عقود اللاعبين ,,, ازمة تلوح بالأفق

[رائد براهمه]

للأسف لو تم حساب هذه اللحظه لما وصلنا هنا .... صفقه واحده من الصفقات الفاشله كانت كفيله بحل مشكلة 5 لاعبين على الاقل ....
لاعب خمسون ألف ولاعب ستون ألف من لاعبين النادي وعامر ذيب طالب ستون ألف .... كيف وصلنا لهذه المبالغ في دوري ينال بطله ثمانون ألف ....
أتمنى أن تدفع العقود السابقه وأن يتخذوا خطوه صعبه بحيث يكون اللعب هذه السنه بدون مقدم عقود وبراتب شهري فقط والتركيز على الناشئين .

س1مالحلول التي تخفض قيمة اللاعب برأيك ؟
س2 : لماذا هذه المبالغة ؟
س3 : هل تؤيد رأيي بوضع حد لدعم النادى؟
س4= هل كرة القدم تتطورت بلاحتراف






1- الحل هو وضع سقف محدد من لجنة الإحتراف لعقود انتقال اللاعبين المحليين على الإقل .. ،

افضل لاعب اردنى لايستحق أكثر من 20 الف دينار.
الزبدة ، لا تطبق آخــــر خطوات الاحتراف ،وا حنا ما عنا
اساسيات و ابجديات الاحتراف ..

وانا معك بكل حرف انت كتبتة وتحياتى

[ahmad.soriky]

بالبداية ان شاء الله بتنفك ازمة النادي و بتنفك ازمة اللاعبين جميعنا يعلم صعوبة الحياة

ولكن من اراد الخروج فالله معه .... مش زي السنة الماضية لاخر يومين و النادي بيترجى بنص اللعيبة توقع

و النص الثاني يسكروا تلفوناتهم . أسوأ من هالسنة ما رح يصير

الوحدات بمن حضر ....

[رائد براهمه]

هذا ما تم التحذير منه من حوالي عام .....هذا الامر شان اداري بحت ..ليبحثوا عن حل تماما مثلما يبحثوا عن قواتهم المحمولة ....بدل ما يحضروا للانتخابات يتفضلوا ويحلوا المشكلة .....!!!!! العقود يجب ان تكون عادلة للجميع .....رافت علي حصل على اكبر عقد وهو في عمر ال37 سنة لماذا ؟؟؟؟ لان هناك خلل اداري ودلع بعض النجوم وطمع ايضا ......الحل ياتي من الجانبين والاهم السادة ادارة النادي ....

وأنا اشهد

تمنيت ان تمسك منصب بالنادى خاص بالاحتراف

[اللداوي]

والله صار نفسي اصير لاعب كرة قدم
والله مستعد اوقع عقد سنوي ب 5 الاف دينار شامل كل شي وضد الغير كمان
يجب على الاداره وضع سقف اعلى لعقود اللاعبين وصراحه يلي مو عاجبه في مليون نادي بالاردن يروح عليها
ونشوف اذا بفلح فيها والامثله كثيررررررررررررررررررررره

[ابو احمد 75]

تخبيصات ادارية وعليهم تحمل المسؤولية وخصوصا شلباية

بتوقيعه عقود فاشلة للمحترفيين ولرافت صاحب السن 37

[AHMAD-abuOmar]

لما زعلنا على التوقيع مع شلبايه ب 60 الف وهو 6 اشهر مصاب الكل زعل وهاجمنا

ولما اعترضنا على عودة رافت بمبلغ عالي الكل صار يحكي عن الانتماءات



يلا شيلو


خلي العواطف تنفعنا

خلو زياد شلبايه يدبر فلوس ولا هو بس بيوقع عقود وبيجيب لاعبين وبيخزوقنا وبعدين بيدير ظهره


حسبي الله ونعم الوكيل

10 الاف بالكثير لكل لاعب بالسنه والي مش عاجبه الله معه انا بلعب مكانه وببلاش

[مواطن عربي]

