::::: تلولح يا ملولح:::::

[سفيان أبوشنب]

الديمقراطية هي الديمقراطية

[مواطن عربي]

بتعرف يا مواطن عربي المشكلة مش بالادارة المشكلة فينا احنا الجماهير الي شايفين الجهله بقود النادي الى الهاوية واحنا بنحكي من خلف الشاشات فقط ولما حكو الاخوان بدنا نسقط الادارة الكل من خلف الشاشات فزع لدرجه اني حكيت اكيد رح اعضاء الادارة يحلقو من النادي بس للاسف جمهورنا صوت فقط ومن خلف الشاشات والكيبورد جمهور يقدر بالالف وغير قادر على الاطاحة بأعضاء الادارة المكونه من 11 شخص الديموقراطية المفروض الجمهور يفرضها على الادارة والتغير لازم يكون بأيدي جمهور الوحدات بس للأسف ما بنقدر على التغير وبدنا نتحمل فترة انجازات الفيصلي بعهد فهد البياري

ابو صلاح ...

والله كلامك صح نحن جزء كبير واساسي من المشكلة ..على القليلة لانو مش عارفيم نحل المشكلة ..

حتى احنا بطلنا نعرف شو بدنا ... هو احنا بدنا بطولات .. ولا بدنا دمقراطية .. ولا بدنا خوري ولا بدنا سامي السيد .. ولا بدنا يصيرلنا 40 موقع الكتروني.. ولا بدنا نصير مشرفين .. الخ

والي بدو عضوية ..وبدو الفصلاوية يصيرو يقدرو يوخذو عضوية بنادينا ... والي بدو يعملو لمه لصاحبو ويحكي باسم جماهير الوحدات ...الخ

احنا تايهين.. ولعلمك بظن الي الو سلطة بالنادي مركن وعارف قديه احنا تايهين .. وبشويه هزة ذنب منلين..

الله بعين

[مواطن عربي]

الديمقراطية موجودة في كل مكان لكنها مميعة يا مواطن و يتم قراءة حروفها حسب فكر و مفاهيم الفرد نفسه

l100%
ورأي من رأيك .. ولعلمك هاي من اهم اسباب الخلافات بواقعنا ومجتمعاتنا العربية

[مواطن عربي]

أخي المواطن الكريم

أنا مريت من هنا .. لذلك وجب عليَ أن أرد لك الشكر والتقدير والاحترام ..

وأن أهمس بصدق للسيد مدير النشاط : حتى وإن أجبرتك الديمقراطية على الاستماع للحمقى ، فإن في هذه الديمقراطيات " الفارغة " ما يجدر بك أن تأخذ به .. لأن " الدكتاتور " الحكيم تغيب عنه -أحيانًا - ضالتُه .. فيأخذ الحكمة من أفواه " الحمقى " ...

على راسي جمال .كلك زوق وكل الاحترام الك..

وان شاء الله مدير النشاط يقرأ ردك ويوخذ بهمستك.. بالنهاية هدفي وهدفك وهدف مدير النشاط هو الوحدات ومصلحة الوحدات ..

[mazen al naser]

الديمقراطية ولا عمرهم سمعوا فيها الاداره للأسف
الا عند مدير النشاط .
مش عارف مدير النشاط بقلهم كل شي انا بتحمله وعلى مسؤوليتي
لويش حبوا يطبقوا الديمقراطية على وقته الله أعلم !!!
على كل حال لا جماعة الـــ6 ولا جماعة الـــ5 نافعين دون استنثاء
دمروا النادي

[ابو راجح]

أخي المواطن الكريم

أنا مريت من هنا .. لذلك وجب عليَ أن أرد لك الشكر والتقدير والاحترام ..

وأن أهمس بصدق للسيد مدير النشاط : حتى وإن أجبرتك الديمقراطية على الاستماع للحمقى ، فإن في هذه الديمقراطيات " الفارغة " ما يجدر بك أن تأخذ به .. لأن " الدكتاتور " الحكيم تغيب عنه -أحيانًا - ضالتُه .. فيأخذ الحكمة من أفواه " الحمقى " ...

المشكله يا ابو احمد اننا اصبحنا نحترم الحمقى ونظلم اصحاب الانجازات وحتى هنا يا عزيزي لا نجد الديموقراطيه واصبح الموقع لتصفية الحسابات
خذ راحتك يا ابو احمد موقعكو يا حج

[مواطن عربي]

الديمقراطية ولا عمرهم سمعوا فيها الاداره للأسف
الا عند مدير النشاط .
مش عارف مدير النشاط بقلهم كل شي انا بتحمله وعلى مسؤوليتي
لويش حبوا يطبقوا الديمقراطية على وقته الله أعلم !!!
على كل حال لا جماعة الـــ6 ولا جماعة الـــ5 نافعين دون استنثاء
دمروا النادي

المشكله مش مشكله مدرب صدقا ..

انا الي مزعلني اعطوه صلاحيات .. وبينوا انهم ديمقراطيين .. ومارسو الدكتاتوريه باول قرار طالب به مدير النشاط

خليها على الله ..

