوع كبير زي هيك وبنسبه لمدرب دراجان حاليا انا مش متفائل فيه درب فرق بعد الوحدات واثبث فشل دريع معاهم دراجان اذا رجع للوحدات بصير فينا زي محمد عمر الان الوحدات بحاجه لمدرب صاحب خبرا كبيره وانا شايف اذا الاداره الجديده بدها تجيب محترفين في الاوف الدنانير لا ما بدنا محترفين في هذي المصاري جيبو مدرب عالمي يعمل طفره في الفريق افضل بالف مره

[طارق مسلم]

العاطفه رح تودينا لتهلكه كانه اذا حكينا ابو زمع لا يصلح لتدريب الوحدات صرنا بنكرهوا اشي غريب والله

[أبو أحمد زبدية]

ابو زمع هو رجل المرحلة المقبلة وقد زج بليث بشتاوي وطارق خطاب وبلال قويدر وشلبية وغيرهم وهذا الشيء سبب كابوس للفرق المنافسة للوحدات وخلق لديهم حالة صرع تصل لحد الهستيرية.......يجب اعطاء البرنس الفرصة ل 3 مواسم على الاقل .....فالموسم القادم هو موسم الاحلال والتبديل بالكامل والوحدات ليس بحاجة لبطولات بهذه الفترة بقدر احتياجه لفريق واعد يحصد بطولات 10 سنوات قادمة ابتداءا من موسم 2014-2015.

اخي لنكن منطقيين محمد عمر هو من أعطى الفرصة لقويدر وخطاب . انظروا دائماً إلى قائمة من يتحصل على الإنذارات ستدركون حتما أننا سندخل مرحلة تجديد قد تستغرق سنتان .. كرموا قدامى اللاعبين وسيبونا من قصص خليل عطية خمسين ألف ومرجات أربعين وعلان خمسين وكل مكافأة الدوري 80 ألف

[مواطن عربي]

شوف حبيبي .. لما انعرض على ابو زمع ان يتولى تدريب الوحدات .. بظروف غير صحيه .. وافق على الفور .. لانه وحداتي ابن اصل

وللعلم انه استلم الفريق بعد الخروج من الكاس .. وبعدما تصدر شباب الاردن الدوري .. يعني فعليا كان الموضوع مش بايدنا ..

لذاللك طللب منه ان يقود الوحدات في هذه المرحله .. لنخرج باقل الاضرار .. يعني بالعربي ما كان مطلوب منو يجيب الدوري ..

فلا تحملوه فوق طاقتوا .. واجبنا احنا كجمهور نوقف معه وندعمه .. وان شاء الله سيظهر الوحدات في ثوب جديد مع البرنس الموسم

المقبل

[ramahi]

في ظل الاسماء المتعاقبه اللتي تستولي علي النادي .. لو بجيبو مورينو مع غوارديلا مع ميسي ورنالدو ولا تحلمو ان الفريق ينصلح حاله



اساس البيت تلف من كثر العفن والان يجب علينا انقاذ بقية البيت من التلف والعفن




بدنا رجل عسكري وقمعي لانه الديمقراطيه بادارة الوحدات زي الضراير .. الشاطرة فيهم " تخوزق " ضرتها والزوج الله لا يرده



ما حد بسبقهم في الحرد والمناكفه .. هذيك حردت وما حضرت اجتماع اداره. والثانيه بتحرد وما بتحضر اجتماع ثاني وما حدا احسن من حدا


وحماتي ما همها ... طالما هي علي راس الطاوله... مش مشكله البيت ينهد .. بس حماتي علي كرسي الادارة وراس المجلس وكبيرتنا.
والله لا يرد الزوج لانه مشكلته عنده ديمقراطيه

[علاء ناصر]

انا لست خبيرا بكرة القدم ولم اشاهد للكابتن ابوزمع سوى مباراتنا مع الفيصلي والتي مزعهم فيها مزع وبالنسبة لي هذا يكفي بموسم جفاف فلنضع ثقتنا بابنائنا

[يارا عليان]

قويض ، هشام ، برانكو ، محمد عمر ، ابو زمع ، هل جميعهم فاشلين
ولله عله في لاعبين مزاجيين مش عارفه شو ناقصهم حضرتهم - رواتب ناخدو كل ايشي موفر اليهم اندية تانيه رواتبهم بتتاخر
بحرقو ارض ويابس

[الوريد الاخضر]

يجب تواجد دراغان على رأس الجهاز الفني

[yaser ameri]

المشكلة في اللاعبين وليس في ابو زمع او غيره من المدربين ....

[mahmouddubai]

مواضيع هدامة ,,,,, و لم أكلف نفسي عناء القراءة ؟,,,,,,

الفريق حاليا له هوية ,,,, و مباراة الأمس كانت رائعة سواء من الوحدات أو الجزيرة

[علي درويش الرمحي]

دخلك يا اخي الكريم اذا ابو زمع لا يصلح جيب لنا مدرب يصلح
احنا بس شاطرين طخ حكي من وراء الكيبورد
السبب في النتائج الاداره وبعض الاعبين الحيتان الذين جب الاستغناء عنهم

كلام سليم ميه بالمية

[الوحدات العملاق]

يا اخي صرنا نشوف الوحدات مهاجم مش مثل ايام محمد عمر ( بتبع اسلوب حمد) انت شوط الطابة وربنا بيسرها الا يجي قول

الان اصبحنا نرى لعب فرص اهداف تمرير ومهارات وعندنا مشكلة بالدفاع وبمباراتنا مع الجزيرة بالشوط الاول دخل مرمانا هدفين وتم اصلاح الخطا بالشوط الثاني وهدا ان دل على شيء فانه يدل على حسن قراءة ابو زمع للمباراة

واخراجه للديب وادخال الشاب البشتاوي والذي تحرك بشكل مميز وصنع هدف التعادل للوحدات يدل على حسن قرائته للمباراة

وحتى انزاله لحسن عبد الفتاح كان موفق واستحودنا على الكرة ووسط الملعب

يا ريت لو نصبر على ابو زمع مثل ما صبرنا على برانكو وقويض ومحمد عمر

وان كنت اتمنى ان يكون الكابتن ناصر حسان ضمن الجهاز الفني للوحدات لعلمه الكبير بالاعبين الشباب

ودمتم بود