موضوع مهم جدا .. بعد تطبيق الاحتراف .. افتقد الوحدات الاحترافيه من خلال التعامل مع اللاعبين

ومع عقود اللاعبين .. وللاسف الشخص المسؤؤل كان غير مسؤؤل وكان بعيدا كل البعد عن الاحترافيه مع كامل الاحترام له

خلينا نحكي شوي بواقعيه .. ونحدد وين الخلل .. المشكله الاولى بمدير النشاط الذي لم يتحمل مسؤؤليته

المشكله الثانيه باللاعبين انفسهم .. البعض طبعا اصبح بعد الاحتراف قوي الجناح .. ويا ارض اشتدي ..

المشكله الثالثه حل الخطأ بخطأ اكبر .. او بخطأ اخر .. وجمهور عاطفي يمارس الضغوط من اجل لاعب ومصلحته متناسيا

مصلحه الوحدات الاهم .. وجمهور مقارانات ..


اسمحلي اطرح كم مثال بموضوع الاحتراف :

نيجي للعيبه المحترفين .. كينث + علي صلاح +وغيرهم كلفو خزينه النادي اكثر من 120 الف دولار لمده موسم فقط

وهو مبلغ كافي لحل مشكله نصف اللاعبين .. ومش هون المشكله ا .. المشكله انو لعيبتنا الموجودين افضل

ومن وجهه نظري الشخصيه اما ان يكون المحترف محترف بمعنى الكلمه او بلاه

ظهرت عنا مشكله بعض اللعيبه المحليين ولعل المشكله الابرز كانت مع رافت علي بالرغم من انه اكثر لاعب استفاد ماديا

من الوحدات + ترك الوحدات والذهاب الى الاحتراف وحصد المبلغ بالكامل لجيبتوا .. والنادي ما استفاد ..

بيجي زياد شلبايه بعطيه 60 الف دولار .. لاعب باخر عمره .. وراجع من احتراف بوخذ هيك مبلغ .. !!!!!!!!!!!!!!!!!!!! وابن نادي

طبعا بيجي هسا الجمهور بحكي حقو .. وبيصير يعمل مقارنه بالمصاري الي اندفعوا للمحترفين .. طيب المحترفين التعاقد معهم

كان غلط .. نيجي نغلط غلط ثاني مثلا ونزيد 60 الف مديونيه .. وكثير من الامثله

حل المشكله بدو يكون كالتالي .. واعتقد اعتبارا من الموسم القادم .. كلو بدو يتهيكل .. وكلو بدو يمشي زي ما بدو النادي

والي مش عاجبوا الله معو .. طبعا النادي مش راح يوكل حق حدا .. وراح يتعامل بعدل مع الجميع .. الاحترافيه مطلوبه

والعاطفه ممنوعه .. غير هيك بزبطش

همسه : كل واحد بدو يتحمل مسؤؤليه والي مش قدها يستقيل او يترك مجال لغيرو .. واتركو الخبز لخبازه

[شنلر]

سبق السيف العذل
الافضل عند توقيع العقود ربط قيمتها باحراز الالقاب كمتغيرات بدلا من المبالغ المقطوعة او نظام المكافأت المعمول به حاليا
فالموسم الحالي على سبيل المثال لم يقدم غالبية اللاعبين ما يشفع لهم بقيمة العقود الموقعة

[al nubany]

يعني مش شايف ولا واحد من يلي كانو بطالبو بدفع عقود مرتفعة للاعبين

[المارد الأخضر]

لا حول ولا قوة إلا بالله،،،

لا ادري إن كان يحق لي تحميل المسؤولية كاملة لمجلس الإدارة الذي لم نشهد له بصمة هذا الموسم،، بل على العكس كان له بصمة سلبية على الفريق والنادي وجر الامور إلى الهاوية إن صح التعبير،،،

مجلس الإدارة مطالب تحمل مسولياته والعمل على توفير موارد للنادي بالسرعة الممكنة،،،

[اليازوري]

الحل برأيي ....

