توضيح بخصوص بلال قويدر - على لسان زياد شلبايه وتوضيح من شقيق بلال بالداخل

[omerodeh]

أنتم تعطوا اللاعب أكبر من حجمه ولسه ما بين خيره من شره وأعتقد

أذا قبل بشروط النادي أهلا وسهلا وعدا ذلك الله يسهل عليه وأعتقد

عنا الكثير غيره وممكن أفضل منه كمان

كلام سليم عندك بمباراة فيتنام الهدف الجميل اللي جابه على راسي وعيني بس مدافعين فيتنام واقعين وكل مباراه بوكلوا خمسات لكن مع استراليا اختفى وهاض اللي خايفين منوا قدام الفرق القوية ما راح يبين يعني مش هظاك اللاعب السوبر سوبر زي ما بتتخيلوا ليحط هيك شروط من اولها لو بدوا يغنمها بهيك شروط الله ييسر امرة والقلب داعيله

[أبو تالا]

أضع مشاركتي هنا أيضاً لنعرف السبب الحقيقي وراء عدم التوقيع سابقاً
-------------

موضوع قويدر أصبح هامشي برأيي سواء وقع أم لم يوقع فمعدنه قد بان، ما نريد أن نعرفه الآن و بوضوح ما هو سبب عدم التوقيع معه سابقاً؟؟!!! فالإجابة أنه كان "إهمال" من الإدارة هي إجابة غير مقبولة بتاتاً، أنا لن أقول بأن أبو فراس تعمد ذلك لمصلحة إبنه، لكن عدم وجود إجابة مقنعة لعدم توقيع بلال و بشتاوي تجعلني أشك بذلك..!!
لا أعلم ما هي عقلية إدارتنا الفاشلة..!!! تترك لاعبين مميزين يشاركون في بطولة قارية بدون أن تربطهم بعقود حتى لا يمارسوا سفالتهم علينا بعد العودة !!! بالله عليكم هكذا إدارة تستحق أن تقود أكبر نادي في البلد!!!!
و بالعودة لموضوع اللاعب السابق عبدالله ذيب .. والله أنني لم اسامحة لغاية اليوم على ما فعل، و سحقاً لإدارتنا التي أرجعته لنصبح مطية لجميع "الأولاد" من اللاعبين الصغار ... فإسم الوحدات يجب أن تحترمه الإدارة قبل اللاعب.. كما فعل الأهلي المصري مع الحضري...

أخيراً نطالب بتحقيق أو مقابلة رسمية مع الإدارة لتوضيح أسباب عدم التوقيع مع المذكورين و خصوصا "الإبن العاق الجديد" ...
خصوصا أن ما حدث كان متوقعاً " أو لربما كان مخططاً له" ...

[فراس عليان]

انا بقول انكم اعطيتو بلال اكبر من حجموو الله معوو اصلا ما في الو مكان بالنادي العظيم

[فارس همام]

ابو عمار الحبيب

هذا السيناريو كنا متوقعين حدوثه لانه بكل بساطة هذه الادارة موجودة لهدم ما يبنيه شرفاء الوحدات , الاعب مش رح يروح على الفيصلي ولكنه مرشح بقوة يروح على الشباب وهاي اللعبة بطلها ادارة الغريم وادارة الشباب وادارتنا ...من يتحمل المسؤولية هو ادارة الوحدات لانهم يصلون متاخرين كعادتهم واتمنى منك يا حبيب ان لا تدافع عن اي واحد منهم

السؤال يا ابو عمار وين كانوا قبل وليش ما فرجوناش زلميتهم قبل ما توقع الفاس بالراس....وانا بقول الله معو واجرة التاكسي على حسابي

فعلا اولا تقصير لا يغتفر ابدا من الإدارة وأتمنى ان تكون هذه الإدارة الفاشلة قد تلقت صفعة لا تنساها!!!

ثانيا اذا اللاعب مش عاجبه الوحدات ويوقع مثل عقود زملاؤه (الشباب مش الفريق الأول لسه بدري ما شفنا خيرك من شرك!) بقول اولا يا حيف! ثانيا روح وين ما بدك الله معك

والله ينتقم من الادارة على هذا الإهمال الفظيع الذي لااااااااا يغتفر!!

[alzubaidi]

ابو عمار الحبيب

هذا السيناريو كنا متوقعين حدوثه لانه بكل بساطة هذه الادارة موجودة لهدم ما يبنيه شرفاء الوحدات , الاعب مش رح يروح على الفيصلي ولكنه مرشح بقوة يروح على الشباب وهاي اللعبة بطلها ادارة الغريم وادارة الشباب وادارتنا ...من يتحمل المسؤولية هو ادارة الوحدات لانهم يصلون متاخرين كعادتهم واتمنى منك يا حبيب ان لا تدافع عن اي واحد منهم

السؤال يا ابو عمار وين كانوا قبل وليش ما فرجوناش زلميتهم قبل ما توقع الفاس بالراس....وانا بقول الله معو واجرة التاكسي على حسابي

