:::: المواطن زهق ::: انتو شو !!!! ::::

[سفيان أبوشنب]

اخي مواطن الله يمسيك بالخير , قبل فترة قرأت لك موضوع ويخص الادارة وكان ردي (الي على راسه بطحة يحسس عليها ) وكنت اقصد الادارة , وبالنسبة لموضوعك بالنسبة للزهق احنا مش بس زهقنا احنا صرنا في عداد الموتى من الزهق بسبب هذه الادارة التي لا تنظر الا لمصلحتها وتضعها نصب عينيها بغض النظر عن المصلحة الاكبر منهم وهي الوحدات وارجاع الوحدات كما كان ونحن نعرف ان اهم اسباب سوء الطالع االذي بدأ يلاحق الفانيلة الخضراء هي الادارة ....وشلال المواضيع التي تنتقد الادارة قد اغرقت الادارة من ساسها لراسها ...
وأمري لله اقول ان القرارات التي تتخذها هذه الادارة لكسب شعبية من اعضاء الادارة ليوم الانتخابات وليس لمصلحة الوحدات

[AHMAD-abuOmar]

حابب اعطي معلومه انه لو صارت العضويه 20دينار القوات المحموله مش راح تتاثر لانه معظم اعضاء مجلس الاداره ما بدفع من جيبتو وبوخذ من اكثر من مصدر لتسديد عضويته

ياحبيبي

والله هاي معلومه جديده ....

طيب مين هالمجانين الي بيعطوهم فلوس وشو مصلحتهم

يعني انا ادفع 5 الاف لفلان ينزل على الانتخابات وينجح وانا شو جاييني ؟؟

حسبي الله فيهم ونعم الوكيل

بدل ما يدعمو النادي بيدعمو اشخاص ...

[GREEN FAWAZ 81]

الوحدات بده نيه صافية مثل المية وقلب عاشق للون للاخضر وعقل اكبر من انه ينحشر على طاولة فيها 11 كرسي.

[CaT]

الحل

اللي عندوا ملف فساد عن اي عضو يسلموا

و ما بدنا فقط تهديد ... بدنا فعل

شفنا انو في قصص كثيرة صارت من العباية ل قصص السفر ( دور مين )

يا ريت اللي عندوا اي ملف يقدمة

[ابو عدي]

شو قدمتوا للوحدات خلال هذه الفتره .. غير المشاكل شو قدمتوا غير افكار هدامه شو قدمتوا حلول شو

قدمتوا مقترحات .. اعطوني واحد فيكو كتب موضوع او اقترح اقتراح ايجابي .. هينا قربنا على موعد

الانتخابات ..


قسما بالله انا زهقت منكم .. زهقت من اسلوبكم .. زهقت من كل اشي بتحكوه .. والسلام ختام.......

أكتفي باقتباس اعلاه من موضوعك ... عنوان الموضوع :::: المواطن زهق ::: انتو شو !!!! :::: ............ وأنا اسألك : انت شو؟

وانا كمان بقولك زهقنا نحر وطعن ... انت تساءلت ((( اعطوني واحد فيكو كتب موضوع او اقترح اقتراح ايجابي .. ))) ... بعرفش شو هو الشيء الايجابي بالنسبة لك ... لكن وكوني (عضو سلبي) بنظرك شايف اني مضطر استعرض بطولاتي قدامك ... سؤال لك هل سمعت يا مواطن عن حملة بأيدينا؟ ... وين كنت انت يا (ايجابي) من سلبتنا عندما نفذنا الحملة على بساطتها .... عندنا ناس هون رجال بنحطها على روسنا نظفت حمامات غمدان على قذارتها ... وين كنت ايها (الايجابي) ساعتها ... لجنة الدعم والمؤازرة حملت طموحات كبيرة وبدأت بحملة كان من الممكن تجعل حلم غمدان حقيقة ... لكن الايجابيين من اعضاء مجلس الادارة جلسوا بكرسي القيادة واضاعوا الحلم .... ممكن تقلي شو عملت يا ايجابي يومها.

بلاش هاي ... وخليني استفرد بعضلاتي شوي مهي فرصة ... تبنيت انا شخصيا فكرة تسمية ملعب غمدان باسم المرحوم سليم حمدان ... فكرة متواضعة ولكن تذكر اني بعطيك امثلة عن (السلبين) من ابناء الموقع فقط يعني مش مهم حجم العمل ... طيب جماعتنا بالادارة رفضوا الفكرة بشكل مبطن ... ذهبت (انا السلبي) للنادي وقدمت طلب لامانة السر لاجل الدخول لاجتماع مجلس الادارة .... وفعلا حصل وعرضت وجهة نظري وبعدها تمت تسمية الصالة بأسم المرحوم ... صحيح ما كانش الي طلبته بالضبط لكن هذا مثال على مبادرة بالنسبة الي بعتبرها (ايجابية) ... باختصار على سلبيتنا الا اننا نفعل ما نقول او على الاقل نحاول وبجد ايضاً.

