رأفت يرمي بالشارة على الأرض

[العورتاني]

ما قصدته أخي من الموضوع هو أنه أصبح الوحدات بلا هيبة وعدم احترام لا لمدرب ولا لجماهير ..من لعيبة بتحرد وغياب لمدير النشاط وإداري للفريق وإدارة ترتجل القرارات وتصريحات لأعضاء دون الرجوع لمجلس الإدارة........يعني طاسة وضايعة

اكيد لما بعض اللعيبه يكون الها ناس بتدعمها
بتصير تتفرعن وهذا الي بصير حاليا
بعملوا الي بدهم اياه وما بصير اشي

بتعرف شغله
عامر ذيب ورافت العقد الي عرضوا عليه اتوقع كان نفس الشي
بس الي خلى عامر يعتبر خائن ومادي لانه كان موعود تحت الطاوله وما اخذ

للعلم لا تفكر انه رافت لو اخذ نفس العقد كان قبل
بس لانه فيه ناس من برا النادي بدفعوله لما يضل بالوحدات عشان هيك وقع
وهيك صار قدام الجمهور انه عامر مادي ورافت مش مادي

[Alkhatib]

مع كل احترامي لك رافت رمها بشكل عادي ولم يكن يقصد بها شي

ولك مني كل الإحترام ....بس أنا لم أطّلع على نيته ولم يخبرني ماذا يقصد برميه الشارة!
وهل أنا قلت أنه رماها بشكل غير عادي وما قصدك أنه رماها بشكل عادي؟

[العورتاني]

مع كل احترامي لك رافت رمها بشكل عادي ولم يكن يقصد بها شي

ولما صار يسب وطلعت على التلفزيون كان الامر عادي
ولما دعس على كل الوحدات قدام رئيس النادي بعد انتهاء المباراة بغرفه الغيار ايام مزيان هذا كمان عادي

شو الي مش عادي بالنسبة الك ليكون مهين لنادي الوحدات

[وحداتي نت]

احكيها بصراحة رأفت علي كان من افضل اللاعبين البارحة ويد واحدة لا تصفق الفريق بحالة ترهل كاملة لم يجد من يصنع فرص لاشباه لاعبين
اسألكم اذا كان رأفت علي كبير في السن لما لم تلومو عبدالله ذيب وحسن عبدالفتاح اين كانو هؤلاء اللاعبين انا بصراحة لو كنت مكان رأفت اصلا برفض التغيير وما بطلع من الملعب لانو كان هناك اجدى بخروج حسن الذي اضاع انفراد لا يضيعه هاو بكرة القدم لكن لاعبينا للاسف همهم كل بداية موسم وين يلاقو فرصة يحترفو فيها ويخلصو من هالنادي

[وحداتي نت]

اكيد لما بعض اللعيبه يكون الها ناس بتدعمها
بتصير تتفرعن وهذا الي بصير حاليا
بعملوا الي بدهم اياه وما بصير اشي

بتعرف شغله
عامر ذيب ورافت العقد الي عرضوا عليه اتوقع كان نفس الشي
بس الي خلى عامر يعتبر خائن ومادي لانه كان موعود تحت الطاوله وما اخذ

للعلم لا تفكر انه رافت لو اخذ نفس العقد كان قبل
بس لانه فيه ناس من برا النادي بدفعوله لما يضل بالوحدات عشان هيك وقع
وهيك صار قدام الجمهور انه عامر مادي ورافت مش مادي

لا يا سيدي كلامك مو مزبوط وحتى لو رمى الشارة شو يعني هي باقية راية الجهاد هو انقهر وانا كمان لانو رافت كان افضل من كل اشباه اللاعبين الي بسمو حالهم لاعبين دوليين بكفي انو بالعمر هاد وقادر يجاري لاعبين شباب لكن اي حسن عبدالفتاح وعبد الله ذيب ماذا فعلو البارحة

[AHMAD-abuOmar]

لازم نتاكد

[وحداتي نت]

ولما صار يسب وطلعت على التلفزيون كان الامر عادي
ولما دعس على كل الوحدات قدام رئيس النادي بعد انتهاء المباراة بغرفه الغيار ايام مزيان هذا كمان عادي

شو الي مش عادي بالنسبة الك ليكون مهين لنادي الوحدات

ما بعرف هو في لاعب بالعالم ما بسب وبالله عليك هو ايام مزيان كان في فريق اصلا وبعدين لماذا رأفت كان ايام دراجان نجم ومنضبط والان لا لانو شخصية المدرب بتحكم الفريق انا للاسف الي بشجع الوحدات من عام 88 نفسي مدرب يكمل موسمين مع النادي وراجعو التاريخ وشوفو للاسف اقولها ان الاستقرار التدريبي هو اساس النجاح الفيصلي خاضو تجربة مع مظهر السعيد وكانت ناجحة والان اعادوها مع راتب العوضات لكن نحن يأتينا مدرب مثل دراجان يوفوز بكل الالقاب ويفوز باغلب مباراياته ببطولة قارية وندخل نادي المئة العالمي هل هذا مدرب يفرط به اي اذا هو طلب الف بعطيه الفين لكن هذا النادي الذي يمنع ان يرأسه رئيس نادي لاكثر من دورتين صعب ان ينجح الا بالاستقرار التدريبي والاعتماد على ابناء النادي لانو اعارة ابناء النادي وجلب محترفين ما الهم دخل بالكرة لن ننجح

[al nubany]

