للعتاولة فقط (15) ... مباراة من الذاكرة ‏ ‏

[علاء ناصر]

اللهم لا حسد
عنا شباب ذاكرتها اشي مش معقول فانتاستيكا ولا بد من ايجاد وسيلة ما للاستفادة منهم

[سامر]

الوحدات والحسين دوري 1994
1/1
الحسن باربد
العموري و منيب غرايبة
محممد هديب ، فهد هاشم، يوسف السوراكة

تقدم منيب غرايبة بالشوط الاول للحسين، اداء الحسين كان احسن
في الشوط الثاني نزل ابو المجد ومع نزوله قلبت المباراة وصار اللعب كله ب 18 الحسين و بلشت الفرص

ومن دربكة جوه ال 18 سددها ابو المجد اول مرة صدها الحارس ورجعتله على خط السته سددها مره ثانية عن خط السته بالجول
وطبعاً كان وضع الجمهور بالملعب مش طبيعي وكلنا روحنا صوتنا ممبحوح.

فعلاً الوحدات بوجود ابو المجد غير

[سامر]

كمال الخاروف وفراس الغرام والغرايبة
عنجد امبوزيبل يا سامر
مين يضيف ؟؟

هيثم عبد الهادي
عبدالسلام الهزايمة
عيسى سعسع
شويطر

[أبو فارس]

الوحدات والحسين دوري 1994
1/1
الحسن باربد
العموري و منيب غرايبة
محممد هديب ، بدر ابو ميالة، يوسف السوراكة

تقدم منيب غرايبة بالشوط الاول للحسين، اداء الحسين كان احسن
في الشوط الثاني نزل ابو المجد ومع نزوله قلبت المباراة وصار اللعب كله ب 18 الحسين و بلشت الفرص

ومن دربكة جوه ال 18 سددها ابو المجد اول مرة صدها الحارس ورجعتله على خط السته سددها مره ثانية عن خط السته بالجول
وطبعاً كان وضع الجمهور بالملعب مش طبيعي وكلنا روحنا صوتنا ممبحوح.

فعلاً الوحدات بوجود ابو المجد غير

غلطة الشاطر بعشرة
الحكم مش ابو مياله

[أبو فارس]

سامر بالفترة تلك .. سحل الحسين اربد الزرق
هل تتذكر المناسبة ؟؟ والتفاصيل ؟؟

[سامر]

غلطة الشاطر بعشرة
الحكم مش ابو مياله

عفكره عدلتها قبل ما اشوف ردك
اطلعت على الصورة وانا على الطريق و لما كتبت الرد ما شفتها مره ثانية وبعد ما شفتها انتبهت فعدلته

[سامر]

سامر بالفترة تلك .. سحل الحسين اربد الزرق
هل تتذكر المناسبة ؟؟ والتفاصيل ؟؟

حسب ذاكرتي الدرع 2/1 وكانت اول بطولة للحسين
قبلها كنا نغني بالمباريات ولا بطولة حسين
ولما فازوا على الفيصلي واخذوا الكاس صدقوا حالهم

[أبو فارس]

حسب ذاكرتي بكاس الكؤوس 2/1 وكان اول بطولة للحسين
قبلها كنا نغني بالمباريات ولا بطولة حسين
ولما فازوا على الفيصلي واخذوا الكاس صدقوا حالهم

لا مش كاس الكؤوس

[سامر]

لا مش كاس الكؤوس

هاي ما بحط الرد الي بتكون لاقطه، كمان عدلتها الدرع
اذكرت شويطر وهو حامل الدرع

[شاهر العربي]

- كمال الخاروف كابتن فريق الحسين / إربد
- حكم خط / محمد هديب - حكم الساحة / فهد هاشم
- حكم خط / يوسف السواركه - يوسف العموري كابتن فريق الوحدات


- مباراة الحسين / إربد مع الوحدات
- عام 1994
- بطولة الدوري الممتاز
- ستاد الحسن

[أبو فارس]

هاي ما بحط الرد الي بتكون لاقطه، كمان عدلتها الدرع
اذكرت شويطر وهو حامل الدرع

اذا انت فلته
بتقلي كيف اجى جول الحسين ال 2 في الزرق ومين جابه

[سامر]

اذا انت فلته
بتقلي كيف اجى جول الحسين ال 2 في الزرق ومين جابه

اذا ما خانتني الذاكره احمد الشقران و بشوته من بص الملعب

[أبو فارس]

اذا ما خانتني الذاكره احمد الشقران و بشوته من بص الملعب

مش مومكن الايبداع
فعلا هدف صاروخ ارض جو من خارج الجزاء بالقدم اليسرى على يسار الحارس على المرمى يمين المنصة
والمباراة لعبت ليلا

[jamal nashwan]

عدت لمتابعة الموضوع بعد ما خلّصت أكمّن شغله ، ووجدت هون ردود من الإخوة الأفاضل عن كابتن فريق الحسين / إربد اللي بالصورة واللي بتذكر هاي الردود إنه " منيب غرايبه " ..

أنا ذكرت إنه كمال الخاروف هو اللي كان كابتن فريق الحسين / إربد في تلك الفترة وفي تلك المباراة وهو اللي ظاهر بصورة هذه المباراة ،، يمكن أكون غلطان بس أنا استدليت على ذلك إنه كمال الخاروف كان أطول من منيب غرايبه وكانت شعراته " نيجرو " دايمًا في نهاية فترة الثمانينات ولما كان يلعب في المنتخب الوطني في بطولة كأس العرب 1988 التي أقيمت على ستاد عمان الدولي بعدين لما نزلت موضة الكوكو خفف شعراته من الجناب وعمل الكوكو من قدام كما هو ظاهر بالصورة وهاي القَصَّة كمان كانت تناسب العسكريين وهوه عسكري أصلًا ، وكمان ليش حكيت إنه " كمال الخاروف " لإنه هوه كان الكابتن في موسم 1994 وهو آخر موسم إله واللي فاز فيه الحسين / إربد بدرع الاتحاد وهو اللي استلمه ، وبعدها اعتزل اللعب مع النادي واستمر مع المنتخبات العسكرية ( منتخب الأمن العام ) لاعبًا ثم مدربًا ..

ومرة ثانيه يمكن أكون أنا غلطان ،، بس يلّا هاي معلومه عن كمال الخاروف ..

[أبو فارس]

اللهم لا حسد
عنا شباب ذاكرتها اشي مش معقول فانتاستيكا ولا بد من ايجاد وسيلة ما للاستفادة منهم

ختيار شو متذكر انت من المباراة هاي ؟؟