:::: شو صار بعد المباراه ::::

[مواطن عربي]

جميل جدا

[ابو عمار الجنيدي]

جبت كنافه للبيت ولبعض الأصدقاء الغير متابعين للوحدات واللي انا دائماً مجننهم بالوحدات
وشغلات كتيره صارت بعد المباراة
خخخخخخخخخخخ
مبروك يا صديقي المواطن

[Loai Al-Hajjaj]

هههههههه
3 أب يا لزيز يا رايئ

رائع يا مواطن.
فرحتي بعد المباراة صدقني ناقصة...لأني ما كنت بالقويسمة...ولا بالأردن كلها

[حسن الداموني]

طبعا بعد الفوز على الغريم تكون الفرحه مضاعفه واكيد بتكون نفس الواحد مفتوحه على الاكل بوجهنا على الزرقاء وسلخنا احلى سدر مندي

[ابوبهاء]

الله محي الوحداتيه

[AbuLamar]

انا فرحتي بالفوز على الفيشلي احلى من الفوز بالدوري

[طارق مسلم]

فوزنا عليهم احلى من ميت دوري الله يخلينا الوحدات

[Mjaradat]

بعد المباراة مباشرة
قعدت اجهز اللقطات والملخصات
حاولت قدر الامكان اني اعمل ملخص للمسات حازم جودت بالمباراة
لكن وللاسف ما قدرت افرّق بين اللعيبه من البث
فاختصرت على حالي وحضرت المباراة كمان مره

[Ebn Gazza]

فرحة كانت ناقصة للاسف .. عشان الواحد ما كان مع الجماهير !!!

[مواطن عربي]

جبت كنافه للبيت ولبعض الأصدقاء الغير متابعين للوحدات واللي انا دائماً مجننهم بالوحدات
وشغلات كتيره صارت بعد المباراة
خخخخخخخخخخخ
مبروك يا صديقي المواطن

اهلا ابو عمار والله يبارك فيك .. ودامت الافراح داخل قلعتنا الابيه

تحلاي .. وكنافه نابلسيه اصليه .. بالفستق الاخظر .. وعلى قوله الفلاحين الحلوين زيدون قطر

همسه : حاب اعرف تصرفك ورده فعلك وانت تتابع المباراه

[مواطن عربي]

هههههههه
3 أب يا لزيز يا رايئ

رائع يا مواطن.
فرحتي بعد المباراة صدقني ناقصة...لأني ما كنت بالقويسمة...ولا بالأردن كلها

اهلا بالوحداتي لؤي .. راحت عليك يعني له له له .. يلا ان شاء الله بتتعوض ..

ولولا الحظ كان عن جد صارت سفن اب ..

همسه : وين حظرت المباراه .. وكيف كانت رده فعلك على احداث المباراه بالاخص خلف الشاشه

[مواطن عربي]

طبعا بعد الفوز على الغريم تكون الفرحه مضاعفه واكيد بتكون نفس الواحد مفتوحه على الاكل بوجهنا على الزرقاء وسلخنا احلى سدر مندي

اسلخ يا داموني اسلخ .. وصحه وعافيه ..

همسه : النفسيه لهسا مفتوحه الله وكيللك .. والله يخليلنا الوحدات ..

[مواطن عربي]

الله محي الوحداتيه

ما اختلفنا .. الله محيهم .. بس هات احكيلي شو عملت بعد المباراه .. واذا حضرتها عالتلفزيون .. كيف كانت رده فعلك

[مواطن عربي]

انا فرحتي بالفوز على الفيشلي احلى من الفوز بالدوري

شوف الفوز عليهم حلو .. والدوري حلو .. بس صدقا الفوز الذي تحقق .. رائع وبكل المقاييس ..

انا شخصيا مش بس فرحت .. استمتعت .. سلطنت ..

همسه : بما انو فرحت شو عملت ؟؟؟

[مواطن عربي]

فوزنا عليهم احلى من ميت دوري اللح يخلينا الوحدات

ما اجمل الفوز .. وما اجمل ان تجعل منهم اضحوكه هاذا الزمان .. ويا ريت تشاركنا بفرحتك .. وتحكيلنا شو عملت