بعد كل هذا يا مواطن انا عندي لك كلمة وسؤال ....... (((( انا زهقت ::: انتو شو !!!! ::::))))

[مواطن عربي]

و الله موضوع رائع

ما بدنا نترك فكرة الموضوع و نبلش نقاش بأن المنتدى قدم الكثير من الإقتراحات أو ما قدم؟؟؟!!!!!

خلينا نحاول .. بلكي طلعنا بفكرة معينة نوصلها للإدارة
بلكي طلعنا بحل معين ينقذ ما تبقى من هيبة لوحداتنا
بلكي لقينا حد منهم يسمعلنا ...
إحنا زهقنا .. و ملينا .. معقول في شي أسوأ من هيك ممكن يصير للوحدات؟

شو الحل ... خلينا نطلع السلم درجة درجة ...
الخطوة اللي قام فيها المنتدى " تجمع الطريق الثالث " فكرة رائعة .. و ممكن نعمل شي بالإنتخابات القادمة

لكن برأيي أن فكرة التجمع وحدها لا تكفي .. بدنا نحط إحتمال الفشل .. و البحث عن فكرة بديلة ... إيش هي ...ما بعرف

يا سلام عليك يا لؤي .. دايما بتلقطها عالطاير .. وبتفهم المغزى .. وما في زود على كلامك

[مواطن عربي]

أحسنت وأجَدْت أخي لؤي ،، لكن بإجادتك هذه أوجَعْت !. لإنه ما رح يصير إشي أسوأ من اللي صار في الوحدات ورح يظل ، للأسف !.

وخلينا ننتظر الأفكار البديلة والخلّاقة والتي لا يعدمُها ولا تَنْقُص الوحداتيين الشرفاء على أمل التغيير المنشود والمرجو من هذا التجمع والذي لن يحدث هذا التغيير بين عشية وضحاها ، وأما الفشل فلن يكون بالمعنى الحرفي لكلمة الفشل ، وإنما سيكون تأخير أو تأجيل للنجاح في التغيير ،، وفي نفس الوقت سيكون هناك إسراع وتسريع في التأثير قبل التغيير ، والوحداتيه بتعبوا وبعانوا بس ما بزهقوا ولا بكلّوا ولا بملّوا ..

بدنا همتك يا راقي .. انا بعرفك قول وفعل .. وانتا مثقف ومتعلم وفهمان .. والوحدات بحاجه لشخص مثللك

[مواطن عربي]

ما دام الموضوع كما ذكرت جعجعة
هل تقدمت بطلب عضوية وقت فتح باب العضوية

مع انو مش موضوعنا بس راح اجاوبك يا معتصم .. العضويه الها هدفين اساسين وهما

1- دعم النادي ماليا

2- المشاركه في صنع القرار وانتخاب من نراه مناسبا ليقود النادي

وبما ان العضويه لم تحقق ذاللك .. فانا ضدها .. ولن اقبل ان تكون عضويتي مشروطه بموافقه بعض الاعضاء كامثال

زياد شلبايه .. وغيره .. عندما يتم فتحها بدون شروط ولتحقيق الاهداف المنشوده ساكون اول الاشخاص طلبا لها

[رمضان الطويل]

الزهق ممنوع، الاستسلام ممنوع، العتب مرفوع، و الوحدات له الله اولا و المخلصين ثانيا و الجماهير ثالثا و اخيرا

[مواطن عربي]

بدي اعطيك مثال زي ما طلبت يا مواطن


الموقع عمل اكبر حركة ممكن تغير تاريخ النادي .... الا وهي فتح باب العضويه الي كان طارق خوري ضدها بالكامل وصوت اكثر من مره ضد هذا القرار

الموقع حاول ان يبدأ بحمله للتغيير .. ولم ينجح حتى اللحظه .. وان شاء الله سينجح في قادم الايام
بالنسبه لطارق خوري انو كان رافض فتح باب العضويه فكلامك غير صحيح

ولكن للاسف لم يسجل سوى عدد بسيط من الاعضاء هنا اصحاب الكيبورد .....

