ظلم ذوي القربى أشد مرارةً .... شكرًا عامر ذيب

[أسامة العباسي]

ماشي ماشي

ما فهمت عليك ....؟!!
بتسايرني على اساس انو انت قديم هون يعني
مش خارط مشطك الموضوع و لا خارط مشطك عامر ....حقك لا ترد
بس بترجاك لا ترد علي بهاد الاسلوب لأنو مش ولد صغير أنا بتاخدني على قد عقلي
و شكرًا

[أسامة العباسي]

عامر اختار مصيره بأيده وبتمنى من اعضاء المنتدى انه ما يفتحوا سيرت عامر ذيب
حسستوني انكم مهتمين فيه زياده عن اللزوم وانه النادي واقف عليه بس
الوحدات اكبر من هيك بروح واحد بيجي عشره بداله

والله يا ياسمين مش انو النادي واقف عليه
بس نوع من انواع عدم هضم الحقوق او تقليل من تاريخ اللاعب

أكيد الوحدات اكبر من جميع اللاعبين و من جميع الإداريين

شكرًا لك

[أسامة العباسي]

عامر اللهم لا حسد وضعه المالي ممتاز
صفقة الفريق الاماراتي كانت مميزة
و ايضا صفقة الفيصلي السعودي تحصل على 300 الف دولار

و ايضا الوحدات كان راح يدفعله 30 الف دولار

مش منطق اني ابيع جماهيريه نادي كبير مثل الوحدات مقابل 10 الاف
لانه ال10 الاف بيحصلهم مكافآت فوز و بدل سفر الى مباريات الاتحاد الاسيوي و من تبرعات الجماهير للاعبي الاخضر


الي باعك بيعه و اللع معاه و القلب داعيله
هان نفسه لما وقع لليرموك لانه راح ينافس عالهبوط

على راسي انت يا ابو شريف
كلامك مزبوط مش منطق او فش منطق من الأساس انو يروح عاليرموك
شو رائيك .... ممكن حس حاله مش قد الوحدات في الايام الجاي فاختصر
لأنو اذا المصاري مش هل الفرق ليش يروح يتعتسس حالو على اخر عمره؟!

شكرًا على المرور و الرد الراقي

[أسامة العباسي]

لاعب بطل من لاعبين الوحدات اخد اكبر من حجمو ياريت نركز على لاعبينا موجودين نحمسهم ونوقف معهم
احسن ما ضل نحكي عن عامر مش رح يفيدنا في ايشي

حاضر يا وحداتية
بوعدك اكتب موضوع حماسي لشبابنا الموجودين
بس شبابنا بتفرجوا على نجومنا السابقين و بقيسوا على حالهم
بقللك اذا عامر ديب بعد كل اللي عملوا للوحدات عشان سوء تقدير انقلب عليه ابدي
اكيد راح يخاف و يضل مواغواش

ربنا يجيب الخير و شكرًا على المرور

[أسامة العباسي]

اخي الكريم بنحترم رأيك و بنحطه على الراس بس خلص موضوع عامر انتهى و الله معه ليش واجعين راسنا بموضوعه بس في سؤال محيرني عامر لو فرضنا انه ما قدم الي متوقع منه مع اليرموك هل اليرموك راح يجدد اله ب 40 الف و ان ما جدد اله هل بتوقع انه راح ترضى الجماهير الوحداتية انه يرجع و يوخذ مكان لاعب شب صحيح انه سؤال مستقبلي بس لازم يعرف انه كل اشي انتهى و بتمنى انه خلص ننسى موضوع عامر و نبلش نركز على دعم نادي ورفع من همة لاعبينا

هلا يا ليث و شكرًا لذوقك
موضوع انتهى صحيح بس مش غلط نتعلم منه
الجميع يستفيد من إدارة الى لاعبين نجوم الى لاعبين بعمر الورد الى جماهير
جواب سؤالك: اكيد مش راح يجددله هذا اذا دفعله من الاصل و اكيد مش راح يرجع للوحدات ....
ملوش مطرح بهداك الوقت

شكرا

[أسامة العباسي]

و منتدى الرياضة المحلية لويش مفتوح يا اخوان؟!

