متابعه للتمرين اليوم الاثنين ... من ملعب البتراء

[الحجاوي]

شو اللي بده اياه يعني ....
لا مدرب حراس ولا مدرب عام ومباراة يوم الاربعا
بده يدمرنا فوق ما احنا مدمرين !!!!!!!!!!!!!!!!

[سامر ابوقوطه]

ما هو احنا الموسم هاد واقعين وااقعين
خلينا نشوف مغامره مستر برانكو لوين بدها توصل

[حسان الشوابكة ابو خليل]

شكلها يا شباب مباراة الاربعاء القاضية على وجود برانكو في النادي

وان شاء الله تكون الادارة واعية وحطت شرط فسخ التعاقد في حال عدم تحقيق نتائج ايجابية

وتكرار الخسائر

[أبو وليد اللورد]

تتدريبات خاصه لعيسي السباح

[omar karazoon]

طيب هو احنا بنخلص من موضوع تعيين مدرب بنصير بموضوع تعيين مساعد مدرب والادهى ما في مدرب حراس
الله يسترها معنا يوم الاربعاء

[أبو وليد اللورد]

للأسف تمرين نصف اللاعبين جالسين على الارض

[حسان الشوابكة ابو خليل]

للأسف تمرين نصف اللاعبين جالسين على الارض

من شو يا ابو الوليد ( بيرفعو اسمنت الشباب للطابق الرابع )

الموضوع مبين من عنوانه ( لا عزاء للوحدات ) بهيك مدرب

[أبو وليد اللورد]

برانكو يقرر تمرين الغد تمرينا مغلق بالكامل

[أبو أسامة العوري]

للأسف تمرين نصف اللاعبين جالسين على الارض

برانكو متأمر على الوحدات وسيقود دمار اللاعبين بتصرفاته وخططه الفاشلة

[أبو أحمد زبدية]

يبدو لي ان لاعبينا لا يريدون برانكو ،،، ان كان الامر كذلك عليهم التحدث للادارة بدلا من الحركات القرعة. التي يقومون بها .

[حسان الشوابكة ابو خليل]

على شو تدريب مغلق رجالنا مغنمينها يعني

سلامة خيرك مش بينا

[مصطفى الحوراني]

الله يعطيهم العافية الشباب

[حسان الشوابكة ابو خليل]

يبدو لي ان لاعبينا لا يريدون برانكو ،،، ان كان الامر كذلك عليهم التحدث للادارة بدلا من الحركات القرعة. التي يقومون بها .

من الاخر هذا الحكي اللي بيدخل الراس

ولكن لا يمتلك احد لاعبينا الجراءة

وبرانكو سال لاعبينا بعد مباراة الجزيرة

ما في جريء يوقف يحكي

[أبو وليد اللورد]

[أبو محمد المدني]

برانكو يقرر تمرين الغد تمرينا مغلق بالكامل

ههههههههههه على أساس إنه بدو يتكتك المتكتك .... روح يا شيخ الله يكسر خاطرك وخاطر إلي جابك علينا ...
مش عارف أنا هو مدرب وإلا رئيس نادي وإلا مدير نشاط ... مين بده يلجم هالرجل ... قهرني يا إخوان .... يا جماعه هذا نسخه من مزيان شيفاز روحوه عالبدري ...