سهل جدا جدا .. وهو وضع أكثر من لاعب على قائمة البيع والإعارة بحيث تتماشى هذه الخطوة مع عملية الاحلال والتبديل ، هكذا نكون قد وفرنا جذء من الأموال المطلوبة للاعبين ونكون قد خدمنا بعض اللاعبين ممن تعبوا من الجلوس على مقاعد الاحتياط والأهم هو ترفيع لاعبينا الشباب الى الفريق الأول كأساسيين .

[اياد الشملتي]

على ادارة النادي تأمين المبلغ او ترك النادي للأدارة القادرة على تأمين جميع العقود

[ابو عمار الجنيدي]

تكلفنا هذا الموسم مبالغ لا تقل عن 600 الف دولار لتوقيع عقود مع المحليين والخارجين وكلها عقود ليست صحيحه
وطالبنا منذ بداية الموسم بتقنين توقيع العقود مع الاجانب والمحليين ولكن سبحان الله لا عين رات ولا اذن سمعت
من وجهة نظري كلام ابو اليزيد وكلام مواطن عربي هو الحل الصحيح واللي بدو يلعب اهلا وسهلا واللي ما بدو برضه اهلا وسهلا
المشكله انه بعض جماهيرنا بتحكي بالعاطفه وتنسى النادي واذا لاعب شايف شوية اعجاب او حب من الجماهير بصير بدو يعمل حاله ميسي لانه الجمهور رح يطالب فيه والاداره رح توافق وحصل هذا مع اكثر من لاعب وبدون ذكر اسماء لان اسمائهم معروفه
الاداره ولجنة الاحتراف تتحمل المسؤوليه واللاعبون ايضا يتحملون المسؤوليه والجماهير تتحمل المسؤوليه
راجعوا المواضيع بهذا المنتدى قبل سنه بالزبط وشوفوا كم موضع طالب بعلي صلاح وتم التوقيع مع علي صلاح شو استفدنا وشوفوا كم موضوع طالب بعودة رافت من الكويت وعاد رافت ووقع بمبلغ كبير شو استفدنا شوفوا كم موضوع يطالب بمهاجمين ومدافعين ولاعب ارتكاز وقارنوها بالمواضيع اللي طالبت بالاهتمام بالشباب وترفيعهم
بالنهايه لن نقول الا حسبنا الله ونعم الوكيل بكل من يلعب بعواطف الجماهير ويلعب بمقدرات النادي
وحمى الله الوحدات من العابثين
وعلى فكره العابثين ليس فقط الاداريين ولكن هناك الكثير من العابثين

[أحمد الصادق]

المشكلة انه مافي حل جذري لهالمشكلة !

النادي يقتات عى فتات الاتحاد ،، وايجرات المحلات ، والدعم المادي ان وجد !

اضافة لذلك صفقات احترافية فاشلة سببها الادارة اودت بنا الى المجهول !!

لا حول ولا قوة الا بالله ..

[قدومي بحب شفيع]

رفع قيمة أي عقد
سيؤدي الى ارتفاع باقي العقود
**************
ولو كان هناك مسواه في العقود لما حصلت تلك الأزمة
ولو كان هناك مخطط لصرف موارد النادي واستغلالها بالشكل الأمثل لما حصلت هذه الأزمة المالية
لمن الأموال في النادي لا تدار بالشكل الصحيح وانما بإستهتار
والشاطر اللي ""بلهف"" أكثر
او بمعنى اخر""لحق حالك بمبلغ يا ولد قبل ما تخلص المصاري""
وتم نقاش هذا الموضوع في المؤتمر
ملايين الدنانير
وين واحوووو؟؟؟؟
وين وااحوووو؟؟