خطر ببالي

[ابو عمار الجنيدي]

اخ ماجد بلا شك العربي فريق متطور ويستحق الاحترام وهو الان منتشي بفوزه على الفيصلي ولكن الحق يقال ان الفيصلي الان اضعف من ان يكون منافسا لاي فريق اخر وهو اضعف الموجود الان على الساحه الكرويه وهذه حقيقه ولولا الحكام والظلم وبعض الحظ لما جمع لحتى الان 3 نقاط

معك حق ..... ولهذا كيف على الوحدات ان يعمل و بكل جد في هذا اليوم للفوز على هذا الفريق المتطور؟؟؟

[عبد الحكيم]

بسم الله الرحمن الرحيم
الله يمسيكم بالخير جميعا
لا ادري لماذا من بعد فوزنا على الغريم وهناك هدفين مش مفارقين خيالي ودائما على بالي وكأنهم سجلوا اليوم أو امس
طبعا الهدفين سجلناهم بالغريم الأول دوري عام 79 لما سجلنا عليهم أو فوز وهو هداف الرائع وليد خاص بمرمى ميلاد عباسي
كانت المباراة على العاشرة صباحا إستاد عمان وحضور اكتر من 25000 الف وحداتي
والثاني هدف المرحوم بإذن الله مظفر جرار بدوري الثمانين البطولة الأغلى والاعز على قلبي بالإياب وأمام اكتر من 30000 الف وحدات
أيضاً على إستاد عمان
ليش يا ترى مش عارف
عاد قبل المباراة كان دائماً يخطر على بالي هدف الصخرة مصطفى ايوب أيضاً بدوري الثمانين لما فزنا واحد صفر أمام 30000 الف وحداتي ويؤمها أغمي على الرائع مصطفى ايوب
بالكوا ليش يا ترى

حمى الله الوحدات من العابثين
ودمتم بود

شوف ابو عمار
اول اشي بيخطر على بالك مش الاهداف بس الحضور الجماهيري
يعني 1979 وبيحضر 25000
وبعدها 30000
وبعدها 30000
ما شاء الله عليك يا ابو عمار يعني طلعت رائع بالعد عدتهم واحد واحد هههههههههه

[ابو خالد الوشاحي]

ايام الزمن الجميل طبعا انا ما لحقتها بس دائما الحج بيحكيلنا عنها

[عبدالله الكعكة]

ما شاء الله .. هسه بظهرو الختايرة بالموقع
كل اهداف الوحدات بالغريم لا تمحى من الذاكرة
اما ذكريات الزمن الجميل وذكريات الغضب الجماهيري وتواجد الألاف من الجماهير خلف الوحدات كان لهذه الانتصارات نكهة خاصة

[ابو عمار الجنيدي]

شوف ابو عمار
اول اشي بيخطر على بالك مش الاهداف بس الحضور الجماهيري
يعني 1979 وبيحضر 25000
وبعدها 30000
وبعدها 30000
ما شاء الله عليك يا ابو عمار يعني طلعت رائع بالعد عدتهم واحد واحد هههههههههه

حبيبي ابو جميل
انت بتذكر المد الجماهيري الوحداتي بالزمن الجميل أعطيني مباراه ولو وديه ما كان يحضرها ها لعدد
بعدين كنت شاطر بالحساب أوقف على المداخل واعد كل اللي في الإستاد هههههههه
أيام لا تنسى

[سفيان أبوشنب]

اخي ابو عمار انا اذكر مباريات الثمانينات (ايام بداية العز الوحداتي ) ولكن مع مرور الوقت ومنتصف التسعينات تقريبا لن انسى هدف ابو زمع من ورا خط الثمنطعش وهدف سفيان عبدالله وبصراحة ما في جول للوحدات بالغريم مش حلو كلهن احلى من بعض

[عبد الحكيم]

حبيبي ابو جميل
انت بتذكر المد الجماهيري الوحداتي بالزمن الجميل أعطيني مباراه ولو وديه ما كان يحضرها ها لعدد
بعدين كنت شاطر بالحساب أوقف على المداخل واعد كل اللي في الإستاد هههههههه
أيام لا تنسى

الله يسعدك ابو عمار طب بتذكر مباراتنا مع الكرمل يوم ما فزنا 3-0 قديش كان العدد مع انه كانت الساعة بذكر 9 بالليل وما في بث من التلفزيون الاردني من يومهم التلفزيون حاقدين على الوحدات

[ابو عمار الجنيدي]

ايام الزمن الجميل طبعا انا ما لحقتها بس دائما الحج بيحكيلنا عنها

اه يا اخي ابو خالد
تلك أيام من أجمل الأيام أيام الزمن الحميل والمد الجماهيري الوحداتي والأهداف والمستوى واللاعبين وكل شئ جميل بالزمن الجميل
شكرا لمرورك

[عبد الحكيم]

اه يا اخي ابو خالد
تلك أيام من أجمل الأيام أيام الزمن الحميل والمد الجماهيري الوحداتي والأهداف والمستوى واللاعبين وكل شئ جميل بالزمن الجميل
شكرا لمرورك

ذاكر ابو عمار لما كنا نوخذ الفطور (رمضان ) ونفطر بالاستاد عشان ما تفوتنا المباراة

[laith]

دائما الوحدات و اهدافه بالبال

[ابو خالد الوشاحي]

اخي ابو عمار انا اذكر مباريات الثمانينات (ايام بداية العز الوحداتي ) ولكن مع مرور الوقت ومنتصف التسعينات تقريبا لن انسى هدف ابو زمع من ورا خط الثمنطعش وهدف سفيان عبدالله وبصراحة ما في جول للوحدات بالغريم مش حلو كلهن احلى من بعض

اخي ابا شنب لا تنسى هدف سمرين من نص البلد

[ابو خالد الوشاحي]

الله يسعدك ابو عمار طب بتذكر مباراتنا مع الكرمل يوم ما فزنا 3-0 قديش كان العدد مع انه كانت الساعة بذكر 9 بالليل وما في بث من التلفزيون الاردني من يومهم التلفزيون حاقدين على الوحدات

ابو جميل ما لقيت تتذكر غير مباراة الوحدات معنا يوم ما تعدرتونا اتينا الى عمان من مخيم الشهيد عزمي المفتي وكانت المبارة برمضان طبعا الوحدات عزمنا على الفطور وانا كنت جاي على المباراة بباص النادي مع خالي محمد كونه عضو ادارة بالنادي ولما انتهت المباراة وتتوج الوحدات بالدوري ورجعنا على اربد تم التنسيب من قبل مجلس ادارة النادي يمنع اصطحاب اي شخص للمباريات بباص النادي حتى لو كان ابن رئيس النادي وهذا كله بسببي لاني قززتهم بالترويحة وانا بغني للوحدات

[سفيان أبوشنب]

اخي ابا شنب لا تنسى هدف سمرين من نص البلد

اخوي ابو خالد والله انك صادق هدف سمرين بملعب مدينة الامير محمد وهاظ الجول بنتسى ؟

[الوحداتي ابو ثائر]

لحد الان مش قادر انسى القائم الذي حرم خالد سليم من تتويج الوحدات في مباراتنا معهم عام 1986 والتي كانت كفيلة باحراز اللقب

[قاسم ابو فاره]

فعلا،، مثل ما تفضل أبو جميل،، إنت تذكرت الجماهير مش الأهداف،،
كان في إعتقالات تعسفية أيامها زي اليوم؟؟