عذرا .... لا اعرف كيف تحللون الامور

[cena1200]

في حال لا قدر الله دخول هدف مبكر للعربي فينا ,,,, كيف علينا التعامل مع اللقاء من الناحية الهجومية و الدفاعية نفس الفاعلية؟؟؟؟

بنجلط ...

[عين الصواب]

يسلم ثمك...ولا يصح الا الصحيح
الجهاز الفني هو الوحيد المخول باتخاذ القرار مين يلعب ومين ما يلعب ...وطنش عش تنتعش
راينا كيف اندست فئه في الموسم الماضي لتعتدي على اللاعبين وخاصه الحوت لفظا مما ادى الى استفزازه وعليه تم ايقافه.
هناك من يهمه التشويش على الوحدات وعلى نجومه ويا ريت يتم حصرهم وعمل ملفات لهم لمنعهم من دخول المدرجات او الاندساس بين جماهيرنا.
( فالجهات الامنيه لا تفرق بين مشجع مسالم اومندس مشاغب حين تقع المشاكل... والباقي عندكو)

[wehdat80]

كلام سليم 100%

رائع

[هيثم احمد دراغمة]

معك ان شباب الاردن لم يكن الافضل وحتى اذا فاز بالدوري فعلينا ان نتذكر ان هناك شكوك بتلاعب في نتائج المباريات

[عبدالله الكعكة]

في الحديث عن باسم نتمنى ان يكون غيابه بسبب الارهاق والتعب ونتمنى ان يعود بسرعه وان لا يكون هناك مشاكل اخرى فنحن بفترة ليست بالمناسبة لتلك الاحداث.
شباب الاردن عمل على استغلال الفرص و تحقيق الانتصارات والاستفادة ايضا من التحيكم ونتائج الفرق الاخرى وحلق بالصدارة وبذلك استحقها بكل جدارة
امنياتنا السلامة للحارس المخلص قنديل

[Abu_Besan_Alw7daty]

اوفقك في كل ما تفضلت به
باستثناء نقطة باسم فتحي، خطأ باسم أنه أصر على عدم اللعب، والتصرف الصحيح هو أن يضع باسم ظرفه بين يدي المدير الفني ويترك قرار المشاركة من عدمها للمدير الفني، لا أن يصر على عدم اللعب.

[أبو أسامة العوري]

كلامك رائع اخي
باسم قلناها يجب ان يترك القرار للمدرب فقط وهو الذي يعاقب او لا يعاقب
بخصوص قنديل على العكس الكثير من جماهيرنا قدرت له اللعب وهو مصاب وتغنو وضربو الامثال بانتماؤه لنادي الوحدات
شباب الاردن فعلا لا يستحق لانه بلا مستوى ومترنحا ولكن للاسف اغلب الفرق هذا الموسم هكذا والاعلام مفسر ذلك بانه دوري قوي اشبه بالدوري الانجليزي ولا يحكم على نتائجه وكلهم اقوياء,رغم ان شباب الاردن تلاعب بالمباريات خاصة المنشية الي اعطتو الدوري عالراحة.
بتعرف انو حسونة رجل بهالكلمة الي حكاها الشباب لا يستحق ان يتصدر الدوري بس دخلك مين الي بستحق الفيصلي ولا ذات راس لانو مش ممكن يجكي الوحدات

[مجدي فيصل]

اصبت كبد الحقيقة

نعم لم ولن يكون شباب الاردن افضل من الوحدات وان شاء الله انصافنا قادم لا محالة

[أسعد قنيبي (أبو علاء)]

كلام سليم 100%

[cena1200]

اشكركم اخوتي على التواصل بالموضوع

طبعا في منكم رح اختلف مع الاخ Abu_Besan_Alw7daty بخصوص باسم

يا اخي التصرف الاخير من قبل المشجع او واحد من الجمهور اللي بيحضر التدريبات سليم واحترافي

لانو لغى تدريب كامل للفريق وبكرا اللاعبين رح يضيرو يتاخرو عالتدريبات الا اذا اتامنت الامور وما يصير تهجم

ولهيك الجهاز الفني هو المخول فقط في ايقاع العقوبات من عدمها على اللاعبين

[ابو صلاح عرار]

السلام عليكم

باسم فتحي .... لم يسلم منكم

***===***===***===***

عندما اعتذر باسم فتحي عن المشاركة في مباراة الوحدات والفيصلي جن جنون بعض الاعضاء والجمهور

ليش ما شارك باسم ؟؟؟

لازم ينخصم عليه مصاري

لازم يتعاقب

وكانو سوى جرم كبير

يا اخوان اللاعب بني ادم مش الة تشتغل 24 ساعة بنفس المستوى

شو رح نستفيد لو شارك باسم بالمباراة وحدثت اخطاء من قلة لياقتو البدنية والذهنية وخسرنا المباراة

