تفضلوا هالخبر،، وانا ما رح اعلق ( الوحدات يدرس الانسحاب من الاتحاد الآسيوي )

[حموده البوساكوت]

يعني ضايل شويت عقل فينا وحابين يطيروا
الله لا يسامحكم
وقال بنعتب على اللاعبين الله يكون بعونهم من هالاداره

[muaid]

حلو السنة انسحاب بحجة المصاري والصح الانسحاب لتدني المستوى
والسنه الجاي اصلا ما لنا شيئ لاننا لم نحقق شيئ بالكاس ولا بالدوري
بركاتك يا ادارة البياري
انا مش عارف هم فكرين الترشح للانتخابات للمشيخة والجاه ..........
هذا الوحدات بده من يدفع من جيبتة لحافظ علية ولي ما بقدر ينزل ويخدم لا ينزل وينسحب
اتقوا الله في هذا القصة قصة الوحدات ...........
وعلية اقترح على مجلس الادارة الاستقاله الجماعية بحجة عدم القدرة على ادارة النادي

ولسه السنة الجاي احتمال كبير ما نشارك بالبطولة لانه احنا حاليا بالمركز الثالث

[أبو السوس*]

طب زياد شلباية ليش جاب بلال عبد الدايم و علي صلاح يعني كاين جايبهم عشان نوخذ الثالث في الدوري؟
يعني خشيت ع النادي لحم و بدك تطلعه عظم خربتها و قعدت ع تلها حسبي الله فيك إن شاء الله

[ابو أبي]

طالعه من بيت ابوها رايحة لبيت الجيران

الفجر اقترب

[البارون الاخضر]

يا جماعة الخير
اقسملكم بالله لو سمعت انه البياري وجماعته حاطين نادي الوحدات برسم البيع او ضمنو النادي
والله ما بستغرب
كلو من ايدنا انه صبرنا عليهم
اما عند السفر في مصاري يا زياد انت و البقية ؟؟!!!!!!

[عيسى المقوسي]

طب زياد شلباية ليش جاب بلال عبد الدايم و علي صلاح يعني كاين جايبهم عشان نوخذ الثالث في الدوري؟
يعني خشيت ع النادي لحم و بدك تطلعه عظم خربتها و قعدت ع تلها حسبي الله فيك إن شاء الله

ها شو بدك نهبط لدرجه الاول

[بلال دراغمه]

يا شلباية بدل ما تستلم شاغر الصدقة .. نصيحة إستقيل إنت و بقية أعضاء الإدارة

وحسبي الله ونعم الوكيل فيكم

[صالح 87]

يكفيكم فساد اداري استقيلوا وخليها لرجالها المخلصين

[باسل احمد]

طبعا لما عدد الاداريين يكون 10 وعدد اللاعبين يكون 18 في اي رحلة خارج الاردن ستكون هذه هي النتيجة

[safmarine]

وهو زياد شلباية شو وظيفته هو أعضاء مجلس الإدارة ؟؟

يدبر حاله هو واياهم بعدين يعني الموسم الماضي كان الوضع المالي احسن يعني ؟؟

وين بدل صفقة حسن + عامر = 210 الاف دولار

كل مباراة على ارضنا عليها 20 الف دولار + ريع المباراة

طبعا كيف بدو يكون في في النادي مصاري وهم بعزقوها على

بشار 50 الف دولار ( مصاب من شهرين الى نهاية الموسم)
كينث 75 الف دولار ( مصاب من يوم ما جابوه)
عبد الدايم 25 الف على الفاضي
علي صلاح 60 الف على الفاضي

المجموع 210 الاف دولار ببلاش الا ربع والسيد شلباية الي قاعد بصرح انه فش مصاري هو نفسه عراب التعاقدات الفاشلة اعلاه وهو المسؤل الاول والاخير عن هدر اموال النادي

[We7date]

عم حسيني لازم تعلق ...

خربوا النادي وقعدو على تله!!!!

ضيعوا مصاري النادي على صفقات فاشله وسفرات وشمات هوا ...وبقلك ما في مصاري!!!!

[<<shadi>>]

طيب واحنا يا استاذ محمد الحسيني لمتى بدنا نظل نتداول في اخفاقات الادارة الواحد تلو الاخرى على المتصفح ونضل نلت ونعجن وبس!!
بتصور آن الآوان انه يكون في خطوة تصعيدية منا كجماهير لانه الظاهر انه ادارتنا بتخاف ما بتستحي واعذروني عالتعبير !

[مروان الزغبي]

للعلم

اذا تم الانسحاب هناك عقوبات و غرامات مالية و على كل حال هالسنة خربانة خربانة وحسبي الله ونعم الوكيل في هيك ادارة والله يسامحك يا بياري

[وحداتي للسما]

طيب وين راحت فلوس احتراف عبد الفتاح وعامر ذيب ؟؟؟
وبعدين انتو الي وصلتوا الفريق لهيك
ما معكو مصاري : لا تعملوا صفقات مش قدها ...

[معتصم الشوابكه]

قمت بترجمتها حسب ما استطيع

قوانين الاتحاد الاسيوي اذا انسحب نادي من المسابقة.


1- . وجميع المباريات التي لعبها تعتبر لاغية وباطلة

2- لن يتم الاخذ بعين الاعتبار الاهداف التي سجلت في اي مباراة ضد الفريق المنسحب

3- دفع تعويضات عن ألاضرار و الخسائر التي تكبدتها الاندية الأخرى، و الدفع للاتحاد الآسيوي و الشركاء التجاريين والتلفزيون

وسيتم تحديد مبلغ التعويض من قبل الاتحاد الآسيوي اللجنة التنفيذية.


4- لا يجرد من أهلية المشاركة في الطبعات القادمة في هذه المسابقة التي انسحب منها

5- يجوز للجنة تمديد تعليق اعتمادا على
خطورة الوضع او اضرار. الاتحاد الاسيوي

6- مسابقات اللجنة لها الحق في اتخاذ قرار بشأن
عدد من قوانين جمعيات الأعضاء المعنية.
تحويلك ضد لجنة التأديب الاتحاد الآسيوي لإضافية
عقوبات وغرامات مالية وفقا لخطورة
الوضع، ثم إلى اللجنة التنفيذية لاتخاذ قرار نهائي.

7- اعادة أي رواتب مالية كان قد تم دفعها
للفريق المنسحب من قبل الاتحاد الآسيوي في جميع أنحاء المنافسة أو التفريط في الحق في ذاته.


8- يقوم الاتحاد الآسيوي بتعين لجنة لاتخاذ ما تراه
من الضروري في حالات قاهرة قوة.