يا اخوان حد يفهمني هو مسموح له اللعب مع نادي اخر في الاردن دون موافقة الوحدات
انا بعرف انه لا
اذا هو يا بحترف بره او بظل مع فريق سن 19

[أسعد قنيبي (أبو علاء)]

أول سنة ووالده بيطلب 25 ألف ولمدة عام والعام القادم رايح يطلب 50 ألف أكيد
ياعمي حيلك علينا درجة درجة خف علينا
والوحدات هو من يصنع المجد للنجوم وليس اللاعبين من يصنعوا المجد للنادي0
وأنا متأكد في حال غادر النادي سينطفئ بريقه

[خالد صلاح الديسي]

اي لاعب شايف حالة اكبر من الوحدات مهما كان مستواة لا يلزمنا نحن يلزمنا الانتماء وشرف ارتداء القميص الاخضر اما املاء الشروط فلا والف لا

[الدواس]

الموضوع كله بسبب ادارتنا الفاشلة
المفروض تم التوقيع من زمان
بس بعد ما انشهر بلال رح يكون صعب يوقع للوحدات
واتوقع ان يقوم الغريم بخطفه منا
والله معه وبالتوفيق له
والمسؤؤولية كلها على ادارتنا الفاشلة

[مالك]

بالنسبة الي مادام هيك الامور مابدنا اياه يروح يدور على اي نادي بدفعله اكثر بكرة بصير يرجع ويترجى ..لانه هيك هو حفر قبره "الكروي" بايده على راي اشرف شاكر

[موسى سومه]

حل عنا بلاش طمع

[ابوعلي الوحداتي]

كلام سليم عندك بمباراة فيتنام الهدف الجميل اللي جابه على راسي وعيني بس مدافعين فيتنام واقعين وكل مباراه بوكلوا خمسات لكن مع استراليا اختفى وهاض اللي خايفين منوا قدام الفرق القوية ما راح يبين يعني مش هظاك اللاعب السوبر سوبر زي ما بتتخيلوا ليحط هيك شروط من اولها لو بدوا يغنمها بهيك شروط الله ييسر امرة والقلب داعيله

بسم الله الرحمن الرحيم الكل اجمع على ان هدف بلال في مرمى فيتنام اوربي وبما انو فريق فيتنام فريق ضعيف ودفاعو فاشل لماذا لم يسجل بقية الاعبين متل هدف بلال قويدر وبلال قويدر هو من افتتح التهديف وصنع الهدف الثاني بحرفية والرابع اوربي ومن تابع مباراة استراليا يعرف انا بلال تعرض لقطع امداد متعمد من الاعبين !!!!!!!!!!!!!!!!!!!!!!!

[بهاء بسام]

شو بده يستغلنا من هسا وعمره لا يتجاوز 19 سنة كيف لما يصير قد حسن ولا دميري
انا برأيي انه زياد والعرض الي قدمه مناسب ومع زيادة المبلغ قليلا قليييييلا وان لم يقبل فالله معه والقلب داعيله
وخلينا نشوفه بعد سنتين ولا حتى سنة شو راح يصير فيه

[ياموني اربد]

اتركوه

انا برايي اتركوه هو وابوه .. يعني ما صارله بالقصر يومين صار ناعم اليدين .. اصلا نسبة 90% من جمهور الوحدات ما بيعرف مين بلال .. ومتل ما صار مع اللاعب الخلوق عبد الله ذيب تمرد هو وابوه وراح على اكتر من نادي وشاف كيف انشطب .. ورجع مرة تانية على بيته الاصيل الوحدات .. وشتان بين مستوى وسمعة عبد الله وبين بلال .. خلي الطمع ينفعه .. وصدقوني بكرة الا نلاقيه بيلعب مع فريق بالدرجة الثانية ..
ملاحظة .. كل الاحترام لشخص عبد الله ذيب
وانا بقترح ما نحكي بالموضوع نهائيا ونعطيه اكبر من حجمه ...
والله من وراء القصد

[ياموني اربد]

بسم الله الرحمن الرحيم الكل اجمع على ان هدف بلال في مرمى فيتنام اوربي وبما انو فريق فيتنام فريق ضعيف ودفاعو فاشل لماذا لم يسجل بقية الاعبين متل هدف بلال قويدر وبلال قويدر هو من افتتح التهديف وصنع الهدف الثاني بحرفية والرابع اوربي ومن تابع مباراة استراليا يعرف انا بلال تعرض لقطع امداد متعمد من الاعبين !!!!!!!!!!!!!!!!!!!!!!!

يعني اذا سجل هدف حلو صار لاعب اوروبي .. مهي كل اهداف اللاعبين بتيجي ضربة حظ والله اعلم كيف بتدخل الطابه بين الخشبات الثلاث ..

احكوا حكي منطقي

[AHMAD-abuOmar]

الاداره والله دمرتنا

ليش ما وقعو مع اللاعبين وليش اتاخرت الاداره بالتوقيع مع ان اللاعبين كانو بانتظار التوقيع على احر من الجمر