يا ترى رح تقيمو الدنيا وما تقعدوها على باسم

خليل بني عطية لعب المباراة كاملة قدام اليابان شو كان مستواه بمباراة الجمعة

يا ريت نحكم على الامور بعيدا عن الحساسية

******----====----******

انا من البدايه بقول كل لاعب انسان عنده ظروف اولا ثانيا لو لعب و كان ثغره في دفاع الفريق كنا رحمناه

البعض راح يحلل بان شباب الاردن قوي وبعبع

مش عارف كيف البعض صار يحكي وياكد بان شباب الاردن قوة قادمة للمواسم المقبلة

لا والادهى انو التحليل مبني على هذا الموسم

يا اخوان

لا الوحدات بمستواه ولا الفيصلي ولا الرمثا بمستواهم وهذا الشيء ادى الى تعدي الفرق الاخرى واصبح الها صوت

وين شباب الاردن السنة الماضية واللي قبلها واللي قبلها

شباب الاردن استفاد من ضعف المستوى وهفوات الاندية الاخرى والتحكيم

وحسونة قال تصريح حرق روس شباب الاردن

عندما صرح بان فريق شباب الاردن لا يستحق ان يكون متصدرا للدوري

سليم خير انشعط وكان ناوي يقدم شكوى بس اتراجع ابصر ليش

بالاخير يا ريت التحليل يكون مبني على اشياء ملموسة مش طفرة

*-*-*-*-*-*-*-*-*-*

فعلا كلامك سليم و شباب فريق عادي جدا

متاخرة لكن هي بوقتها

بمباراة ذات راس اصيب القنديل باخر ربع ساعة وما كان عندنا اي تبديل وكنا مستنفذين الثلاث تبديلات

طبعا في اعضاء هون قالو لازم طلع و نكمل المباراة بعشر لاعبين

اي احنا ب 11 وكان المرمى مضغوط كيف لما نكون ب 10

ونيجي للتعليقات :

خايف عالجل

خايف تخرب التسريحات

هذا ممثل بارع

وبالاخير تقرير المستشفى اكد انو مصاب لنهاية الموسم

كمان صارت الحالة نفس الشيء مع عامر شفيع اللي اتبين انو معو تمزق بعضلة البطن

ما سلم من تعليقات هالفئة

*-*-*-*-*-*-*-*

بالاخير يا ريت ما نحكم عالامور حسب الاهواء

يا ريت نحكم الامور بصورتها الحقيقية

يا ريت ما نظلم حدا

احنى جمهور عاطفي لكن غضوب لازم يتحملونا الكل لانه ولا واحد منا اله مصلحه مثل بعض المنتفعين و الكل يخاف على النادي و نتائجه و انا مستعد احلف عن 80% من جمهور نادينا انه لما بخسر الفريق بمون نفسه يكسر الدنيا من الزعل و لو واحد حكا معه ممكن يفش غله في لو الفريق المقابل البرازيل بكل نجومها

[cena1200]

احنى جمهور عاطفي لكن غضوب لازم يتحملونا الكل لانه ولا واحد منا اله مصلحه مثل بعض المنتفعين و الكل يخاف على النادي و نتائجه و انا مستعد احلف عن 80% من جمهور نادينا انه لما بخسر الفريق بمون نفسه يكسر الدنيا من الزعل و لو واحد حكا معه ممكن يفش غله في لو الفريق المقابل البرازيل بكل نجومها

يا غالي

احنا كلنا بنحب الوحدات وابناء الوحدات المخلصين

بس مش بهيك حركة

تخرب تدريب الفريق

بدك تعبر عن غضبك على لاعب

لاقيه بعد التدريب روح على بيتو عاتبو بس مش تخوف باقي اللاعبين

يعني بكرة بيجي مجموعة من الجمهور مش عاجبها لاعب تعمل معو هيك

انتو بترضوها

[أبو موسى الوحداتي]

صديقي العزيز........
اولا بالنسبة للكابتن باسم فهي ليست اول مرة له (مع اني من اشد المعجبين به اذا لم اكن اكثرهم) ولكن نحن نتفق دائما بان الوحدات اكبر مني ومنك ومن اي لاعب . فنحن بحاجة للاعب يعرف ما هو الوحدات قبل ان يعرف ما نفسه والشواهد كثيرة لكل متابع للوحدات
ثانيا بالنسبة لشباب الاردن فنحن من اوصلهم لما هم عليه نتيجة نزيف النقاط مع فرق كانت تتمنى الا يزيزد عدد الاهداف في مرماهم عن 3 اهداف
ثالثا انا حضرت المباراة في الكرك ولا اعتقد ان اي شخص شاهد المباراة شكك في الكابتن محمود قنديل فهو دائما يضرب مثال الوفاء والانتماء للنادي
واخيرا الشواذ لا يمثلون السواد ولكن لنكن صادقين مع انفسنا نحن بحاجة للكثير من الجهد والعمل وصفاء النية للعودة بالوحدات الى سابق عهده (مارد بمعنى المارد)
ودمت ودام الوحدات

[سفيان أبوشنب]

لا لا لا لا تعليق