ليش هيك حظنا مع المحترفين

[طائر الشوك]

نفس الملعب اللي لعب فيه محترفين الرمثا والفيصلي!!!!!!!

لا يهمني امرهم.....بيهمني اشوف لعب اللاعب تبعي على ارضية زي العالم و الناس حتى احكم عليه..

[laith hf]

الوحدات بعرض 40الف سعر للاعب المحترف و هيك سعر بجيب هيك لعيبة اذا بدك محترف بدك تدفع او الاحسن بلاش تجيب محترفين لانها فضايح
هاي الادارة الفاشلة بتجيب هيك لاعبين

[وحداتي اوروبي]

لأنو ما في ضمير (بمكن بسلمو على باب النادي و هم داخلين)

[ابو عمار الجنيدي]

لانه ما بدنا محترفين ومع ذلك نحضر منحرفين

[سائد الوحداتي]

لا نستطيع الحكم على الاعب من مباراه واحده
لو جاب هدف لكان صار عصر زمانه وفش زيو
لنصبر عليه ولو لمباراه اخرى
والله ولي التوفيق

[ALaa AL LORDDD]

يا رجل ما حظ ولا بطيخ
اي طفل من مشجعين الوحدات بقدر يجيب محترفين مناح اكثر من الاداره هم الاداره بدورو على لاعبيين مثل هيك الدليل طيرو اشرف نعمان وجمال محمود حكالهم عنه وما جابوه ومحمد بركات طيروه ولو لاعب في الاردن كان شفت كيف مستواه والاعب الجديد اللى بلفيصلي الفلسطيني مصيبه شكله ولا تنسى انو مدرب المنتخب الفلسطيني وحداتي يعني اول ما بشوف لاعب منيح بحكي للوحدات عنه هي نقطه ثاني اشي في لاعبين في افريقيا ممتازين وصغار في العمر لاعب شباب الاردن ولاعب الرمثا الجديد من وين جابوهم اداراة الفرق واحنا عارفين انو نادي الرمثا بنسبه للوحدات نادي فقير
لسه بتعرفو مين كانو بدهم يجيبو ادارة الوحدات كانو بدهم يجيبو لاعب مصري اسمه ابراهيم سعيد بس الحمد الله رفض يلعب معانا الاعب له 10 سنوات بدور على اي فريق يلعب معاه بس الحمد الله الاعب ما وافق فتح مطعم في مصر وضل هناك في لاعب في مصر بلعب في الاهلي المصري الاعب صغير اسمه عفروتو هسه احترف في فريق عراقي الاعب هذا لو الاداره جابوه كان استفاذ النادي منه منيح لكن الاداره ما راح يستفيذو ماديا من هذي الصفقات

[الاخطبوط]

بعد اربعة شهور يستطيع احمد بلال التاقلم مع الشباب ورح تشوفو منو الهوايل لأنه كما تم تسويق بانه صفقة العمر وانها تمت بسرية تامة حتى ان اقوى مخابرات العالم لم تستطع كشف العمليه
على اي حال لاتحكمو عليه الان وانما بعد 4 شهور
همسه في اذن الجميع

عقد اللاعب مع الوحدات مدته 4 شهور فقط لاغير والباقي عند الادارة والسلام ختام

[ابو جواد]

لا يهمني امرهم.....بيهمني اشوف لعب اللاعب تبعي على ارضية زي العالم و الناس حتى احكم عليه..

كلام سليم وانا معك - ويا ريت نصبر شوي على احمد بلال لانو لاعب كبير وباذن الله بفرحنا

[ابو سند 77]

بالنسبة للكويت الكويتي
سعر المحترف الواحد عندهم يساوي سعر
محترفي الدوري المحلي بأسره

و سلامتكو