:::: المواطن زهق ::: انتو شو !!!! ::::

[مواطن عربي]

اخي مواطن الله يمسيك بالخير , قبل فترة قرأت لك موضوع ويخص الادارة وكان ردي (الي على راسه بطحة يحسس عليها ) وكنت اقصد الادارة , وبالنسبة لموضوعك بالنسبة للزهق احنا مش بس زهقنا احنا صرنا في عداد الموتى من الزهق بسبب هذه الادارة التي لا تنظر الا لمصلحتها وتضعها نصب عينيها بغض النظر عن المصلحة الاكبر منهم وهي الوحدات وارجاع الوحدات كما كان ونحن نعرف ان اهم اسباب سوء الطالع االذي بدأ يلاحق الفانيلة الخضراء هي الادارة ....وشلال المواضيع التي تنتقد الادارة قد اغرقت الادارة من ساسها لراسها ...
وأمري لله اقول ان القرارات التي تتخذها هذه الادارة لكسب شعبية من اعضاء الادارة ليوم الانتخابات وليس لمصلحة الوحدات

اهلا ابو شنب .. بالنسبه لانتقاد الاداره .. انا معه اذا كان انتقاد بناء والمهم لما ننتقد نعطي حلول ونساعد بعض

احنا للاسف بانتقاداتنا غرقنا الوحدات مش الاداره

همسه : عن اي قررات تقصد

[مواطن عربي]

الوحدات بده نيه صافية مثل المية وقلب عاشق للون للاخضر وعقل اكبر من انه ينحشر على طاولة فيها 11 كرسي.

النيه الصافيه لحالها بتكفيش .. الوحدات بدو ناس مثقفين متعلمين .. بعرفوا يديروه .. وكيف يخططوا لقدام

[مواطن عربي]

الحل

اللي عندوا ملف فساد عن اي عضو يسلموا

و ما بدنا فقط تهديد ... بدنا فعل

شفنا انو في قصص كثيرة صارت من العباية ل قصص السفر ( دور مين )

يا ريت اللي عندوا اي ملف يقدمة

وانا بضم صوتي لصوتك .. غيرك هيك كلو حكي فاضي

[حسن الداموني]

الله يرحمك يا تشافيز كان نفسه يشوف الوضع احسن من هيك

[مواطن عربي]

أكتفي باقتباس اعلاه من موضوعك ... عنوان الموضوع :::: المواطن زهق ::: انتو شو !!!! :::: ............ وأنا اسألك : انت شو؟

انا مشجع وحداتي بسيط


وانا كمان بقولك زهقنا نحر وطعن ... انت تساءلت ((( اعطوني واحد فيكو كتب موضوع او اقترح اقتراح ايجابي .. ))) ... بعرفش شو هو الشيء الايجابي بالنسبة لك ... لكن وكوني (عضو سلبي) بنظرك شايف اني مضطر استعرض بطولاتي قدامك ... سؤال لك هل سمعت يا مواطن عن حملة بأيدينا؟ ... وين كنت انت يا (ايجابي) من سلبتنا عندما نفذنا الحملة على بساطتها .... عندنا ناس هون رجال بنحطها على روسنا نظفت حمامات غمدان على قذارتها ... وين كنت ايها (الايجابي) ساعتها ... لجنة الدعم والمؤازرة حملت طموحات كبيرة وبدأت بحملة كان من الممكن تجعل حلم غمدان حقيقة ... لكن الايجابيين من اعضاء مجلس الادارة جلسوا بكرسي القيادة واضاعوا الحلم .... ممكن تقلي شو عملت يا ايجابي يومها.

اسمحلي بتوضيح بسيط ابو عدي انا بحكي عن جزئيه معينه تخص الانتقادات الانتخابيه .. اما بخصوص ما تسألت عنه

خليني اقللك اول اشي انا كنت متابع اول باول لهذه الحمله .. وبعرف ان ابو عدي وغيرو عمل الي ما نعمل ..

وصدقني كنت مبسوط فيكم ورافع راسي انو في امثالكم بالوحدات .. وصدقني كنت بتمنى اكون معكم .. لانو بتشرف

ان اساعد الوحدات .. واقدم اي اشي له .. بس للظروف احكام .. انا جد مش عارف كيف انتا اخدت الموضوع شخصي

انا وين عمري حكيت عنك انك انتا سلبي .. اذا بتحب تعرف انا شو بعتبرك راح اقللك .. وبتعرفني بحبش اجامل .. انتا

من اروع وانظف .. الشخصيات الوحداتيه .. وبعرف انك عمرك ما بخلت عالوحدات باي اشي مادي او معنوي .. قسما

بالله انو انا بفتخر فيك انك وحداتي .. فكيف بدي احكي عن واحد مثللك انو سلبي ..


