الوحدات يهان،جمهوره يشتم رئيسه ويصفه بالحرامي ،وكواليس في غاية الخطورة نكشفها لكم

[صمت البشر]

شكرا شكرا شكرا لك على المعلومات الرائعه والف تحيه للأبطال

[قدومي]

جمهورنا صار زي جمهور الفيصلي
و الله زعلت كثير اليوم مع اني بدي البياري و برانكو يروحوا اليوم قبل بكره بس مش هيك ابدا

[Ammar Wahdan]

اسألكم بالله هاد عضو الادارة اللي عامل كل هالمصايب عند ذرة انتماء للنادي


حسبي الله ونعم الوكيل

[MKMHYH]

بالرغم من وجود بعض الإنتقادات للمدرب
إلا أنني أتفق معك في كل ما تفضلت به
فهذا ليست من شيم جمهور الوحدات
الكواليس هذه حقيقية وما خفي أعظم
والحمد لله على استمرار النادي بعطاءه الكبير منذ سنوات إلى الآن
بالرغم من وجود تلك الآفات وضياع الأمانة بهذا الشكل

[sabri]

كلام موزون ورائع و في وقته ،،،،، ارحموا الوحدات !!!!
معا للإصلاح ليس للتدمير فنحن الجمهور المثالي

[al nubany]

انا واحد من اللي سب على البياري و على برانكو المدرب و الاداري اذا ما بستحق تمثيل نادي بحجم الوحدات ينصرف بره مش ناقصنا عاهات

[عبد الناصر العجوري]

لم اكن يوماً مشدوداً للبياري ولم اكن يوماً معجباً به كثيراً ،،،
ولكن سيء جداً ان ينقاد جمهور الوحدات وراء فئة مندسة تديرها اصابع ليست بالخفية ازعجها انها لم تحضصل على مكافأة وحردت عن المدرجات فصارت تتخبط يمناً وشمالاً !!!!!!
غريب امر الجماهير _جماهير الوحدات_ من متى تقاد الجماهير وتنساق !!!؟؟

لله دركم

[عبد الناصر العجوري]

اسألكم بالله هاد عضو الادارة اللي عامل كل هالمصايب عند ذرة انتماء للنادي


حسبي الله ونعم الوكيل

هو يحب الوحدات ،،،، لا جدال في ذلك ،،،،، ومن شدة حبه له لا يرى نجاحاته الا بوجوده هو ذاته على رأس الهرم

[halima006]

والله الرواتب الي بتندفعلو حرام في وهدا المدرب لا يفقه شيئا ولا يصلح واحنا ما منا مدرب عينو ا واحد من ابناء النادي وفرو بس لا دافعو عن واحد فاشل بعدين هاي الاخبار ليش بتطلع هلا حتى اندفاع عن برانكو احنا ضد اي واحد بخرب الوحدات بس برضو منفهم كرة قدم وهدا مدرب فاشل فاشل فاشل

[bilaldarwish]

حسبي الله ونعم الوكيل

[أبو وليد اللورد]

عضو مجلس اداره بده نخسر بقرار اتحادي عشان ينبسط والجمهور تتغني فيه اصبح معروف لدينا

[moha.nofal]

بس قبل ما اي حد يحكي انو اللي كانو يحكو عالمدرجات بس شغل كولسات وفئة مندسة

انا اللي شفتهم كانو يطالبو جماهير من الناس اللي ما بتطلع من الملعب دايما موجودة وقت اصابة الياس الجمهور انزعج من برانكو اجى حكى واحد منهم انسو الموضوع خلونا نشجع الوحدات
بس بصراحة الواحد انضغط باخر المباراة الاداء مش ولا بد وشوي خسرنا وبرانكو لازم يطيرحن
طبعا اكيد نحن ضد الاساءة لشخص بعينة مع اني في احد الهتافات شاركت بس بصراحة نادم على اساءة لشخص نعم نريد ان يذهب لكن يجب ان يكون بدون شتم

[مالك]

ياحيف بس على عضو هيك ادارة بيعمل لغير مصلحة الوحدات وبكون ضمن الكادر الاداري لغاية الآن !!!
بالنسبة للجمهور اكاد اجزم ان طارق خوري له ضلع بتحريك رابطة المشجعين للهتاف باسمه ضد البياري
بالنسبة للادارة اثبتت فشلها وبامتياز..لكن انا ضد ان يتم التعامل معها بهذه الطريق الانتخابية
بالنسبة لبرانكو دعني اخالفك ..نرتاح منه هسة قبل ماتوقع الفاس بالراس
احكيلي مباراة وحدة لعبها بتكتيك صحيح؟؟؟!!
انا معك انه مع هيك ادارة وبهيك اجواء لامورينيو ولا غوارديولا ممكن ما بيقدروا يعملوا شئ لكن لمتى رح نبقى نبكي على الاطلال؟؟ بس يروح منا كل شئ للسنة الثانية على التوالي
صدقني افضل حل الاستغناء عنه والتعاقد مع محمد عمر هو افضل

لكني اتفق معك بآخر نقطة ما بهمنا لابرانكو ولا البياري ولا حتى طارق ولا هذا العضو الاداري مين ماكان يكون لكن الي بهمنا الوحدات والوحدات فقط لاغير

[أبو وليد اللورد]

المشكله هل الاداريبتلقي علي المنصه

[al nubany]

يا اخوان مش معقول هذا الكلام يعني انا بختلف مع ابو سامي كثير و انا بجوز اول واحد غلط في المباراة هل من المعقول ان يكون طارق خوري قال لي اسب و اعمل هيك