الاغلبيه اصحاب كيبورد والاقليه لا

اذا هذا مثال واحد فقط على اشي بنقدر نعمله وماعملناه ... وهو التسجيل للعضويه وتوسيع دائرة الهيئه العامه وبالتالي تغيير وجوه الاداره
بحب اقللك تتاملش كثير لانو فتح باب العضويه كان لمصلحه اعضاء مجلس الاداره ولم يكن في مصلحه الجمهور
كذلك يجب علينا الضغط على الاداره برفع قيمة العضويه من 6 دنانير سنوي الى 10 او 15 دينار سنوي
منها بنرفد النادي بمبلغ اكبر سنويا ومنها تزداد فاتورة القوات المحموله ومن يدفع عنها وبالتالي نضيق الخناق على اصحاب القوات المحموله

الله يسمع منك يا رب

الرد بالداخل

[مواطن عربي]

حابب اعطي معلومه انه لو صارت العضويه 20دينار القوات المحموله مش راح تتاثر لانه معظم اعضاء مجلس الاداره ما بدفع من جيبتو وبوخذ من اكثر من مصدر لتسديد عضويته

يا ريت لو عندك معلومات تحكيلنا اياها هون .. اعطينا مثال .. وشو انواع المصادر ..

[مواطن عربي]

موضوع في فكرته ممتاز فنحن علينا ان نقف ونفكر ماذا قدمنا وفعلنا لتنفيذ احلامنا واين دورنا في كل ما يحدث وللاسف الشديد فنحن حتى الان عاجزون عن الفعل ونكتفي بردات الفعل
شكرا لك يا مواطن عربي على هذا الموضوع

يا ختيار .. اسمحلي اضيف شغله .. الي بدو يعمل اشي يا بعملو منيح يا اما ما يعملوا

البعض للاسف يعتقد ان ما قام به انجاز .. وهو غير ذاللك ابدا ..

همسه : نورت الموضوع يا ختيارنا

[مواطن عربي]

ابو حسين الغالي مع احترامي الشديد لك
انت تعرف ما قدمه الوحدات نت من مقترحات وأفعال عجز عنها الكثير وانت اكتر من يعرف وتعرف ان لو أخذ بما يكتب هنا بنسبة 20 بالميه لكان الوضع مختلف وانت تعلم أيضاً ان المؤتمر لو قدر له الاستمرار لكان هناك تغير فعلي وان لجنة حكماء الوحدات لو رأت النور لكان الوضع مختلف
عداك عن العمل الذي تم بغمدان وصيانته وكيف تبادر أعضاء الوحدات نت بالمال والرجال من اجل ذلك وراينا المهندس والدكتور والأستاذ والعامل يعمل جنبا إلى جنب بهذا المشروع الذي نقدم الشكر لكل من ساهم به سواء ماديا أو عمليا أو معنويا وعلى راسهم أخونا ابو عدي
وألف شكر للشباب كلهم اللي عملوا ما عجزت عنه إدارة النادي وغيرها
لي عوده يا ختيارنا ويا اخي المواطن

في الانتظار يا صديق ..

[رمضان الطويل]

الوحدات اكبر من الجميع و هكذا سيبقى!!!!!!!

[مواطن عربي]

اعتقد يا صديقي العزيز انك قادم والمريض غادر المستشفى.

لا كان في مريض ولا اشي .. بالعكس احنا مرضناه واحنا الي دخلناه المستشفى .. واذا بنضل هيك عمرو ما بطلع

صارلنا سنتين واحنا بنصرخ وبنحكي عن هالادارة ومن نتائج هذا الكلام.
1- كسر هيبة هذه الادارة الفاشلة التي كان من المحرمات الحديث عنها.

لا اظن انها كانت من المحرمات
2-فضح جميع اعمال السمسرة والمنفعة والمحسوبية والذاتية.

وهاذا ما كنا نطالب به .. وعالفاضي ما شفنا اشي
3-رسم مسار اصبح متعارفا عليه من كل محبي نادي الوحدات بأن هذه الادارة ستؤدي بالنادي الى الهاوية وهذا ما نلمس نتائجه اليوم.

صحيح والسبب معروف
4-دعوة الهيئة العامة للتغيير وهذا ما تمخض عنه بنشوء تجمعات جديدة مثل الطريق الثالث والايام حبلى بالمفاجات واللي بعيش بشوف.

تتاملش كثير لانو لهسا هدول التجمعات مش عارفين شو بدهم
5-يا اخي بدل ان تلعن الظلام اوقد شمعة واقصد هنا ان تنضم لاحدى كتل التغيير .

كيف بدي انضم .. وشو راح يكون دوري .. ؟؟

الرد في الداخل يا ابراهيم