[يحيى الحلو]

بالنسبة انه الموضوع عن الديمقراطيه...!!

تطبيق الديمقراطيه بالوطن العربي بشكل عام كمن يطبقها في مستشفى مجانين يأخذ برأي الأغلبيه والأغلبيه مجانين.

[يحيى الحلو]

مواطن عربي لايظهر الى في اوقات هزات الغربال..

[أبومصعب]

حاسك مبسوط .. شكلو الوحدات ماخذ كأس الاتحاد الاسيوي ...

عجبي

لا والله يا أخي مش مبسوط ؟؟؟ بالعكس تماما مقهووووووووووور
واللي بقهر أكثر إنه مدير النشاط يا بمشي كلامه يا بكون فش ديموقراطية، أنا معك إنه لازم يعطوه كامل الصلاحية، لكن الوضع المالي للنادي مزري، وما بتحمل مغامرات, وأكرم سلمان مش هو الحل اللي بشجع على اتخاذ هكذا قرار. ولا تنسى إنه برانكو نفسه كان هو المطلب الرئيسي لطارق.
يا رجل يجب على الجميع وأولهم طارق التفكير بإنقاذ الوحدات وليس إغراقه بالمزيد من الديون.
هل قرأت ما كتبه الأخ أبو اليزيد، ليت رجال إدارتنا يملكون مثل هذا الفكر الذي طرحه في موضوعه.

[jamal nashwan]

المشكله يا ابو احمد اننا اصبحنا نحترم الحمقى ونظلم اصحاب الانجازات وحتى هنا يا عزيزي لا نجد الديموقراطيه واصبح الموقع لتصفية الحسابات
خذ راحتك يا ابو احمد موقعكو يا حج

ما أرجوه والله يا " أبو راجح " .. أن يثوب الحمقى لرشدهم بعد أن يصفوا النية كي نحترمهم بحق ..

وما أتمناه .. ان ينصهر الأحمق والرشيد في سبيل المصلحة !! فيسمو الأحمق بعقلانية وفكر الرشيد ، ويقوى الرشيد بدعم ومؤازرة الأحمق ..

أما أننا لا نجد الديمقراطية هنا كما تقول يا عزيزي .. فأنت أعلم مني بذلك يا " أبو راجح " .. فأنا لا أرى خلافًا هنا أو تخاصمًا ولا تنافسًا أو تناحرًا ، وبالتالي من أين تأتي تصفية الحسابات ؟؟

ما أراه هنا اختلافًا في وجهات نظر عديدة وعلى كثير من " الوحدات " والوحدات فقط !! .. لكن في النهاية ..
الموقع هو موقعي وموقعك وموقعنا كلنا " الوحدات . نت " للجميع ..

[ابو راجح]

الموقع هو موقعي وموقعك وموقعنا كلنا " الوحدات . نت " للجميع ..

المقصود ابو احمد زبديه لذلك اقتضى التنويه

[أبو محمد المدني]

الله يكون بعون الختيار والزبديه .... مش عارفين من مين ومن مين يلقوها .... إلي بزعل وبحرد وإلي بنتقد وبفكح وإلي بتصل تلفونات بزملائه وبشنع فيهم ... وإلي بجند وبحرض جماعته وزمرته .... وإلي بحملهم جمايل بعمله ... وإلي بعرفش يكتب كلمتين بدون أخطاء إملائيه وبده يصير مشرف ... لا إله الا الله ....
عدوى وباء الاداره الفاشله للنادي إنتقلت هنا للأسف !!!!!!!

[Loai Al-Hajjaj]

إلي ثلاثة أيام متابع للموضوع و قرأت كافة الردود

باختصار يا مواطن

أصبح عندي شبه قناعة بأن نادي الوحدات أصبح مقر و " مرتع " للفاشلين ... سواء لاعبين أو إدارة أو مدرب

الفاشل بستمر ... و الناجح ... بطلع برا النادي أو بتم " تحجيمو "

و الأمثلة كثيرة
اللاعبين المحترفين الناجحين ..تم إنهاء عقودهم ... و المدربين الناجحين تم إنهاء عقودهم

و اللاعبين الفاشلين بتم التجديد معاهم أو التعاقد مع فاشلين جدد .. و نفس الشي المدربين...

كل هذا نتيجة القرارات الفردية .. " و عدم وجود الديمقراطية " كلهم بشتغلوا بنظام الفزعة ... شمّر عن ذراعك و سولف

للأسف ما زال الكثيرين مش مقتنعين بأن طارق خوري هو الأفضل .. لأنهم بطلّعوا على طارق كشخص و إسم فقط .. و ليس كإنجازات و تاريخ رائع

و أكثر شي أعجبني ...

" أسوأ شي في الديمقراطية بأنها تجبرك الإستماع للحمقى "

و تحياتي لك

[براء صبرة]

كنى نتمنى يا مواطن بقاء طارق خوري في ادارة النشاط حتى لو بقي برانكو كان عليه ان يبقى ليبرهن للجميع انه مع الوحدات في جميع الاحوال سواء مع برانكو اوبدونه .....