بلاش هاي ... وخليني استفرد بعضلاتي شوي مهي فرصة ... تبنيت انا شخصيا فكرة تسمية ملعب غمدان باسم المرحوم سليم حمدان ... فكرة متواضعة ولكن تذكر اني بعطيك امثلة عن (السلبين) من ابناء الموقع فقط يعني مش مهم حجم العمل ... طيب جماعتنا بالادارة رفضوا الفكرة بشكل مبطن ... ذهبت (انا السلبي) للنادي وقدمت طلب لامانة السر لاجل الدخول لاجتماع مجلس الادارة .... وفعلا حصل وعرضت وجهة نظري وبعدها تمت تسمية الصالة بأسم المرحوم ... صحيح ما كانش الي طلبته بالضبط لكن هذا مثال على مبادرة بالنسبة الي بعتبرها (ايجابية) ... باختصار على سلبيتنا الا اننا نفعل ما نقول او على الاقل نحاول وبجد ايضاً.

بظن رديت عليك في النقطه السابقه بهاد الخصوص .. بس اسمحلي اعلق على موضوع الاستاذ الراحل سليم

لن نستطيع ولا في اي حال من الاحوال ان نعطي هاذا الرجل حقه .. وانا كنت ضد تسميه الملعب باسمه

لان ذاللك لا يعتبر تكريم له .. تكريمه يكون بالمحافظه على ارشيفه .. والعمل على تحقيق ما كان يطالب وينادي به

دوما .. فهاذا الرجل وبكل بساطه مثل وحداتي يستحق ان نقتدي به من حيث المضمون لا من حيث الشكل

وعلى الجماهير ايضا ان تقتدي به .. ومع ذاللك انا لم انتقص ابدا مما قمت به .. فهاذا موضوع اخر ولكن اقتضى التنويه

بعد كل هذا يا مواطن انا عندي لك كلمة وسؤال ....... (((( انا زهقت ::: انتو شو !!!! ::::

مين احنا يا ابو عدي !!!!!

))))

الرد في الداخل ابو عدي

[رمضان الطويل]

لا وهب مع الوحدات ولا وحدات مع الزهق !!!!

[ابوبهاء]

شو مالكم يا جماعه كلنا بنحب الوحدات احنا الجماهير عنا عقليه احترافية أحسن من كل واحد بالادارة الحاليه للأسف ادارة كرة قدم بس لا تفقه شئ بكرة القدم والله يحمي الوحدات

[مواطن عربي]

الله يرحمك يا تشافيز كان نفسه يشوف الوضع احسن من هيك

طول بالك يا حسن

[مواطن عربي]

شو مالكم يا جماعه كلنا بنحب الوحدات احنا الجماهير عنا عقليه احترافية أحسن من كل واحد بالادارة الحاليه للأسف ادارة كرة قدم بس لا تفقه شئ بكرة القدم والله يحمي الوحدات

فش اشي ابو البهاء بس شوي زهقنا .. وحبينا نفضفض

والله يحمي الوحدات

[وحداتي بالقويسمه]

نعم كانت الادراة السابقه هي الافضل بوجود رئيس نشاط قوي ولبق كعلي خليفة وجود رئيس نادي لا يهاب كطارق خوري كانت توليفة رائعه بالضافة الى باقي الاسماء علي مسلم غصاب خليل
بصراحه كان لوحدات هيبة برجال مثقفين ولبقين اكثر من هذه الادارة اللي الواحد فيهم كلمتين عبعض ما بعرف يحكي وبصراحه لا يليق انه يطلع يحكي كلمه باسم نادي عملاق كالوحدات

[مواطن عربي]

نعم كانت الادراة السابقه هي الافضل بوجود رئيس نشاط قوي ولبق كعلي خليفة وجود رئيس نادي لا يهاب كطارق خوري كانت توليفة رائعه بالضافة الى باقي الاسماء علي مسلم غصاب خليل
بصراحه كان لوحدات هيبة برجال مثقفين ولبقين اكثر من هذه الادارة اللي الواحد فيهم كلمتين عبعض ما بعرف يحكي وبصراحه لا يليق انه يطلع يحكي كلمه باسم نادي عملاق كالوحدات

ان شاء الله الانتخابات القادمه نرى طارق خوري رئيس للنادي .. واتمنى عوده علي مسلم وعلى خليفه

بالفعل الاداره السابقه في عهد طارق كانت تضم اسماء رائعه .. واتمنى ان لا ارى بعض الوجوه بدون ذكر اسماء


لانهم اكيد عارفين حالهم

[ابو خالد الوشاحي]

أتمنى ان لا أرى طارق وزياد بالانتخابات القادمة لأنهم بصراحة دمرونا نريد وجوه جديدة بكفي

[مواطن عربي]

أتمنى ان لا أرى طارق وزياد بالانتخابات القادمة لأنهم بصراحة دمرونا نريد وجوه جديدة بكفي

متامل كثر شكللك تشوف وجوه جديده ..

همسه : عين خير

[ابو خالد الوشاحي]

متامل كثر شكللك تشوف وجوه جديده ..

همسه : عين خير

ان شاء الله سنرى رؤوس تتدحرج من الإدارة بهمة الشرفاء من الهيئة العامة وليس من القوات المحمولة

[ابوبهاء]

لا والبياري مرشح حاله