ارحموا لاعبي الوحدات يا ناس

[Raed Abu Gharbeiah]

على اللاعبين ان يعطونا ما يستحق الثناء

الكلام لا يمكن ان يوجّه ضد لاعب بالإسم - لكن الإنتقاد يجب ان يكون للمجموعة

بكرة بجيبو جول بالشباب وبحتفلو بحركة شلباية (اخرسو) - مهو حيطنا واطي


لا بدنا ننتقد وبدنا نبارك ونحتفل - واللي ما بتحمل الإنتقاد يفصل النت ويقعد بالدار

أخي الكريم
هل تعتقد بان هناك احد من اللاعبين يتدخر جهداً ..يعني بتعتقد انوا في لاعب يتعمد تضيع الفرص ويريد خسارة النادي ؟

[ماجد جامع]

يا اخوان والله بكفي المباراه راحت اولت خلص خلينا نحفز اللاعبين الان على مباراة السبت الي انا اعتبرها اهم من المباراه الي مع شباب الحسين خلص الوحدات النا وعلينا

[الناصر]

نحن ننتقد نقد بناء

ونحلل المباراة مثل اكبر المحلليين

يعني نسكت على هاللعب اللي مثل لعب الناشئين والحارات

كلامنا صحيح يا اخي حتى مع اضعف الفرق اصبحنا نخاف من الخسارة

ونحن نعرف ان فريقنا كبير وفرق انتصارات

مش نحط ايدنا على قلوبنا من خوفنا من الخسارة

اصبحنا نفرح اذا فاز الفريق بجول

وين الاربعات والخمسات

وين اللعب ... وين التكتيك ... وين التمركز .... وين القناص .... وين التمريرات .... اصبح فريقنا اكثر فريق يفقد الكرة

اصبح فريقنا يضيع عشر فرص ويجب فرصة

وبتقول كلامنا نقد هدام ... السكوت على الوجع بجعل المرض يتفاقم

[Raed Abu Gharbeiah]

يا اخوان والله بكفي المباراه راحت اولت خلص خلينا نحفز اللاعبين الان على مباراة السبت الي انا اعتبرها اهم من المباراه الي مع شباب الحسين خلص الوحدات النا وعلينا

صحيح 100%

[Raed Abu Gharbeiah]

نحن ننتقد نقد بناء

ونحلل المباراة مثل اكبر المحلليين

يعني نسكت على هاللعب اللي مثل لعب الناشئين والحارات

كلامنا صحيح يا اخي حتى مع اضعف الفرق اصبحنا نخاف من الخسارة

ونحن نعرف ان فريقنا كبير وفرق انتصارات

مش نحط ايدنا على قلوبنا من خوفنا من الخسارة

اصبحنا نفرح اذا فاز الفريق بجول

وين الاربعات والخمسات

وين اللعب ... وين التكتيك ... وين التمركز .... وين القناص .... وين التمريرات .... اصبح فريقنا اكثر فريق يفقد الكرة

اصبح فريقنا يضيع عشر فرص ويجب فرصة

وبتقول كلامنا نقد هدام ... السكوت على الوجع بجعل المرض يتفاقم

عزيزي كلامك صحيح ايام زمان ايام ما كان الدوري الاردني عبارة عن الوحدات والفيصلي وباقي الفرق عبارة عن طريق للحصول على ال 3 نقاط
لكن الوضع اختلف اليوم لانوا الاندية الضعيفة اصبحت اندية قوية وفي لاعبين بباقي الاندية افضل من لاعبي الوحدات ب 1000 مرة صديقي
يعني هاذي الايام ما في فريق كبير وفريق صغير ..اما ما يميز الوحدات عن باقي الفرق هو ان الوحدات يمتلك جماهير فقط لا غير

[Dreams]

أخي الكريم
هل تعتقد بان هناك احد من اللاعبين يتدخر جهداً ..يعني بتعتقد انوا في لاعب يتعمد تضيع الفرص ويريد خسارة النادي ؟

لا يا أخي

لكن حسب الموجود أن اللاعبين يلعبو وهم مشتتون

يعني يا بفكر بالمرة والأولاد أو بالراتب - أو حتى فينا كجماهير

ما بشوف أي لاعب بلعب عشان يتمتع ويمتع

الكل بلعب والهم سابقه

لا تحكي طبيب نفسي - لأنه اللي بده يبدع ببدع وما بهمه حد - واللي بهمه راتب آخر الشهر فقط كثر.

---

الكلام أعلاه لا يشمل الكل - لكن فعلا ما عنا لاعب ممتع بمعنى الكلمة

[AHMAD-abuOmar]

الجنرال مسك فريق رابع الترتيب وخلاه متصدر
نصه ختايره واداره واقعه

كل هاذ وعند اول تعادل صار المدرب جبان

هههههه عجبتني جبان ......

[Raed Abu Gharbeiah]

لا يا أخي

لكن حسب الموجود أن اللاعبين يلعبو وهم مشتتون

يعني يا بفكر بالمرة والأولاد أو بالراتب - أو حتى فينا كجماهير

ما بشوف أي لاعب بلعب عشان يتمتع ويمتع

الكل بلعب والهم سابقه

لا تحكي طبيب نفسي - لأنه اللي بده يبدع ببدع وما بهمه حد - واللي بهمه راتب آخر الشهر فقط كثر.

---

الكلام أعلاه لا يشمل الكل - لكن فعلا ما عنا لاعب ممتع بمعنى الكلمة

صديقي كلام صحيح ومنطقي لانوا مشكلة الوحدات بالادارة الهاملة اللي عملت هموم للاعبين وللجمهور
ولما تكون الادارة فاشلة لا تتوقع النتائج تكون مرضية

[Raed Abu Gharbeiah]

الجنرال مسك فريق رابع الترتيب وخلاه متصدر
نصه ختايره واداره واقعه

كل هاذ وعند اول تعادل صار المدرب جبان

هههههه عجبتني جبان ......

