إختراق الموقع الشقيق

[أبو جندل☻]

يعطيك مليون عافية ابو جندل ما قصرت

بس صدقني زي ما أنا شايفك ما حدا اخترق الموقع,, واحد منهم اللي مخربه ورافع هالشلات

الله اعلم يا رافت

بعدين لا تنسى اذا كانت الاستضافة مش قوية ممكن يخترقوا الموقع من خلال اي موقع على نفس السيرفر ويوصلوا للموقع الي بدهم ياه.

يعني برفع شل على موقع معين على نفس السيرفر وبتنقل بالمواقع لحين وصوله للموقع الي بده ياه .

هاي اساليب الهكر الجديدة

[عيوني خضرا]

ابو جندل ممكن رابط الاستضافة الي عليه المُوقع
ثانيا ليش ما تريحو راسكم وتسئاجرو سيرفر من شركة اجنبية
وترفعو عليها المواقع الوحداتية الرسمية
او سيرفرات vps

[أبو جندل☻]

ابو جندل ممكن رابط الاستضافة الي عليه المُوقع
ثانيا ليش ما تريحو راسكم وتسئاجرو سيرفر من شركة اجنبية
وترفعو عليها المواقع الوحداتية الرسمية
او سيرفرات vps

اخي الكريم الوحدات نت له سيرفر خاص فيه

الكلام الحالي عن الشقيق الموقع الرسمي هو الي تم اختراقه

[أبو محمد المدني]

الله يعطيك الصحه والعافيه أبو جندل وما شاء الله عليك يا حطيني ....
يا جماعه أنا صحيح جامعي بس بعيد عن الكلام كل معرفتي على الخلوي الخضرا بتفتح الخط والحمرا بتسكره ....وسلامتكم .

[رأفت حطيني]

الله يعطيك الصحه والعافيه أبو جندل وما شاء الله عليك يا حطيني ....
يا جماعه أنا صحيح جامعي بس بعيد عن الكلام كل معرفتي على الخلوي الخضرا بتفتح الخط والحمرا بتسكره ....وسلامتكم .

الزعيم ما بلزمه يوجع راسه بهالشغلات

خليناها للميكانيكي أبو جندلوف

[Ammar Wahdan]

يعطيك الف عافية ابو جندل

ما يحطوا حارس ع الموقع زي ما حطوا ع باب النادي والراتب الخزينة بتتحمله مش مشكلة

[عيوني خضرا]

اخي الكريم الوحدات نت له سيرفر خاص فيه

الكلام الحالي عن الشقيق الموقع الرسمي هو الي تم اختراقه

على ما يبدو انك لم تقرا كلآمي ، عموما انا عارف ان الموقع المقصود هوا الوحدآت كوًم
ماقصدته جعل جميع المواقع الرسمية على سيرفرات خاصة للامان وراحة البال
هذا القصد يا عزيزي ،، لانو زي ما انت عارف جميع الاستضافات في حال رفع شل لاي موقع ، يعني باقي المواقع معرضة للاختراق على حسب امزجة آلهكرز
عموما وفقكم الله لما فيه الخيُر

[أبو محمد المدني]

يعطيك الف عافية ابو جندل

ما يحطوا حارس ع الموقع زي ما حطوا ع باب النادي والراتب الخزينة بتتحمله مش مشكلة

والله فكره وهي شفيع محروم وبقدر يحترف عندهم

[أبو جندل☻]

على ما يبدو انك لم تقرا كلآمي ، عموما انا عارف ان الموقع المقصود هوا الوحدآت كوًم
ماقصدته جعل جميع المواقع الرسمية على سيرفرات خاصة للامان وراحة البال
هذا القصد يا عزيزي ،، لانو زي ما انت عارف جميع الاستضافات في حال رفع شل لاي موقع ، يعني باقي المواقع معرضة للاختراق على حسب امزجة آلهكرز
عموما وفقكم الله لما فيه الخيُر

يفضل موقع رسمي بحجم نادي الوحدات يكون له سيرفر خاص فيه وافضل سيرفر كمان لانه لما يكون الموقع على سيرفر لوحده يصعب اختراقه

نتمنى على ادارة الوحدات دعم الموقع الرسمي ماديا وفنيا
لانه الاستضافة الموجود عليها الموقع اشك بقوتها اضيف على ذلك لوحة التحكم برمجة وليست سي بنل وهاي لحالها مشكلة.

[أبو أحمد زبدية]

لا يا سيدي في دلائل خصوصا كان يومها مطر ..... ودرجة الحراره تقريبا 25 وكان المفروض تكون حوالي 40 ههههههههههههه

ألوان يا زهر الربيع الوان .... السن بيضحك والقلب حزنان.... على الوحدات صار مسخرة عمان .... آآآخ يا أبو احمد آآآ
ربيعنا سيأتي عندما ينور ملح الصحاري .....

ابو محمد شو رايك يسلموا النجار النشاط علما باني ما بطيقه,,هذا الزلمة عقله شمال

[باسل بدير]

روح المدني ,,, ابو احمد زبديه .... كلامك المشفر مفهوم عند الجماعه والإجتماع الجاي يا ويلكم سيتم بيعكم عند أول عرض مغري

[احمد الامين]

مع اي موقع يرفع شعار الوحدات...
بس على الله يخفو علينا بالطخ.

هاي ما بتحلم فيها واصبر من هان لبكرة برجعوا يقدحونا

[أبو محمد المدني]

ابو محمد شو رايك يسلموا النجار النشاط علما باني ما بطيقه,,هذا الزلمة عقله شمال

وجهة نظري الشخصيه يسلموه لطارق خوري مع برانكو ويجيب أبو زمع والشحات .... ونجرب يا سيدي .... ما هي خربانه خربانه .... لانه كل ما يحدث بالنادي سببه الصراع على نشاط كرة القدم ... والامكانيات الماديه لا تسمح لهم بفعل ما يستطيع فعله طارق

[أبو أحمد زبدية]

روح المدني ,,, ابو احمد زبديه .... كلامك المشفر مفهوم عند الجماعه والإجتماع الجاي يا ويلكم سيتم بيعكم عند أول عرض مغري

لا ما بزبط ,,هناك وقف اطلاق نار من جانب واحد ,,وخرقه يعني الكثير

[أبو أحمد زبدية]

وجهة نظري الشخصيه يسلموه لطارق خوري مع برانكو ويجيب أبو زمع والشحات .... ونجرب يا سيدي .... ما هي خربانه خربانه .... لانه كل ما يحدث بالنادي سببه الصراع على نشاط كرة القدم ... والامكانيات الماديه لا تسمح لهم بفعل ما يستطيع فعله طارق

طارق لن يغامر بالرئاسة المقبلة ,,,لسه الطبخة ما استوت في نظر طارق ,,طارق ينتظر ان تسلمه الادارة النشاط وبشروطه ,,لا تنسى انو تاجر.