(!)..هل يغرد عندليب الوحدات قريبًا في الفيصلي..(!)

[محمد الحسن]

الرجل اجاباته عامه وماقال انه بده يروح عالفيصلي

العندليب صرح هيك لانه مقهور وبيتدلل على حبايبه ومستحل يعملها

ومع ذلك

اذا راح بيكون جنى على حاله والوحدات اكبر من مليون عندليب

تحليلك منطقي 100% اخي العزيز
لا اعتقد ان احمد عبد الحليم بدو يلعب لغير الوحدات انا بتوقع لو الفيصلى عرض عليه عرض ما راح يقبل
ويمكن انه بقول للوحدات انا جاهز بس مستنى تلفون واحد من اى شخص في الاداره
واذا كان تفكيره يذهب لنادي اخر وين ما بدو يروح
على كل حال اي لاعب في الاردن ما راح يصبح نجم الا اذا لعب في الوحدات

[waleed_wm]

مشكلتنا جمهور بدنا نفرح على حساب غيرنا ... بدكم اللاعب يا بقعد احتياط يا يعتزل الكره وما يلعب مع نادي غير الوحدات ... لانو النادي صرف عليه وخلاه يصير لاعب ما بصير يلعب لنادي تاني محرم شرعا, لا تشككو في انتماء اللاعبين

[ibrahim7881]

له يا عندليب نسيت مين الفيصلي اللي شتمو بلدك وسبو ع الشهداء لا حول ولا قوه الا بالله

تلومه في هيك نقطة طيب شو بالنسبة لاشرف نعمان اللي راح جاب ابن عمه كمان ..... اللاعب خانه التعبير حتى الدوبلاج سيء تسمع جواب من غير صيغة السؤال

[muhannadcent]

طيب شو المشكلة يروح على الفيصلي!! الله يوفقه بعيد عن الوحدات

[وسام حسام]

يا اسفي على عبد الحليم وين الانتماء

[alibakkar]

بركاتك....

بركااااااااااااااااااااااااااااااااااااا اااااتك ياادارة

[يارا عليان]

بس انصاب عبد حليم في منتخب ما عبرو اصلا كان لازم يتعالج على حساب منتخب زيو اي شخص بنصاب
طنشو والوحدات عالجو وصبر عليه كل هاد في هوااا
لله معااك الي صنع عندليب بصنع الف مثلوو

[الاخضر عشقي]

إذا احمد بيرضى على نفسه انه يلعب لنادي لطالما جمهوره شتمه و شتم مقدساتنا هو حر.
الوحدات اكبر من أي شخص و اللي ما بده ايانا الله معه

[عمرو الاخضر]

سلملي على نادي الفيصلي يا احمد وسلملي على جمهورهم هههههههههههههه اول فرصه اللك مع نادي الفيصلي لما تمسك الكره وتلف حوليها مثل دور يا صحن السكر وتضيعها شوف شو جمهور الفيصلي رح يسمعك

[MHourani]

ههههه عادي الله يوفقك
الوحدات اكبر من الجميع وما بوقف على لاعب
وخصوصا اذا اللاعب كان مفرهل

[MHourani]

بركااااااااااااااااااااااااااااااااااااا اااااتك ياادارة

شو دخل الادارة ..!!
اللاعب اصيب والنادي ما قصر معو
محمد عمر اعطاه اكثر من فرصة واللاعب ما بدو يتعب على حالو ..!!
النادي رفض التفريط فيه مع انو منتهي , وهو اللي اصر على ترك الفريق..!!
النادي ما بوقف بوجهة لاعب واللي بدو يرفع اسم وشعار النادي فوق يضل اللي ما بدو يطلع من النادي غير مأسوف عليه ..!

[Abu_Besan_Alw7daty]

الوحدات بيغلب؟؟؟!!!! . الفبصلي بدفع رواتب 3 شهور مقدم يمكن!
انت يا احمد اللي غلبت الوحدات، واللوحدات صبر على اصابتك كثيييييييييييييير وانت ما ساعدت حالك
ايش المطلوب بالضبط، يكون اسمك اساسي سواء انجزت او ما انجزت، يعني بدك تلعب بالخاوة
احمد شو بتعرف غير انك تشمط طابات من برة
الله معك والقلب داعي عليك

[زيد الشملتي]

احمد عبد الحليم ابن الوحدات وعمرو ما بنسى هالكلام بس هو زعلان وما ظنيت انه يلعب للفيصلي لو شو ما صار ويا جماعة ما حدا يسيئ لاحمد ربنا يوفقو

[الذيب©]

الزلمة مجروح

ليراجع العيادة
بالسلامة للعندليب

[رامي الياسين]

الله معك
الوحدات لا يقف عند اي لاعب
انت الخاسر في النهاية