عشان حشونة و راتب الادوات يا معلم

لا تحسسوني يا جماعة أني كفرت أني كتبت هون ... عامر طول عمره وحداتي حتى لو بهدل حاله الله يسامحه على اخر عمره

بدنا فيديو جديد اجتماع ساخن يا حب
و مش غلط تجيب سيرة الطلياني الزينغا

استمر بابداعك

[أسامة العباسي]

أنا مع احتراف لاعبي الوحدات وإلـــى أي وجهة كانت
ولكن ضد ما فعله عامر الذي كان ذيبا يوما ما ..
ليس لشيء الا لانه أعطى وعد لجمهور الوحدات بالعودة
ونسي أن وعد الحر ديـــن
كذلك التستر على موضوع إحترافه الى ما قبل التوقيع بأيام قليلة ما كان الا لانه يعلم أنه لا يخطو خطوة سليمة في علاقته بالجمهور مع ذلك مضى ... وتناسى جماهيره التي تغنت بإسمه وصبرت على تراجع مستواه أملا في عودته ذيبا كما كان .. إلا أنه أصر الابتعاد .. !
فلــه ما إختار ولكن ليعلم أن لا مكان له بين الوحداتية .. ليس لشيء غلا لإنه خذلنا
مع ذلك أنا مع إحتراف اي لاعب وحداتي ولكن وجهة نظري الخاصة في موضوع عامر ذيب طرحتها ولكم حرية الرد
وشكرا

رد راقي ما شاء الله

انت زلمة حقاني و كلامك عن عامر و غيره في منو
عامر خذل محبينه و خذل حاله يمكن
الله يسهل عليه

شكرا

[أسامة العباسي]

الله يعطيك العافية اخي الكريم

ولكن الان عامر ذيب حسمت اموره وهو خارج اسوار الوحدات
لنهتم بأمور نادينا ولنترك كل منا يحتفظ برأيه الشخصي بالنسبة للذيب
فهو لن يزيد ولن ينقص منه ،،،،، نادينا الان بحاجة لنا ويجب علينا الالتفاف حوله هذه الفترة

بأمرك أنا يا عم عمار
و كلامك عن الالتفاف حول نادينا الان هو قمة تحمل المسؤولية

نتمنى إدارة و لاعبين و جمهور نكون قد التحدي

شكرًا للمشاركة

[أسامة العباسي]

القناعة كنز لايفنى
وسيبقى أسم الوحدات عاليا عاليا عاليا

هم ذهبوا وهم سيذهبوا
ويبقى الوحدات ماحيينا بقلوب ووجدان جماهيره الوفيه

درر يا وليد

شكرًا على هالكلامات اللي في الصميم

[أسامة العباسي]

اخ اسامه ممكن اعرف ليش عامر كان يعيط ويصرخ في الفيديو انتظر الاجابه

والله يا صديقي لا املك الاجابة الدقيقة لسؤالك
بس اعتقد مستوى عامر بتلك المبارة كان سيء و بدله المدرب
شوف لنا واحد من الشباب العتاعيت يجاوب ...

[CaT]

مش مهم مين عامر

المهم الوحدات

رغم كل المصايب اللي صارت من لاعبي الوحدات من هروب و احتراف بطرق غير شرعية

الا الحق يقال : انا ضد انو يرجعوا بالشكل هذا لانهم ما احترموا قلعه الوحدات

اذا بحب الوحدات و بعشق جماهير الوحدات : لازم كل شي يصير عن طريق الوحدات

مع احترامي ل رافت علي و عبدالله ذيب و عامر ذيب و غير القصص اللي راح تصير خلال السنوات الجاي

اذا عشنا و الله اعلم

[براء صبرة]

عامر كان لاعب وحداتي والآن هو لاعب في نادي آخر فقط ....

[أسامة العباسي]

مش مهم مين عامر

المهم الوحدات

رغم كل المصايب اللي صارت من لاعبي الوحدات من هروب و احتراف بطرق غير شرعية

الا الحق يقال : انا ضد انو يرجعوا بالشكل هذا لانهم ما احترموا قلعه الوحدات

اذا بحب الوحدات و بعشق جماهير الوحدات : لازم كل شي يصير عن طريق الوحدات

مع احترامي ل رافت علي و عبدالله ذيب و عامر ذيب و غير القصص اللي راح تصير خلال السنوات الجاي

اذا عشنا و الله اعلم

اذا بحب الوحدات و بعشق جماهير الوحدات : لازم كل شي يصير عن طريق الوحدات

كلام كبير من أخ كبير بس بدك ميين يفهم.....

و إن شاء الله بتعيش و بتشوف الوحدات في بطولة القارات

محبتي

[أسامة العباسي]

عامر كان لاعب وحداتي والآن هو لاعب في نادي آخر فقط ....

كلام سليم 100%

شكرا على المرور و التعليق أخي براء

[اللداوي]

عامر صار جزء من الماضي ربي يوفقه ويسعده
لازم نفكر هسه كيف نقدر نخدم نادينا وما نظل واقفين على الاطلال فلان فرحنا وفلان عنده انتماء وفلان مش عارف شو
هم يذهبوا بحسناتهم وسيئاتهم اما الوحدات ف باقي الى ان يشاء الله