انا كنت في الملعب وشفت الحادثه نعم رأفت رمي الشاره بس ممكن من غير قصد
وبعدين الذي مسك الشاره بلال مش حسن

يا لورد حضرتك لجنة اعلامية يعني اي مشاركة لك تحت اسمك او تحت اسم اللجنة موثوق بها بشكل كبير

لما بدك تحكي بقصة صارت احكي الصح من غير لف و دوران عشان المصداقية لا غير يا صديقي

[ALaa AL LORDDD]

على الرغم انها لم تظهر على شاشة التلفاز ولكن قرأتها باحد الجرائد ولا استبعدها بصراحة عن رأفت


النصيحة كانت بجمل ونصحنا رأفت من البداية ان يعتزل حفاظا على تاريخه

ولكن للاسف رأفت يقدم اسوأ مواسمه بالاداء والسلوك

هي انت حكيتها قرأتها في الجرائد يعني كيف بدك الجرائد ما تالف على رافت علي وهو حارق دم الكل في هلبلد
والى بحكي عن رافت مبارح كان كان تعبان يحكيلي حدا كان منيح في المباراه كل الاعبين اعطيني اسم بس الكل كان ماكل هوا يعني الشغله مش واقفه على رافت يعني هسه احنا في وضع لا يتحمل اي كلام فاضي نسيب المشكله الاهم وهي الاداره وتخبيصها واهم انو ما في اي طريقه لخروجهم من النادي لو هبط الوحدات للدرجه الثانيه هم موجودين خاوه ونمسك في الاعبيين الى مش طالع في ايدهم اشي زيهم زينا لا لسه احنا بتقدر نعترض هم الى بفتح تمه بضيع رافت للناس الى مش حابه وجوده اخر موسم له في الوحدات بس انا كنت حابب من بعض الجمهور الى بهاجم رافت انو يتذكر تاريخه مع الوحدات ويتذكر انو اكثر لاعب شعبيه في تاريخ الاردن الوحدات مع هيك اداره ضايع ضايع خلينا على اقل تقدير ما نلبس رافت القصه كلها ما نترك ............ونتشاطر على البر............

[وحداتي للحظة مماتي]

لا شفتها بالملعب انا و حسن ما لحق يوصلها لشلباية الا و انصاب ووقع ع الارض
حاليا....مبرووووك لكل من سحج لرأفت و سيبقى يسحج لرأفت

[الصعوب]

لا حول ولا قوه آلا بآلله
آحنآ هيك آذآ شفنآ غلط بسيط على لاعب ننسى كل آشي مميز قدمه لفريقه
شو فيهآ آذآ رمى شآره آلكآبتن على آلارض آكيد كآن كتير متضآيق من آلنتيجه ومبده يطلع بدون ميعمل شي
آنآ كنت بآلبيت وبدي آنفجر من آلادآء وآلخسآره كيف هو

[yazan almahseri]

رأفت كبير بس الفاشل براكو يتخبط بالتبديلات ويا ريت اللي ما كان بالملعب ما يحكي كثير وقليل برانكو ببدل ع حسب مزاج الجمهـور واصواتهم اول اشي بدل تبديلين وكينا امر الله ، بعدين الدليل انه براكو فاااااااااااااااشل كروياً ويمشي على حسب امزجه الناس والخوف بادي عليه من غضب الجمهـور بعد دقيقتين من تبديله الأول الجمهـور صب جام غضبه وصار ينادي ابو عمااااااااااااره وصار يأشر لابو عمارة تعال ابو عمارة ظن ان المدرب اللي ناداه وحيات ربنا ع شوف عيني هالحكي صار المدرب لم يخيب ظنه وأمر بتبديل رأفت مدرب اهوج وارعن مثل هذ1 المدرب لا يشعر بحجم المسؤوليه الملقاه على عاتقه بنرفز وبحرق الدم رأفت ذ1بح حاله بنص الملعب وبقله يلا ع البنش خلص بكفيك خلينا نجرب ما هو ابن المحترمه مفكر انه الوحدات مكان للتجربه خلانا فأر تاجارب ابن هالحرام ي عمي اللي بشوف مش زي اللي بسمع

[وحداتي للحظة مماتي]

لا حول ولا قوه آلا بآلله
آحنآ هيك آذآ شفنآ غلط بسيط على لاعب ننسى كل آشي مميز قدمه لفريقه
شو فيهآ آذآ رمى شآره آلكآبتن على آلارض آكيد كآن كتير متضآيق من آلنتيجه ومبده يطلع بدون ميعمل شي
آنآ كنت بآلبيت وبدي آنفجر من آلادآء وآلخسآره كيف هو

دخلك رأفت من عودتهـ من الكويتـ شو قدم للوحدات؟؟؟؟
لقاء الفيشلي هو الوحيد اللي كان منيح و بيضها معنا بطرد و غياب 6 لقاءات

[هشام الحوت]

يعني مو غريبه عليه انسان عصبي بدون داعي ما بيعجبه يتبدل ما بيعجبه العجب مختصره

[mahmouddubai]

لا ما رماها يا ناس بكفي فتنه

بدكم تخربوها وتقعدو على تلها
المشكلة واحده وبلاش نصير نفسد بين بعض
ما حدا يرد على كل شي بنحكى

لا يا حبيبي رماها في الملعب على مرأى من من الجماهير الحاضرة و أنا منهم
و مش بس هيك ظل بعد التبديل و بعد ما غير ملابسه ظل يجي يتفلت و يهدد من بره الملعب مش عارف لمين بس شكله يا للحكم يا لواحد من لعيبة العربي