للاسف الجماهير بتطالب بفريق لا يخسر !

[أبو وليد اللورد]

والله المشكله فى الجمهور
اذا اكبر الانديه بتخسر بدك الوحدات يضل فى القمه بدون اي تعادل
والله بكفي لهون

[ali almansi]

يا أخوان هو الاعب بينزل على الملعب وبيلعب غصبن عن الكل لا في مدير كره ومدربين في النادي القرار قرارهم وقبل المباراه بليله بكونوا كاتبين مين بده يلعب , يا أخوان أنا مشجع متعصب للوحدات بتابع الفريق منذ عام ١٩٧٤ صدقوني بعد كل مباراه للاخضر أحفادي بيكونوا يستنوا فيه على شان الوحدات فاز وراح يؤكلوا كنافه وبسيروا يصرخوا سيدو الوحدات فاز , التقصير من الأداره والجهاز الرياضي ما هو من الاعبين , وبعدين مع أحترامي للجمهور الحبيب لا تلوموا الاعب وتسيروا تسبوا عليه اللوم لازم يكون على الي نزله يلعب , عاش الأخضر

[ahmad sad]

واحد مش عاجبة ابو حويطي
وواحد ثاني بدوش باسم فتحي
وواحد ثالث بدوا رأفت علي يعتزل
وواحد بيقلك شفيع والدميري والذيب ما بيلعبوا منيح الا مع المنتخب

*********
يا جماعة الخير خفوا شوية على اللاعبين والمدير الفني هو اللي بقرر اذا بدوا اللاعبين يضلوا في النادي او يغادروا النادي
مش الجمهور هو اللي بقرر ....
بس نازلين انتقادات للفريق لمجرد انوا ضيع نقطتين او 3 نقاط ..يعني الاعبين لما يفوتوا على المنتدى ويشوفوا جماهيرهم شو كاتبة ..بيكونوا بيتمنوا انوا الجمهور الوحداتي يعطيهم الثقة ويخلقلهم المبررات للخسارة ويشجعهم ويحفزهم حتى يشدوا حيلهم في قادم المباريات
لكن للاسف اذا واحد من اللاعبين فات على المنتدى رح يدمر نفسياً
************
كلمة اخيرة
*هذول اللاعبين الموجودين حالياً مفش غيرهم بلفريق ......

*ولازم تخلوها ببالكم انوا زمن اول حول يعني كل فرق الدوري صارت فرق قوية ومفش فريق سهل يعني تضيع النقاط وارد وبقوة لجميع الفرق

اخي العزيز كلامك صحيح بس يعني العيبة اصغار زي خطاب وبلال وليث ورجائي مش حرااام يوخذو فرصتهم ولا بس يصير عمرهم 30 سنة بصيرو يلعبو يعني ما بصير يلعب رجائي محل محمد جمال اخر ربع ساعة في مبارا ضامن فيها الفوز او او ليث محل عبد الله ما بصير اذن احنا ليش بنوقع معهم مش حرام طيب بلاش طارق خطاب لعب 4 مباريات من اروع ما يكون واثبت انو لاعب يستحق ان يكون اساسيا في نادي الوحدات وهي رجعو قعدو طيب ليــــــ؟؟؟؟ش شو استفدت من العيبة الي وقعت معهم

[Raed Abu Gharbeiah]

يا أخوان هو الاعب بينزل على الملعب وبيلعب غصبن عن الكل لا في مدير كره ومدربين في النادي القرار قرارهم وقبل المباراه بليله بكونوا كاتبين مين بده يلعب , يا أخوان أنا مشجع متعصب للوحدات بتابع الفريق منذ عام ١٩٧٤ صدقوني بعد كل مباراه للاخضر أحفادي بيكونوا يستنوا فيه على شان الوحدات فاز وراح يؤكلوا كنافه وبسيروا يصرخوا سيدو الوحدات فاز , التقصير من الأداره والجهاز الرياضي ما هو من الاعبين , وبعدين مع أحترامي للجمهور الحبيب لا تلوموا الاعب وتسيروا تسبوا عليه اللوم لازم يكون على الي نزله يلعب , عاش الأخضر

يا سيدي ان شاء الله الوحدات بفوز ولا تنسى تحسب حسابنا بلكنافة

[Raed Abu Gharbeiah]

اخي العزيز كلامك صحيح بس يعني العيبة اصغار زي خطاب وبلال وليث ورجائي مش حرااام يوخذو فرصتهم ولا بس يصير عمرهم 30 سنة بصيرو يلعبو يعني ما بصير يلعب رجائي محل محمد جمال اخر ربع ساعة في مبارا ضامن فيها الفوز او او ليث محل عبد الله ما بصير اذن احنا ليش بنوقع معهم مش حرام طيب بلاش طارق خطاب لعب 4 مباريات من اروع ما يكون واثبت انو لاعب يستحق ان يكون اساسيا في نادي الوحدات وهي رجعو قعدو طيب ليــــــ؟؟؟؟ش شو استفدت من العيبة الي وقعت معهم

سيدي هذول اللاعبين اللي بتحكي عنهم ابدعوا لما كانوا يلعبوا مع لاعبين من عمرهم ومن جيلهم يعني شباب مثلهم اما عملية تثبيتهم بلتشكيلة الرئيسية فهذي العملية بحاجة للوقت يعني ما رح تصير عملية الاحلال والاستبدال بيوم وليلة

[ناصر عميره]

بعين الله